2 Corintios 4:15 - Qullan Arunaca

¹⁵ Take ucanacasti jumanacan asquinacamataquiw lurasiraqui, uqhamata waljani Diosan bendicionanacapa catokerinac utjatapatjja, waljanirac Diosarojj yuspagarapjjañapataqui jupan jach'a khapak cancañapata.

Aymar Bibliia 1986

¹⁵ Take ucanacasti jumanacan asquinacamataquiw lurasiraqui, uqhamata waljani Diosan bendicionanacapa catokerinac utjatapatjja, waljanirac Diosarojj yuspagarapjjañapataqui jupan jach'a khapak cancañapata.

Qullan Arunaka DC

¹⁵ Taqi ukanakasti jumanakan askimatakiw lurasiwayi, ukhamata, Diosan munasiñap katuqirinak utjatapatxa, waljaniraki Diosar yuspagarapxañapataki, Diosan qhapaq kankañapataki.

2 Corintios 4:15 Jak'a apnaqawi uñst'ayäwi

Salmos 50:14

Diosar loktañamajj yuspagarañ chuymäpan; Alajjpachanquir Diosar arsutanacam phokham,

Salmos 50:23

nayar yuspagarirejj jach'aruw aptitu; asqui thaquejjan saririrusti Diosan khespiyäwip uñjayä” sasa.

Romanos 8:28

Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.

1 Corintios 9:19

Jan qhitin esclavopäcasinwa, taketaquis esclavöquiristsa uqhamaw tucta Tatitutac walja jakenacar jicjjatañ laycu.

2 Corintios 1:11

jumanacatejj nanacar oracionanacamampi yanapapjjetäta ucqhajja. Walja jakenacatejj nanacatac Diosat mayinejja, waljaniraquiw Diosarojj yuspagarapjjani bendicionanaca churquistu ucatjja.

2 Corintios 8:19

Janiw ucaquïcaraquiti, jan ucasti iglesianacajj juparuw ajllipjjaraqui nanac chica sarnakañapataqui uqhamata aca munasiñampi lurañan yanapt'asiñapataqui. Take ucanacsti Tatitur jach'ar aptañataquiw lurasipcta, uqhamarac jumanacan cusisitanacam uñstayañataqui.

Gálatas 1:24

Nayatjja Diosarojj yupaychapjjaraquïnwa.

Colosenses 1:24

Jichhajj jumanac laycu t'akhesisajj cusistwa, uqhamatwa pachpa janchejjan phokhascta, cunatejj Criston cuerpopan t'akhesiñajj jan phokhatäcän ucjja, uca cuerposti iglesiawa.

1 Timoteo 1:14

Ucatwa nayataquejj Tatitun bendicionapajj wali jach'änjja, uqhamarac iyawsañasa munasiñasa jiwasan utji Tatit Jesucristoncatas laycu.

2 Timoteo 2:10

Ucatwa take cuns t'akhestjja Diosan ajllitanacapar munatajj laycu, jupanacajj Cristo Jesusampi mayachasitasat jutquis uca wiñay jach'a khespiyasiña catokapjjañapataqui.

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.

1 Pedro 4:11

Maynitejj parlchejja, Diosan arunacaparjam parlpan. Maynitejj qhitirus mä asqui lurchejja, Diosan ch'amapampi ucjja lurpan. Take cuntejj lurapjjta ucajja Diosar yupaychañataquïpan Jesucristo toke, juparuraqui munañanïñasa, jach'a cancañasa churatäpan wiñayan wiñayapataqui. Uqhamäpan.