AJONJÜ 2:2 - ASII LAKDAP Bible (BSI)

² Tatiwe raq Juda mung wa, maiqhiq shong kunkun shiithenbaiqto. Kiimaq kra mung wa rewa tochang chela tro ruk thun, wiita robbaiqto. Apaiq raq kra mungtan thaq na, nai hokhambi khuthaq na, thoda maq phongto.

Hawa Naga Bible 2001

² Taungjix rueq Yuda mungx nuex httax yaq ghaqtek vtueq menjenc muq maq tvbac gay tueq, Mungtan kuex tvkhup wungx jix nolaungx ghaqshungc htenc kuex tvrul tvbunx gay tueq. Vpiq rueq mungtan nuiyc kvruex wawc vyungx vlaungx bix muex yvlc svy juing tvhttuiuc tueq.

AJONJÜ 2:2 Referencias Cruzadas

YOBA 2:3

Kiijiishe Tatiwe raq Soitan ma waito, “Ümniiraq ijaqshise Job ka chhi laü shea? Apaiq khan tsapkapkap kiimaq maiqshaq ka mangjong hiqrai khü na maiq ahin junim ahü. Apaiq raq ngi ka shomnoqtlo kiimaq apaiq ka jamlai niimin ajiq klomak maq tsii lamshat maq sitlo. Ümniiraq ka khü akha jamin ahü na apaiq ka khat pha ma dea nguta ngi shiijon laü. Shatmaq Job ka man na jamkho iwokhong na tsapkapkap maq sitaq kiikha ümchaü min tsapkap maq sitlo.”

Tvtsvmc 21:9

Ümtiikiiwa apaiq saükitlaq kra akhing na apaiq raq tsangshiq ka wakchaq walü ikha kriimaq bunlak michaqbaiq. Tatiwe raq tsangshiq ka atsankhiqtsi ma miphaqbaiq, kiimaq wa raq tsangshiq ka mikhiimbaiq.

Tvtsvmc 74:7

Tsangshiq raq üm Shomjam ka tiithenbaiqto raüta wa maq chaqbaiqto; tsangshiq raq ümnaq shomnoq chang asii jam ka wiita tiisheshi baiqto.

ISAIA 22:5

Ara akhing arka aphiip ajiip, re jaq na sum, kiimaq arka Riisham Bomchang Hiqthung Tan na mungbrakshaq akhing. Arka Ajong Pinthum Tatiwe raq namung na atiisaü. Nashiq chela tro kiitelong ruk ka wiita tiibun bukbaiqto she. Kiimaq mungmaiqse raq khrum jaü agi asii hoqtrangtlaq kriika kin thun niishe riinya wanto.

ISAIA 23:9

Arka Tati Ajong Pinthumwe raq thapthi wanto. Tsangshiq raq shiikongkhiq maq jamlai phan wa klowantaq thun kra miqchup tiithenbaiq miitu apaiq raq toqtan wanto. Kiimaq tsang mungti aki miikiimbi thun kriima jea tiingaü miitu kloto.

ISAIA 25:12

Apaiq raq Mob mung wa chela thun dü luheahea kiitelong maq aruk peruk weshaü thun ka mitiithenbaiq. Raüta botkhulai rai shotbaiqtlii mitiibunbaiq.

ISAIA 26:5

Apaiq raq shiikongkhiq maiqse thun aran ma tiija baiqto, apaiq raq tsangshiq sichang chela peruk weshaü thepthep tiithen baiqto, raüta chela ruk thun botkhulai rai shottlii riito.

ISAIA 27:11

Pechong wa akü ako thun ka wiita ajungshe riikito. Raüta angoq she riikito. Kriika jechakre raq chin miishe riichom chaqtlo. Tsangshiq raq tsang tsü chhimak kha she, tsang Phansangti Shiikeawe raq tsangshiq ka mangchan mak she miraq. Kiimaq tsangshiq ma tiihang mangchan tiichhikuq mak miraq.

ISAIA 43:28

Kiimaq ümmung tuwebi riimin, isiqlaitap ka riikhiq pinthum tiishebaiqto. Atinkhan shutkha na Ngi raq Israilnok ka tiithenbaiq kang, Ngi raq isenginok ka maiq ma tiishummii kang.”

ISAIA 47:6

Ngi ka isenginok ma itsankhiq riikang; Ngi raq tsangshiq ka isenginok riimak she ikha haihii wan kang; Ngi raq tsangshiq ka ümjaq khon na thükang, kiimaq ümniiraq tsangshiq ka tiihang wan maü dea riilaü; ümniiraq tikii kiikaiq kong kriimin jimaq nishishi haihü wan laü.

JEREMIA 13:14

Latiishe ngi raq hamlii che tsabum thun ka triibuk lata tsabum thun ka wiita mitiibun baiqha. Nyungwe re tikiibi, kiimaq jerobi wiita adam na romshaq mibukbaiqha. Jumin tiihang mang; jumin mangchan mang, kiimaq ju miimin mangchan ka tiitsi mang maq, ngi raq tsangshiq ka kun kun mijiipbaiqha.”

JEREMIA 19:15

Tsangshiq ma chongkang, Tati Ningkun Ajongwe raq akha nguto nguta, “Ngi raq ara chela khuthaq na nai ara tho apha na chela thun sitlaq tlotli na, ngi raq ümtinkhan chamchao mo mitiihoha ngutiiwa chongkang thun kra, kunkun she mitiihoha. Jamkhano ngukla namshiq ka nilan wanshak shaknok kiimaq Ngi raq jamlai wa chongtiikang kra taiman tlea tlan.”

JEREMIA 21:7

Shatmaq ümnaq nai ümjaqkhong na siti ajong alabi thun, kiimaq redong na tsaimak luntlaqti mungmaiqse thun kra, ramdong na tsaimakti thun kra, kiimaq thadong na tsaimak atiichongti thun kra, Ngi raq namshiq wiitarü ka Hokhamwe Nebukadnejar nai namshiq jaqtinok namshiq tseabaiq tankhan tlaqtinok jaqkhon mong na mikuqbaiqha. Nebukadnejar raq namshiq ka atsea mirbaiq. Apaiq raq namshiq ka jumin tiihang mak miraq. Kiimaq namshiq phong wa ju miimin tiihang mangchan riimakla mangchan tiitsi kuq mak miraq. Arka, Ngi, Tatiwe raq kiqtoq tan lata chongtiikang.”

JEREMIA 5:10

Ngi raq isenginok spiqro thun kra dabaiqkaiti rewe pahea mitiikiha. Shatmaq tiisiirai langlang kla tiijiipbaiq mang. Ngi raq akü ako thun kriili jambaiq ronglaq nguta michongha. Jamkhano ngukla kra kü thun ka ikü ka riimak.

AJONJÜ 2:17

Tatiwe raq mirha nguta, angu ka kloto she. Apaiq raq man na chongtaq krai mren, ümchaü nashiq tiihang mak, tiithen baiqtoshe. Apaiq raq nashiqnok ka, najaqtinok jaqkhon mong niishe, kiinongkuq baiqto. Raüta najaqtinok tiichochito.

AJONJÜ 2:21

Nyungwere nai nosere thun wiita, chiihea wea lam na jiipbaiq wanto, re raq jetu jerobi min wiita tsatbaiqto. Ümniiraq mangchan tiichikuq maü maq, ümtsankhiq walü ranaiq, tsangshiq jiipbaiq wan laü.

AJONJÜ 2:5

Tatiwe ka rewe ikha ja raüta, Israil mung shiithen baiqto; Apaiq raq Israil mung wa, phentiip thun nai hokham jam thun, wiita runbaiqto. Apaiq raq Juda mungti thaq na, jonjü thaq na jonjü tiitsuq kuqto.

AJONJÜ 3:43

“Ümniiraq naishiq ka joho laüta, tsatbaiq laü. Ümnaq tiihang mangchan min ahü. Ümtsankhiq riili pangbaiqto.

EJEKIEL 5:11

“Arningkhan, Ngi atra Shiikeawe raq ngutiikang - arka Ngi, Tati Rakaü Hiqwe bomtsi. Jamkhano ngukla, ümniiraq abi pinthum maiqphai asi klowan laüta, i Shomjam ka tiishebaiq laü. Ngi raq ümniika tiihang mang maq michumbaiqha.

EJEKIEL 7:4

Ngi raq namshiq ka akhiismin tiihangkuq mangshe kiimaq mangchan tiichhi kuq mangshe. Namshiq raq ümtinkhan wa imakki na riiqkhiq ashut maiqphai asi klo wan lan, kra miitu mo she mitiihoha. Kra riiha jiitiq namshiq raq Ngi ardea Tatiwe nguta misap han.”

EJEKIEL 7:9

Ngi raq namshiq ka tiiwong kuq mang she kiimaq tiihang mangchan tiichhi kuq mang she. Namshiq raq maiqphai asi sumla phra thun shomnoq wan lan kriikha na, namshiq ma mo mitiihoha. Krai mren, namshiq raq Ngi ardea Tatiwe nguta misap han. Kiimaq namshiq ma mo tiihoketi ka Ngi ardea nguta misap han.”

EJEKIEL 8:18

Tsangshiq raq itsankhiq walütu hengwa kriishe mihophaq. Ngi raq tsangshiq ka tiiwong kuq mang she. Kiimaq tiihang mangchan min tiichhikuq mang she. Tsangshiq raq ijaq wa achujaü ka ümtinkhan hong raüta jaü raü min, Ngi raq tsangshiq achu jaü ka trekuq mang she.”

EJEKIEL 9:10

Shatmaq Ngi raq tsangshiq ma mangchan ka tiitsi mang she. Tsangshiq raq nanok ka jamkho riitaq kiikha, Ngi riimin tsangshiq ma mirha.”

Mikha 5:14

Ngi raq namung wa jechak nyung Ashera sumla, khamchong thun ka miphai baiqha, Kiimaq nam chela thun mitiithen baiqha.

MALAKI 1:4

Kiimaq Esau saüsetiim, Edom mungti raq, “Naishiq hiqshong chela thun wiita shiithen baiq wanto. Shatmaq naishiq raq atiihea mirnong hai,” nguta tsangshiq raq mingu. Kiijiishe, Tatiwe raq hali mitre nong, “Tsangshiq raq bamtiihea laq. Ngi raq tsangshiq chela thun ka thongshi ri hali mirun baiq nongha. Kra chhi raüta nanok ahinti raq, ‘Armungti ka abi. Tsangshiq rai ka Tatiwe tsankhiq ka pattup siruq li miraq,’ nguta mirchong.”

Matthew 18:33

Ngi raq ümniima jamkho mangchan tiichhi kuq wan kang, kiikhiisii hali, ümniiriimin ümkongti we ma mangchan tiichhike wan haü chang kata,’ nguta khiq hoto.

2 Corinthians 10:4

Naishiq raq rekhat lam maq sham wan chang siinit wachü thun kriika, ara mangjong hiq wa hupsam siinit wachü thun kriika riimak. Shatmaq, naishiq raq sham tiikai siinit wachü thun arka, aheng pinthum, Shiikeawe siinit wachü maq chiq se rewe ümchuwa sitlaq kra khat tiikai. Laita, rewe tiibo chang hiqshong kra shiithen baiq tiikai. Naishiq raq arot akiq tri raütu thun kra run baiq tiikai.

TRI CHONGKE 28:52

Tsangshiq raq Tatiwe üm Shiikeawe raq ümniima kuqtlaq mung kiiwa chela thun loweatek ka akhat mirwan. Kiimaq ümniiraq lamkamsiq tlaü chela thun diiluhea hea kiitelong maq aruk, peruk weshaü jamlai riimin chhe mak phan thun kra wiita mithen baiq wan.

TRI CHONGKE 32:22

Itsan khiq walü ka amok dung dung michaqha, lata mangjong hiq wa phanrap wiita wa maq michaq baiqha Kra walü ka wulum mung na misaü, kiimaq pum thun rang chong thun wiita mikhiim.