DUNGWVNC 3:17 - Hawa Naga Bible 2001

¹⁷ Ngaz rueq tsuingshiq kuex Ejip mungx wawc tvdungc shvlc wvnc tvkoc htvp htaz wuez shex, tsuingshiq guirguenz yaq kvwawc shvlx wvnc vtueq, puix nuiyc nyaq ngurx dung yaq mungx, Kanaan, Hitti, Amori, Perizi, Hiwi nuiyc Jebusi phvnx htenc httax yaq mungx nuex shvlx wvnc tvkoc htvp htaz tauk shex.

ASII LAKDAP Bible (BSI)

¹⁷ Ngi raq tsangshiq ka Ejip mung na ümtinkhan wa haihii raüta tiichamchaotlaq kiiwa ahin niishe mitsuq wanha nguta thimi wankang she. Lata tsangshiq ka hiqpo hiqwin mung niishe Kanannok sichang, Hitaiqnok sichang, Amoraiqnok sichang, Perijaiqnok sichang, Hiwaiqnok sichang, kiimaq Jebusaiqnok sichang mung niishe mitsuq wanha.

DUNGWVNC 3:17 Referencias Cruzadas

RAPHA HIQWA LAK 46:4

Ngaz kuex mnoz rulc vdvmz Ejip mungx nuex kaz taungx, ngaz rueq msuiuz msaz phvnx kuex vruex mungx vyuq shvlx wvnc yek shaungx. Mnoz thueyc kaz tuiux kvkaq Yosep kuex mnoz rulc vdvmz nuex rvtuex,” ngoz tueq jungx tueq.

RAPHA HIQWA LAK 50:24

Piq rueq vphuz hez muex ngoc, “Ngaz kuex vthueyc wvnc shex, ngaz vguez yuq muinz Tishox rueq nuimshiq muex vsuingc suing lawc mawc kuq kv-phuinx, nuimhez kuex vruex mungtan vwawc shvlx wvnc vtueq Abraham, Esak, Yaku muex kuq phaungx ngoz tueq bomkhvmc kuq tueq mungx kvyuq shvlx wvnc kv-phuinx,” ngoz tueq jungx kuq tueq.

RAPHA HIQWA LAK 50:25

Kvruex yimaq Yosep rueq piq miq htenc kox wawc bomkhvrc thoz tueq kuex, “Tishox rueq nuimshiq kuex kvruex mungx kvyuq shvlx wvnc ruiux yuq, ngvy ruk vrawz kuex nuimshiq rulc vdvmz lvmz wvnc shuinx ngoz tueq ngaz muex bomkhvmc kuq kuit,” ngoz tueq jungx tueq.

1 KAÜWA WERAÜ 1:15

Hiwi, Arki, Sini,

Tvtsvmc 102:21

Kvkhoc rvtueq mungtan htenc nuiyc miqphvnx htenc kuex vdvmz nuex rvtuimx vtueq, Yehowa muex nawk palx shuex nuex vpiq muingc jungc kuex Zion kanx nuex jungphvnx shuex, miq htenc rueq muinz Yerusalem ghaq nuex vpiq muex tvtsvmc wuez shuex.

DUNGWVNC 13:5

Yehowa rueq nuimshiq jix vwaz tamx muex kvtuemc khvmc kuq tueq Kanaan, Hitti, Amori, Hiwi nuiyc Jebusi miqsaz htenc httax yaq mungx kuex nuimshiq muex kuq phaungx ngoz tueq. Vpiq rueq tvkaz vtueq puix nuiyc nyaq ngurx dung yaq mungx nuex nuimshiq httuiuc kaz ruiux yuq, wawc tek vphaungc yapix nuex vkhoc moalx kuex moalx wuez shuinz.

DUNGWVNC 32:34

Majuiuc kaz vtueq mnoz muex ngaz rueq jungx phaungx baung kvyuq tsuinghez kuex shvlx laq shuiuz. Ngvy raungkamx waz rueq mnoz muex lvmx shvlx kuq kv-phux, yuq muinz vruex hez htenc yaq gay tueq mvrax laung kuex ngaz rueq murx tvgurc kuy vkhing httuiuc wvnc tuex,” ngoz tueq jungx tueq.

DUNGWVNC 33:3

Nuimshiq kuex phuiuz svy juing puix nuiyc nyaq ngurx dung yaq mungx kvyuq tvkaz phaungx. Yuq muinz ngaz kuex nuimshiq rulc roc nuex kaz naungx mauk, yvmx khoc lac ngoz ruiux lec nuimshiq kuex khux tsanz phvnx miq ningkhvnc nuex, ngaz rueq lvmx khuemc lvmx maq nuimshiq kuex tvbac tac gay roc mauk,” ngoz tueq jungx tueq.

DUNGWVNC 6:6

Kvkhoc rvtueq Israel miqsaz muex vkhoc jungx kuq shuiuz, ‘Ngaz kuex Yehowa rvtauk; Ejip miqsaz kox nuex dax muex yaungx vtuinx kvwawc ngaz rueq nuimshiq kuex tvdung wvnc phaungx. Ngvy yauk phumz hungc vlaungc tvlanc vtueq, tsuingshiq htauk nuex vhiz juing murx tvgurc ruiux, nuimshiq kuex palc wvnc phaungx.

JEREMIA 11:5

Kvmaq majuiuc tsuingshiq httax yaq vrungx vwanx nuiyc ghaq vbur mungx kuex tsuingshiq jix vwaz tamx muex kuy tvkoc ngaz rueq bomkhvmc kuex tv-phaungx shaungx lvmz tsuingshiq muex ngaz rueq jungx tauk,” ngoz tueq jungx tueq. Ngaz rueq, “Rvtueq, Yehowa lex, ngoz tauk.

JEREMIA 32:22

Tsuingshiq jix vwaz tamx rulc mnoz rueq bomkhvmc taq toq rulc rv-ngvlc, mnoz rueq vruex vrungx vwanx nuiyc ghaq vbur mungx kuex tsuingshiq muex kuq toq.

EJEKIEL 20:6

Kvruex ngaz rueq tsuingshiq kuex Ejip mungx wawc tvdung wvnc vtueq mungtan lotlaz htauk nuex vhvlx pinhtumc ghaq vraungx puix nuiyc nyaq ngurx kaz yaq mungx ngoz yaq tsuingshiq tvkoc ngaz rueq vthvl shec mungtan nuex shvlc wvnc tvkoc bomkhvmc taq tauk.

LEWI 20:24

Yuq muinz vrungx vwanx nuiyc ghaq vbur mungx kuex nuimshiq rueq guimz tvkoc ngaz rueq kuq phaungx ngoz tueq bomkhvmc taq tauk kvkhoc ruez shaungx, ngaz kuex Yehowa nuimshiq Tishox rvtauk, nuimshiq kuex vganc miqphvnx wawc tv-phvlc vtueq, ngaz rueq vthvl wvnc miqphvnx rvtuit.

WEAWEA 13:27

Tsuinghez rueq Moshe muex ngoc, “Nuiyhez rueq kvruex mungx nuex kaz vtueq helc roalc koq tueq, kvruex mungx kuex phuiuz vsvy rungwanx vtueq ghaq vbur waq kuex tuiuz tiq; pulx thuey htenc vruex kuex kvruex mungx wawc vdung pulx thuey rvtueq.

TRI CHONGKE 26:9

Vpiq rueq vruex rungx vwanx nuiyc ghaq vbur mungx vyuq shvlx laq vtueq tvhttax ngaungc phuex.

TRI CHONGKE 6:3

Israel miqsaz lex, tay wuez vtueq phvnx wuez shuinz! Kvkhoc ruez ruiux yuq Yehowa naungshiq jix vwaz tamx Tishox bomkhvmc httax yaq rulc rv-ngvlc nuimshiq lotlaz rungwanx wvnc vtueq hungc vlaungc httaz hvlc miqphvnx muex yaungx wvnc ruiux, ghaq vbur phuiuz vsvy juing paunghvlc mungtan nuex httax ngaungc wuez lvp tuinx.

JOSHUA 24:11

Nuimshiq rueq Yodan ruilx kuex yanz wvnc vtueq Yerikho nuex httuiuc kaz tuit. Amori, Perizi, Kanaan, Hitti, Girgashi, Hiwi nuiyc Jebusi miqsaz htenc rueq ruez tueq ikhoc Yerikho miqsaz rueq nuimshiq kuex khvt tueq. Yuq muinz ngaz rueq tsuingshiq kuex nuimshiq muex lotlaz tvtaungx gay phaungx.

JOSHUA 9:1

Yodan ruilx maq shalx nyuip kox wawc kuz htenc, kuz yaz htenc, ghaqkhux kox Lebanon kanx nuex httuiuc laz luz yaq Svmuktvrax Mediteranean kawx htenc guimz yaq Hitti, Amori, Kanaan, Perizi, Hiwi nuiyc Jebusi phvnx hokhvmx bix htenc kuex Israel miqsaz rueq taungx wvnc tueq thaungc tay wuez tueq.