DUNGWVNC 4:31 - Hawa Naga Bible 2001

³¹ Tsuingshiq kvmx wuez tueq, Yehowa kuex tsuingshiq kox nuex svt kaz vtueq, tsuingshiq pinhtumc tvkuilc daz yaq kuex khiz tueq shex lvmz tay wuez vtueq, tsuingshiq bumx vtueq nawk palx wuez tueq.

ASII LAKDAP Bible (BSI)

³¹ Kiimaq tsangshiq raq kamto. Kiimaq tsangshiq raq Tatiwe ka tsangshiq phaniishe saükito. Kiimaq tsangshiq ka maiq raq ümtinkhan wa hok maq nishishi tiichamchao haihiitlaq kra chhito she nguta tai raüta, tsangshiq ka hiq na bum rang raüta shomnoqto.

DUNGWVNC 4:31 Referencias Cruzadas

RAPHA HIQWA LAK 17:3

Abram kuex vhtvlx ghaq nuex httuiuc laz bumx yaq nuex, Tishox rueq,

RAPHA HIQWA LAK 24:26

Kvkaq piq kuix tsvrung nuex ngaungc vtueq Yehowa muex nawk palx kuq tueq.

RAPHA HIQWA LAK 29:32

Mtanc httax muq nuex Lea kuex wvgvnz yaungx vtueq vsaz miqwaz saz jawx tueq. Piq rueq ngoc, “Yehowa rueq ngaz kuilc daz taungx vruex khiz kuq phuex, kvkhoc rvtueq itaungx waz rueq ngaz kuex lungwawx phuex,” ngoz vtueq nox kuex Ruben ngoz tueq muingc tueq.

RAPHA HIQWA LAK 50:24

Piq rueq vphuz hez muex ngoc, “Ngaz kuex vthueyc wvnc shex, ngaz vguez yuq muinz Tishox rueq nuimshiq muex vsuingc suing lawc mawc kuq kv-phuinx, nuimhez kuex vruex mungtan vwawc shvlx wvnc vtueq Abraham, Esak, Yaku muex kuq phaungx ngoz tueq bomkhvmc kuq tueq mungx kvyuq shvlx wvnc kv-phuinx,” ngoz tueq jungx kuq tueq.

1 KAÜWA WERAÜ 29:20

Kvruex yimaq Dawid rueq miq htenc muex, “Yehowa nuimshiq Tishox muex tvtsvmc wuez shuinz!” ngoz tueq nvr tueq. Kvkaq rvtuimx jex yaq wvtaungx rueq Yehowa tsuingshiq jix vwaz tamx Tishox muex tvtsvmc wuez vtueq, Yehowa muex muinz, hokhvmx waz muex muinz tsuingshiq bumx vtueq tvtsanc nganc kuq tueq.

2 KAÜWA WERAÜ 20:18

Kvruex yimaq Hokhvmx Jehoshaphat kuex vhtvlx ghaq nuex kvhtuy laz bumx koq tueq, mungx miqsaz htenc lotlaz muinz piq rulc vdvmz bumx wuez vtueq Yehowa muex nawk palx wuez tueq.

2 KAÜWA WERAÜ 32:8

Piq nuex miqsaz luimc vkawc dvyx httax yaq, yuq muinz naungshiq kox nuex kuex naungshiq muex romc kuq vtueq naungshiq ralx kuex khvt kuy jix Yehowa naungshiq Tishox httax yaq,” ngoz tueq jungx tueq. Kvkaq mungx miqsaz htenc kuex tsuingshiq hokhvmx waz rueq jungx tueq kvjaz htenc kvmac hungc vlaungc lvp wvnc wuez tueq.

2 KAÜWA WERAÜ 7:3

Kvkaq raungmungx wawc wvr dvy vtueq luic phelez yaq kuex Shomc Yuimx nuex mvrc wvnc tueq kuex Israel miqsaz htenc rueq khiz vtueq, tsuingshiq kuex lung vphawc shec baung nuex bumx nawk wuez ruiux vpiq kuex vhvlx ningkhvnc nuex vpiq lungwawc kuex pattup phaungx yaq, ngoz tueq Tishox muex nawk palx wuez tueq.

NEHEMIA 8:6

Ezra rueq, “Yehowa yunghvlc Tishox muex tvtsvmc wuez shuinz!” ngoz tueq. Miq lotlaz rueq yauk phac tv-phup wuez vtueq, “Amen! Amen!” ngoz tueq, kuix tsvrung maq ghaq nuex httuiuc laz bumx vtueq nawk palx wuez tueq.

YOBA 1:20

Kvkaq Yoba kuex kvtenc vtueq vkhvy htenc kuex juir gay tueq. Vkhux muinz luk gay ruiux vhtvlx kuex ghaq nuex httuiuc laz bumx tueq.

DUNGWVNC 12:27

nuimshiq rueq, ‘Vruex kuex Yehowa rueq Ejip mungx wawc Israel miqsaz htenc yuimx kuex lvy gay shec tueq ningkhvnc nuex, vpiq muex tvtsanc nganc kuy tvkoc shuimx lvmz vshix Tvlvy Wvnc Moalx shomc nawk kuy rvtueq. Vpiq rueq Ejip miqsaz htenc thvt gay tueq, yuq muinz naungshiq kuex tvjungx shec phuex,’ ngoz tueq jungx shuinz,” ngoz tueq. Kvkaq Israel miqsaz rueq bumx vtueq Yehowa muex nawk palx wuez tueq.

DUNGWVNC 14:31

Israel miqsaz kuex Yehowa rueq luimc vkawc yunghvlc maq Ejip miqsaz htenc khvt gay tueq kuex khiz vtueq, Yehowa muex hiyaz tvtsanc nganc wvnc wuez tueq; tsuingshiq kuex Yehowa muex nuiyc vpiq nvrc waz Moshe muex kvmluimx wvnc wuez tueq.

DUNGWVNC 19:8

Kvkaq miq lotlaz rueq vrungx vraz maq tvralc tueq kuex, “Yehowa rueq jungx tueq phvnx ruip htenc kuex nuiyshiq rueq phvnx shix,” ngoz tueq tvralc wuez tueq. Moshe rueq muinz miq htenc rueq tvralc tueq kvjaz kuex Yehowa muex tvtay jungx tueq.

DUNGWVNC 19:9

Yehowa rueq Moshe muex ngoc, “Ngaz kuex htvy hvlc phuemx daungx maq mnoz kox nuex kaz raungx, mnoz rulc ngaz kvjak taungx kvjaz kuex miq htenc rueq tay ruiux yuq, majuiuc vmaq phaungc vtueq mnoz muex kvmluimx wvnc tuex,” ngoz tueq jungx tueq. Miq htenc rueq tvralc tueq kvjaz kuex Moshe rueq Yehowa muex tvtay jungx koq tueq,

DUNGWVNC 2:25

Israel miqsaz dax muex yaungx vtueq kuilc daz wuez yaq kuex vpiq rueq khiz tueq.

DUNGWVNC 3:16

Mnoz kaz vtueq Israel miqsaz walaungx bix kuex tvtuimx ruiux, tsuingshiq muex jungx shuiuz, tsuingshiq jix vwaz tamx Tishox, Abraham, Esak, Yaku Tishox, Ngaz Yehowa rueq mnoz kox nuex kvkhic kaz tueq lvmz tsuingshiq muex jungx shuiuz, ngaz tsuingshiq kox nuex kaz vtueq Ejip miqsaz rueq tsuingshiq muex ruez yaq kuex khiz tauk.

DUNGWVNC 3:18

“Mnoz rueq jungx shuiux kvjaz kuex ngvy miqsaz rueq tay shuex. Kvruex yimaq mnoz kuex Israel walaungx bix rulc vdvmz Ejip hokhvmx waz kox nuex kaz vtueq, ‘Hebre miqsaz Yehowa Tishox kuex kvkhic phuex shex. Majuiuc nuiyshiq Yehowa Tishox muex shomc nawk kuy tvkoc nuiyq thuimx lvmx kumtsvy tvnx nuex kaz phix,’ ngoz tueq thoz shuinz.

DUNGWVNC 3:7

Kvruex yimaq Yehowa rueq, “Ngvy miqsaz htenc Ejip mungx nuex kuilc daz rvhumc yaq kuex ngaz rueq rvkhauk laz khiz tauk; tsuingshiq muex nvrc jix hez rueq guirguenz yaq kuex nanx lot muq ningkhvnc nuex tsuingshiq muex romc lawc kuy tvkoc guyc sez kvjaz kuex ngaz rueq tay tauk. Tsuingshiq rvhumc yaq htemc vrvmc lotlaz ngaz rueq tuiuz yaq,

DUNGWVNC 33:10

Miq htenc rueq Tap kaluix daungx nuex phuemx tul kuex khiz shuex rulc rv-ngvlc tsuingshiq bumx vtueq nawk wuez ruiux yaq.

DUNGWVNC 34:8

Moshe kuex lvmx lvy bumx vtueq nawk palx tueq.

DUNGWVNC 4:5

Yehowa rueq, “Israel miqsaz khaungkac nuex kvkhoc ruez kuq shuiuz, kvkhoc ngoz ruiux jix mnoz kuex tsuingshiq jix vwaz tamx Tishox, Abraham, Esak nuiyc Yaku Tishox, Yehowa rulc rvhumc toq lvmz kuex tsuingshiq kvmx tuex,” ngoz tueq jungx tueq.

JEPHANIA 2:7

Kvjungx yaq Yuda miqsaz htenc rueq nuimshiq ghaq vraungx kuex lvp wvnc wuez shuex. Tsuingshiq rueq tsuingshiq khelbuenx kung htenc muex vtsvmz kuq vtueq Ashkelon wawc yuimx htenc kvyuq yuip tuex. Tsuingshiq Tishox Yehowa kuex tsuingshiq rulc vdvmz httax vtueq tsuingshiq muex lauk shiz tvrungx wanx yek shuex.

Luke 1:68

“Taungjix Israel Tishox muex tvtsvmc wuez ix! Vpiq miqsaz Israel muex romc kuy httuiuc kaz vtueq tsuingshiq kuex palc tvdung wvnc tueq.

Luke 8:13

Lung ghaq htauk nuex vdvy vlix htenc kuex bomjungc kuex tay vtueq vkoz vkez thuinz lvp wvnc jix ngoc rvtueq. Yuq muinz tsuingshiq nuex vruingx waungc muq ningkhvnc nuex hvlwvl shiz saz dvyx kvmluimx ruiux, taruiyx rvhumc vkhing nuex tsuingshiq kuex thuinz kvlayc wvnc yek jix ngoc rvtueq.

RUTHA 1:6

Vshauk puq httax tueq yix maq Yehowa rueq vpiq miqsaz muex jurx vkhvmx ruimrix kuq yaq thaungc kuex Naomi rueq tay vtueq, vnvmx nyuiuz nueyc rulc Moba mungx maq yek wvnc tvkoc tvyoalc tueq.