2 Corintios 2:13 - Qullan Arunaca

¹³ Ucampis chuymajjajj wali llaquitänwa Tito jilatasajj jan ucancatap laycu. Ucatwa jupanacatjja: “Sarjjaquï” sas jutjjtjja, ucatsti Macedonia tokenacaruw sarjjaractjja.

Aymar Bibliia 1986

¹³ Ucampis chuymajjajj wali llaquitänwa Tito jilatasajj jan ucancatap laycu. Ucatwa jupanacatjja: “Sarjjaquï” sas jutjjtjja, ucatsti Macedonia tokenacaruw sarjjaractjja.

Qullan Arunaka DC

¹³ Ukampis Tito jilataxampi jan jikisitax laykux chuymaxan wali llakitaw jikxatasïyäta. Ukat jupanakampi jikisiwayasin, Macedonia markaruw sarxta.

2 Corintios 2:13 Jak'a apnaqawi uñst'ayäwi

Daniel (hebreo) 6:19

Khanjtanjjepansti, janc'aquiw sarthapisin leonanacan putuparu jalaraquïna,

Marcos 6:46

Jakenacar qhitanucjjasinsti, Jesusajj kolluruw saräna Diosat mayisiri.

Hechos 21:6

Ucatsti jupanacamp khomantasisinwa, jaytjawayjjapjjta. Nanacasti barcoruw mantjjapjjta. Jupanacasti utanacaparuw cutt'jjapjjaraqui.

Romanos 15:26

Macedonianquirinacajja, uqhamarac Acayanquirinacasa mä ofrenda apthapipjje Jerusalenancquis uca pist'at jilatanacataqui.

2 Corintios 12:18

Titoruw jumanacar uñjt'añataquejj qhitanipjjsma, jupamp chicsti mayni jilataruraquiw qhitanipjjaracsma, ¿Titoch sallkjapjjtamjja? ¿Janit nanacasti panpachani jumanacan nayrakataman mä sapa amtañaniqui sarnakapctsti?

2 Corintios 7:13

Ucatwa nanacajj chuymachat jicjjatasipjjta. Uca cusisiñ catokcasinsa, Titojj jumanacat wali cusisitap uñjasaw nanacajj juc'ampjja cusisipjjta. Take jumanacaw juparojj wal yanapt'apjjatätajja, jan cunatsa llaquisiyasa.

2 Corintios 7:14

Uqhamatwa jan nayajj mä p'enka uñjascti cunapachatï Titorojj jumanacatjj: “Wal cusista” siscäyät uca toketjja. Take cuntï jumanacar sapcäyäsma ucajj chekäscapuniwa. Uqhamaraquiw Titorojj cuntï jumanacat sapcäyät ucajj cheka uñstawayi, jumanacat cusisipjjatanacajjajja.

2 Corintios 8:16

Ucampis Diosajj yuspagaratäpan, cuna llaquisiñatejj nayan jumanacatac utjcän ucracwa Titon chuymaparojj ucharaqui.

2 Corintios 8:23

Inas maynejj Titor jan uñt'cchiti ucat yatiñ munchi ucarojja, sapjjam Titojj nayamp chicätapa uqhamarac nayampi chica irnakataparaqui jumanacar sirviñataqui. Mayni jilatanacata jisct'asipjjani ucqhasti sapjjaraquim: “Iglesianacan qhitanitawa, Cristoruraquiw jach'añchapjje” sasa.

2 Corintios 8:6

Ucatwa nanacajj Titoru achict'apjjta jumanac taypinjja apthapt'añapataqui aca munasiñ ofrendjja, cunjämtï nayrajj apthapt'apcataynajj uqhama.

Gálatas 2:1

Tunca pusini mara pasatatsti, wasitampiw Jerusalén marcaru Bernabeampi sarapjjta, Titorus nayamp chicaw irparacta.

Gálatas 2:3

Nayamp chic sarcän uca Titosti janiraquiw juparojj mayitäcänti circuncisión lurañataquejja, griego jakëtap laycu.

2 Timoteo 4:10

Demas satajj jaytanucuwayjjetuwa, jupasti aca oraken yänacaparuw juc'ampi munäna, ucatwa Tesalónica marcaru sarawayjje. Crescentejj Galaciaruraquiw sarjje. Titosti Dalmacia ucsaruw sarawayjjaraqui.

Tito 1:4

Tito, iyawsäwi token wawajja, nayajj jumaruw kellkansma aca carta. Dios Awquisaraquiw bendicïtam, qhuyapt'ayätam, samarañ churaraquïtam, Jesucristo Khespiyiris toke.