DUNGWVNC 3:18 - Hawa Naga Bible 2001

¹⁸ “Mnoz rueq jungx shuiux kvjaz kuex ngvy miqsaz rueq tay shuex. Kvruex yimaq mnoz kuex Israel walaungx bix rulc vdvmz Ejip hokhvmx waz kox nuex kaz vtueq, ‘Hebre miqsaz Yehowa Tishox kuex kvkhic phuex shex. Majuiuc nuiyshiq Yehowa Tishox muex shomc nawk kuy tvkoc nuiyq thuimx lvmx kumtsvy tvnx nuex kaz phix,’ ngoz tueq thoz shuinz.

ASII LAKDAP Bible (BSI)

¹⁸ “Ümniiraq tsangshiq ma jamlai wa chongkuq tlaü ka isenginok raq mitai. Laütiishe ümniika Israilnok welabi thun kra sheaho laüta Ejip mung hokhamwe phana kai ratlo. Laüta apaiq ma akha chonglaq, ‘Tatiwe, Hibrunok Shiikeawe ka naishiq ma apumsii maq asham tiichhikito. Ümchaü min ümniiraq naishiq ka rumnyangkhi kumtsaiphii wang na Tatiwe, naishiq Shiikeawe ma honglu takekai miitu ranaiq tsam khumchang loq na saüli kaiho miitu naishiq ma aming kuqlaq.’

DUNGWVNC 3:18 Referencias Cruzadas

RAPHA HIQWA LAK 12:1

Yehowa rueq Abram muex ngoc, “Mmungtan, mphvnx mmaq nuiyc m-waz yuimx kuex gay shec ruiux, ngaz rueq tvkhic phaungx mungx kvyuq kaz kuiuz.

RAPHA HIQWA LAK 14:13

Yuq muinz yuz lvp wvnc tueq miq washiz kuex Amori miqsaz Mamre rueq guimz yaq vsawc pulx jungx htenc kemz yaq hep nuex httax yaq Hebre miqsaz Abram muex yaungx wvnc tueq lvmx htenc kuex jungx kaz tueq. Mamre nuiyc vnox nueyc rvtueq Eshkol nuiyc Aner kuex Abram rulc bomkhvmc rvtvy yoalx nomic hez rvtueq.

RAPHA HIQWA LAK 15:1

Kvruex yimaq Yehowa rueq romzyac tvkhic vtueq Abram muex ngoc, “Abram lex nauk hiz kaz. Ngaz rueq mnoz kuex vhiz juing wawc tvwungx wvnc vtueq yauk noalc yunghvlc kuq phaungx,” ngoz tueq jungx yaq kvjaz kuex tay tueq.

RAPHA HIQWA LAK 17:1

Abram kuex rullungx wawc 99 nuex Yehowa kuex piq muex kvkhic vtueq, “Ngaz kuex Tvphaungc Tvsuip Tishox rvtauk. Ngvy kvjaz kuex phvnx vtueq vlvmx yauk shuimc kuex mkaq muinz shuimx shuiuz.

RAPHA HIQWA LAK 48:3

Yaku rueq Yosep muex ngoc, “Tvphaungc Tvsuip Tishox rueq Kanaan mungx Luza ghaq maq ngaz muex kvkhic kaz vtueq ruimruimx kuq phuex.

2 KAÜWA WERAÜ 30:12

Hokhvmx waz nuiyc piq vyungx vlaungx bix rueq tvtay nvr tueq bomc kuex phvnx vtueq vpiq thuinroc phvnx lvp laz juing ngoz tueq Tishox rueq muinz Yuda mungx nuex yauk shuimc jix miq htenc muex tsuinghez rueq htvp htaz tueq rulc rv-ngvlc rungx raz lvmz tvtsuir taq tueq.

Tvtsvmc 110:3

Mralx htenc kuex mnoz rueq khvt shuiux raungnuiyq kvkaq, mmiqsaz htenc kuex miqmac thuinz maq romc khvt naungx kv-phux. Raungnvp nuex ruk yaq buing ikhoc m-yalxrox bix kuex mnoz httax vtuiux vsawc kanx nuex httuiuc kaz tuex.

DUNGWVNC 10:3

Moshe nuiyc Arun kuex hokhvmx waz kox nuex kaz vtueq piq muex jungx tueq, “Hebre miqsaz htenc Yehowa Tishox rueq ngoc, ‘Mnoz rueq ngvy kvjaz kuex mtanc nuex httuiuc laz lac tvlvlc phux? Ngaz muex nawk palx kuy kay tvkoc ngvy miqsaz htenc kuex tvkaz shuiuz.

DUNGWVNC 17:5

Yehowa rueq Moshe muex ngoc, “Mnoz rueq Israel walaungx bix wvyvmc kuex shvlx vtueq, miq htenc kvruex max nuex kaz kuinz. Nile ruilx wungc juing ngvlhtulc kuex shuimx laq shuinz.

DUNGWVNC 19:1

Israel miqsaz htenc kuex Ejip mungx maq dung kaz wvnc yix, Lex thuimx yapix vphaungc raungnuiyq Sinai kumtsvy tvnx nuex tsuingshiq httuiuc kaz tueq. Tsuingshiq kuex Rephidim maq waung wvnc vtueq Sinai Kanx yaz nuex jerak tec ruiux httax wuez tueq.

DUNGWVNC 25:22

Ngaz nuimshiq rulc kvruex maq rvhumc tix, ngaz kuex kherubim raungx nueyc hvlwvl vguip htauk kvyuq httax vtueq, Israel miqsaz tvkoc ngvy tvrac htenc kuex mnoz muex jungx kuq phaungx.

DUNGWVNC 3:12

Tishox rueq, “Ngaz kuex mnoz rulc vdvmz httax taungx, mnoz rueq miq htenc kuex Ejip mungx wawc tvdung shvlx wvnc vtueq, vruex kanx vmaq ngaz muex nawk palx kuq phuinx. Vruex kuex ngaz rueq mnoz tvkaz phaungx lvmz hakhix rvtuex,” ngoz tueq jungx tueq.

DUNGWVNC 3:16

Mnoz kaz vtueq Israel miqsaz walaungx bix kuex tvtuimx ruiux, tsuingshiq muex jungx shuiuz, tsuingshiq jix vwaz tamx Tishox, Abraham, Esak, Yaku Tishox, Ngaz Yehowa rueq mnoz kox nuex kvkhic kaz tueq lvmz tsuingshiq muex jungx shuiuz, ngaz tsuingshiq kox nuex kaz vtueq Ejip miqsaz rueq tsuingshiq muex ruez yaq kuex khiz tauk.

DUNGWVNC 30:36

Vhomc vshot kvwawc wvyvmc kuex tvwanx htuiuz ruiux, Ngaz httax taungx Tap mungx nuex lvmz laq vtueq Bomkhvrc Jep kvlc kvyuq wuinc shuiuz. Kvruex vhomc vshot kuex vsawc pinhtumc vhomc vtumc muex tvyaungc rax.

DUNGWVNC 30:6

Shomrawx kvruex Bomkhvrc Jep max nuex vjuinx khvymvnz phic kox kvyuq taq shuiuz. Kvruex baung kvyuq ngaz mnoz rulc rvhumc taungx.

DUNGWVNC 4:1

Moshe rueq Yehowa muex ngoc, “Mkhoc shoc maq Israel miqsaz kuex ngaz muex kvmx muq, ngaz rueq jungx ruiux muinz tay muq. Mnoz rueq Yehowa khiz toq ngoz shuiux kuex yaungx lot muq, ngoz laq ruiux yuq, ngaz rueq yvmx khoc lac rvshaungx?” ngoz tueq wiz tueq.

DUNGWVNC 4:23

Isaz rueq ngaz muex nawk palx tvkoc ngaz rueq jungx vphaungx, yuq muinz mnoz rueq tvkaz muq. Majuiuc ngaz rueq msaz pekhux waz kuex thvt gay shaungx,’ ngoz tueq ngoz wuex,” ngoz tueq jungx shuiuz.

DUNGWVNC 4:24

Ejip nuex kay lvmx yuip chuing baungshiz maq Yehowa kuex Moshe rulc rvhumc vtueq, piq kuex thvy gay dvnc tueq.

DUNGWVNC 4:31

Tsuingshiq kvmx wuez tueq, Yehowa kuex tsuingshiq kox nuex svt kaz vtueq, tsuingshiq pinhtumc tvkuilc daz yaq kuex khiz tueq shex lvmz tay wuez vtueq, tsuingshiq bumx vtueq nawk palx wuez tueq.

DUNGWVNC 5:1

Kvruex yimaq Moshe nuiyc Arun kuex Ejip hokhvmx waz kox nuex kaz vtueq, “Yehowa Israel Tishox rueq ngoc, ‘Ngvy miqsaz htenc kuex tvkaz shuiuz, tsuingshiq rueq ngaz muex tvtsanc nganc kuy tvkoc kumtsvy tvnx maq moalx mmoalx kaz kueq,’ ngoz wuex,” ngoz tueq jungx kuq tueq.

DUNGWVNC 5:3

Moshe nuiyc Arun rueq, “Hebre miqsaz Tishox kuex nuiyshiq muex kvkhic phuex. Nuiyshiq Yehowa Tishox muex shomc kuy kay tvkoc nuiyq thuimx lvmx kumtsvy tvnx kvyuq tvkaz koq. Nuiyshiq rueq kvkhoc ruez miq ngoz ruiux, vpiq rueq nuiyshiq kuex vmac vtsac, rvmuq ngoz ruiux jaq vralx maq tvthvt gay phuex,” ngoz tueq jungx tueq.

DUNGWVNC 7:16

Hokhvmx waz muex jungx shuiuz, ‘Hebre miqsaz htenc Yehowa Tishox rueq vpiq miqsaz kuex kumtsvy tvnx nuex vpiq muex nawk palx kay tvkoc ngaz muex tvjungx kaz phuex. Yuq muinz majuiuc nuex httuiuc laz mnoz rueq tay kuq muq.

DUNGWVNC 8:1

Yehowa rueq Moshe muex ngoc, “Hokhvmx kox nuex kaz vtueq piq muex vkhoc jungx shuiuz Yehowa rueq ngoc, ‘Ngaz muex nawk palx kuy kay tvkoc ngvy miqsaz htenc kuex tvkaz shuiuz.

DUNGWVNC 8:20

Yehowa rueq Moshe muex ngoc, “Invp raungnvp nuex hokhvmx waz kuex yuix kawx nuex kaz yaq kvyuq piq rulc rvhumc kaz vtueq, piq muex ngoc Yehowa rueq vkhoc ngoz yaq, ‘Ngaz muex nawk palx kay ngvy miqsaz htenc kuex tvkaz shuiuz.

DUNGWVNC 8:23

Ngaz rueq ngvy miqsaz htenc nuiyc mmiqsaz htenc kuex tvhvl vtueq pungx tvy taq shaungx. Kvkhoc vwangc juing kuex invp raungnuiyq yaungx wvnc tuex,’ ngoz tueq jungx shuiuz,” ngoz tueq jungx tueq.

DUNGWVNC 9:1

Yehowa rueq Moshe muex ngoc, “Hokhvmx waz kox nuex kaz vtueq piq muex vkhoc jungx shuiuz, Hebre miqsaz htenc Yehowa Tishox rueq ngoc, ‘Ngaz muex nawk palx kuy kay tvkoc ngvy miqsaz htenc kuex tvkaz shuiuz.

DUNGWVNC 9:13

Kvruex yimaq Yehowa rueq Moshe muex ngoc, “Invp raungnvp saz nuex hokhvmx waz rulc rvhumc kaz vtueq vkhoc jungx shuinz, Hebre miqsaz htenc Tishox Yehowa rueq ngoc, ‘Ngaz muex nawk palx kuy kay tvkoc ngvy miqsaz kuex tvkaz shuiuz.

ISAIA 64:5

Mnoz rueq vlvmz yauk shuimx vtueq kokez yaq jix nuiyc, mthuinz roc tvraungx tvkoc lauk gay muq jix kuex malc wvnc vshuiux. Mnoz kuex nuiyshiq muex khaq vtuiux, yuq muinz nuiyshiq kuex mvrax yaq ruq yaq vtix; mnoz khaq hvlc khaq vtuiux rvhvt maq nuiyshiq rueq mvrax kuex mvnnuex maq phuex yaq ruq yaq vtix.

JEREMIA 2:2

Yerusalem wawc miq lotlaz muex vruex bomjungc kuex tvtay shuiuz. “Mnoz kuex nosaz jauz mkhoc lac tvmtuing httax wvnc tonx kuex ngaz rueq rvwvl lvp tauk, naungshiq vphaungc rvlvmc tiq nuex mnoz rueq ngaz mtanc lac lungwawx phux kvmuinz; kumtsvy tvnx wvlex muinz htuiz rawk yaq ghaq maq muinz mnoz kuex ngvy yix nuex phvnx wvnc phux.

JEREMIA 2:6

Ngaz rueq tsuingshiq kuex Ejip mungx wawc daungc wvnc vtueq, yaruix tvnx wvlex, kumtsvy tvnx htenc, ghaqkhurx htenc paung yaq mungx, htuiz rawk vtueq kvhiz juing paung yaq mungx, miq vshiz muinz vguez miq vshiz muinz khuemx shamx muq mungx kuex tvyanz wvnc vtueq, shvlx wvnc koq muinz tsuingshiq rueq ngaz muex wvlc guez tvyaungc yaq.

JEREMIA 26:5

mnoz kox nuex tvkaz phaungx ngvy nvrc waz shvmmax bix kvjaz htenc kuex tay tvtsuingc tvkoc ngaz Yehowa rueq nvr vphaungx. Yuq muinz tsuingshiq rueq jungx yaq kuex mnoz rueq mkaq muinz phvnx muq.

WEAWEA 17:4

Ngvlhtulc htenc kvruex kuex ngaz httax yaq Tap nuex lvmz laq vtueq, Bomkhvrc Jep khaungkac nuex taq shuiuz, kvyuq ngaz kuex mnoz rulc rvhumc tix.

JOSHUA 1:17

Nuiyshiq rueq Moshe kvjaz mkaq muinz tay wvnc tiq ikhoc mkvjaz muinz tay wuez shix, Yehowa Tishox kuex Moshe rulc vdvmz httax wvnc tueq ikhoc mnoz rulc muinz vdvmz nuex mhttax kueq!