DUNGWVNC 5:2 - Hawa Naga Bible 2001

² Hokhvmx waz rueq, “Yehowa ngoz yaq kuex ukhaq lac? Yvmx ngoz tueq lac ngaz rueq piq kvjaz kuex tay kuq vtueq Israel miqsaz kuex tvkaz shaungx? Ngaz rueq kvruex Yehowa kuex tuiuz mauk; Israel miqsaz kvmuinz tvkaz lot mauk,” ngoz tueq tvralc tueq.

ASII LAKDAP Bible (BSI)

² Kiijiishe hokhamwe tsangnai ma shiitep waito, “Tatiwe ka juwa? Ngi raq apaiq bom ka jaram taiwa? Lata Israilnok ka jaram tiiwa baiq wa? Ngi raq Tatiwe ka sap mang. Kiimaq ngi raq Israilnok kiimin tiiwa mang.”

DUNGWVNC 5:2 Referencias Cruzadas

2 HOKHVMX 18:35

Nuiyshiq honoc waz yauk wawc tsuingshiq mungtan kuex vruex mungtan lotlaz wawc mruex jix waz tishox rueq mkaq lac palc wvnc tvnx? ngoz tueq jungx tueq. Kvruex yimaq Yehowa rueq Yerusalem kuex palc wvnc lot shuex ngoz tueq yvmx khoc maq lac tvmaung vshuinx?”

2 KAÜWA WERAÜ 32:14

Mungtan lotlaz nuex httax yaq yvmx khoc phvnx tishox htenc rueq muinz tsuingshiq mungtan kuex nuiyshiq yauk wawc mkaq lac palc wvnc lot tvnx? Kvkhoc rvyruiux nuimshiq tishox rueq nuimshiq kuex palc lot shuex ngoz tueq yvmx khoc lac tvmaung wuez vshuinx?

2 KAÜWA WERAÜ 32:15

Majuiuc muinz Hezekia rueq nuimshiq muex kvkhoc laulawc muq nuiyc lvmx tvyaq muq mruez shueq, piq muex nauk kvmx kaz! Mruex jix waz tishox rueq muinz piq miqsaz htenc kuex Asiria honoc waz yauk wawc mkaq muinz palc wvnc lot tueq rvmuq. Kvkhoc rvtueq nuimshiq tishox rueq muinz nuimshiq kuex vsuing palc wvnc lot kv-phuinx rvmuq!”

2 KAÜWA WERAÜ 32:19

Tsuinghez rueq vganc miqsaz tishox htenc nuiyc miq yauk maq vtvhungx yac yuimx htenc kuex ngoz ngax yaq rulc rv-ngvlc Yerusalem Tishox muex muinz ngoz ngax tueq.

NEHEMIA 9:10

Mnoz rueq Hokhvmx waz muex muinz, piq miq vyungx vlaungx bix nuiyc mungx miqsaz htenc rueq mmiqsaz htenc kuex tuinghtuing ningkhvnc nuex, tsuingshiq muex mnoz rueq vkawc yawc vwangc juing htenc kuex tvkhic vtueq murx tvgurc toq. Mnoz kuex majuiuc raungnuiyq nuex httuiuc laz muingc dung yaq kuex rvhumc vtuiux.

YOBA 15:25

Kvruex kuex Tishox muex yauk htuimx tvkhic vtueq Tvphaungc Tvsuip waz muex khawc lvlc jix waz rvhumc juing kamc rvtueq.

YOBA 15:26

Tsuingshiq kuex ngamc boq vtueq tvgap gawx jix hez rvtueq; tsuingshiq khux tvtsanz vtueq tsuingshiq lak htenc kuex tenz shuimx wuez ruiux, Tishox kuex khvt tvkoc yuz yvp wuez tueq.

YOBA 21:15

Tishox muex nawk palx tvkoc rac muq ngoz tueq muinz, vpiq kox wawc vjux thoz ruiux yvmx vjux muinz vguez ngoz tueq tsuingshiq rueq tvmaung wuez yaq.

Tvtsvmc 10:4

Layx bac jix waz rueq Yehowa lvmx kuex wvlc guez tvyaungc yaq; Tishox rueq roc muq ngoz tueq piq thuinz nuex ngamc ngax yaq.

Tvtsvmc 12:5

Yehowa rueq, “Yuq muinz htem-suiuz rvmsaz jix tvkuilc daz rvhumc yaq ningkhvnc nuex muinz, vguirc vguenc rvhumc jix kuex vthuiuz vsac nuiyc vhuinc vsez rvyaq ningkhvnc nuex muinz, ngaz majuiuc dvyx kaz raungx. Tsuingshiq rueq raungc raq yaq vhiz rac muq kvwungx juing kuex ngaz rueq kuq shaungx,” ngoz tueq jungx tueq.

Tvtsvmc 14:1

Vngaz jix rueq, “Tishox vguez,” ngoz tueq tsuingshiq pumz maq kv-ngoc yaq. Tsuingshiq lotlaz kuex bac wvnc vtuex, tsuingshiq rueq vhiz juing phvnx htenc kuex shuimx wuez tueq; vlvmx yauk shuimc jix ukhaq muinz vguez.

DUNGWVNC 3:19

Ejip hokhvmx waz kuex hung vtueq tvgap kawx ruec guez maq nuimshiq kuex tvkaz kv-phuinx rvmuq ngaz rueq tuiuz yaq.

DUNGWVNC 7:17

Taungjix hokhvmx waz lex, Yehowa rueq ngoc ngaz Yehowa rvtauk lvmz mnoz rueq yvmx khoc maq tuiuz juing lac ngoz ruiux lec, majuiuc ngaz rueq shuimx shaungx vruex maq tuiuz lvp shuiux. Ngaz rueq ngvlhtulc maq yuix ruilx kuex wung ruiux yuq, yuix kuex tvguiy muex yaungx wvnc tuex.

TAKSU LAK 30:9

Kvruex htauk nuex jvnc vtueq ngaz rueq lvp luz ruiux yuq, ngaz rueq mnoz kuex roc mauk ngoz tueq jungx ikhiq. Yuq muinz ngaz htemrvmz ruiux kuex ngaz rueq vguiuq raz tueq, ngvy Tishox muex yvlc svy juing tvyaungc ishaungx.

JEREMIA 42:13

“Yuq muinz Yuda mungx nuex kvjungx httax yaq miq htenc rueq Yehowa m-Tishox kvjaz kuex phvnc guez mvy muq nuiyc vruex mungx vyuq httaz tvkoc muinz tvlvlc mvy muq rvtueq. Nuimshiq rueq, ‘Rvmuq, naungshiq kuex Ejip mungx nuex kaz wvnc vtueq kvruex mungx kvyuq httax kaz tix, naungshiq kuex kvruex mungx kvyuq ralx rvlungc rvhumc tix rvmuq, ralx lungc tvkoc honc tvsvmc juing bolic muinz thuiz muq, khvmx vrvmc muinz rvhumc tix rvmuq,’ ngoz tueq nauk jungx wuez kaz. Nuimshiq rueq kvkhoc jungx tuit ngoz ruiux yuq, Tvphaungc Tvsuip Yehowa Israel Tishox rueq, ‘Nuimshiq kuex Ejip mungx nuex kaz wvnc vtueq kvruex mungx kvyuq httaz tvkoc htvp htaz tuit ngoz ruiux yuq,

JEREMIA 48:26

Yehowa rueq, “Moba rueq ngaz kuex khawc lvlc ningkhvnc nuex, piq kuex joal maq tvpawc gay shuinz. Moba kuex piq phaay nuex rv-nyek tuex, miq htenc rueq piq muex nueykuic wuez shuex.

DANIEL 3:15

Majuiuc nuimhez rueq bolic, lawx pawz, toloz, kitaz, torox nuiyc vganc phvnx vtuimc vtvlc juing lotlaz tuimc tvruingc kuex tay shuinx rulc rv-ngvlc vyac yuimx kuex tuk nguk bumx vtueq nawk palx wuez rax. Mkhoc shoc maq nawk muit ngoz ruiux kuex, wvrluic mungx nuex lvmx lvy tuip gay rvhumc wuez tuinx. Nuimhez tvguing lot jix vganc tishox httax yaq ikhoc haz tvmaung vshuinx?” ngoz tueq.

John 16:3

Tsuingshiq rueq Iwaz muinz ngaz muinz tuiuz muq ningkhvnc nuex kvkhoc nuimshiq kuex guirguenz kv-phuinx.

Romans 1:28

Tsuingshiq rueq Tishox kuex wvlc guez waqguez tvyaungc gay ningkhvnc nuex Tishox rueq tsuingshiq kuex tvdux gay koq tueq, tsuingshiq rueq vlvmx tvmaung lot juing thuinz kuex vguez shex, shuimc mvy muq phvnx dvyx shex shuimx kaz wuez vshuex.

PHOWEBI 2:10

Kvruex pat wawc miq htenc muinz thueyc kaz wuez koq tueq, yix pat wawc miq htenc rueq Israel tvkoc Yehowa rueq yvmx lac shuimx wvnc tvnx kuex lauk gay wuez tueq.

1 SAMUEL 2:12

Eli sahez kuex layx vbac miq jvnc yaungx tueq. Tsuinghez rueq Yehowa muex muinz,

1 SAMUEL 25:10

tvsuip nuex Nabal rueq, “Dawid haz? Piq kuex ukhaq lac? Ngaz rueq piq lvmz laukshiz muinz tay mauk doc! Majuiuc baunglaung mungtan vyuq vyuz vruez wvnc dax hez mvrc yaq!