AJONJÜ 2:3 - ASII LAKDAP Bible (BSI)

³ Atsankhiq tsi ma Israilnok ningkun wiita, tiibun baiqto. Re raq naishiq khatwan kiita, Apaiq raq ajaq tiitam wanto. Atsankhiq wa naishiq thaq na, wakchaq walü wa ikha chaqto.

Hawa Naga Bible 2001

³ Vpiq kuex pinhtumc khaq vtueq Israel hungc vlaungc kuex tvbunx gay tueq; Vpiq rueq ralx httuiuc kaz tueq nuex naungshiq muex romc kuy tvkoc tvlvlc gay tueq. Vpiq kuex wvrluic ikhoc naungshiq muex khaq vtueq phvnx ruip saz kuex tvbac gay tueq.

AJONJÜ 2:3 Referencias Cruzadas

2 KAÜWA WERAÜ 34:25

Tsangshiq ngi ka shipoq baiqto. Raüta tsangshiq raq laihin sumla phra kong miishe honglu thun ka takuqtlo. Kra ningkhan na tsangshiq ümchuwa jaqsham wantaq kra lümaq itsankhiq walü she tiishaü chaq baiqto. Itsankhiq walü ka Jerusalem khuthaq na nyaitlo. Kiimaq kra walü ka matki mak she miraq.

YOBA 16:15

Ngi ka ijümii tsi ma wunthaü riinaü khea samlata hoqsiq tiikang, lata botkhulai na montsok tsok miqkang she dea nguta nga tiikang.

Tvtsvmc 132:17

Arjaq ngi raq Dawit laiwa weshi ajong pinthum hokham ma mishong wanha; arjaq ngi raq tsea wan kang hokham jaqshamti ka shongwan ruq lishe mirha.

Tvtsvmc 74:11

Ümniiraq naishiq ka jam nguto khrumkuq maü? ümjaq ka ümjai nü na jam nguto paüho laü?

Tvtsvmc 75:10

Apaiq raq abi maiqse kong ningkun tu ka mingoqbaiq, shatmaq kechu maiqsetiim ningkun tu ka atiijong mirkuq wan.

Tvtsvmc 75:5

ngi raq tsangshiq ma maiqmii tiitsakisea kra atsaq she ronglaq nguta chongkang.”

Tvtsvmc 79:5

Tatiwe, ümniika naishiq ma pattup khiqruqli shea mikhiq haü? Ümtsankhiq ka walü ikha nyairuqli shea minyai?

Tvtsvmc 89:24

Ngi raq apaiq milungwiiha lata tsapkapkap maq apaiq ka mirümha; Ngi raq apaiq ma rekhat tiitangwan ruq mirha.

Tvtsvmc 89:46

Tatiwe ümniika pattup tiipaüruqli sha mitiipaühaü? Ümtsankhiq ka walü ikha ümtincho na saüli wa milü?

ISAIA 1:31

Tsamkü shin phong ka wapüse tiidea raüli, amok riidungli lüwan tlaq ikha, maiq ümtin khan ajong alabi nguta tiitsakitlaqti thun kriimin tsangshiq raq ajiq nai abi jaqsham wantaq kriiriili, tsangshiq ka miqchup mitiithenbaiq wan. Kriishe ngu raüla, tsangshiq then wan tlaq kiiwa jurmin tiikhup wongkuqlot mak she miraq.

ISAIA 42:25

Kriikha niishe apaiq raq atsankhiq walütu maq nashiq ka shechaqto ahata, krai mren redong wa niishe khiimphaq kai ahata. Waniitu ikha atsankhiq wa raq Israil mung hamli khiimto, Shatmaq jamlai mra wa pintaq, kra nashiq raq jamtho min hemai riikai. Nashiq raq kra mra pintaq kiiwa jamlai tsü min chhi mai dea riikai.

JEREMIA 21:14

Shatmaq ümniiraq jamlai wa ashut klolaü kriikha na Ngi raq ümniima mo mitiihoha. Ngi raq ümhokham jam ka wa maq michaqha. Krai mren wa raq kra jam ka trotam maq bunlak mikhiimbaiq. Arka Ngi, Tatiwe raq toqtan tiikang.”

JEREMIA 4:4

Namshiq raq tongshong raükha ka ngi raili, Ngi namshiq Tatiwe raili thü ronglaq. Lanta namshiq Juda mungti nai Jerusalemti raq, namshiq khum asai kiimaq tiima tsantsii ka wiita ngi ma kiinong kuq lantli sironglaq. Kiimaq namshiq raq ara chongtiikang kra shamwan man riihanla, namshiq raq ngarai pahea klowan lan kriikha na, itsankhiq walü ka namshiq khuthaq na milü. Kriika mikhiim wan dongdii. Kra wa kriishe liiwan raüla, kra tiimatketi maiq ka jumin ahü she miraq.”

JEREMIA 48:25

Mob ningkun jong ka tiibunbaiqto she; apaiq ningkun tu ka tiibunbaiqto she. Arka Ngi, Tatiwe raq toqtan tiikang.”

JEREMIA 7:20

Kiimaq arningkhan, Ngi, Ajong Pinthum Tatiwe raq ara Shomjam thaq na itsankhiq henghea kra minyuk baiqha. Itsankhiq khamtak ka mungmaiqse khuthaq na nai nyamse thun thaq na mren maq minyukha. Kiimaq pechong wiirü thun kiimaq wak ajam thun na tsamrü thaq na minyukha. Itsankhiq walü ka walükaü nyaitlaq ikha, jurmin tiimat baiqlot mak she miraq.

AJONJÜ 1:13

“Apaiq raq ra wa watu tiikito, kra ikhum na nyaitlo, Apaiq raq ngi tiimin chang chhü tsanto, Ngi ka apaiq chhü na tiipatto, Raüta apaiq raq ngi ka, atsi agi asii tiishaü baiqto.

AJONJÜ 4:11

Tatiwe raq apaiq tsankhiq walü ka, pinthum hengbi tiikhiim chaqto. Apaiq raq Jajon chela ka, wakchaq wa khan maq chaqbaiqto.

EJEKIEL 13:13

Ümchaü Tati Rakaü Hiqwe raq akha ngutlo: “Itsankhiq tsi ma rahai henghea mitiisaüha. Kiimaq rajun düthaü pükhaü khamraü ikha mitiijunha. Kiimaq tsakhiiq longkaü ikha mitrokha. Lata ruk ka mitiithen baiqha.

EJEKIEL 7:14

Rekhat ho ma boli ka tsütlo she. Maiq loweatek ka tiijeje siisaq she. Shatmaq rekhat kaiti maiq ka ahü miraq. Jamkhano ngukla Shiikeawe tsankhiq ka tarü ma pili chhaq misaü wan.

NAHUM 1:6

Apaiq tsankhiq mokwan raüjaq, juwa michap lot? Atsankhiq wa kewan raüjaq, juwa atra misilot? Apaiq atsankhiq walü raübaiq raüla, longkaü thun akhaki na bunlak mikü wan.

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

Luke 1:69

Apaiq raq nashiq Chhii wanti Ajong ashi tiisaüto she. Apaiq ka ajaqshi se Dawit weraü phan wa.

Luke 3:17

Apaiq ka ümchaü, akhing na wankhü kaü doshat miishe khetlo. Kriimaq, tsam achhii chhii thun kriika wiita ajap mirbaiq. Raüta, tsam awongsiisii thun kriika, tum akhiiq mong niishe samhea wiq maq misaiq sam. Kiimaq tsam achhii chhii thun kriika, pattup pat-sa matki mak phan walü nyai rai wan tlaq kiijiishe miphong chaq baiq.”

TRI CHONGKE 32:22

Itsan khiq walü ka amok dung dung michaqha, lata mangjong hiq wa phanrap wiita wa maq michaq baiqha Kra walü ka wulum mung na misaü, kiimaq pum thun rang chong thun wiita mikhiim.