Biblia Todo Logo
La Biblia Online
- Anuncios -




DUNGWVNC 5:3 - Hawa Naga Bible 2001

3 Moshe nuiyc Arun rueq, “Hebre miqsaz Tishox kuex nuiyshiq muex kvkhic phuex. Nuiyshiq Yehowa Tishox muex shomc kuy kay tvkoc nuiyq thuimx lvmx kumtsvy tvnx kvyuq tvkaz koq. Nuiyshiq rueq kvkhoc ruez miq ngoz ruiux, vpiq rueq nuiyshiq kuex vmac vtsac, rvmuq ngoz ruiux jaq vralx maq tvthvt gay phuex,” ngoz tueq jungx tueq.

Ver Capítulo Copiar

ASII LAKDAP Bible (BSI)

3 Kiijiishe Mosheq nai Aron raq treto, “Hibrunok Shiikeawe apaiq ka naishiq phana kito. Raüta naishiq ma asham tiichhi kito. Naishiq ka ranaiqtsam lam na saüli kumtsaiphii rumnyangkhi wang na tiiwalaq, naishiq raq Tatiwe, naishiq Shiikeawe ma honglu thun takuq kiphai. Naishiq raq kra klo mai riihai jiila, apaiq raq naishiq ka tha tiidong raüta riimakla re na mitiitsai.”

Ver Capítulo Copiar




DUNGWVNC 5:3
12 Referencias Cruzadas  

Tsuingshiq httaz wvnc phaungc nuex, Yehowa muex tsuingshiq rueq nawk palx muq, kvkhoc rvtueq vpiq rueq hangsic htenc tvkaz vtueq miq wvyvmc kuex tvkauk gay tueq.


Tsuingshiq ikhoc thuinz nauk tvtsanc kaz, Yehowa kvjaz kuex tay wuez shuinz. Yehowa nuimshiq Tishox rueq pattup pat-sac laung nuex tvsawc nawc shec tueq Yerusalem wawc Shomc Yuimx kvyuq kaz vtueq vpiq muex nawk palx wuez shuinz, kvkhoc ruez ruiux yuq vpiq rueq nuimshiq muex mkaq muinz khaq tuex rvmuq.


Mnoz kuex Raungmungx Tishox rueq nvr yaq rulc rv-ngvlc vpiq Shomc Yuimx tvkoc rax yaq phvnx ruip saz kuex honc lvmz hvt maq kuq noalx shuiuz, kvkaq vpiq kuex ngaz nuiyc ngvy yix nuex guimz lawc jix htenc muex vsuing mkaq muinz thuinkhaq tuex rvmuq.


“Mnoz rueq jungx shuiux kvjaz kuex ngvy miqsaz rueq tay shuex. Kvruex yimaq mnoz kuex Israel walaungx bix rulc vdvmz Ejip hokhvmx waz kox nuex kaz vtueq, ‘Hebre miqsaz Yehowa Tishox kuex kvkhic phuex shex. Majuiuc nuiyshiq Yehowa Tishox muex shomc nawk kuy tvkoc nuiyq thuimx lvmx kumtsvy tvnx nuex kaz phix,’ ngoz tueq thoz shuinz.


Hokhvmx waz muex jungx shuiuz, ‘Hebre miqsaz htenc Yehowa Tishox rueq vpiq miqsaz kuex kumtsvy tvnx nuex vpiq muex nawk palx kay tvkoc ngaz muex tvjungx kaz phuex. Yuq muinz majuiuc nuex httuiuc laz mnoz rueq tay kuq muq.


Yehowa rueq Moshe muex ngoc, “Hokhvmx kox nuex kaz vtueq piq muex vkhoc jungx shuiuz Yehowa rueq ngoc, ‘Ngaz muex nawk palx kuy kay tvkoc ngvy miqsaz htenc kuex tvkaz shuiuz.


Yehowa rueq Moshe muex ngoc, “Invp raungnvp nuex hokhvmx waz kuex yuix kawx nuex kaz yaq kvyuq piq rulc rvhumc kaz vtueq, piq muex ngoc Yehowa rueq vkhoc ngoz yaq, ‘Ngaz muex nawk palx kay ngvy miqsaz htenc kuex tvkaz shuiuz.


Nuiyshiq kuex Yehowa nuiyshiq Tishox rueq nvr yaq rulc rv-ngvlc nuiyq thuimx lvmx kumtsvy tvnx nuex kaz vtueq shomc kuy kay juing,” ngoz tueq jungx tueq.


Johvlc Yehowa rueq, “Israel miqsaz rueq shuimc wvnc tueq layx vbac nuiyc miqsuirc vsac yauk shuimc lotlaz ningkhvnc nuex, m-yauk kuex wung gay shuiuz! M-yaz kuex huip shuiuz! Yonzyex vtueq guyc ramc shuiuz. Tsuingshiq kuex ralx rvlungc nuex, khvmx vrvmc nuex, thuimkux mac vtsac nuex thueyc wvnc wuez tuex.


Ngvy bomkhvrc tvbac gay tuit ningkhvnc nuex nuimshiq muex murx tvgurc tvkoc nuimshiq htauk nuex ralx tvdung gay shaungx, nuimshiq ghaqyungx htenc nuex kvwungx lvp tvkoc rvtuimx httax ruiux muinz vphemc mvy muq thuimkux mac vtsac nuimshiq kox nuex ngaz rueq tvkaz shaungx. Nuimshiq kuex ralx muex lekuy gay rvhumc tuinx.


Nuimshiq rueq lvp wvnc shuinx mungtan kvyuq phvnx shiz muinz kvjungx muq laz juing nuimshiq htauk nuex vmac vtsac phvnshiz maq phvnshiz tvkaz kuq kv-phuinx.


Síguenos en:

Anuncios


Anuncios


¡Síguenos en WhatsApp! Síguenos