Tatiwe raq Abram ma nguto, “Ümhiqshong, ümta ümwii ta-nyang seno thun, kiimaq ümwe jamkun kra baiqthü laq. Laüta Ngi raq ümniima mung ashi mitiichhi kuqha kiina laüholaq.
DUNGWVNC 3:18 - ASII LAKDAP Bible (BSI) “Ümniiraq tsangshiq ma jamlai wa chongkuq tlaü ka isenginok raq mitai. Laütiishe ümniika Israilnok welabi thun kra sheaho laüta Ejip mung hokhamwe phana kai ratlo. Laüta apaiq ma akha chonglaq, ‘Tatiwe, Hibrunok Shiikeawe ka naishiq ma apumsii maq asham tiichhikito. Ümchaü min ümniiraq naishiq ka rumnyangkhi kumtsaiphii wang na Tatiwe, naishiq Shiikeawe ma honglu takekai miitu ranaiq tsam khumchang loq na saüli kaiho miitu naishiq ma aming kuqlaq.’ Hawa Naga Bible 2001 “Mnoz rueq jungx shuiux kvjaz kuex ngvy miqsaz rueq tay shuex. Kvruex yimaq mnoz kuex Israel walaungx bix rulc vdvmz Ejip hokhvmx waz kox nuex kaz vtueq, ‘Hebre miqsaz Yehowa Tishox kuex kvkhic phuex shex. Majuiuc nuiyshiq Yehowa Tishox muex shomc nawk kuy tvkoc nuiyq thuimx lvmx kumtsvy tvnx nuex kaz phix,’ ngoz tueq thoz shuinz. |
Tatiwe raq Abram ma nguto, “Ümhiqshong, ümta ümwii ta-nyang seno thun, kiimaq ümwe jamkun kra baiqthü laq. Laüta Ngi raq ümniima mung ashi mitiichhi kuqha kiina laüholaq.
Shatmaq maiq weshi ka lun raüta juto. Raüta ara tsütsa ka Hibru phan Abram ma chong wato. Abram ka kiitiikaq maiq weshi Amoraiq phan amang nin Mamre kriiwe asii pero hiq tho na sito. Kiimaq Mamre nai ano wenai Eshkol nai Aner ka Abram rai pongti kongshiti riito.
Arjai maq, Abram raq riisham mak maq chhito kiimaq Tatiwe raq apaiq ma bom achong ka akha taito, “Naq haikiqjo, Abram la. Ngi raq ümniika haisi rasong mong wa khup wong kuq shat mirha. Kiimaq ümniima poksi jonghea mikuqha.”
Abram ka arawii wiiroq tiikaü ri wiitiikaü she angu na, Tatiwe ka apaiq rai riihumto. Raüta akha nguto, “Ngi ka Ningkun Ajong Shiikeawe. Ibom tailaq. Kiimaq wranaiqshe riikhaqli kli klolaq.
Kiimaq Jakob raq Joseph ma nguto, “Ningkun Ajong Shiikeawe ka ngi phana Luj hiqshong maq Kanan mung maq riihum kito. Raüta ngi ka shiiman kuqto.
Kiimaq Shiikeawe ka Juda mung na jaqsham shat riito. Raüta mungmaiqse tsan tsü ka kiqshi tsiimshi ma tiija kuqto. Raüta hokhamwe nai asengi ajong alabi aming ka langwan miitu tsangshiq tsantsii ka tiichhii kuqto.
Ümjaqtinok khattlaü ranaiq na, ümsenginok raq maiqmii tsii maq dongrang raüta mikhrum, ranapchu maq bangrok ikha ümsengi jerobi ümphana asii hiqlam thun na miwa.
Krai mren Mosheq nai Aron ka hokhamwe phana wato. Raüta apaiq ma nguto, “Tatiwe, Hibrunok Shiikeawe raq ngutlo, ‘Ümniika ibom taimaü ikiq khiiruq ka ümtincho na saüli wa mikhiisiq haü? Isenginok ka tiiwalaq. Raüta tsangshiq raq Ngi mishomnoqlaq.
Kiijiishe Tatiwe raq Mosheq ma nguto, “Ümniirai Israilnok welabi ka wiijam sheaholaq. Laüta ümniika mungmaiqse khaki na kongkhu walilaq. Ümniiraq Nail rai buk chang nyeakii ka ümjaq na shamho laüta walaq.
Israilnok ka Rephidim wang wa tiido wanto. Raüta tsangshiq ka Ejip mung wa laü wan li maq jipi lütsam she angu na jiha ranaiqshi ranaiq na tsangshiq ka Sinai kumtsaiphii wang niishe saüto. Raüta kiijaq Sinai Pumji na tsangshiq piitiip ka teito.
Ngi raq ümniirai ka kiijaq mirhum kang. Kiimaq apang chang thaq na cherubim kaünai hea wea kiimaq Ngi raq ümniima Israilnok miitu ithung tri ka wiita mikuq kang.
Shiikeawe raq treto, “Ngi ka ümniirai adam mirha. Kiimaq ümtiikiiwa ümniiraq mungmaiqse ka Ejip mung wa tsuq wantlaü, kiitiikaq ümniiraq Ngi ka ara pum arjaq mishomnoq haü. Kriikata ümniika Ngi riidea tiikikang nguta saqse miraq.”
Kilaq. Laüta Israilnok welabi ka adam na triitamlaq. Laüta tsangshiq ma chonglaq, Ngi, Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe ka ümniirai sham riichhikito nguta chonglaq. Laüta tsangshiq ma Ngi ka tsangshiq phaniishe saüki kang kiimaq Ejip mungti raq tsangshiq ka jamkho haihiitlaq kriika chhikang she nguta chonglaq.
Arwa phanshi lam laüta awin müsaisai ma tiija buklaq. Laüta arka Ngi asi Tombutiip mong na lam wanlaq. Laüta Tongshong Tek khaki kiijaq wanlaq. Ara homseng arka chiisan asii pinthum nguta langlaq.
Laüta ara berong-wacha arka Tongshong Tek tukchang kheathum chantlaq kriima kinphai nü na thülaq. Arba arjaq Ngi ka ümniirai mirhumha.
Kiijiishe Mosheq raq Tatiwe bom ka akha treto, “Shatmaq Israilnok raq ngi ma kam mak kiimaq ngi raq chong tiikang kra taimak raüha. Tsangshiq raq ngi nang nga ümniika ngi rai riihumki maü dea nguta nguraüha?”
Ngi raq ümniima ise ka tiiwa ratlo. Apaiq raq Ngi ka mishomnoq laq. Shatmaq ümniiraq apaiq ka ningtang laü. Ümchaü min, Ngi raq ümse chhikhuwe kriishe mitsat baiqha.’”
Kiimaq Ejip mung na kaiho lam maq lamjap hiq ba maq, Tatiwe ka Mosheq rai riihumto, raüta apaiq ka atsea baiq danto.
Kiimaq tsangshiq raq kamto. Kiimaq tsangshiq raq Tatiwe ka tsangshiq phaniishe saükito. Kiimaq tsangshiq ka maiq raq ümtinkhan wa hok maq nishishi tiichamchao haihiitlaq kra chhito she nguta tai raüta, tsangshiq ka hiq na bum rang raüta shomnoqto.
Kra raütiishe Mosheq nai Aron ka Ejip Mung hokhamwe phana kihoto. Raüta akha nguto, “Tatiwe, Israilnok Shiikeawe raq akha ngutlo ‘Isenginok ka tiiwalaq. Tsangshiq raq Ngi shreng ma kumtsaiphii rumnyangkhi wang na poi miklolaq.’”
Kiijiishe Mosheq nai Aron raq treto, “Hibrunok Shiikeawe apaiq ka naishiq phana kito. Raüta naishiq ma asham tiichhi kito. Naishiq ka ranaiqtsam lam na saüli kumtsaiphii rumnyangkhi wang na tiiwalaq, naishiq raq Tatiwe, naishiq Shiikeawe ma honglu thun takuq kiphai. Naishiq raq kra klo mai riihai jiila, apaiq raq naishiq ka tha tiidong raüta riimakla re na mitiitsai.”
Laüta hokhamwe ma akha ngulaq, Tatiwe, Hibrunok Shiikeawe raq ngi ka ümniima asenginok ka tiiwa laq, raüta tsangshiq raq apaiq ka kumtsaiphii rumnyangkhi wang na mishomnoq kilaq nguta tiichong kito. Shatmaq ümchaü niitaq ümniiraq kra bom chong ka taimaü li ngiimtlaü.
Kiijiishe Tatiwe raq Mosheq ma thaüto, “Hokhamwe phana walaq. Laüta apaiq ma Tatiwe raq ngutlo, ‘Isenginok ka tiiwalaq. Raüta tsangshiq raq Ngi mishomnoqlaq.
Tatiwe raq Mosheq ma thaüto, “Anap ranap chu maq walaq laüta hokhamwe ka jürai na kitlaq kiijaq riihumlaq. Laüta apaiq ma Tatiwe raq akha ngutlo nguta chonglaq, ‘Isenginok ka tiiwa laq. Raüta tsangshiq raq Ngi mishomnoq laq.
Ngi raq isenginok nai ümsenginok liipan na atrai lata pong na mitsea tsiiqha. Ara awang chang jaqsham arka anap ranai midong.’”
Tatiwe raq Mosheq ka thaüto, “Hokhamwe phana kilaq. Laüta apaiq ma Tatiwe, Hibrunok Shiikeawe raq, ‘Isenginok ka tiiwalaq. Raüta tsangshiq raq Ngi mishomnoq walaq.
Kiijiishe Tatiwe raq Mosheq ka thaüto, “Anap ranap chu maq hokhamwe rai riihumlaq. Laüta apaiq ma Tatiwe, Hibrunok Shiikeawe raq, ngutlo, ‘Isenginok ka tiiwalaq. Raüta tsangshiq raq Ngi mishomnoqlaq.
Jurwa tingting jaqsham ka chochikhiq maq shamtlaq kriiti ka ümniiraq ümwokhong na si miitu tao wan tlaü. Kiimaq ümniiraq lungwii tlaü kra phan phan chap nga wanti kra tao wan tlaü. Ümniika naishiq ma akhiq ariq siwan laü. Shatmaq naishiq raq ngarai ka klo wan ruqli siwankai. Ümtsankhiq wa kra chhitai shat shat taü miimin, man na richüpat miiphü naishiq ka ashut aphit klo wan ruqli siwankai.
ara tsütsa ara Jerusalemti loweatek ma chiiriim laüta chonglaq nguta chongto. “Ngi raq tsan na tiitsangshat ümniiraq ngi tsapsaü kapse lungwiilaü; ümnaq noseji na, nanai riilampha wan choji; ümniiraq ngi kai lungwii laü, ümniiraq ijai phan wan laü rumnyangkhi kumtsaiphii maq, kra mung ka wak shamsiq mak bin riito,
Tsangshiq raq ngi bro riimak, ngi raq tsangshiq ka Ejip mung wa chhii wan kang, lata tsangshiq ka rumnyangkhi binjü maq shea wan kang: bintang jüngi nai kumtsaiphii phong lam maq, shinriiqriiq kiimaq maiqhai asi bin lam maq, kiijaq maiq jumin silot mak, kiimaq maiq jumin khumki mak lam maq.
Kiimaq ijaqshisetiim shammibi raq namshiq ma jamlai bomtsi wa chongkuqtlaq kra tsan na atsidada maq tiitsang tai ronglaq nguta aming kuq kang. Ngi raq i shammibi ka namshiq phana ibom tiichongkai miitut wantlii tiiki kang. Tsangshiq raq jamlai bomtsi wa chongkuqtaq kra namshiq raq lang man riilan.
Laüta kra nyeakii thun ka Ngi asi Tombutiip mong na Tongshong Tek khaki na, Ngi raq ümniirai riihumtiikang ba kiijaq thülaq.
Naishiq raq Mosheq aming wranaiqshe lang wan kai, kra phan phan ümnaq aming kiimin milang wan hai. Kiimaq üm Tatiwe Shiikeawe raq Mosheq ka jamkho apaiq rai napshat siwantaq, kiikhiisii ümniirai min misi laq.