AJONJÜ 2:6 - Hawa Naga Bible 2001

⁶ Vpiq kuex naungshiq rueq nawk palx shix Shomc Yuimx kuex tvhuyx tvhut rop gay tueq; Vpiq rueq vsawc raungnuiyq htenc nuiyc Vguilc raungnuiyq htenc kuex tvhtumx gay tueq. Hokhvmx waz nuiyc shomc waz rueq muinz vpiq thuinkhvy kuex rv-ngvlc rvhumc wuez yaq.

ASII LAKDAP Bible (BSI)

⁶ Apaiq shomnoq chang Jam, bunlak buncha tiibun baiqto. Apaiq raq asii liipan ranaiq thun, nai Asii Niitiitsak Ranaiq lang akhing, wiita tangta baiqto. Atsankhiq moho sintsang ka, Hokhamwe nai ramwebi ma, pilichhaq tiihoto.

AJONJÜ 2:6 Referencias Cruzadas

Tvtsvmc 74:7

Tsuingshiq rueq Mshomc Yuimx kuex rop wung gay ruiux wvr maq jauk gay tueq; mnoz muex nawk palx juing baung kuex tsuingshiq rueq tvshuy shac gay yaq.

Tvtsvmc 76:2

Vpiq rueq Yerusalem kuex vyuimx tvyaungc ruiux; Zion Kanx htauk nuex vpiq httax yaq.

Tvtsvmc 80:12

Kvruex vtvroz ruk khoalx tuk kuex yvmx ngoz tueq lac httak tvbac gay tonx? Majuiuc kvruex hep maq lvy wvnc jix uraq muinz svpiq thuey kuex puinz wvnc wuez tueq;

Tvtsvmc 89:40

Piq ghaqyungx palx ruk htenc kuex mnoz rueq httak tvbac gay ruiux, piq nolaungx tap htenc kuex tvbac gay toq.

ISAIA 1:13

Nuimshiq rueq shomc kuy juing htenc laq ruiux muinz, kvruex kuex khuec guez dvyx. Nuimshiq rueq wvr maq jauk vshuinx vhomc vtumc thuingc kuex ngaz rueq shuiuc vshaungx. Nuimshiq rueq Yac Nyalx phuiuz vsvy moalx, Vguilc Raungnuiyq htenc nuiyc nawk palx htungx moalx kuex ngaz rueq nanx lawc lot mauk; kvhtenc kvruex lotlaz kuex nuimshiq rueq shuimx wvnc tuit mvrax htenc ningkhvnc nuex bac wvnc tueq.

ISAIA 1:8

Yerusalem dvyx shex kvjungx yaq, kvruex ghaqyungx muinz vruk vguez svpiq sunc mungx wawc sunc bvmc jix waz tap, rvmuq ngoz ruiux kumjul wuik wawc tap ikhoc komc wvnc rvhumc yaq.

ISAIA 43:28

mnoz vyungx vlaungx bix rueq ngvy vsawc baung kuex tvshuy shac tueq. Kvkhoc rvtueq ngaz rueq Israel htauk nuex tvbac gay lvmz tvhttuiuc tauk; ngaz rueq ngvy miqsaz htenc kuex wvlc guez waqguez tvrvhumc tauk,” ngoz tueq jungx tueq.

ISAIA 5:5

“Vruex kuex ngvy svpiq sunc nuex ngaz rueq shuimc wvnc juing yauk shuimc rvtueq: ngaz rueq sunc tvroz ruk htenc kuex lvmz gay ruiux, kvruex tvguing tvwungx juing ruk htenc kuex httak gay vtueq yaruix ngvmx saz htenc mphauk gay shuex kvruex sunc kuex tvnuiuz gay shaungx.

ISAIA 5:6

Ngaz rueq kvruex kuex httuingx maq tvluimz gay shaungx. Ngaz rueq svpiq ruiuz htenc kuex penc tsawc shaungx rvmuq, ghaq kuex tvbur htuz kuq shaungx rvmuq; kvkhoc ruec tvraung shuiuq jungx htenc maq tvluimz gay shaungx. Ngaz rueq kvruex htauk kvyuq raungx tvyunc tvkoc phuemx htenc tvthauk gay shaungx.”

ISAIA 63:18

Mnoz muex vsawc miqsaz nuiyshiq rueq yauk lox saz dvyx guimz lvp tiq yix maq nuiyshiq muex ralx hez rueq mnoz vsawc shomc yuimx kuex nuiuz wvnc wuez vshuex.

ISAIA 64:11

Mnoz kuex nuiyshiq jix vwaz tamx rueq tvtsvmc juing vsawc svp rvp hvlc baung Shomc Yuimx rvtoq, yuq muinz wvr rueq khamc gay tueq. Nuiyshiq rueq lungwawx vshix baung lotlaz muinz bac kaz shex.

JEREMIA 17:27

Yuq muinz tsuingshiq rueq ngvy kvjaz phvnx vtueq vsawc raungnuiyq muex Vguilc Raungnuiyq kuex phvnx shuex. Tsuingshiq kuex kvruex raungnuiyq Yerusalem palx kaluix lvmx maq yvmx muinz gurx pic muq rvshuex, tsuingshiq rueq kvkhoc shuimx kaz ruiux yuq, Yerusalem palx kaluix htenc kuex ngaz rueq wvr maq jauk gay shaungx. Wvr kvraq Yerusalem hoc htenc kuex khamc gay shuex; wvr kuex washiz rueq muinz thvt lot muq rvshuex,” ngoz tueq jungx tueq.

JEREMIA 42:18

“Yehowa Israel Tishox rueq jungx tueq, ‘Ngaz khaq vtaungx nuiyc thuinkhvy phuk yaq kuex Yerusalem ghaq jix htauk nuex ruiuc gay tauk ikhoc nuimshiq Ejip mungx nuex kaz wvnc tuit ngoz ruiux yuq nuimshiq htauk nuex muinz ngvy thuinkhvy kuex ruiuc gay shaungx. Nuimshiq kuex kvhiz juing muex yaungx khvmz tuit, miq htenc rueq muinz nuimshiq muex shummarc vtueq mmuingc kuex kvtuemc kvtaungc kvjaz jungx shuex nuex shuimx wuez shuex. Nuimshiq rueq vruex baung kuex mkaq muinz khiz yek shuinx rvmuq shex rvshuinx,’ ” ngoz tueq jungx tueq.

JEREMIA 45:4

“Yuq muinz ngaz, Yehowa rueq vguirx kuex httak gay shaungx, ngaz rueq vkhic kuex phiz gay shaungx. Vkhoc yauk shuimc kuex ghaq htauk vyuq ngaz rueq shuimx shaungx.

JEREMIA 50:28

(Babelon mungx wawc yuz wvnc lvp jix kuilc daz miq htenc kuex Yerusalem nuex httuiuc waung vtueq, Yehowa naungshiq Tishox rueq vpiq Shomc Yuimx kuex Babelon miqsaz rueq tvbac gay ningkhvnc nuex, yvmx khoc lac phuiuq lvmz tvnx kuex tsuingshiq rueq jungx wuez yaq.)

AJONJÜ 1:4

Majuiuc kuex vsawc raungnuiyq htenc nuex nawk palx tvkoc Shomc Yuimx nuex ukhaq muinz httax kaz muq. Kvruex yuq vshic vngoyc jix yalx tux rulx kuex vkuilc vdaz rvhumc yaq, shomc waz bix muinz kvbot nyvnx wuez yaq. Ghaqyungx htenc palx kaluix muinz kuiyqshuik kuiyq shix yaungx vtueq, Zion kuex vkuilc vdaz rvhumc yaq.

AJONJÜ 4:16

Yehowa rueq tsuingshiq tvkoc raungluingx muinz rvwvl muq; vpiq pumz maq tsuing-shiq kuex tv-phvlc gay tueq. Vpiq rueq naungshiq shomc waz bix nuiyc vyungx vlaungx bix kuex wvlc guez tvyaungc tueq.

AJONJÜ 4:20

Tsuingshiq kuex Yehowa rueq vthvl taq nuiyshiq thuiuzthuic pauk rvtueq, nuiyshiq khvt jix ralx ruip rawx yauk wawc nuiyshiq tvkhup wungx kuy jix nuiyshiq rueq tvluimc vshix hokhvmx waz muinz lvp gay tueq.

AJONJÜ 5:12

Nuiyshiq vyungx vlaungx bix kuex shvlx laq vtueq tvshuirc pauk gay tueq; nuiyshiq walaungx bix kuex tvtsanc nganc rvhumc yaq rvmuq.

EJEKIEL 17:18

Piq rueq tvhungx shec tueq kvtuemc bomc nuiyc bomkhvmc kuex tvbac gay tueq. Piq rueq kvruex lotlaz shuimx wvnc tueq ningkhvnc nuex majuiuc piq rueq dung wvnc lvp tuex rvmuq,” ngoz tueq jungx tueq.

LEWI 26:31

nuimshiq httaz tuinx ghaqyungx htenc kuex httak tvbac gay ruiux, nuimshiq rueq nawk palx shuinx htenc kuex tvbac gay shaungx, nuimshiq rueq shomc nawk kuq shuinx kuex ngaz rueq tvdux gay shaungx.

JEPHANIA 3:18

Yehowa rueq, “Kuiuq vmoalx nuex mnoz yonzyec khoarc kuex ngaz rueq tuip gay tauk shex, nuimshiq tvyvlc sac yaq htenc kuex ngaz rueq tvhtumx gay shaungx.

MALAKI 2:9

Kvkhoc rvtueq ngaz rueq Israel miqsaz muex nuimshiq kuex tvsuirc sac gay phaungx, yvmx khoc lac ngoz ruiux lec nuimshiq rueq ngvy thuinroc lvmx phvnx muit, ngvy miqsaz htenc muex tvluing kuq shuinx nuex htvlx phawc thvl vshuinx ningkhvnc nuex rvtueq.”