JEREMIA 11:22 - ASII LAKDAP Bible (BSI)

²² Kriikha niishe Ajong Pinthum Tatiwe raq nguto, “Ngi raq tsangshiq ma mo mitiihoha! Tsangshiqnok jerobi ka redong akhing na mitsai. Tsangsetiim nosere kong ka ram raq mijiim.

Hawa Naga Bible 2001

²² Kvkhoc rvtueq Tvphaungc Tvsuip Yehowa rueq, “Ngaz rueq tsuingshiq muex murx tvgurc shaungx! Tsuingshiq yalxrox bix kuex ralx rvlungc nuex thvy gay rvhumc tuex; tsuingshiq wawc yunx nuiyc sanx htenc kuex khvmx vrvmc rueq thueyc wuez tuex.

JEREMIA 11:22 Referencias Cruzadas

2 KAÜWA WERAÜ 36:17

Kra ningkhan Tatiwe raq tsangshiq tlong kai miitu Bebilon mung hokhamwe kriishe tiikito. Hokhamwe raq Juda mungti jerobi thun kra jiip baiqto. Shomjam mong wa taqtaq tsatbaiqto. Apaiq raq jumin tiihang wan mak she riito. Jero jiimin, nyungwe jiimin, maiqwe jiimin riimakla jechak nyung jiimin, atsiti jiimin, aheati jiimin tiihang mak riito. Shiikeawe raq tsangshiq ka wiitarü apaiq jaq khon mong niishe kiinong kuqbaiqto.

JEREMIA 18:21

Shatmaq ümchaü, Tatiwe lei, tsangsetiim ka ram raq mijiimlaq. Kiimaq tsangshiq ka redong na mijiimlaq. Anyungre ka wehü sehü ma mija laq. Maiqwere ka thadong raüta mitsailaq. Kiimaq jerobi ka re na mitsailaq.

JEREMIA 21:14

Shatmaq ümniiraq jamlai wa ashut klolaü kriikha na Ngi raq ümniima mo mitiihoha. Ngi raq ümhokham jam ka wa maq michaqha. Krai mren wa raq kra jam ka trotam maq bunlak mikhiimbaiq. Arka Ngi, Tatiwe raq toqtan tiikang.”

JEREMIA 44:13

Ngi raq Jerusalem na siti jamkho redong na, ramdong na, kiimaq tha tiidong lata imo tiihokang, kiikhiisii Ejip mung na siti kiimin imo mitiihoha.

JEREMIA 49:26

Kra ranaiq akhing na asetiim jerobi thun ka chela chiihea wea lam thun kiijaq re raq mijiip baiq. Kiimaq asengi phenlabi thun ka re raq wiita mijiipbaiq.

JEREMIA 9:21

Tsailam ka nashiq kitanpu thun maq nyap wato raüta nashiq hokham jamthun na nyap wato. Tsailam raq nosere kong chiiheawea lamthun wa jiipbaiqto kiimaq jerobi thun ka kejat thung wa tsatbaiqto.

AJONJÜ 2:21

Nyungwere nai nosere thun wiita, chiihea wea lam na jiipbaiq wanto, re raq jetu jerobi min wiita tsatbaiqto. Ümniiraq mangchan tiichikuq maü maq, ümtsankhiq walü ranaiq, tsangshiq jiipbaiq wan laü.

AMO LUIK DVP (AMOS) 4:10

“Ngi raq Ejip mungti thaq na sawa thadong tiisaükang, lata maiq ka tiijiim baiq kang. Namshiq khuthaq niimin sawa thadong tiisaü kang. Lata maiq pahea tiijiim wan kang. Ngi raq namshiqnok jero jongbi, chiqse rewe tiidong lata, re na pahea tiijiip wan kang. Lata namrekhat chang kumrang kong, rewenok ma sepat lopi ma tlam wan kang. Namshiqnok phenlabi thun piitiip na, maiqmaa namtsam tiimok miichaq, maiqmaa phong ka pehürong ikha. Shatmaq namtsii chhi wan man dea, kiimaq ngi phana jang wan man dea, nguta Tatiwe raq ngutlo.