AJONJÜ 2:4 - ASII LAKDAP Bible (BSI)

⁴ Rewe khan apaiq liq ka naishiq thaq na neishat riito, Apaiq raq naishiq tsan ran chang nai, chochi changti thun, wiita tsatbaiqto. Naishiq raq Jerusalem na, apaiq tsankhiq kei maq chaq baiqto.

Hawa Naga Bible 2001

⁴ Vpiq rueq naungshiq kuex ralx waz ikhoc vpiq laqsvnz htenc maq tvtsuingc taq yaq; Vpiq rueq naungshiq kokez nuiyc taungx wvnc lvmz lvp jix miq lotlaz kuex thvt gay tueq. Yerusalem ghaq vyuq naungshiq rueq vpiq thuinkhvy luic yaq kuex rvhumc vtix.

AJONJÜ 2:4 Referencias Cruzadas

2 KAÜWA WERAÜ 34:21

“Kirong laq. Lantea ngi miitu kiimaq Israil mung na nai Juda mung na ümchaü min siruqti mungmaiqse kra miitu Tatiwe ma bom waiki rongkiq. Lantea ara lakdap na shrinkuq tlaq kra ka rit ronglaq. Tatiwe ka nashiq ma atsankhiq sitlo. Jamkhano ngukla natitiim raq Tatiwe bomtsi ka lang mak riito. Kiimaq ara lakdap na jamlai wa alang wan raa dongdii nguta chongtlaq kra lang wan mak riito.”

2 KAÜWA WERAÜ 34:25

Tsangshiq ngi ka shipoq baiqto. Raüta tsangshiq raq laihin sumla phra kong miishe honglu thun ka takuqtlo. Kra ningkhan na tsangshiq ümchuwa jaqsham wantaq kra lümaq itsankhiq walü she tiishaü chaq baiqto. Itsankhiq walü ka Jerusalem khuthaq na nyaitlo. Kiimaq kra walü ka matki mak she miraq.

YOBA 19:11

Shiikeawe ka akhiq, atsankhiq walü ka ikhu thaq na henghea chaqtlo; apaiq raq ngi ka abi pinthum jaqtiwe ikha liitlo.

YOBA 6:4

Ningkun Ajong Shiikeawe raq ngi ka aliq sin maq tlatchhat she hiipto, kriikha na liqsin wa liipu ka ihan na wiita she nyam wanto. Shiikeawe raq ngi tro maq tiiphiip wanto.

Tvtsvmc 37:14

Abi maiqsetiim raq tsangshiq nepja ka ahi wa chattlo kiimaq tsangshiq liq ka nguttlo miitsan maiqsetiim nai thümsaü litsetiim tseabaiq miitu, riikhaqli jaqshamtibi jaqsham kra jiipbaiq miitu;

Tvtsvmc 7:13

Apaiq raq aliq henghea kra shamtlo raüta watu liqsin thun ka tiijeje maq ahiipho nei shatmaq khetlo.

ISAIA 42:25

Kriikha niishe apaiq raq atsankhiq walütu maq nashiq ka shechaqto ahata, krai mren redong wa niishe khiimphaq kai ahata. Waniitu ikha atsankhiq wa raq Israil mung hamli khiimto, Shatmaq jamlai mra wa pintaq, kra nashiq raq jamtho min hemai riikai. Nashiq raq kra mra pintaq kiiwa jamlai tsü min chhi mai dea riikai.

ISAIA 63:10

Shatmaq tsangshiq raq apaiq kiq khii raüta awokhong wa donghoto. Raüta apaiq asii wenyi tsan ka tiikhiqto. Kra ningkhan she Tatiwe ka tsangshiq ma wesang ralii she jato. Kra ningkhan tsangshiq ka khatto.

ISAIA 63:6

Itsankhiq tsi ma, Ngi raq maiq mung thun ka tlotli ji maq nishishi nibaiq kang. Lata tsang mung thun ka bunlak buncha tiibunbaiq kang. Lata Ngi raq tsangshiq tiijai ka hiq na kham ikha raübaiq kang.”

JEREMIA 10:20

Nashiq tombutiip thun thento she; tiip tiikha chan chang raü thun tiipankito she. Nasetiim thun wiita tsuq wanto. Nashiq tombutiip thun chanketi maiq ahü she; tiip thun kilü khea chanketi maiq ahüshe.”

JEREMIA 21:5

Ngi raq iningkun wiita shoq lata, itsankhiq kriimaq, kiimaq itsankhiq moktlaq kriimaq, kiimaq itsankhiq sru waniitu nyaitlaq kriimaq ümniika mikhat-ha.

JEREMIA 30:14

Namwesetiim raq namshiq ka miimbaiqto she; tsangshiq raq namshiq ka broriimak she. Ngi raq namshiq ka re ma jalata khat tiikang; namshiq ma mo tiihotaq kriika alaiqwiq riito. Jamkhano ngukla namshiq ngarai ka pahea, kiimaq namshiq raq abi kiimungtlan thun ka pahea.

JEREMIA 36:7

Jursap tsangshiq raq Tatiwe jaq wa achulo jaü jiiq riila. Raüta tsangshiq ka abi kiimung lam phantlaq kriiwa aklai lo riiwan jiiq riila. Jamkhano ngukla Tatiwe raq arnok ka mishthenbaiqha she nguta atsankhiq henghea amok dungdung miishe tiiphiiptlo.”

JEREMIA 4:4

Namshiq raq tongshong raükha ka ngi raili, Ngi namshiq Tatiwe raili thü ronglaq. Lanta namshiq Juda mungti nai Jerusalemti raq, namshiq khum asai kiimaq tiima tsantsii ka wiita ngi ma kiinong kuq lantli sironglaq. Kiimaq namshiq raq ara chongtiikang kra shamwan man riihanla, namshiq raq ngarai pahea klowan lan kriikha na, itsankhiq walü ka namshiq khuthaq na milü. Kriika mikhiim wan dongdii. Kra wa kriishe liiwan raüla, kra tiimatketi maiq ka jumin ahü she miraq.”

JEREMIA 42:18

“Tati, Israilnok Shiikeawe raq ngutlo, ‘Ngi raq itsankhiq walüwa ikha hengtlaq kra Jerusalem na siti khuthaq na jamkho tlü chaq kang, namshiq ka Ejip mung na laüho han jiila, ngi raq namshiq khuthaq niimin kra mitlü chaqha. Namshiq ka maklii jai na tiijang phat phiiptsi jiiptsi mithen wan han. Maiqse raq namshiq thenjen wan kra chhi raüta slaislii thophi riiqphi mishummii wan. Kiimaq namshiq mang ka chong raüta maiqse raq manson shiiton ma mitiija wan. Namshiq ara hiqshong arka thongshi chhinong man she mirhan.’”

JEREMIA 7:20

Kiimaq arningkhan, Ngi, Ajong Pinthum Tatiwe raq ara Shomjam thaq na itsankhiq henghea kra minyuk baiqha. Itsankhiq khamtak ka mungmaiqse khuthaq na nai nyamse thun thaq na mren maq minyukha. Kiimaq pechong wiirü thun kiimaq wak ajam thun na tsamrü thaq na minyukha. Itsankhiq walü ka walükaü nyaitlaq ikha, jurmin tiimat baiqlot mak she miraq.

AJONJÜ 1:13

“Apaiq raq ra wa watu tiikito, kra ikhum na nyaitlo, Apaiq raq ngi tiimin chang chhü tsanto, Ngi ka apaiq chhü na tiipatto, Raüta apaiq raq ngi ka, atsi agi asii tiishaü baiqto.

AJONJÜ 2:5

Tatiwe ka rewe ikha ja raüta, Israil mung shiithen baiqto; Apaiq raq Israil mung wa, phentiip thun nai hokham jam thun, wiita runbaiqto. Apaiq raq Juda mungti thaq na, jonjü thaq na jonjü tiitsuq kuqto.

AJONJÜ 3:3

Apaiq raq ngi ma mangchan tiitsi mak maq, tsat siqto.

AJONJÜ 4:1

Nashiq chaq achhai anyii thun ka, mutmaqmaq she, Shomjam longpenkaü thun ka, chiiheawea lam na riiphongtlo.

AJONJÜ 4:11

Tatiwe raq apaiq tsankhiq walü ka, pinthum hengbi tiikhiim chaqto. Apaiq raq Jajon chela ka, wakchaq wa khan maq chaqbaiqto.

EJEKIEL 13:13

Ümchaü Tati Rakaü Hiqwe raq akha ngutlo: “Itsankhiq tsi ma rahai henghea mitiisaüha. Kiimaq rajun düthaü pükhaü khamraü ikha mitiijunha. Kiimaq tsakhiiq longkaü ikha mitrokha. Lata ruk ka mitiithen baiqha.

EJEKIEL 20:34

Ngi raq namshiq ka pongmung thun na wiita tiipin baiq kang kriiwa, ümtiikiiwa Israil mung niishe adam na triitam lata shea wan tiikang, kra akhing na, Ngi raq iningkun jonglu nai itsankhiq heng walü wa kra mitiichhi kuqha.

EJEKIEL 22:22

Kampho ka watum mong na chaq raüta tiijam chenbaiqtlaq ikha, tsangshiq ka watum mong na chaqlata michenha. Kiijiishetiq tsangshiq raq Tatiwe walü heng ka atinkhan dea nya nguta misap.”

EJEKIEL 24:25

Tatiwe raq nguto, “Riita ümchaü min, maiqse lei, Ngi raq tsangshiq makki wa tsangshiq khushü jong chang kiimaq tsangshiq chochi chang, tsangshiq raq aliisea lungwiitlaq kiimaq kiijaq khumki raüta liiseakai rotlaq, angang alang pinthum Shomjam kra alam she mirbaiqha. Kiimaq Ngi raq tsangsetiim maiqwese kong nai jechakse kong thun kra alam she mirwanha.

EJEKIEL 36:18

Ngi raq tsangshiq ma itsankhiq walü heng kra samhea tiisapli tiichamchao wan kang. Jamkhano ngukla tsangshiq raq mung na maiq pahea tsat wanto. Kiimaq tsangshiq raq sumla phra thun shomnoq wanto. Raüta mung hiqkhu rakhu ka wiita tiisheshi baiqto.

EJEKIEL 5:13

“Ümniiraq itsankhiq walü nyai heng wa ka, Itsan ka misang shaq wiiwii misap haü. Ümtiikiiwa arthun ara hongtha wan jiiq, raütiq kiitiikiitiq ümniiraq arthun arka, Ngi, Tatiwe raq ümniima chongkang kriidea kupi wanto nguta misap haü. Jamkhano ngukla Ngi ka ümniiraq tsapkap maü shishetlaü kha na pinthum walüwa ikha khiqtiikang.

EJEKIEL 6:12

Luhea na sitibi ka atsi raüta mijiim wan. Kiimaq ajeje na sitibi ka re raq mijiipbaiq wan. Juwa re jaq song tiichongtlaq kriiti ka ram raq mijiim wan. Tsangshiq raq itsankhiq walü heng tlaq kra misap.

EJEKIEL 7:14

Rekhat ho ma boli ka tsütlo she. Maiq loweatek ka tiijeje siisaq she. Shatmaq rekhat kaiti maiq ka ahü miraq. Jamkhano ngukla Shiikeawe tsankhiq ka tarü ma pili chhaq misaü wan.

LEWI 26:17

Ngi ka namshiq ma wesang miishe mijakiha. Krai mren namshiq ka re raq khat raüta mitang. Krai mren namshiq ngengtinok raq namshiq khuthaq na nga raüta mung ka mipeng. Namshiq ka phiip ajiiptsi raq tsai lanta, maiq raq ajo wanti ahü li ngu raü min namshiq ka tsaihü jihüshe miju han.

NAHUM 1:2

Tati Shiikeawe raq apaiq rai riilong liiqti ka, akhiismin nin lot mak jaq mitiijang, tsangshiq ma atsankhiq tsi ma, tsangshiq mitsa.

NAHUM 1:6

Apaiq tsankhiq mokwan raüjaq, juwa michap lot? Atsankhiq wa kewan raüjaq, juwa atra misilot? Apaiq atsankhiq walü raübaiq raüla, longkaü thun akhaki na bunlak mikü wan.

TRI CHONGKE 32:22

Itsan khiq walü ka amok dung dung michaqha, lata mangjong hiq wa phanrap wiita wa maq michaq baiqha Kra walü ka wulum mung na misaü, kiimaq pum thun rang chong thun wiita mikhiim.

1 SAMUEL 28:16

Kiijiishe Samuel raq treto, “Tatiwe raq ümniika atiishaü baiqthü wishe, raüta apaiq ka ümjaqtiwe ma ajakaikun she, kiiwiika ümniiraq ngi ka jaram tiiheakai wa?