AJONJÜ 2:5 - Hawa Naga Bible 2001

⁵ Taungjix rueq ralx ikhoc Israel kuex tvbac gay tueq; Vpiq rueq nolaungx ghaqshungc htenc nuiyc hoc htenc kuex tvbac gay tueq. Vpiq rueq Yuda miqsaz htenc htauk nuex vhtumx vguez yonzyex kuex tvhttuiuc kuq tueq.

ASII LAKDAP Bible (BSI)

⁵ Tatiwe ka rewe ikha ja raüta, Israil mung shiithen baiqto; Apaiq raq Israil mung wa, phentiip thun nai hokham jam thun, wiita runbaiqto. Apaiq raq Juda mungti thaq na, jonjü thaq na jonjü tiitsuq kuqto.

AJONJÜ 2:5 Referencias Cruzadas

2 HOKHVMX 25:9

Piq kuex Yerusalem wawc Shomc Yuimx, hokhvmx hoc nuiyc Yerusalem ghaq wawc vkhek miq httax yaq yuimx htenc kuex jauk gay tueq,

YOBA 13:24

Mnoz rueq ngaz kuex yvmx ngoz tueq lac koayc vphux? Mnoz rueq ngaz kuex ralx washiz ikhoc yvmx ngoz tueq lac ruez vphux?

YOBA 19:11

Tishox kuex ngaz muex khaq vtueq thuinkhvy puk yaq; vpiq rueq ngaz kuex bac hvlc ralx waz ikhoc tvmaung taq tueq.

Tvtsvmc 89:40

Piq ghaqyungx palx ruk htenc kuex mnoz rueq httak tvbac gay ruiux, piq nolaungx tap htenc kuex tvbac gay toq.

Tvtsvmc 89:41

Lvy wvnc tueq wawc miq lotlaz rueq vpiq taungx vwawx htenc kuex guiuq wvnc wuez tueq; yuimx phic yuimx phaungx wuinz lotlaz rueq muinz piq muex nueykuic wuez yaq.

ISAIA 29:2

“Tishox shomrawx,” ngoz yaq ghaqyungx kvyuq Tishox rueq thuimkux kuex tvhttuiuc kuq shuex. Miq htenc kuex vkhoarc vnyerc rvtuex, wvghaq tuimx tvguiy maq vbuit shomrawx ikhoc yaungx tuex.

ISAIA 63:10

yuq muinz tsuingshiq rueq khawx lvlx vtueq vpiq vsawc siyac kuex tvyonz yex tueq. Kvkhoc rvtueq Yehowa rueq tsuingshiq kuex ralx muex tvyaungc vtueq khvt tueq.

JEREMIA 15:1

Yehowa rueq ngaz muex jungx phuex, “Moshe nuiyc Samuel kuex vyuq jvp vtueq ngaz muex kvmenc jenc tvtay ruiux doc muinz, ngaz rueq vruex miq htenc htauk nuex menjenc thuinz tvkhic shaungx rvmuq. Tsuingshiq kuex tvkaz gay shuiuz, tsuingshiq kuex ngvy khaungkac wawc tvdung gay shuiuz.

JEREMIA 21:4

Yehowa Israel Tishox rueq Zedekia muex vkhoc jungc tvkoc tvjungx phuex, “Ngaz rueq Babelon hokhvmx nuiyc piq nolaungx bix kuex khvt jix mnolaungx bix kuex tvsumx gay shaungx. Mnolaungx bix koz vlaq taungx vwawx htenc kuex ghaqyungx vmungx baung nuex phungc taq shuex.

JEREMIA 30:14

Nuimshiq lungwawc jix lotlaz rueq nuimshiq kuex lauk gay tueq; tsuingshiq rueq nuimshiq kuex mkaq muinz lawc mawc kv-phuinx rvmuq. Nuimshiq mvrax htenc paunghvlc nuiyc nuimshiq honc vbac kuex yunghvlc ningkhvnc nuex ngaz rueq nuimshiq kuex ralx ikhoc khvt gay phaungx; nuimshiq rvhumc vtuinx murx kuex thuiuz hvlc.

JEREMIA 52:13

Piq rueq Yerusalem wawc Shomc Yuimx, hoc htenc nuiyc vkhek miqsaz yuimx htenc lotlaz kuex jauk gay tueq,

AJONJÜ 2:2

Taungjix rueq Yuda mungx nuex httax yaq ghaqtek vtueq menjenc muq maq tvbac gay tueq, Mungtan kuex tvkhup wungx jix nolaungx ghaqshungc htenc kuex tvrul tvbunx gay tueq. Vpiq rueq mungtan nuiyc kvruex wawc vyungx vlaungx bix muex yvlc svy juing tvhttuiuc tueq.

AJONJÜ 2:4

Vpiq rueq naungshiq kuex ralx waz ikhoc vpiq laqsvnz htenc maq tvtsuingc taq yaq; Vpiq rueq naungshiq kokez nuiyc taungx wvnc lvmz lvp jix miq lotlaz kuex thvt gay tueq. Yerusalem ghaq vyuq naungshiq rueq vpiq thuinkhvy luic yaq kuex rvhumc vtix.

EJEKIEL 2:10

Vyauk wawc luik tul kuex lanx koq tueq, luik htvlx samx wvguip nuex vwuiyq shec, vyonz vyex vkhoarc vsez tvruingc bomc, vkhoarc vnyerc nuiyc kvbot nyvnx bomc maq vwuiyq shec kuex ngaz rueq khiz tauk.

1 SAMUEL 28:16

Samuel rueq, “Yehowa rueq mnoz kuex httvr gay ruiux, mralx muex shex yaungx kv-phux rvyruiux yvmx ngoz tueq lac ngaz kuex gvl vphux?