DUNGWVNC 5:1 - Hawa Naga Bible 2001

¹ Kvruex yimaq Moshe nuiyc Arun kuex Ejip hokhvmx waz kox nuex kaz vtueq, “Yehowa Israel Tishox rueq ngoc, ‘Ngvy miqsaz htenc kuex tvkaz shuiuz, tsuingshiq rueq ngaz muex tvtsanc nganc kuy tvkoc kumtsvy tvnx maq moalx mmoalx kaz kueq,’ ngoz wuex,” ngoz tueq jungx kuq tueq.

ASII LAKDAP Bible (BSI)

¹ Kra raütiishe Mosheq nai Aron ka Ejip Mung hokhamwe phana kihoto. Raüta akha nguto, “Tatiwe, Israilnok Shiikeawe raq akha ngutlo ‘Isenginok ka tiiwalaq. Tsangshiq raq Ngi shreng ma kumtsaiphii rumnyangkhi wang na poi miklolaq.’”

DUNGWVNC 5:1 Referencias Cruzadas

1 HOKHVMX 21:20

Ahab rueq Eliya kuex khiz vtueq, “Ngvy ralx waz lex, mnoz rueq ngaz kuex humc phux shex nyix?” ngoz tueq. Eliya rueq, “Rvtueq, ngaz rueq lauz phaungx shex, mnoz rueq Yehowa htumc nuex vbac yauk shuimc kuex mshauk pumz maq raungc raq tvhtumx laz shuimx vshuiux.

Tvtsvmc 119:46

Mnoz rueq nvrc bomc htenc kuex hokhvmx bix khaungkac nuex ngaz rueq tvkhic jungphvnx kuq shaungx, ngaz kuex yvlc svy rvhumc taungx rvmuq.

DUNGWVNC 10:3

Moshe nuiyc Arun kuex hokhvmx waz kox nuex kaz vtueq piq muex jungx tueq, “Hebre miqsaz htenc Yehowa Tishox rueq ngoc, ‘Mnoz rueq ngvy kvjaz kuex mtanc nuex httuiuc laz lac tvlvlc phux? Ngaz muex nawk palx kuy kay tvkoc ngvy miqsaz htenc kuex tvkaz shuiuz.

DUNGWVNC 10:4

Mkhoc shoc maq mnoz rueq tvlvlc ruq ngoz ruiux yuq, ngaz rueq invp raungnuiyq mmungtan kvyuq kup jawrawx htenc kuex tvkaz kuq phaungx.

DUNGWVNC 10:9

Moshe rueq, “Nyuiuz waz, nosaz nuiyshiq lotlaz kaz tix. Nuiyshiq suiuz vsaz htenc, khelbuenx nuiyc khelx htenc manx htenc lotlaz shvlc lvy juing, yvmx khoc lac ngoz ruiux lec Yehowa muex tvtsanc nganc moalx moalx kay ningkhvnc nuex rvtueq,” ngoz tueq jungx tueq.

DUNGWVNC 3:18

“Mnoz rueq jungx shuiux kvjaz kuex ngvy miqsaz rueq tay shuex. Kvruex yimaq mnoz kuex Israel walaungx bix rulc vdvmz Ejip hokhvmx waz kox nuex kaz vtueq, ‘Hebre miqsaz Yehowa Tishox kuex kvkhic phuex shex. Majuiuc nuiyshiq Yehowa Tishox muex shomc nawk kuy tvkoc nuiyq thuimx lvmx kumtsvy tvnx nuex kaz phix,’ ngoz tueq thoz shuinz.

DUNGWVNC 33:13

Kvkhoc raungc raq vphux lvmz kuex ngaz rueq tuiuz tvkoc mlvmz kuex tvkhic kuq koq. Vruex miqphvnx kuex mnoz rueq vthvl wvnc rvtueq lvmz kuex tvmaung shuiuz,” ngoz tueq jungx tueq.

DUNGWVNC 4:23

Isaz rueq ngaz muex nawk palx tvkoc ngaz rueq jungx vphaungx, yuq muinz mnoz rueq tvkaz muq. Majuiuc ngaz rueq msaz pekhux waz kuex thvt gay shaungx,’ ngoz tueq ngoz wuex,” ngoz tueq jungx shuiuz.

DUNGWVNC 6:11

“Israel miqsaz kuex piq mungx wawc tvkay lvp tvkoc Ejip hokhvmx waz muex jungx shuiuz,” ngoz tueq jungx tueq.

DUNGWVNC 6:27

Tsuingnueyc kuex Israel miqsaz htenc dungc wvnc tvkoc Ejip hokhvmx waz kox wawc thoz jix waz nueyc rvtueq.

DUNGWVNC 7:16

Hokhvmx waz muex jungx shuiuz, ‘Hebre miqsaz htenc Yehowa Tishox rueq vpiq miqsaz kuex kumtsvy tvnx nuex vpiq muex nawk palx kay tvkoc ngaz muex tvjungx kaz phuex. Yuq muinz majuiuc nuex httuiuc laz mnoz rueq tay kuq muq.

DUNGWVNC 7:2

Ngaz rueq mnoz muex nvr vphaungx htenc kuex Arun muex jungx kuq shuiuz, piq rueq Israel miqsaz Ejip mungx maq dungc wvnc tvkoc hokhvmx waz muex mjungx kuq shueq.

DUNGWVNC 8:1

Yehowa rueq Moshe muex ngoc, “Hokhvmx kox nuex kaz vtueq piq muex vkhoc jungx shuiuz Yehowa rueq ngoc, ‘Ngaz muex nawk palx kuy kay tvkoc ngvy miqsaz htenc kuex tvkaz shuiuz.

DUNGWVNC 8:16

Yehowa rueq Moshe muex ngoc, “Arun muex ngoc mngvl htulc kvmaq ghaq kuex wung shuiuz, Ejip mungx lotlaz nuex bokkhuyx httax yaq htenc kuex shoayme muex yaungx wvnc tuex,” ngoz tueq jungx shuiuz.

DUNGWVNC 8:17

Kvkhoc rvtueq Arun rueq ngvlhtulc kvmaq ghaq kuex wung koq tueq, Ejip mungx lotlaz wawc bokkhuyx kuex shoayme muex yaungx kaz vtueq, miq nuiyc ngvmx saz htenc gvnz nuex kop kaz tueq.

DUNGWVNC 8:20

Yehowa rueq Moshe muex ngoc, “Invp raungnvp nuex hokhvmx waz kuex yuix kawx nuex kaz yaq kvyuq piq rulc rvhumc kaz vtueq, piq muex ngoc Yehowa rueq vkhoc ngoz yaq, ‘Ngaz muex nawk palx kay ngvy miqsaz htenc kuex tvkaz shuiuz.

DUNGWVNC 8:27

Nuiyshiq kuex Yehowa nuiyshiq Tishox rueq nvr yaq rulc rv-ngvlc nuiyq thuimx lvmx kumtsvy tvnx nuex kaz vtueq shomc kuy kay juing,” ngoz tueq jungx tueq.

DUNGWVNC 9:1

Yehowa rueq Moshe muex ngoc, “Hokhvmx waz kox nuex kaz vtueq piq muex vkhoc jungx shuiuz, Hebre miqsaz htenc Yehowa Tishox rueq ngoc, ‘Ngaz muex nawk palx kuy kay tvkoc ngvy miqsaz htenc kuex tvkaz shuiuz.

DUNGWVNC 9:2

Mkhoc shoc maq mnoz rueq tvkaz muq maq tvlvlc yek ruiux kuex,

ISAIA 25:6

Tvphaungc Tvsuip Yehowa rueq Zion Kanx htauk nuex mungkawx wawc miqphvnx lotlaz tvkoc phuiuz svy moalx vshiz tvhungx shuex, kvruex moalx kvyuq sumc hvlc phuiuz vsvy nuiyc sumc hvlc svpiq tix kuex tvhungx shuex.

EJEKIEL 2:6

“Yuq muinz, miq waz lex, mnoz kuex tsuingshiq muex muinz tsuingshiq rueq yvmx jungx ruiux muinz nauk hiz kaz. Tsuingshiq rueq mnoz kuex tuingshaung vtueq yomnamc kv-phux; kvruex kuex phvmx htenc hvlwvl nuex httax yaq ikhoc yaungx tuex. Tsuingshiq rueq tvgap gawx yaq nuiyc tsuingshiq rueq jungx yaq phvnx ruip saz kvmac nauk hiz kaz.

Matthew 10:18

Ngvy ningkhvnc nuex nuimhez kuex guimz lawc jix nuiyc hokhvmx bix khaungkac nuex vphoc tvkoc het shvlx wvnc rvhumc tuinx, tsuingshiq htumc nuex muinz, Pungnuk phvnx htumc nuex muinz Thuix Thaungx Vhvlx kuex jungphvnc kuy vkhangx lvp wvnc shuinz.

Matthew 10:28

Gvnngvmx thvt gay lot ruiux siyac kuex thvt gay lot muq jix kvmac nauk hiz kaz; siyac rulc nongx gvnngvmx kuex ngarvyx mungx nuex tvdvy gay lot jix waz Tishox muex dvyx kvhiz wuez kuinz.

Acts 4:29

Taungjix lex, majuiuc tsuingshiq rueq tvhiz sungx yaq vruex lawc shuiuz, mnvrc waz hez rueq mbomjungc kuex khvmc thuinz vhttax maq tvluingc kuy tvkoc romc kuq koq.

1 Corinthians 5:8

Kvkhoc rvtueq mvrax nuiyc layx bac ngoz yaq wisiz vkez lomx yaq wanx phux maq rvmuq maq, vsawc thuinz nuiyc tsuingrux ngoz yaq wisiz lomx muq wanx phux maq Tvlvy Wvnc Moalx moalx wuez ix.