AJONJÜ 2:4 - Hawa Naga Bible 2001

⁴ Vpiq rueq naungshiq kuex ralx waz ikhoc vpiq laqsvnz htenc maq tvtsuingc taq yaq; Vpiq rueq naungshiq kokez nuiyc taungx wvnc lvmz lvp jix miq lotlaz kuex thvt gay tueq. Yerusalem ghaq vyuq naungshiq rueq vpiq thuinkhvy luic yaq kuex rvhumc vtix.

ASII LAKDAP Bible (BSI)

⁴ Rewe khan apaiq liq ka naishiq thaq na neishat riito, Apaiq raq naishiq tsan ran chang nai, chochi changti thun, wiita tsatbaiqto. Naishiq raq Jerusalem na, apaiq tsankhiq kei maq chaq baiqto.

AJONJÜ 2:4 Referencias Cruzadas

2 KAÜWA WERAÜ 34:21

“Ngvy tvkoc muinz Israel nuiyc Yuda mungx nuex kvjungx yaq miqsaz htenc tvkoc muinz Yehowa kox nuex wiz kaz kuinz. Vruex luik vyuq httax yaq tvluingc jungphvnc lvmz kuex thuiyx wuez shuinz. Naungshiq jix vwaz tamx rueq Yehowa kvjaz kuex phvnx muq, luik dvp vyuq httax yaq rulc rv-ngvlc shuimx kaz muq ningkhvnc nuex Yehowa kuex naungshiq muex khaq yaq,” ngoz tueq jungx tueq.

2 KAÜWA WERAÜ 34:25

Tsuingshiq rueq ngaz kuex tvdux gay ruiux vganc tishox htenc muex shomc nawk kuy shomc kuq yaq yauk shuimc lotlaz kuex shuimx vtueq ngvy thuinz tvkhaq yaq. Ngaz kuex Yerusalem muex thuinkhaq vtaungx ningkhvnc nuex kvruex kuex shiz kaz tuex rvmuq.

YOBA 19:11

Tishox kuex ngaz muex khaq vtueq thuinkhvy puk yaq; vpiq rueq ngaz kuex bac hvlc ralx waz ikhoc tvmaung taq tueq.

YOBA 6:4

Tvphaungc Tvsuip Tishox rueq ngaz kuex laqsvnz maq gap vtueq, vyangx kuex ngvy gvnz nuex nyvmc wvnc vshuex. Tishox rueq ngvy htauk nuex vhiz juing phvnx htenc kuex httuiuc tvkoc tvhttec taq yaq.

Tvtsvmc 37:14

Layx bac jix rueq htemc vrvmc jix nuiyc rax yaq jix htenc kvmuinz, vlvmx shuimc jix htenc kvmuinz thvy gay muex ngoz tueq, tsuingshiq yaung htenc kuex jvt ruiux laq htenc ngut wuez yaq;

Tvtsvmc 7:13

vpiq rueq tvthueyc rvyaq phvnx koz vlaq htenc kuex shuimx vtueq tvwuix shuz tueq vpiq laqsvnz htenc maq tvtsuingc yaq.

ISAIA 42:25

Kvkhoc rvtueq vpiq rueq naung- shiq muex piq thuinkhvy tvrvhumc vtueq, yauk laungc yalawx ralx dungc ru eq tvkuilc daz kuex tvrvhumc yaq. Vpiq thuinkhvy kuex wvr ikhoc Israel wvmungx tuimx nuex khamc wvnc tueq, yuq muinz yvmx wuez yaungx yaq nguinx naungshiq rueq mkaq muinz tuiuz miq; naungshiq rueq kvkhoc yaungc dvnc yaq mungx kvwawc yvmx muinz tvluing wvnc miq doc rvtueq.

ISAIA 63:10

yuq muinz tsuingshiq rueq khawx lvlx vtueq vpiq vsawc siyac kuex tvyonz yex tueq. Kvkhoc rvtueq Yehowa rueq tsuingshiq kuex ralx muex tvyaungc vtueq khvt tueq.

ISAIA 63:6

Ngvy thuinkhaq tueq rulc rv-ngvlc miqphvnx htenc kuex tvhuyx nyet nuiuz gay ruiux tsuingshiq kuex wuinc gay tauk. Ngaz rueq tsuingshiq tvguiy kuex ghaq nuex ruiuc gay tauk,” ngoz tueq.

JEREMIA 10:20

Naungshiq tap htenc bac kaz vtuex; tsuingshiq vkhvrc ruiuz htenc kv-puinc kaz shex. Naungshiq suiuz vsaz lotlaz kaz wvnc wuez vtuex; naungshiq tap htenc tvjvp kuy jix vshiz muinz vguez shex; tsuingshiq khvymvnz juinc kuy jix vshiz muinz vguez shex,” ngoz tueq jungx wuez tueq.

JEREMIA 21:5

Ngaz rueq mnoz kuex ngvy hungc lotlaz, ngvy thuinkhvy, ngvy kvbuit nuiyc ngvy thuinz phez vtueq khvt gay shaungx.

JEREMIA 30:14

Nuimshiq lungwawc jix lotlaz rueq nuimshiq kuex lauk gay tueq; tsuingshiq rueq nuimshiq kuex mkaq muinz lawc mawc kv-phuinx rvmuq. Nuimshiq mvrax htenc paunghvlc nuiyc nuimshiq honc vbac kuex yunghvlc ningkhvnc nuex ngaz rueq nuimshiq kuex ralx ikhoc khvt gay phaungx; nuimshiq rvhumc vtuinx murx kuex thuiuz hvlc.

JEREMIA 36:7

Yehowa rueq vruex miq htenc vmac kvhiz juing thuinkhvy nuiyc thuinkhvy phuk vtueq tvhiz sungx ningkhvnc nuex, tsuingshiq kuex layx vbac wawc kvroz wvnc vtueq Yehowa kox wawc vjux wuez thoz wuez shvnx,” ngoz tauk.

JEREMIA 4:4

Nuimshiq Yehowa ngoz vshuinx ngaz rulc nuimshiq rueq vtaq bomkhvrc kuex phvnx shuinz, Yuda miqsaz nuiyc Yerusalem jix lex, nuimshiq shauk pumz kuex ngaz muex lekuq kuit. Kvkhoc rvmuit ngoz ruiux kuex nuimshiq rueq vbac shuimx wvnc tuit ningkhvnc nuex ngvy thuinkhvy kuex wvr ikhoc luic tuex. Kvruex tvthuik gay jix vshiz muinz httax tuex rvmuq,” ngoz tueq.

JEREMIA 42:18

“Yehowa Israel Tishox rueq jungx tueq, ‘Ngaz khaq vtaungx nuiyc thuinkhvy phuk yaq kuex Yerusalem ghaq jix htauk nuex ruiuc gay tauk ikhoc nuimshiq Ejip mungx nuex kaz wvnc tuit ngoz ruiux yuq nuimshiq htauk nuex muinz ngvy thuinkhvy kuex ruiuc gay shaungx. Nuimshiq kuex kvhiz juing muex yaungx khvmz tuit, miq htenc rueq muinz nuimshiq muex shummarc vtueq mmuingc kuex kvtuemc kvtaungc kvjaz jungx shuex nuex shuimx wuez shuex. Nuimshiq rueq vruex baung kuex mkaq muinz khiz yek shuinx rvmuq shex rvshuinx,’ ” ngoz tueq jungx tueq.

JEREMIA 7:20

Kvkhoc rvtueq ngaz, Johvlc Yehowa rueq ngvy thuinkhvy phuk yaq kuex vruex Shomc Yuimx vyuq ruiuc gay shaungx. Miqsaz htenc nuiyc nyvmx saz htenc htauk nuex muinz, pulx jungx htenc nuiyc vthuey vngoz htenc htauk nuex muinz ngaz rueq ruiuc gay shaungx. Ngvy thuinkhvy kuex uraq muinz tvmut lot muq wvr rulc rv-ngvlc yaq.

AJONJÜ 1:13

“Vpiq rueq ngvy gvnz mungx tvkhamc juing wvr kuex raungx maq tvkaz tueq. Vpiq rueq ngvy tvkoc bix tsvnc taq ruiux ngaz kuex ghaq nuex tvdvy gay phuex. Vpiq rueq ngaz kuex tuip gay shec ruiux htumx muq vthuiuz vsac nuex taq gay shec phuex.

AJONJÜ 2:5

Taungjix rueq ralx ikhoc Israel kuex tvbac gay tueq; Vpiq rueq nolaungx ghaqshungc htenc nuiyc hoc htenc kuex tvbac gay tueq. Vpiq rueq Yuda miqsaz htenc htauk nuex vhtumx vguez yonzyex kuex tvhttuiuc kuq tueq.

AJONJÜ 3:3

Menjenc thuinz httax muq maq ngaz kuex lauk wvruip ruip thvt yaq.

AJONJÜ 4:1

Naungshiq kuimshawx phesuimz rawx nyaz kuex mut shut shut shex; Shomc Yuimx wawc lung htenc kuex lvmx laungx htenc nuex rv-nyanc yaq.

AJONJÜ 4:11

Yehowa rueq vpiq thuinkhvy mvrc yaq hungc vlaungc kuex ruiuc gay tueq; vpiq rueq Zion kuex ghaq nuex httuiuc laz khamc juing wvr tvsauz tueq.

EJEKIEL 13:13

Majuiuc Johvlc Yehowa rueq vkhoc jungx tueq: “Ngvy thuinkhaq vtueq palx ruk vruex tvbac gay tvkoc songhvlc raunghtiq raungguil, raungyunc nuiyc tv-nguirx htenc tvkaz shaungx.

EJEKIEL 20:34

Ngaz rueq nuimshiq kuex tvpanc nyanc gay phaungx mungtan lotlaz wawc tvtuimx shvlx wvnc phaungx nuex, ngvy luimc vkawc nuiyc ngvy thuinkhvy kuex nuimshiq muex tvkhic phaungx.

EJEKIEL 22:22

Kuimphox kuex wvr nuex tvyuimx shuz gay yaq ikhoc tsuingshiq kuex Yerusalem nuex tvyuimx gay rvhumc tuex, tsuingshiq rueq Yehowa thuinkhvy rvhumc vtuex lvmx tuiuz wvnc wuez shuex.”

EJEKIEL 24:25

Yehowa rueq, “Vthueyc rvyaq miq lex, majuiuc ngaz rueq tsuingshiq ngamc ngax juing, tsuingshiq lenc lauk juing baung rvtueq svp rvp phaungx ngaungx hvlc Shomc Yuimx kuex tsuingshiq khaungkac wawc lvmz gay shaungx. Tsuingshiq rueq Shomc Yuimx kuex lawc roc nuiyc guilc kay roc wuez yaq. Tsuingshiq sahez miqwaz yalxjuik htenc kvmuinz lvmz gay shaungx.

EJEKIEL 36:18

Tsuingshiq rueq kvruex mungx kvyuq miq thvy gay yauk shuimc yaq tueq ningkhvnc nuex muinz, yac yuimx htenc maq tvshuy shac ningkhvnc nuex muinz ngaz rueq ngvy thuinkhvy hungc vlaungc kuex tsuingshiq muex tvtalx tauk.

EJEKIEL 5:13

“Mnoz kuex ngvy thuinz hvlc muq wawwawx ngvy thuinkhvy mvrc laz rvhumc tuiux. Vruex lotlaz yaungx wvnc tuex nuex, ngaz kuex mnoz tvmtuing vguez ningkhvnc nuex thuinkhaq vtueq ngaz, Yehowa rueq mnoz muex jungx phaungx kuex mnoz rueq tuiuz wvnc shuiux.

EJEKIEL 6:12

Lvmx luz nuex httaz jix hez muinz vthuiuz vsac raz tueq thueyc wvnc wuez tuex; vnyek wawc hez kuex ralx rvlungc nuex thvy gay rvhumc tuex; kvjungx yaq hez kuex rvmc rueq thueyc tuex. Tsuingshiq lotlaz rueq ngvy thuinkhvy kuex mvrc laz rvhumc wuez tuex.

EJEKIEL 7:14

Bolic tuimz shuiuz, miq pumz tek vtueq tvyoalc wuez shuinz. Yuq muinz washiz muinz ralx rvlungc nuex kaz wuez muq, yvmx khoc lac ngoz ruiux lec Tishox thuinkhvy kuex miq pumz tek htauk nuex httuiuc wvnc tuex rvtueq.

LEWI 26:17

Ngaz kuex nuimshiq kox wawc kvwek wvnc taungx, nuimshiq kuex ralx sumx vtueq ralx rueq guimz lawc wvnc rvhumc tuinx; nuimshiq kuex pinhtumc kawc yawc wuez vtueq vyurc jix vguez rvyruiux yuz wvnc wuez tuinx.

NAHUM 1:2

Yehowa Tishox rueq rvlongx palx yauk shuimc kuex nanx yaq rvmuq; vpiq kuex vpiq tvgap gawx jix htenc muex murx tvgurc yaq. Thuinz tvkhaq vtueq tsuingshiq muex murx tvyez kuq yaq.

NAHUM 1:6

Vpiq thuinkhaq ruiux yuq, ukhaq lac tvraungx lot tvnx? Vkawc yawc juing vpiq thuin-khvy dung yaq kvyuq, ukhaq lac tvraungx lot tvnx? Vpiq rueq luic thuiyc yaq thuin-khvy kuex ruiuc gay koq tueq; Vpiq khaungkac nuex lung htenc kuex bokkhuyx ikhoc bunx wvnc tueq.

TRI CHONGKE 32:22

Ngvy thuinkhvy kuex wvr ikhoc luic vtueq ghaq htauk nuex httax yaq htenc kuex tvkhamc gay shaungx. Kvruex kuex mungkawx khung nuex httuiuc laz htanc vtueq, kanx vjungx vbaung htenc kuex khamc gay shuex.

1 SAMUEL 28:16

Samuel rueq, “Yehowa rueq mnoz kuex httvr gay ruiux, mralx muex shex yaungx kv-phux rvyruiux yvmx ngoz tueq lac ngaz kuex gvl vphux?