DUNGWVNC 5:3 - ASII LAKDAP Bible (BSI)

³ Kiijiishe Mosheq nai Aron raq treto, “Hibrunok Shiikeawe apaiq ka naishiq phana kito. Raüta naishiq ma asham tiichhi kito. Naishiq ka ranaiqtsam lam na saüli kumtsaiphii rumnyangkhi wang na tiiwalaq, naishiq raq Tatiwe, naishiq Shiikeawe ma honglu thun takuq kiphai. Naishiq raq kra klo mai riihai jiila, apaiq raq naishiq ka tha tiidong raüta riimakla re na mitiitsai.”

Hawa Naga Bible 2001

³ Moshe nuiyc Arun rueq, “Hebre miqsaz Tishox kuex nuiyshiq muex kvkhic phuex. Nuiyshiq Yehowa Tishox muex shomc kuy kay tvkoc nuiyq thuimx lvmx kumtsvy tvnx kvyuq tvkaz koq. Nuiyshiq rueq kvkhoc ruez miq ngoz ruiux, vpiq rueq nuiyshiq kuex vmac vtsac, rvmuq ngoz ruiux jaq vralx maq tvthvt gay phuex,” ngoz tueq jungx tueq.

DUNGWVNC 5:3 Referencias Cruzadas

2 HOKHVMX 17:25

Tsangshiq ka kiijaq shongpha wanji na tsangshiq raq Tatiwe ka shomnoq mak riito. Kra ningkhan apaiq raq hangsikong tiiwato. Raüta tsangshiqnok wa maiq wiijamti kaq baiqto.

2 KAÜWA WERAÜ 30:8

Tsangshiq ka nilan wanshak shak siwataq kiikhiika naqsi rongkiq she. Shatmaq Tatiwe aming kra lang lantea awokhong niishe sirong laq. Jerusalem Shomjam na warong ra. Arka namshiq Tatiwe, Shiikeawe raq pattup pat-sa miitu tiisii wanto. Lantea apaiq ka shomnoq wa rongkiq. Kra raüla apaiq ka namshiq ma khiq mak she miraq.

EJRA 7:23

Ramungtan na siti Shiikeawe Shomjam na lang wan miitu, jamlai phan huk asam wa raa tlaq thun ka, namshiq raq pinthum athuk atsom maq shamke wan raa tlo. Jamkhano ngukla, Shiikeawe ka ngi ma, kiimaq ngi jai na hokhambi ümchu riiwa mung lang wan jiiq, kriiti tarü ma atsan khiq mak chang miitu kloke wan ratlo.

DUNGWVNC 3:18

“Ümniiraq tsangshiq ma jamlai wa chongkuq tlaü ka isenginok raq mitai. Laütiishe ümniika Israilnok welabi thun kra sheaho laüta Ejip mung hokhamwe phana kai ratlo. Laüta apaiq ma akha chonglaq, ‘Tatiwe, Hibrunok Shiikeawe ka naishiq ma apumsii maq asham tiichhikito. Ümchaü min ümniiraq naishiq ka rumnyangkhi kumtsaiphii wang na Tatiwe, naishiq Shiikeawe ma honglu takekai miitu ranaiq tsam khumchang loq na saüli kaiho miitu naishiq ma aming kuqlaq.’

DUNGWVNC 7:16

Laüta hokhamwe ma akha ngulaq, Tatiwe, Hibrunok Shiikeawe raq ngi ka ümniima asenginok ka tiiwa laq, raüta tsangshiq raq apaiq ka kumtsaiphii rumnyangkhi wang na mishomnoq kilaq nguta tiichong kito. Shatmaq ümchaü niitaq ümniiraq kra bom chong ka taimaü li ngiimtlaü.

DUNGWVNC 8:1

Kiijiishe Tatiwe raq Mosheq ma thaüto, “Hokhamwe phana walaq. Laüta apaiq ma Tatiwe raq ngutlo, ‘Isenginok ka tiiwalaq. Raüta tsangshiq raq Ngi mishomnoqlaq.

DUNGWVNC 8:20

Tatiwe raq Mosheq ma thaüto, “Anap ranap chu maq walaq laüta hokhamwe ka jürai na kitlaq kiijaq riihumlaq. Laüta apaiq ma Tatiwe raq akha ngutlo nguta chonglaq, ‘Isenginok ka tiiwa laq. Raüta tsangshiq raq Ngi mishomnoq laq.

DUNGWVNC 8:27

Naishiq ka ranaiq tsam lam loq na kumtsaiphii rumnyangkhi wang kiina kaiho chang ratlo. Laitiitiq Tatiwe naishiq Shiikeawe raq naishiq ma aming kuqtaq kra phan phan honglu ka takekai chang dongdii rakito.”

EJEKIEL 6:11

Tati Rakaü Hiqwe raq nguto, “Ümjaq ka naüshaü shaü riilaq! Ümjitham maq hiq ka kung shiikung haplaq! Laüta Israil mungti raq ümtin khan wa abi klo wantaq, maiqphai asi jaqsham wantaq kriithun kra miitu, makphai trok laüta hoqlaq. Tsangshiq ka re raq mitsatbaiq, ramdong raüta mijiim, kiimaq thadong raüta mijiim.

LEWI 26:25

Ngi raq namshiq khuthaq na re she mitii dongha. Lata namshiq ma mo mitiihoha. Jamkhano ngukla namshiq raq nashiq liipan na tongshong bom kham wan kai raütu thun kra jin wan lan. Kiimaq namshiq ka namshiq khum tiichhii wan miitu chela thun kiina riitam wan han jiila, Ngi raq namshiq khuthaq na tha wa henghea healot mak phan thatsi kriishe mitiisaüha. Kra ningkhan she namshiq ka jamkhii min jasiq lot man she mirhan. Kra ningkhan, namjaqtinok puk niishe minyap wan han.

TRI CHONGKE 28:21

Apaiq raq üm khuthaq na thup atha ka phanshi thaq na phanshi tiipat hoho mitiisaü, raüta ümniika ümchaü jiiwan tlaü mung kiiwa miqchup, maiq ka weshi min tiichong mak mijiipbaiq.