JEREMIA 2:3 - ASII LAKDAP Bible (BSI)

³ Israil lei, ümniika ngi riishe; ümniika ngi rii rahea asii tachong. Ngi raq chamchao nai matdong tiisaükang; ümnaq tiichamchaoti loweatek ma. Arka Ngi, Tatiwe raq ngutiikang.”

Hawa Naga Bible 2001

³ Israel lex, mnoz dvyx ngaz rueq guimz yaq; mnoz kuex ngvy tvkoc vsawc rvtoq. Ngaz rueq mnoz muex tvthuiuz sac jix miq ruip rawx htauk nuex kuilc vdaz nuiyc thuimkux kuex tvhttuiuc kuq tauk. Ngaz, Yehowa rueq jungx vshaungx,” ngoz tueq jungx tueq.

JEREMIA 2:3 Referencias Cruzadas

DUNGWVNC 22:29

“Ngi ma honglu thun ka üm bunwong wa, üm spiqtai wa, kiimaq oliptsi tai wa ake chang akhing riikhaqli na kuqlaq. “Ngi ma üm se chhikhuwe ka kuqlaq.

DUNGWVNC 23:16

“Ümtsam jut phaho tlaü akhing na Lamrii Poi ka klolaq. “Kiimaq Lamjaptiip Poi ka liidongji na ümniiraq spiqtsi nai petsiro wa petsi pansiq tlaü choji na klolaq.

ISAIA 41:11

“Ümniirai tsankhiq sitibi thun raq, khatlot mak raüta jea mingaü wan. Ümniirai riikhatti thun atsai miraq.

ISAIA 47:6

Ngi ka isenginok ma itsankhiq riikang; Ngi raq tsangshiq ka isenginok riimak she ikha haihii wan kang; Ngi raq tsangshiq ka ümjaq khon na thükang, kiimaq ümniiraq tsangshiq ka tiihang wan maü dea riilaü; ümniiraq tikii kiikaiq kong kriimin jimaq nishishi haihü wan laü.

JEREMIA 12:14

Tatiwe raq ngutlo, “Ngi raq Israilnok ma siqke binre mungti thun ma, ngi raq Israilnok ma akuqha mung tiithenbaiqtinok ma bom chongke chang asi. Ngi raq kra mung thun wa abi maiqse thun ka, pechong arangchong maq babaiqtlaq ikha mibabaiqha. Lata Ngi raq, Juda mung ka tsangshiq jaqkhon mong wa midokda wanha.

JEREMIA 2:4

Tatiwe tsütsa ka taironglaq, namshiq Jakob saüse phan raq, Israilnok maiq phan thun raq.

JEREMIA 30:16

Shatmaq ümchaü namngam phaqti thun ka tlotli she miphaqbaiq, kiimaq namshiq jaqtibi thun tlotli ka munglu shumwi ma mitsuq wan. Namshiq ka hok maq nishishi tseatatibi ka, maiq raq hok maq nishishi she mitsat wan, kiimaq namshiq tsiiq runtibi tsiiq kriishe mirun wan.

JEREMIA 50:7

Tsangshiq ka juro humtlaq kriiti raq kaq phaqhotlo. Tsang jaqtinok raq ngutlo, ‘Tsangshiq raq Tatiwe man na ngarai tangto. Kriikha na nashiq raq tsangshiq ma jamlai wa klotiika kra jam jiqmak. Tsangtitiim raq Tatiwe ma kamto. Krai mren, tsangshiq maiqmii ka apaiq wokhong na tsapkapkap maq sichang wa.’

Yoel 1:3

Namsetiim ma ara tsütsa ara chongkuq ronglaq, Kiimaq namsetiim riimin tsangsetiim maq michong kuq laq, Kiimaq namsaütiim riimin tsangsetiim ma michong kuq laq,

AMO LUIK DVP (AMOS) 6:1

O, namshiq Jajon chela na polokhiq siti ma, phiiptsi chang asi. Kiimaq namshiq Samaria na ümtum ümmai, haihü songhü siti ma haisi chang asi. Namshiq Israil mung jong na siti, namshiq phukhu wela ajong alabi!

HABAKUK 1:11

Kra lot jai tsangshiq ka, rahai wa ikha wawan tlo. Tsangshiq raq mangjong maiq tri, ji maq nishishi jin wantlo. Raüta tsangshiq ka ashutwe ma jawan tlo. Jamkhano ngukla tsangshiq miika, tsangshiq ningkun tri kli, tsangshiq shiikea.”

JEKERIA 1:15

Kiimaq ngi ka maiq mung thun polokhiq sitlaqti miitu, itsankhiq maimai riimak sitlo. Jamkhano ngukla, ngi raq isenginok ma itsankhiq ka ashkhing lata ninwan kangla, tsangshiq raq isenginok ka pinthum tiichamchao wantlo.

JEKERIA 2:8

Ju riiwa namshiq dü na jaq miiq tlaq, kriiti riika ngi raq pinthum lungwii tiikangti ka ajaqkaiq maq shamtlo ngushat.” Kriikha na Tati Ningkun Ajong Pinthumwe raq asengi Israil khatti ma, ngi ka tsütsa bomtsi ara tiichongkai tiikito.

WEAWEA 18:12

“Ngi ma Israilnok raq rawiitek tsamnye siqtlaq kriiwa petsi wiq tsam ahea pinthum kuqtlaq thun kra ümniimiishe kuq tiikang: oliptai, spiqtai, kiimaq bunwong wong thun kra kuq tiikang.

Romans 11:16

Riita ija, winsii thop ashi kiiwa, phushi ka pan raüta, Shiikeawe ma honglu na kuq raü jiika, kra winsii thop kriika, wiithoptam Shiikeawe riishe miraq. Kiimaq, pechong ashi wa, arang thun kriika Shiikeawe ma honglu na keje she jiika, akü ako thun siwan tlaq kiimin, wiita Shiikeawe rii siisaq she miraq.

Romans 16:5

Kiimaq tsangshiq jam na noqku wantlaq phungtuti miimin salam tiitai tiikang. Ngi ma lungwii phuno we Epanitas miimin salam tiitai tiikang. Apaiq ka Asia wang wa apha shaq shaq Phung na shang wanti.

Ephesians 1:4

Shiikeawe raq, nashiq ka, ara ra nai hiq armin miphan sang wan shaq niiphü dongdii, Jesuq Khristo pum na, apaiq riishe dongdii nguta, atsea wan wishe riito. Riita, ara nashiq tsea wantaq arka, nashiq arka, apaiq man na kechu maiqsetiim she, kiimaq ashut aphit jam min ahü she, siirairai maq siwan miitu tsea wanto. Riita, nashiq ma apaiq lungwiitsii jonghea rümtlaq kriikha maq,

TRI CHONGKE 14:2

Namshiq ka Tatiwe namshiq Shiikeawe rii. Apaiq raq namshiq ka mangjong hiq raikhü na maiq phan ümchuwa sitlaq kra phong wa namshiq ka asengi ma nguta tsea wanto.

TRI CHONGKE 26:19

Apaiq raq ümchuwa maiq mung thun phansang wantaq kra thaq na, ümniika ajong pinthum mung miishe mitiija wan. Kiimaq ümniiraq apaiq tiitsam kam kiimaq apaiq mang shreng manto ka jonghea mikuq wan haü. Ümniika apaiq raq kiq kham kuqtaq kra phan phan asengi miishe mija wan haü.”

TRI CHONGKE 7:6

Namshiq raq akha shiithenbaiq ratlo. Jamkhano ngukla namshiq ka Tatiwe namshiq Shiikeawe rii she sitlan. Mangjong hiq raikhü tlotli na maiq phan sitlaq kiiwa apaiq raq namshiq kli apaiq sengi ma nguta dadüdü atiitsang raüta tseatsiiq wanto.

James 1:18

Apaiq tsantsiitsii maq nashiq ka tengteng bomtsi maq rawü tiichhi kuqto. Raüta wenyi rilung na nashiq ka apaiq raq ümchuwa phansang wantaq, kra thun thaq na, nashiq ka lamsheati ma tiija wan miitu phansangto.

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.

Revelation 14:4

Tsangshiq ka jechakre rai kiicham mak maq, siirairai maq siti. Tsangshiq ka junsangse kong. Tsangshiq ka Skuse jai phanphan shongati. Tsangshiq ka mangjong maiqse phong wa adaa wan. Raüta, Shiikeawe nai Skuse ma tsamwi poi wong ikha, honglu na akuq.