AJONJÜ 2:20 - ASII LAKDAP Bible (BSI)

²⁰ O, liilaq, Tatiwe lei, ümniiraq tiichamchao tlaü maiqse thun ka liilaq! Anyungre raq maiqmii chhü maq adea, asetiim maa kriishe paqtlo. Ramwebi nai shammibi thun ka, Shomjam mong maq jiipbaiq wantlo!

Hawa Naga Bible 2001

²⁰ O Yehowa lex, lawc shuiuz! Mnoz rueq yvmx ngoz tueq lac nuiyshiq muex vkhoc murx tvgurc vphux? Yalxjuik rulx kuex tsuingshiq rueq lungwawx yaq nosaz rulx ngvmx htenc kuex phauk wuez yaq! Shomc waz bix nuiyc shvmmax bix muinz miqmac Shomc Yuimx mungx nuex thvy gay rvhumc wuez tueq!

AJONJÜ 2:20 Referencias Cruzadas

2 KAÜWA WERAÜ 36:17

Kra ningkhan Tatiwe raq tsangshiq tlong kai miitu Bebilon mung hokhamwe kriishe tiikito. Hokhamwe raq Juda mungti jerobi thun kra jiip baiqto. Shomjam mong wa taqtaq tsatbaiqto. Apaiq raq jumin tiihang wan mak she riito. Jero jiimin, nyungwe jiimin, maiqwe jiimin riimakla jechak nyung jiimin, atsiti jiimin, aheati jiimin tiihang mak riito. Shiikeawe raq tsangshiq ka wiitarü apaiq jaq khon mong niishe kiinong kuqbaiqto.

Tvtsvmc 78:64

Ramwebi thun ka re jaq na tsaito, kiimaq tsangnyung mantinyungre ma, tsangwetiim maa phong ka tiijo mak riito.

DUNGWVNC 32:11

Shatmaq Mosheq raq Tatiwe apaiq Shiikeawe ma tiipaiq neato raüta akha nguto, “Tatiwe riita ümniika ümsenginok, ümniiraq Ejip mung wa üm ningkun henghea kiimaq arang jonghea maq tiichhii wan laü kra miika, atinkhan ümtsan ka jaram wa tiikhiqho laü?

ISAIA 22:2

Chelati mungmaiqse ka arii ariiq, agi asii watrang kiimaq achhang ahang watrangla. Ümsengi ara redong na tsaitaq thun ka rekhat lam maq tsaimak dea.

JEREMIA 19:9

Re raq ara chela arka trotam maq mikom wan. Raüta chelati ka atsea mirbaiq wan. Re raq chela kom wan tlaq akhing na, chela mong na siti mungmaiqse miika pinthum phiiptsi chang miraq. Kra litkot chamchao tsi akhing na maiqnai maiq liipan na maiq ngam ka aphaq miraq. Kiimaq tsangshiq raq tsangsetiim kra dongdii min aphaq miraq.”

JEREMIA 21:7

Shatmaq ümnaq nai ümjaqkhong na siti ajong alabi thun, kiimaq redong na tsaimak luntlaqti mungmaiqse thun kra, ramdong na tsaimakti thun kra, kiimaq thadong na tsaimak atiichongti thun kra, Ngi raq namshiq wiitarü ka Hokhamwe Nebukadnejar nai namshiq jaqtinok namshiq tseabaiq tankhan tlaqtinok jaqkhon mong na mikuqbaiqha. Nebukadnejar raq namshiq ka atsea mirbaiq. Apaiq raq namshiq ka jumin tiihang mak miraq. Kiimaq namshiq phong wa ju miimin tiihang mangchan riimakla mangchan tiitsi kuq mak miraq. Arka, Ngi, Tatiwe raq kiqtoq tan lata chongtiikang.”

JEREMIA 5:31

Shammibi raq arot akiq kriili chongtlo. Ramwebi raq mung ka shammibi aming kra phan phan pengtlo. Kiimaq isenginok raq tsangshiq kiq ka khii wan tsü mak. Shatmaq arthun ara athum riiwantlaq kiijaq tsangshiq raq jamlai she wa miraq?”

AJONJÜ 1:19

“Ngi rai reraüshiti mung thun tiihea kang, shatmaq tsangshiq raq ngi laobaiqto. Ramwebi nai shiilangbi, tsang ramtsi ma chela mong na, phaqsea rit lam maq atsitsü thumto.

AJONJÜ 4:10

Iphan imaq ma thenjen wantaq kriika, pinthum riitsitsaitsiiq, phiiptsi chang abi pinthum riito. Noshii nyungre raq dongdii min, tsangse noshiisetiim ka tsanglang pit tsi ma, tak na lumphaqto.

AJONJÜ 4:13

Kriika shammibi ngarai nai ramwebi shut kha maq thento. Tsangshiq raq sephii nojii maiqheati, tiijai raübaiqto. Kriikha na thento.

AJONJÜ 4:16

Tatiwe raq tsangshiq miitu, broriimak she, apaiq raq tsangshiq ka, pongmung na tiipin jobaiqto. Apaiq raq nashiq ramwebi nai mungtubi ma, shreng manto thiimak she.

EJEKIEL 5:10

Kra chamchao tsi akhing na, Jerusalemti nyungwere raq asetiim ngam kra miphaq. Kiimaq asetiim raq anyungwe ngam kriishe miphaq. Ngi raq ümniima mo mitiihoha. Kiimaq aso atra tiichongtlaq thun ka barap binrii na pong mung thun kiina wiita miwan baiqha.

EJEKIEL 9:7

Shiikeawe raq tsangshiq ma nguto, “Shomjam ka tiishebaiq rong laq. Shomjam tro na ruk mong na rinkea thun kra wiita maiq maa phong maq tiimabaiq ronglaq. Jaqsham ka phatlo rong liishe!” Krai mren, tsangshiq raq chela mong wa maiq thun ka jiipbaiq phahoto.

LEWI 26:29

Namshiq ka ram raq haü wan lanta pitlang pitthea she mihaü wan han. Namlang pitsi ma namsetiim ngam kriishe miphaq han.

TRI CHONGKE 9:26

Kriikha na, ngi raq akha achu jaü kang, ‘Tati Rakaü Hiqwe lei, ümsenginok ka naq tiithen baiqkiq dea. Tsangshiq ka ümniiraq Ejip mung wa adok daa wan haü, üm ningkun henghea maq kiimaq üm hongla jong hea maq atsuq wan haü kata.