AJONJÜ 2:21 - ASII LAKDAP Bible (BSI) Nyungwere nai nosere thun wiita, chiihea wea lam na jiipbaiq wanto, re raq jetu jerobi min wiita tsatbaiqto. Ümniiraq mangchan tiichikuq maü maq, ümtsankhiq walü ranaiq, tsangshiq jiipbaiq wan laü. Hawa Naga Bible 2001 Nyuiuz waz nosaz ngoz muq lvmx htenc nuex thueyc kaz wuez tueq, Yalx rox rulx nuiyc yalxjuik rulx muinz ralx waz yaung maq thvy gay rvhumc tueq. Mthuinz khaq yaq raungnuiyq tsuingshiq muex menjenc muq maq mnoz rueq thvt gay toq. |
Kra ningkhan Tatiwe raq tsangshiq tlong kai miitu Bebilon mung hokhamwe kriishe tiikito. Hokhamwe raq Juda mungti jerobi thun kra jiip baiqto. Shomjam mong wa taqtaq tsatbaiqto. Apaiq raq jumin tiihang wan mak she riito. Jero jiimin, nyungwe jiimin, maiqwe jiimin riimakla jechak nyung jiimin, atsiti jiimin, aheati jiimin tiihang mak riito. Shiikeawe raq tsangshiq ka wiitarü apaiq jaq khon mong niishe kiinong kuqbaiqto.
Raüta, jipi lüroqshi ri lünai wa raroqshi ri ranaiqtsam na, Adar jipi na, Jehudinok ka nyungwe nose kiimaq jechakre nai nosere thun tlotli, hokhamwe mungtan tlot li, awang tek wa tiithumpak tseabaiq wan chang. Raüta tsangshiq huk asam thun kra wiita runphaq wan chang nguta aming lak ka tiiho wanto.
Pechong wa akü ako thun ka wiita ajungshe riikito. Raüta angoq she riikito. Kriika jechakre raq chin miishe riichom chaqtlo. Tsangshiq raq tsang tsü chhimak kha she, tsang Phansangti Shiikeawe raq tsangshiq ka mangchan mak she miraq. Kiimaq tsangshiq ma tiihang mangchan tiichhikuq mak miraq.
Kriikha niishe Ajong Pinthum Tatiwe raq nguto, “Ngi raq tsangshiq ma mo mitiihoha! Tsangshiqnok jerobi ka redong akhing na mitsai. Tsangsetiim nosere kong ka ram raq mijiim.
Latiishe ngi raq hamlii che tsabum thun ka triibuk lata tsabum thun ka wiita mitiibun baiqha. Nyungwe re tikiibi, kiimaq jerobi wiita adam na romshaq mibukbaiqha. Jumin tiihang mang; jumin mangchan mang, kiimaq ju miimin mangchan ka tiitsi mang maq, ngi raq tsangshiq ka kun kun mijiipbaiqha.”
Shatmaq ümchaü, Tatiwe lei, tsangsetiim ka ram raq mijiimlaq. Kiimaq tsangshiq ka redong na mijiimlaq. Anyungre ka wehü sehü ma mija laq. Maiqwere ka thadong raüta mitsailaq. Kiimaq jerobi ka re na mitsailaq.
Shatmaq ümnaq nai ümjaqkhong na siti ajong alabi thun, kiimaq redong na tsaimak luntlaqti mungmaiqse thun kra, ramdong na tsaimakti thun kra, kiimaq thadong na tsaimak atiichongti thun kra, Ngi raq namshiq wiitarü ka Hokhamwe Nebukadnejar nai namshiq jaqtinok namshiq tseabaiq tankhan tlaqtinok jaqkhon mong na mikuqbaiqha. Nebukadnejar raq namshiq ka atsea mirbaiq. Apaiq raq namshiq ka jumin tiihang mak miraq. Kiimaq namshiq phong wa ju miimin tiihang mangchan riimakla mangchan tiitsi kuq mak miraq. Arka, Ngi, Tatiwe raq kiqtoq tan lata chongtiikang.”
Ngi raq maiq nyung no wüchhitsi ma hantlaq ikha aho taikang, ase chhikhu do akhing na siiraitlaq ikha. Kriika Jerusalem hotlo, atsitsü pit wan kiita ajaq wiinai ka ra na tiipii raüta ngutlo, “Ngi ha miqkang she! tsangshiq ka ngi tsea wa watlo!”
Lata maiqwere nai jechakre thun jiipbaiq kang, nyungwere nai jerobi thun jiipbaiq kang, lata maiqwe sere nai jechak sere tiiqbaiq kang.
Tsangshiq khuthaq na ümtsankhiq waniitu nyai tlaq kriika, itsan mong niimin nyairaitlo, Tatiwe lei. Krai mren arka ngi raq itsan mong na kaishakshak maq alu ka thülot mang she.” Kiijiishe Tatiwe raq ngi nguto, “Itsankhiq khamtak kaü ka nosere chiiheawea lam thun na haisiq tlaq thaq kiijaq nyuk baiqlaq. Kiimaq jerobi kong riitam ngatlaq phong kriithaq kiijaq nyukbaiq laq. Awetiim nai anyungtiim thun min miqchup mitsuq wan. Tikii kiikaiq thun min tiihang mak wiita mitsuq wan.
Ngi raq ngukang, “Tatiwe bom tai ronglaq, jechakre lei, lantea apaiq bomtsi tiitsang taironglaq. Lantea namsetiim jechaksere ma maajo shi shrinkuq ronglaq, kiimaq namkongtitiim ma maajo shi shrinkuq ronglaq.
Tsailam ka nashiq kitanpu thun maq nyap wato raüta nashiq hokham jamthun na nyap wato. Tsailam raq nosere kong chiiheawea lamthun wa jiipbaiqto kiimaq jerobi thun ka kejat thung wa tsatbaiqto.
“Tatiwe raq iphenlabi srea nolajong thun, chuphit nüphit slailiito. Apaiq raq rewe phong tiiki raüta, ijerobi thun tiithenbaiqto, Apaiq raq isenginok ka, spiqtsi thaüchang tham na ikha tiikit baiqto.
“Shatmaq, Tatiwe ka tingting, jamkhano ngukla ngi raq apaiq aming jin kang. Mangjong maiqse tarü raq, ibomchong ara tiitsang rong laq, ijonjü tsi tlaq ka liirong laq, Isengi jetu jerobi re raq pongmung na, shumwi ma tsuq wanto.
Ümchaü san asii ranaiq niimin, Noqku jam na jumin wamak she, Kiijaq shishunti jechakse re chamchaotlo. Ramwebi ümchaü hannyitlo. Tsangshiq kilamchong keathung kaiqshak kaiqshishe, Jajon chela ümchaü aho ajü.
Tatiwe raq mirha nguta, angu ka kloto she. Apaiq raq man na chongtaq krai mren, ümchaü nashiq tiihang mak, tiithen baiqtoshe. Apaiq raq nashiqnok ka, najaqtinok jaqkhon mong niishe, kiinongkuq baiqto. Raüta najaqtinok tiichochito.
Tatiwe raq Juda mung wa, maiqhiq shong kunkun shiithenbaiqto. Kiimaq kra mung wa rewa tochang chela tro ruk thun, wiita robbaiqto. Apaiq raq kra mungtan thaq na, nai hokhambi khuthaq na, thoda maq phongto.
“Ümniiraq naishiq ka joho laüta, tsatbaiq laü. Ümnaq tiihang mangchan min ahü. Ümtsankhiq riili pangbaiqto.
Namshiq Israilnok ma ara tsütsa ara chonglaq nguta thaüto: Namshiq raq Jerusalem Shomjam ka nganghea nguta shiikongsiqtlan. Namshiq raq kra liisea lungwiitlan kiimaq khum lanta liisea lungwiitlan. Shatmaq Tatiwe raq kra atiishe she mirbaiq. Kiimaq namshiq jamkun wa jerobi thun ümchaü Jerusalem na tiichongtlaq thun kra redong na wiita mijiipbaiq.
“Arningkhan, Ngi atra Shiikeawe raq ngutiikang - arka Ngi, Tati Rakaü Hiqwe bomtsi. Jamkhano ngukla, ümniiraq abi pinthum maiqphai asi klowan laüta, i Shomjam ka tiishebaiq laü. Ngi raq ümniika tiihang mang maq michumbaiqha.
Ngi raq namshiq ka akhiismin tiihangkuq mangshe kiimaq mangchan tiichhi kuq mangshe. Namshiq raq ümtinkhan wa imakki na riiqkhiq ashut maiqphai asi klo wan lan, kra miitu mo she mitiihoha. Kra riiha jiitiq namshiq raq Ngi ardea Tatiwe nguta misap han.”
Ngi raq namshiq ka tiiwong kuq mang she kiimaq tiihang mangchan tiichhi kuq mang she. Namshiq raq maiqphai asi sumla phra thun shomnoq wan lan kriikha na, namshiq ma mo mitiihoha. Krai mren, namshiq raq Ngi ardea Tatiwe nguta misap han. Kiimaq namshiq ma mo tiihoketi ka Ngi ardea nguta misap han.”
Tsangshiq raq itsankhiq walütu hengwa kriishe mihophaq. Ngi raq tsangshiq ka tiiwong kuq mang she. Kiimaq tiihang mangchan min tiichhikuq mang she. Tsangshiq raq ijaq wa achujaü ka ümtinkhan hong raüta jaü raü min, Ngi raq tsangshiq achu jaü ka trekuq mang she.”
Shatmaq Ngi raq tsangshiq ma mangchan ka tiitsi mang she. Tsangshiq raq nanok ka jamkho riitaq kiikha, Ngi riimin tsangshiq ma mirha.”
“Ngi raq Ejip mungti thaq na sawa thadong tiisaükang, lata maiq ka tiijiim baiq kang. Namshiq khuthaq niimin sawa thadong tiisaü kang. Lata maiq pahea tiijiim wan kang. Ngi raq namshiqnok jero jongbi, chiqse rewe tiidong lata, re na pahea tiijiip wan kang. Lata namrekhat chang kumrang kong, rewenok ma sepat lopi ma tlam wan kang. Namshiqnok phenlabi thun piitiip na, maiqmaa namtsam tiimok miichaq, maiqmaa phong ka pehürong ikha. Shatmaq namtsii chhi wan man dea, kiimaq ngi phana jang wan man dea, nguta Tatiwe raq ngutlo.
Kra akhing na junrii shamhea pinthum nyungre kiimin, kiimaq jero hongheabi thun kiimin, tsangletsi raq mihaü wan.
Tatiwe raq nguto, “Ngi raq min mangjong maiqse ka mangchan mang she. Ngi raq mungmaiqse tlotli ka tsangshiq rümti jaqkhon mong niishe mikiinong kuq baiqha. Tsangshiq rümtibi riishe mangjonghiq ka mishthen baiq. Kiimaq ngi raq tsangshiq ka maiq jaq wa chhiiki mang she.”
Tsangshiq riika ratho chiqhawe raq kaq tlaq ikha mijiip baiq wan. Kiimaq jumin tiihang mak miraq. Nose re miimin kiimaq nyungwere miimin akhiismin tiihang mangchan tiichhi kuq mak miraq.
Redong raüta chiihea wea na maiq maa phongli miraq; jamkun thun na phiiptsi wali miraq. Jerobi nai jeture thun wiita mitsai; noshiisetiim nai tikiire min tiihang mak miraq.
Tsangshiq raq nepja maq, chelati maiqwere kiimaq jechakre, nyungwe nose wiita jiipbaiqto. Tsangshiq raq nyamse thun minsaü, skukong, kiimaq kumtoq kong wiita jiipbaiqto.
Kilaq laüta Amalakaiqnok ka khatkikiq. Laüta tsangshiq hupsam thun ka wiita hiq maq hutse miqchup shiithen baiqkikiq. Jamlai phan min naq tiichongkiq. Maiqwere, jechakre, nosere, kiimaq noshiisetiim thun kiimin, thumthum jiipbaiqkikiq. Kiimaq jam nyamse minsaü chhechhi, skusekong, kumtsong kong thun, kiimaq kumtoq kong thun wiita laimiq jiipbaiq kikiq.”