JEREMIA 2:2 - ASII LAKDAP Bible (BSI)

² ara tsütsa ara Jerusalemti loweatek ma chiiriim laüta chonglaq nguta chongto. “Ngi raq tsan na tiitsangshat ümniiraq ngi tsapsaü kapse lungwiilaü; ümnaq noseji na, nanai riilampha wan choji; ümniiraq ngi kai lungwii laü, ümniiraq ijai phan wan laü rumnyangkhi kumtsaiphii maq, kra mung ka wak shamsiq mak bin riito,

Hawa Naga Bible 2001

² Yerusalem wawc miq lotlaz muex vruex bomjungc kuex tvtay shuiuz. “Mnoz kuex nosaz jauz mkhoc lac tvmtuing httax wvnc tonx kuex ngaz rueq rvwvl lvp tauk, naungshiq vphaungc rvlvmc tiq nuex mnoz rueq ngaz mtanc lac lungwawx phux kvmuinz; kumtsvy tvnx wvlex muinz htuiz rawk yaq ghaq maq muinz mnoz kuex ngvy yix nuex phvnx wvnc phux.

JEREMIA 2:2 Referencias Cruzadas

Tvtsvmc 129:1

Israil lei, naishiq ma chonglaq ümjaqtinok raq jamkho tiichamchaota ümnaq jeroji miiphü.

DUNGWVNC 14:31

Kiimaq Israilnok raq Tatiwe raq ningkun henghea maq Ejip mungti ka khat raüta tangtaq kra chhi raüta, tsangshiq ka khakii huhu maq Tatiwe ka shrengto. Kiimaq tsangshiq raq Tatiwe ma kamto kiimaq apaiq jaq shi se Mosheq ma kamto.

DUNGWVNC 16:8

Kiijiishe Mosheq raq nguto, “Tatiwe raq namshiq ma raji ko phaq chang ka ngam mikuq kiimaq ranap ko na phaqsea chang ka winsii, namshiq raq alot lot kra mikuq. Jamkhano ngukla namshiq raq apaiq ngeng ma ümtinkhan wa bot nyan lan kra apaiq raq taito she. Namshiq raq nai nai ngeng bom ümchuwa bom lan kriika Tatiwe ngeng bom riito.”

TAKSU LAK 1:20

Taksu tsii raq chii heawea maq heatlo; kiimaq kejat thung maq heatlo.

ASHICHONG 3:11

Jajon sheare lei, dong rong laq. Hokham Solomon ka liirong laq. Anyung raq atiiphop khuphop phop raü watlo. Apaiq junlam rohun miirii, apaiq ma khoqriiq shishiiq ranaiq.

ASHICHONG 3:6

Kumtsaiphii binjü lam maq juwa warai tla? Phumda apong ikha mongtlo. Laopanbi raq asha, Homseng tsang homrai tlaq ikha?

ISAIA 58:1

Tatiwe raq ngutlo, “Tiihong laüta agilülü riimlaq! Isengi Israilnok ma tsangshiq ngarai thun kra chongkuqlaq!

JEREMIA 11:6

Kiijiishe Tatiwe raq ngi ma nguto, “Ümniika Juda mung na chela thun kiina kilaq. Kiimaq Jerusalem na chiihea wea lam thun kiina kilaq. Laüta chiiriim laüta agiliilii maq ara itsütsa ka kiijaq chongkuq kikiq. Kiimaq nokmaiqse ma tongshong tri raütu khakuq kang kriithun ka tiitsangdada mitailaq, raüta tsangshiq raq kunkun milang wanlaq.

JEREMIA 19:2

Laüta Kolotak Kilamchong lam kiimaq kinphai na dongho laüta Hinnom Tan kiina kilaq nguta thaüto. Kiimaq kiijaq ngi ma apaiq raq jamlai tsütsa wa chongkuqjiiq kra chiiriim laüta chongkuqlaq nguta chongto.

JEREMIA 2:1

Tatiwe raq ngi ma

JEREMIA 2:6

Tsangshiq raq ngi bro riimak, ngi raq tsangshiq ka Ejip mung wa chhii wan kang, lata tsangshiq ka rumnyangkhi binjü maq shea wan kang: bintang jüngi nai kumtsaiphii phong lam maq, shinriiqriiq kiimaq maiqhai asi bin lam maq, kiijaq maiq jumin silot mak, kiimaq maiq jumin khumki mak lam maq.

JEREMIA 3:4

“Riita ümchaütiq shea ümniiraq ngi nangnga, ‘Ümniika iwe. Ümniiraq ngi ka noseji miiphü lungwii laü.

EJEKIEL 16:22

Ümniika ümrilung wiilü mephe nyung ma jawan laüta, maiqphai asi rilung siwan laü liipan na ümniiraq ümnaq noseji wa ümrilung ka jamkho siwan laü kriika— ümniika kheahü ma, ümrawü chhi nochhü tiijai thaq na riinyat laüta, akap atsea phe laü kra jangshi ra dongdii min ümtsan na riiwea wan maü riilaü.”

EJEKIEL 16:60

Shatmaq Ngi raq ümnaq noseji na ümniirai tongshong kiqkham raüpot kha wan kang kra mishrengha. Kiimaq Ngi raq ümniirai tongshong ashi hali mishong wan nongha. Kriika pattup pat-sa thenki mak phan miraq.

EJEKIEL 16:8

“Ngi jangshi ri hali kra lam maq alea wan chakang. Kiimaq Ngi raq ümniika maiq ma wacho she khana nguta liikang. Ngi raq ümkhum kheahü ma kra isamtong jong kaü kriimaq pangkuq kang. Lata ümniika milungwii kang nguta kiqkham kuqkang. Tengto. Ngi raq ümniika ijamti nyung ma nguta jaqkhaq raü tiipakuq kang. Krai mren, ümniika ijamti nyung miishe jaki laü.” Arka, Tati Rakaü Hiqwe raq ngutlo.

EJEKIEL 23:19

Apaiq ka junrii noseji na Ejip nung na mephe nyung ma jataq kra thaq niimin achan she, mephe ma jawanto.

EJEKIEL 23:3

Tsangnai ka jetuji na, Ejip mung na sito. Raüta tsangnai raq junsang rilung ka tiimobaiqto. Kiimaq tsangnai ka mephe ma jakito.

EJEKIEL 23:8

Apaiq raq Ejip mung maq mephe jaqsham pha wantaq kriika sham wan ruqli riito. Apaiq ajunsang rilung ka Ejip mung maq tiishebaiqto. Apaiq ka junriise jetu nyung miishe jonglu wantaq kriimiiphat she maiqwere kong ka apaiq rai she hainga wanto. Raüta tsangshiq raq apaiq ka mephe nyung ma tiija wanto.

Hosea 11:1

Tatiwe raq ngutlo, “Man na Israil ka noshiise riito. Ngi raq apaiq pinthum lungwiikang. Lata ise ka Ejip mung wa heawan kang.

Hosea 2:15

Lata apaiq ma spiqro thun kra, mijangkuq nongha. Lata Chamchao Hiqthung Tan ka, aran phan chang kilüchong miishe mitiija wan ha. Kiijaq apaiq raq ibom ka man na, apaiq junriiji na, Ejip mung maq saü wantaq akhing na, ngi ka jamkho lungwiitaq, kiikhahali milungwii nong.

Hosea 2:17

Jamkhano ngukla kra akhing na, Ngi raq anübok wa Baal phra mang thun ka alamshe mirbaiqha. Krai mren Baal phra mang thun ka tsangshiq nübok maq dongmak she miraq.

Hosea 2:7

Apaiq raq akongtiwetiim jai ka mijoho. Shatmaq tsangshiq jai ka lomak miraq. Apaiq raq tsangshiq ka mirit. Shatmaq tsangshiq ka hummak miraq. Kiijiishetiq, “Ai ngi arka, iwese wechüwe phaniili jang wan nong chang miraq. Man na ngi apaiq rai siji niika, khusang rakhang maq sikang. Shatmaq ümchaü ngi ka naolaq she,” nguta apaiq ka mitiibot.

Hosea 8:1

Tatiwe raq chongtlo, “Lerong tsürong laq. Re dong wanto! Liihawe raq wu phiimtlaq ikha, Re raq isenginok phiimtlo! Tsangshiq raq itongshong jaqkhaq raü chumbaiqto. Tsangshiq raq tongshong tri jinto.

Hosea 9:10

Israilnok ka rumnyangkhi kumtsaiphii na, spiqro achhi wan ikha, ngi ma rahea hum wan kang. Kiimaq tsipha shaqshaq phupmup chongtsi ikha, aphaqsea ma sumhea, namtitiim ka ngi raq, maiqlung ngamwii humwan kang, Shatmaq Peor pum na saü raüta, wuda pongwe ikha, Baal phra puk na nyap wanto Raüta tsangshiq jeangaü wanto. Raüta shekhiq miishe jawanto

Jona 1:2

“Ninewi chela jong kiina kilaq. Laüta tsangshiq raq ümtinkhan wa abi ngarai tangwan tlaq ka chongkuq kikiq. Tsangshiq raq ngarai klotlaq kra ini na amashe riiwanto.”

Matthew 11:15

Juwa ni asi, kriiti raq tiitsang tai ronglaq!”

Luke 12:13

Maiq weshi raq nokwe phong mong maq, Jesuq ma chongto, “Shrinketiwe le, i phu ma chongkuq laq, i we raq akuqthü tachong hupsam kriika, ngi miiri miphea kuq laq.”

TRI CHONGKE 2:7

“Namshiq raq ümchuwa jaqsham wan lan kra Tatiwe namshiq Shiikeawe raq shiiman kuqtaq ira tsan na tiitsang ronglaq. Apaiq raq namshiq ka ara kumtsaiphii bintang jüngi jonghea mung maq laü wan lan akhing phanrap na pinthum shiikum pan kuq wanto. Apaiq ka ara rawii roqblai tingkhit namshiq rai nong nong maq wadamto. Kiimaq namshiq ma jamlai phan wa rongraa wantaq kra apaiq raq thumli kun kun kuqto.

TRI CHONGKE 33:3

Tatiwe raq asenginok lungwiitlo, kiimaq awokhong na siti ka khup wong kuqtlo. Kra ningkhan nashiq ka ajichong na bumtiikai kiimaq apaiq aming thun kra langtiikai.

TRI CHONGKE 8:2

Namshiq Tatiwe namshiq Shiikeawe raq namshiq ka kumtsaiphii bintang jüngi lam luhea maq ara rawii roqblai ka jamkho shun shea wantaq kra tsan na tiitsang shat thü ronglaq. Namshiq ma litkot chamchao tiisaü raüta namshiq ka maitai wanto. Kriika namshiq raq jamlai wa mitiimahan kiimaq apaiq aming thun kra namshiq raq milang han sha lang man wa riijiiq nguta tairai wanto.

James 4:4

Namshiq ka awese baiqthü raüta maiq rai srati nyung ikha! Mangjong maiqse rai silu riijati ka Shiikeawe rai wesang ngoka sap man sha?. Jurwa mangjong hiq rai silu riija lungwiitlaq, kriiti ka Shiikeawe rai wesang jakitlo.

Revelation 2:4

Shatmaq tiina, ngi raq namshiq ma tsan tiibi chang lam asi. Tsanbi chang lam ka ara: Namshiq raq man na Phung na shang wan pha na, ngi jamkho lungwii lan ikha, ümchaü ka lungwii man she.