2 Corintios 2:14 - Qullan Arunaca

¹⁴ Yuspagaratäpan Diosajja. Jupasti atipañarupuniw irpistu Cristomp chica, jiwas tokeraquiw arunacapsa yatiyi mä suma k'apquir kolläcaspas uqham take chekar puriyasina.

Aymar Bibliia 1986

¹⁴ Yuspagaratäpan Diosajja. Jupasti atipañarupuniw irpistu Cristomp chica, jiwas tokeraquiw arunacapsa yatiyi mä suma k'apquir kolläcaspas uqham take chekar puriyasina.

Qullan Arunaka DC

¹⁴ Diosax yuspagaratäpan, jupasti Cristompi chika atipjañaruw irpistu, jiwasanak tuqirakiw arunakapsa yatiyi, uka arunakasti mä suma q'apkir qulläkaspas ukhamaw taqi chiqar puri.

2 Corintios 2:14 Jak'a apnaqawi uñst'ayäwi

Salmos 106:47

Tatit Diosajjay, khespiyapjjaquitaya, Diosar jan uñt'ir jakenac taypit irpthapjjapjjeta: kollan sutim jach'añchañataqui, cusisiñamp jumar yupaychañataqui.

Salmos 148:14

¡Jupaw marcaparojj ch'amañchi! ¡Jupaw iyawsirinacapar jach'ar aptayirejja, ajllit Israel marcapar jach'añchirejja! ¡Tatitojj jach'añchatäpan!

Cantar de los cantares 1:3

perfumeman k'aphipas muct'atajj wali sumaraquiwa, sutimasti suma perfume wartatjamaw k'aphiraqui. ¡Ucatwa warminacajj wali munapjjaractamjja!

Ezequiel 20:41

Cunapachatejj nayajj uca yakha marcanacata, cawqhanacantejj ananucuta uñjasisipcta ucanacat tantachthapjjapjjäm ucqhasti, uqhamaraqui nayan k'oma cancañajjsa uñacht'ayapjjäma take marcanac nayrakatana, ucapachaw nayajj jumanacan suma k'apquiri ofrenda loktäwinacamjja catokapjjäma.

Juan 16:33

Acjj sapjjsmawa jumanacajj samarañ jicjjatapjjañamataqui nayaru iyawsatanacam laycu. Acapachanjja jumanacajj t'akhesipjjätawa, ucampis ch'am catjjatapjjam, nayajj acapacharojj atipjtwa —sasa.

Romanos 1:8

Jumanac laycojj Jesucristo tokew nayrakat Diosajjar sinti yuspagarta, jumanacan Diosar iyawsapjjatamatsti take chekanwa parlasi.

Romanos 15:19

Cunaymani milagronacampi jach'a luräwinacampiw Kollan Ajayun ch'amap toke nayajj Diosan arupa parlañjja phokta, Cristonaqui khespiyasiñajj utjatap yatiyasina, Jerusalenat kalltasina Iliria ucqhacama.

Romanos 6:17

Ucampis nayajj Diosarojj yuspagartwa jumanacan uca juchan esclavöñat mistunitanacamata, take chuymanacamampi Diosar iyawsasa, cuna yatichäwinactejj jumanacajj catokapcta ucarjama.

Romanos 8:37

Take acanacansti atipirinacat sipansa juc'ampïtanwa jiwasar munquistus ucan yanapapampi.

1 Corintios 12:8

Uca Ajayu tokeraquiw yakheparu cunsa sum parlt'añapataqui yatiñ ch'ama churi, uca pachpa Ajayu tokeraquiw yakheparojj take cunas wali suma uñt'añampi parlt'aña churaraqui.

1 Corintios 15:37

Cunapachatejj yapuchctan ucqhajj janiw alpacha yapuchctanti, jan ucasti jathacwa usctanjja, trigöpasa jan ucajj yakha jathäpasa.

1 Corintios 15:57

Ucampis yuspagaratäpan Diosajja, jupaw Jesucristo toke atipjayistu.

2 Corintios 1:11

jumanacatejj nanacar oracionanacamampi yanapapjjetäta ucqhajja. Walja jakenacatejj nanacatac Diosat mayinejja, waljaniraquiw Diosarojj yuspagarapjjani bendicionanaca churquistu ucatjja.

2 Corintios 8:16

Ucampis Diosajj yuspagaratäpan, cuna llaquisiñatejj nayan jumanacatac utjcän ucracwa Titon chuymaparojj ucharaqui.

2 Corintios 9:15

¡Yuspagaratäpan Diosajja! ¡Jiwasarojj mä jach'a churäwi churistojja, ucasti jan amuyt'cayawa!

Efesios 5:2

Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.

Efesios 5:20

Dios Awquirojj take cunatsa yuspagarapjjapunim, Tatit Jesucristosan sutiparu.

Filipenses 4:18

Nayajj takwa jilarquir catokjjta. Epafroditompi apayanipquistas ucjja, jichhasti jilarquiriw utjitu. Cuntejj apayanipquistas ucajj mä suma k'apquiri inciensöcaspas uqhamwa Diosajj mä suma sacrificiot catokaraqui.

Colosenses 1:23

Ucampis acataquejj sum sayt'asipjjañamawa iyawsañanacamanjja, suma saphintataraqui, cuna suyt'äwtï suyt'apcta Diosan arunacap ist'asinjja ucatjja janiw jithektasipjjañamäquiti. Aca khespiyasiñ arunacasti take chekanwa parlasi, naya Pablosti uca parlañanjja yanapasiractwa.

Colosenses 1:6

Aca pachpa Diosan arunacapasti take chekanwa wali jiltasqui, take chekan parlataraquiwa, take chekanracwa apthapitäscaraqui. Uqhamaw jumanac taypinsa lurasiscaraquejja cunapachattï jumanacajj Diosan munasiñapat ist'apjjäyäta, uca munasiñapajj chekätap yatipjjaraquïyäta ucqhatpacha.

Colosenses 2:15

Tatit Jesucristo tokew Dios Awquejj take ajayunacan ch'amanacaparojj atipjawayi. Khanpacharacwa mä p'enka jupanacarojj jisc'achjawayi, presöpcaspas uqhama jupan atipjatapampi apasina takenin uñjcata.

1 Tesalonicenses 1:8

Uqhamatwa jumanacajj Tatitun arunacapjja yatiyapjjta; janiw Macedonianacti ni Acayanacsa, jan ucasti takewjanwa jumanacan Diosar iyawsäwinacaman utjatapajj yatisi, uqhamïpanjja nanacanjja janiw cuna sañanacajjas utjquiti.

1 Tesalonicenses 3:9

¿Cunjämatsa phokhat yuspagaräwi Diosar loktapjjerista jumanacata, uqhamarac ucqha suma cusisiñ jupa nayrakatapan churapjjesta ucatsa?

1 Timoteo 2:8

Ucatwa muntjja takewjan jakenacajj Diosar mayipjjañapa, k'oma chuymampi amparanac aptasina, jan colerasisina ni tokesisina.

2 Timoteo 2:2

Cuntejj walja testigonacan nayrakatapan arsuri ist'quista ucjja, qhitinacatejj churañjamäqui, uqhamarac mayninacarus yatichirjamäqui ucanacarojj uca pachpa arunacampi ewjjt'am.

Apocalipsis 7:12

aqham sasa: “¡Uqhamäpan! Yupaychatäñasa, jach'a cancañasa, yatiñasa, yuspagarañasa, jach'añchañasa, munañanïñasa, ch'amanïñasa, Tatit Diosasancpan, wiñayan wiñayapataqui. Uqhamäpan!”