Jeremías 30:19 - Qullan Arunaca

¹⁹ Ucanacatsti yuspagarañ k'ochunacaw mistunini, uqhamaraqui cusisiñat larusiñanacampi. Janiraquiw jupanacajj aynacht'cjjapjjaniti, nayaw jupanacarojj juc'ampi jiljjatayaraquï. Janiraquiw juparojj jisc'achcjjapjjaniti, nayaw jupanacarojj jach'aru aptaraquï.

Aymar Bibliia 1986

¹⁹ Ucanacatsti yuspagarañ k'ochunacaw mistunini, uqhamaraqui cusisiñat larusiñanacampi. Janiraquiw jupanacajj aynacht'cjjapjjaniti, nayaw jupanacarojj juc'ampi jiljjatayaraquï. Janiraquiw juparojj jisc'achcjjapjjaniti, nayaw jupanacarojj jach'aru aptaraquï.

Qullan Arunaka DC

¹⁹ Marka taypinsti, yuspagarañ q'uchunaka, kusisiñat arnaqasiñanakaw ist'asini. Jupanakax walja wawanakanïpxaniwa, walja jaqinakan markaw tukxani; mä askin uñjat markaw tukxarakini.

Jeremías 30:19 Jak'a apnaqawi uñst'ayäwi

Esdras 6:22

Jan levaduran t'ant'a mank'añ fiestjja, pakallk uruwa fiesta lurapjjäna, jupanacarusti Tatituw cusisiñampi phokt'atayna Persia marcanquiri reyin asqui luratapata, uqhamarac Israelanquir Diosan templopa wasitat lurañana yanapatap laycu.

Nehemías 8:12

Ucatjja take jakenacawa mank'eri, umiri sarjjapjjäna, uqhamarac mank'apsa mayninacampi jaljasiri, uqhamarac jach'a fiesta luririraqui, jupanacajj amuyt'apjjänwa cuntï jupanacar yatichascäna ucata.

Nehemías 8:17

Preso apatat take jakenacajj cutt'anipqui ucanacaw chhujllanaca lurasipjje, ucatsti ucanaracwa jacapjjaraquïna, uqhamasti janiw lurcjjapjjataynati Nun sat chachan Josué yokapan urunacapata qhaya urunaccamajja. Ucatsti wali cusisiñaw utjäna.

Salmos 53:6

¡Israel marcan khespiyasiñapajj Sión marcat jutaquispa! Diosajj marcapar wasitat cusisiycan ucapachajja, Jacobon wawanacapajj cusisiniwa, Israel marcajj c'uchirt'asiniwa.

Isaías 12:1

Uca urunsti saraquïtawa: “Yuspagarsmaw Tatay, nayataquejj coleratäcchiyäta ucasa, jichhajj colerasiñamajj tucusjjewa, ucatsti sumancañracwa nayarojj churjjesta.

Isaías 26:15

Tata, jumaw marcamarojj jiltaytajja; juman asquimataquiw jiltayaractajja, take korpanacapsa jithitatayaractawa.

Isaías 27:6

Acat kheparojj Jacobon marcapajj sumaw saphintjjani, Israelas ch'ichtanjjaraquiniwa pankararaquiniwa, aca orakerusti achunacapajj phokhantaraquiniwa.

Isaías 35:10

Sión marcarusti cusiscañ k'ochunac k'ocht'asisaw mantapjjani, cusisitapuniw jacapjjani. Cusisiñampi, sumancañapwa jicjjatapjjani, jachañasa, t'akhesiñasa ucanjja tucusjjaniwa.

Isaías 51:11

Uqhamaraquiw Tatitun khespiyatanacapajj cuttanipjjani, Sión marcarusti cusisiñat arnakt'asisaw mantanipjjani, ajanunacapasti wiñayataquiw c'uchiquïni; cusisiñampi, sumancañampwa jicjjatapjjani, t'akhesiñasa, jachañasa tucusjjaraquiniwa.

Isaías 51:3

Nayaw Sión marcarojj wal qhuyapayä, jupasti k'ala tucjatapunïnwa. Wasaranquir waña orakenacsti mä pankar yapuruw tucuyä, cunjämtejj Tatitojj Edén huerto usccänjja uqhama. Ucanwa cusisiñas, c'uchiquïñas utjani, uqhamaraqui Tatitur yupaychaña k'ochunacasa, suma k'ochunacasa.

Isaías 52:9

¡Jerusalenan t'unjatanaca, cusisiñat k'ochusipjjam wali ch'amampi, Tatitojj marcaparu qhuyapayasitap laycu, uqhamaraqui Jerusalenarus khespiyatap laycu!

Isaías 55:5

Jan uñt'at marcanacaruw jumajj jawsäta; cawquïri marcanacatejj jan uñt'apcäyätam ucanacaw juman ucarojj jalanipjjani, naya juman Tatituma, Israelan Kollana Diosapa, jumaru jach'añchatajj laycu.

Isaías 60:19

“Urusti janiraquiw intin khanañapas munascjjaniti, arumasti janiraquiw phajjsin khanañapasa, munascjjaniti jan ucasti naya Tatituw juman wiñaya khanamäyäjja, naya Diosamaw, juman khanamäyäjja.

Isaías 60:22

Aca mä juc'a jakenacasti warankanacaruw tucupjjani, aca mä kawkha jakenacasti mä jach'a marcaw tucupjjaraquini. Nayätwa Tatitojja, nayaw take ucanacjja horasaparu phokhasiyaraquï.”

Isaías 60:9

Ucanacasti kotanjam jutir barconacawa, mayaquiw jutapjjaraqui Tarsisanquir barconacampi irpata, jayatpachwa wawanacamjja irpanjjapjjaraqui, koripas kollkepas apt'ata, Tatitumar jach'añchäwi churasa, Israelan Kollan Diosaparu, qhititejj jumarojj wali suma tucuyctam ucaru.

Jeremías 17:26

Judá orakena, Jerusalén marca muytata utjqui uca marcanacatsti jakenacajj jutapjjapuniniwa, Benjamín oraketsa, kota irama token utjirinacasa, kollu tokenacatsa, Néguev tokenacatsa. Templorusti apanipjjaraquiniwa animalanaca sacrificiot loktañataqui, yakha sacrificionacataqui cuna, granonacatsa, inciensonacatsa ofrenda churapjjaraquiniwa, yuspagaraña ofrendanacsa churapjjaraquiniwa.

Jeremías 3:16

Cunapachatejj jumanacajj aca marcan mirantjjapjjäta, uqhamarac wawanacamas waljanëjjani ucapachasti, janiw qhitis wasitatjja Tatitumpi mä amtäwiru mantatäquis uca arcatjja parlcjjaniti, janiw qhitis uca arcatjja lup'cjjaniti, ni qhitis amtascjjaraquiniti; janiraquiw juc'ampi uca arcajj munascjjaniti, ni yakhasa wasitat lurascjjaraquiniti. Naya Tatituw ucjja arsta.

Jeremías 31:27

Tatitusti siwa: “Mä uruw purinini, cunapachatejj Judá orakena uqhamaraqui Israel orakensa, jakenacasa, uywanacasa walipuni utjani uca urojja.

Jeremías 31:4

Israel, jumarojj wasitatwa sayt'ayjjäma, wasitataracwa chhulluchhullunacamampi, c'uchiqui thokt'asir jutäta.

Jeremías 33:22

David sirvirejjan wawanacaparusti uqhamaraqui nayaru sirviri Leví tribunquirinacarusa waljaptayäwa, alajjpacha warawaranacjama, uqhamaraqui kota iramanquiri ch'allanacar uñtata jan qhitinsa jact'cayaraquïniwa” sasa.

Ezequiel 36:37

Tatitusti aqham sascaquiwa: “Mä juc'ampi lurascaquïwa. Cuntejj Israel marcajj mayquitani jupanac laycu lurañajj-jja ucanacsti phokharaquïwa; jakenacapsti mä jach'a tamaruw tucuyjjaraquëjja.

Ezequiel 37:10

Nayasti Tatitun sutipjjaruw parlta, cunjämatejj jupajj sisquitu uqhamarjama, ucatsti jacañ samanajj jutänwa, uca janchinacaruw mantjjaraquïna, ucatsti uca janchinacajj jacjjapjjänwa, saythapjjapjjaraquïnwa. Jupanacasti aljanipunïpjjänwa, mä jach'a tamar uñtata.

Ezequiel 37:26

Jupanacan jan cun ajjsarasa jacasipjjañanacapataquisti mä amtäwiruw mantäjja. Uca amtäwisti wiñaya amtäwïniwa. Jupanacarusti waljaniruw tucuyaraquëjja, jupanac taypirusti wiñayataquiw nayan kollan templojja ucharaquëjja.

Zacarías 10:8

“Nayasti jupanacaru jawsasajja, tantacht'araquïwa, jupanacaru khespiyatajj laycu. Waljaniruwa tucupjjaraquinejja cunjämäpcäntejj nayrapachajj uqhama.

Zacarías 12:8

Naya Tatituw imaraquëjja Jerusalenan jaquirinacarojja. Jupanacatjja wali t'uqhäpquis ucanacas rey Davidjam wali ch'amaniw tucupjjanejja, Tatitun angelapjama, qhititejj sarantascaraqui jupanacan nayrakatapa.

Zacarías 2:4

Juparusti saraquiwa: “T'ijum, cinta tupuñataqui apt'atäquis uca waynaru yatiyiri: ‘Jerusalenajj machakatwa jakenacanëjjani, waljapunïniwa jakenacapas uywanacapasa, janiraquiw uyunacanïñapas waquisquiti.

Zacarías 8:19

“Pusïri, pheskëri, pakallköri, tunquïri phajjsina ayunañajja cusisiñaruw cuttanejja, cusisiña fiestaruraqui Judá familiat jutirinacataqui. ¡Munapjjam jumanacajj cheka arsuñampiru sumancañampiru!”

Juan 17:22

Jumajj nayaru jach'añchäwi churquista uca pachpa jach'añchäwiracwa jupanacaru churta, jupanacajj mayar tucutäpjjañapataqui, cunjämatejj jumampi nayampejj mayaquïtan uqhamaraqui.

1 Pedro 1:7

Jumanacan iyawsañanacamasti mä korir uñtataw ninampi yant'atäñaparaqui. Cawquïri iyawsañatï uca yant'anaca pasqui ucasti uca tucusir korit sipansa juc'ampi jila alaniwa. Uqhamatpï jumanacan iyawsañanacamajja, yant'atäsinjja sumat uñt'atänejja, jach'aru aptataraquïniwa cunapachatejj Tatit Jesucristojj jutcani ucapachajja.