Esdras 3:11 - Qullan Arunaca

¹¹ Mayninacajja yupaychaña k'ochunacwa k'ochupjjäna, mayninacasti sapjjaraquïnwa: “Tatiturojj yuspagarapjjam, jupajj asquiwa, uqhamarac munasiñapas Israel marcapataquejj wiñayataquiwa uca laycu” sasa. Ucatsti take marcpachawa cusisiñata art'apjjäna, uqhamarac Tatiturus yupaychapjjaraquïna, Tatitun templopa lurañanjja kalltasitap laycu.

Aymar Bibliia 1986

¹¹ Mayninacajja yupaychaña k'ochunacwa k'ochupjjäna, mayninacasti sapjjaraquïnwa: “Tatiturojj yuspagarapjjam, jupajj asquiwa, uqhamarac munasiñapas Israel marcapataquejj wiñayataquiwa uca laycu” sasa. Ucatsti take marcpachawa cusisiñata art'apjjäna, uqhamarac Tatiturus yupaychapjjaraquïna, Tatitun templopa lurañanjja kalltasitap laycu.

Qullan Arunaka DC

¹¹ Mayninakax yupaychañ q'uchunak q'uchupxäna, mayninakasti sapxarakïnwa: “Tatitur yuspagarapxam, jupax askiwa, munasiñapas Israel markapatakix wiñayatakiwa” sasa. Tatitun utap wasitat lurañ qalltasitapatsti markpachaw kusisiñat arnaqasis Tatitur yupaychapxäna.

Esdras 3:11 Jak'a apnaqawi uñst'ayäwi

1 Crónicas 16:34

“Tatitur yuspagarapjjam, jupasti sumawa, munasiñapasa wiñayataquiwa.

1 Crónicas 16:41

Uqhamaraquiw jupanacamp chica Hemán, Jedutún, chachanacaru jaytäna, ucjjaru ajllitäqui ucanacampiru, sutipata utt'ayatäcäna k'ochuñataqui ucanacaru: “Jumanacajj Tatiturojj yuspagarapjjam, munasiñapajj wiñayataquïtap laycu” —sasa.

2 Crónicas 5:13

Takenisa jupanacajj mayar tucutaquiwa trompetanaca tocapjjäna, uqhamarac mayaquiw Tatitur k'ochupjjäna, yuspagarapjjaraquïna, trompetanaca tocasa, platillonaca tocasa, uqhamarac tocañ yakha instrumentonacampiraqui k'ochupjjäna, aqham sasa: “Tatitur jach'añchapjjam, jupasti suma Diosawa, munasiñapasti wiñayataquïtap laycu” sasa. Uca horasansti Tatitun templopajj mä kenayampiwa phokhantasïna.

2 Crónicas 7:3

Israelit jakenacasti ninampi, Tatitun jach'a cancañapampi templor sarakaniri uñjapjjatap laycujja, jupanacajj quillt'asisinjja orakcamawa alt'asipjjäna p'eke parapampi orakeru puriyañcama, ucatsti jupanacajj Tatiturojj yupaychapjjänwa, uqhamarac yuspagarapjjaraquïnwa, aqham sasa: “Jupasti suma Diosawa, munasiñapasa wiñayataquiraquiwa” sasa.

Nehemías 12:24

Levitanacan jilïrinacapasti acanacänwa: Hasabías, Serebías, Josué Binuy, uqhamarac Cadmiel, ucatsti masinacapajja jupanacan nayrakatapancascänwa Tatituru yupaychañataqui, uqhamarac yuspagarañataquiraqui, jupanacan lurañanacapajj wact'cäna uca horasapana, cunjämatï Diosanquir David chachajj ewjjawaycäna lurapjjañapataqui uqhama.

Nehemías 12:40

Ucatjja paypacha k'ochurinacawa Diosan templopana lugaranacaparu uchasipjjäna; uqhamaraquiw nayamp chicaraquïna chicat jilïrinacajja.

Salmos 100:5

Tatitojj munasiñaniwa, qhuyapayasiñapajj wiñayawa, cheka cancañapasti jan tucusquiriwa.

Salmos 103:17

Tatitur wakaychirinacataquisti munasiñapajj wiñayawa, asqui cancañapajj allchhin allchhipataquis utjascaquiwa:

Salmos 106:1

¡Tatitojj jach'añchatäpan! Tatitur yuspagarapjjam, munasiñanïtap laycu, qhuyapayasiñapajj wiñayawa.

Salmos 107:1

Tatitur yuspagarapjjam, munasiñanïtap laycu, qhuyapayasiñapajj wiñayawa.

Salmos 118:1

Tatitur yuspagarapjjam, jupajj munasiñaniwa, qhuyapayasiñapajj wiñayawa.

Salmos 131:1

Tatay chuymajjajj janiw inampst'irïquiti, janiraquiw nayranacajjas jach'a jach'a tucurïquiti, janiw muspharcañ jach'a yänacan khepap sarcti, ucanacan jan nayatacjamätap laycu.

Salmos 135:3

Tatitur jach'añchapjjam, jupajj munasiriwa; sutipar k'ochupjjam, jupajj qhuyapayasiriwa.

Salmos 47:1

Takpach marcanaca, ampar t'ajjllirasipjjam, cusisiñat art'asiñamp Diosar jach'añchapjjam:

Salmos 47:5

Diosajj cusisiñat art'asiñ taypin konuñapar maqhati, Tatitojj trompetanacan phust'asitap taypin maqhataraqui.

Éxodo 15:21

Ucatsti Mariajj aqham sasaw k'ochüna: “K'ochupjjam Tatitur jach'añchasina, jupasti ch'amapampi atipjasinwa carronacarusa, caballeriarusa kotaru jakontejja.”

Isaías 12:6

Sionan utjasiranaca, cusisiñat arnakasipjjam, Israelan Kollan Diosapajj jumanac taypincatapata, take acapachan jach'a ch'amapampi.”

Isaías 44:23

¡Alajjpacha, cusisiñat arnakasim cuntejj Tatitojj lurqui ucata! ¡Orak mankhanaca, cusisiñat arnakasipjjam! ¡Kollunaca, uqhamaraqui ch'uminaca take kokanacamampi, cusisiñat arnakasipjjam! Tatitojj jach'a cancañap uñacht'ayatap laycu, Israelar, Jacobon marcaparu khespiyatap laycu.

Isaías 6:3

Maynit maynicamaraquiwa parlasipjjäna: “Kollana, Kollana, Kollanawa take ch'amani Tatitojja; take aca orakesti jupan jach'a cancañapampi phokhantatawa” sasa.

Jeremías 33:11

cusisiña k'ochunacaw ist'asini, casarasirin k'ochunacapaw ist'asini, ucatsti sapjjaraquiniwa: ‘Take ch'amani Diosaru yuspagarapjjam, Tatitusti sumawa, munasiñapas wiñayataquiraquiwa’ sasa. Templorusti yuspagaraña ofrendanac apanipjjaraquini. Jïsa, nayaw asquiru tucuyä aca marcan sarnakäwipjja. Cunjämäcäntejj kalltanjja uqhamäñapataqui. Naya Tatituw ucjja arsta.”

Hageo 2:3

“Qhitinacatejj nayra suma c'ajquiri templo uñjapcän ucanacajj sapjjpan cunjämas jichhajj aca machak templojja. ¿Janejjay cunaparüquisa nayrïri templot sipansa?

Zacarías 4:7

¿Qhitïtas jumajj jach'a kollu? ¡Pamparu tucutaw uñjasïtajja Zorobabelan nayrakatapanjja! Jupaw jilïri kaljja apsuni, jakenacan arnakasiñapcama: ¡Cunj sumas acajja! ¡Cunj sumasa!’ ”

Zacarías 9:9

¡Wali cusisim, Sión marca! ¡Cusisiñat k'ochum, Jerusalén marca! Juman Reyimaw mä asnjjat jutasqui, llamp'u chuymani, mä jisc'a asno kalljjata, cawquïritejj mä qhumuñ uywan wawapäqui ucjjata.

Lucas 1:50

Jupasti qhuyapayasipuniniw take jupar ajjsaririnacarojja.

Josué 6:10

Josué chachasti israelitanacarojj sänwa: “Janiw cuna arus ist'asiniti janiraquiw cunsa parlapjjätati, nayaw sasipcäma cuna horasatejj jach'at art'apcäta ucjja” sasa.

Josué 6:16

Cunapachatejj sacerdotenacajj pututunacap phust'apjjäna pakallko cutina ucqhajj, Josué chachasti takpacha Israel marcaruw säna: “¡Jichhasti jach'at art'apjjam! Diosasti Jericó marcjja jumanacaruw catuyapjjtam.

Josué 6:5

Cunapachatejj pututu phust'iri ist'apjjät ucqhajj, jumanacaw wali jach'at art'apjjäta, ucatsti take Jericó marcan perkanacapajj tincuraniwa. Ucatwa take jumanacajj chekaqui Jericó marcar mantapjjäta” sasa.