JEREMIA 2:3 - Hawa Naga Bible 2001

³ Israel lex, mnoz dvyx ngaz rueq guimz yaq; mnoz kuex ngvy tvkoc vsawc rvtoq. Ngaz rueq mnoz muex tvthuiuz sac jix miq ruip rawx htauk nuex kuilc vdaz nuiyc thuimkux kuex tvhttuiuc kuq tauk. Ngaz, Yehowa rueq jungx vshaungx,” ngoz tueq jungx tueq.

ASII LAKDAP Bible (BSI)

³ Israil lei, ümniika ngi riishe; ümniika ngi rii rahea asii tachong. Ngi raq chamchao nai matdong tiisaükang; ümnaq tiichamchaoti loweatek ma. Arka Ngi, Tatiwe raq ngutiikang.”

JEREMIA 2:3 Referencias Cruzadas

DUNGWVNC 22:29

“Nuimshiq rueq kungkhux muinx yaq puix wungx, svpiq thuey nuiyc olip puiz maq ngaz muex shomc nawk kuy rax. “Nuimshiq saz pekhux waz kuex ngaz muex lekuy rax.

DUNGWVNC 23:16

“Nuimshiq wuik vnax wawc tuiz vtsvmz yut phaungc wvnc jauz nuex, tsvmz Nyalx Svy Moalx kuex moalx shuinz. “Raungx wawc vhtumx kox nuex vthuey vngoz tvjomx lot vtueq, vthuey vngoz Tvjomx lot Moalx kuex moalx shuinz.

ISAIA 41:11

“Mnoz muex khaq raq jix kuex dvy sumx wvnc vtueq yvlc svy lvmz kuex tuiuz wvnc shuex. Mnoz khvt jix kuex thueyc mvy wvnc tuex

ISAIA 47:6

Ngaz kuex ngvy miqsaz htenc muex khaq vtueq; ngvy miqsaz rvmuq shex ikhoc tvyaungc wvnc tauk: Ngaz rueq tsuingshiq kuex mnoz luimc vkawc khung nuex taq gay tauk, mnoz rueq tsuingshiq muex menjenc thuinz vguez; nyuiuz waz rulx muex doc muinz batac hvlc rvtoq.

JEREMIA 12:14

Yehowa rueq, “Ngvy miqsaz Israel muex ngaz rueq vtaq kuq ghaq vraungx kuex tvbac kuy jix Israel muex yuimx phic wuinz nuex seng vtueq jungc kuy tvkoc phvnx shishiz ngaz rueq lvp tauk. Ngaz rueq vkemc saz kuex vruingx maq phiz gay shix ikhoc honc bac miqsaz kuex tsuingshiq mungtan wawc phiz gay shaungx; ngaz rueq Yuda mungx kuex tsuingshiq yauk wawc palc wvnc shaungx.

JEREMIA 2:4

Yaku suiuz vsaz hez, Israel phvnx waruiuz htenc lex, Yehowa vpiq bomjungc kuex tay shuinz.

JEREMIA 30:16

Yuq muinz majuiuc, nuimshiq kuiuz phuiuz jix lotlaz kuex vkuiuz phuiuz rvhumc tuex, nuimshiq muex ralx htenc lotlaz kuex wuinz saz ikhoc thuq wvnc rvhumc tuex. Nuimshiq muex tuinghtuing jix lotlaz kuex vtuing vhtuing rvhumc tuex, nuimshiq khvt nyvlc jix kuex vkhvt vnyvlc rvhumc tuex.

JEREMIA 50:7

Tsuingshiq rulc rvhumc jix lotlaz rueq tsuingshiq kuex khvt wuez tueq. Tsuingshiq ralx htenc rueq, ‘Tsuingshiq kuex Yehowa muex mvrax yaq gay tueq, kvkhoc rvtueq naungshiq rueq shuimx gay tiq kuex yaq muq. Tsuingshiq jix vwaz tamx kuex Yehowa muex tvluimc wuez yaq, tsuingshiq shauk pumz muinz vpiq nuex tvmtuing httaz aungx yaq,’ ngoz tueq jungx tueq.

Yoel 1:3

Kvruex yuq seng vtueq nuimz sahez muex jungx kuq shuinz; tsuingshiq rueq muinz tsuingc sahez muex jungx kuq shuex, patshiz maq patshiz phvnx jvnx jungx wuez shuex.

AMO LUIK DVP (AMOS) 6:1

Nuimshiq tvkoc Zion nuex vkhoc vpiauc vliauc httaz lvp jix bix, Samaria mungx nuex kvwungx httaz jix bix, mungx miqsaz htenc rueq kvmenc jenc yaq jix bix, miqphvnx wawc vyungx vluz rvtuit Israel miqsaz lex nuimshiq nuex kvhiz juing yaungx wvnc tuex!

HABAKUK 1:11

Kvruex yimaq tsuingshiq kuex raungguil ikhoc pvnx wvnc vtueq moz wvnc tueq, vruex miq htenc luimc vkawc kuex tsuingshiq tishox rvtueq,” ngoz tueq jungx wuez yaq.

JEKERIA 1:15

Ngaz kuex ngvy miqsaz htenc htauk nuex httuiuc yaq thuinkhvy kuex nanx vtueq httax yaq nuex, nomic maq kokez httax wuez yaq miqphvnx htenc rueq ngvy phvnx miqsaz htenc rvhumc yaq kuilc daz jamjaux kuex pinhtumc tvyaungc kuq yaq. Kvkhoc rvtueq ngaz kuex kvruex miqphvnx htenc muex pinhtumc thuinkhaq vtueq,

JEKERIA 2:8

Nuimshiq wungc thvy jix waz ukhaq yuq muinz ngvy tvkoc vhtawz vhttax pinhtumc kuex wungc thvy jix waz rvtueq,” ngoz tueq jungx tueq. Kvkhoc rvtueq Tvphaungc Tvsuip Yehowa rueq vpiq miqsaz htenc khvt yurc gay jix miqphvnx htenc tvkoc vruex bomjungc vrulc vdvmz nuex ngaz tvkaz phuex:

WEAWEA 18:12

“Israel miqsaz rueq ngaz muex wawc tek kuq yaq, vphaungc thuey ngoz yaq vhvlx pinhtumc olip puiz, svpiq tix nuiyc tuiz vtsvmz htenc kuex ngaz rueq nuimshiq muex kuq phaungx.

Romans 11:16

Kvmaq raz tueq wanx phux shiz wawc phux shiz lvmz vtueq Tishox kox nuex vphaungc shomc kuq ruiux yuq, kvjungx yaq wanx wvtaungx shomc kuy muex yaungx yaq; kvmaq pulx jungx vruingx kuex Tishox muex shomc kuq ruiux yuq, vphak vnoz lotlaz shomc kuy yoalx muex yaungx yaq.

Romans 16:5

Tsuingnueyc yuimx nuex rvtuimx httax vtueq nawk palx yaq phungc miqsaz htenc kvmac muinz gvnhttuingc ngoz tueq jungx kuq shuinz, Asia mungx wawc vphaungc phungc miqsaz muex yaungc jix waz ngvy kungjix shauk Epaenetu muex muinz gvnhttuingc ngoz kuq shuinz.

Ephesians 1:4

Naungshiq kuex Christu Yesu rulc vshiz dvyx yaungx vtueq vpiq htumc nuex mvrax vguez maq, vsawc miqsaz muex yaungc wvnc tvkoc mungkawx max tvdung sung nuex phuex naungshiq kuex Tishox rueq thvl taq shec phuex. Tishox rueq vpiq lungwawc thuinz maq,

TRI CHONGKE 14:2

Yehowa rueq ghaq htauk nuex httax yaq miqphvnx htenc wawc nuimshiq kuex vpiq miqsaz muex thvl wvnc tueq ningkhvnc nuex nuimshiq kuex Yehowa nuimshiq Tishox rueq guimz yaq.

TRI CHONGKE 26:19

Vpiq rueq vtvdung sung miqphvnx htenc kvruex htauk nuex muinz nuimshiq muex vpiq muingc jungc kuex tvtsanc nganc ruiux tvyungx luz wvnc kv-phuinx. Vpiq rueq bomkhvmc taq tueq rulc rv-ngvlc nuimshiq kuex vpiq vsawc miqsaz shauk muex yaungx wvnc tuinx rvtueq.”

TRI CHONGKE 7:6

Yvmx khoc lac ngoz ruiux lec Yehowa nuimshiq Tishox rueq nuimshiq kuex guimz yaq ningkhvnc nuex vkhoc shuimc rax. Ghaq htauk nuex httax yaq miqsaz htenc wawc nuimshiq kuex htep vpiq miqsaz muex thvl wvnc tueq.

James 1:18

Vpiq rueq tvdung sung taq tueq lotlaz htauk nuex naungshiq kuex vphaungc baung lvp jix yaungc tvkoc vpiq thuinroc rulc rv-ngvlc tsuingrux bomjungc maq vpiq rueq naungshiq kuex tvdung sung taq phuex.

1 Peter 2:9

Yuq muinz nuimshiq kuex vthvlc vruez shec Hokhvmx shomc waz bix, vsawc miqsaz htenc nuiyc Tishox vpiq rueq guimz yaq miqsaz htenc rvtuit, kvkhoc thvl wvnc lvmz kuex, nuimshiq raungnyauk mungx kvwawc vpiq vwangc juing raungwuic nuex gvlc wvnc jix waz ngauz vngax httax yaq shuimc vkay htenc kuex jungphvnc tv-nyvmc wvnc tvkoc rvtueq.

Revelation 14:4

Tsuingshiq kuex sahtok sapawx yaungx muq yalxrox bix ningkhvnc nuex, Khelbuenx Saz m-yuq lac kaz tvnx kvyuq phvnx wuez yaq, tsuingshiq kuex miq paunghvlc phungc wawc thvl vtueq vpalc daungc wvnc ningkhvnc nuex, Tishox nuiyc Khelbuenx Saz muex vphaungc shauk shauk lekuy rvhumc jix htenc rvtueq.