AJONJÜ 2:7 - Hawa Naga Bible 2001

⁷ Taungjix rueq vpiq shomrawx kuex tvdux gay ruiux vpiq vsawc Shomc Yuimx kuex kuiyqshuik kuiyq shix tvyaungc gay tueq; Vpiq rueq kvruex ruk htenc kuex httak gay tvkoc ralx muex lekuq tueq. Tsuinghez kuex kungkhux nuex naungshiq rueq vkoz vkez maq nawk palx ruiux shix baung nuex lotlaungc taungx vtueq guyc sez wuez yaq.

ASII LAKDAP Bible (BSI)

⁷ Tatiwe raq apaiq hongluke chang, berong-wacha nai, apaiq asii Shomjam kiimin jai maq nong baiqto. Apaiq raq rewe ma atuk thun, runbaiq miitu kiinong kuqto. Man na naishiq shomnoq chochi chang Jam na, tsangshiq raq tang raüta riiriiq wanto,

AJONJÜ 2:7 Referencias Cruzadas

2 HOKHVMX 25:9

Piq kuex Yerusalem wawc Shomc Yuimx, hokhvmx hoc nuiyc Yerusalem ghaq wawc vkhek miq httax yaq yuimx htenc kuex jauk gay tueq,

2 KAÜWA WERAÜ 36:19

Piq rueq Shomc Yuimx nuiyc ghaqyungx muinz hokhvmx hoc tsak vnyvmx lotlaz kuex wvr maq jauk gay tueq, ghaqyungx palx ruk muinz tvrul tvbunx gay tueq.

Tvtsvmc 89:39

Mnvrc waz rulc vtaq mbomkhvrc kuex mnoz rueq tvbac gay toq nuiyc piq khushec ghaq nuex mnoz rueq tvdvy gay toq.

ISAIA 64:9

kvkhoc rvtueq nuiyshiq muex khaq hvlc nauk khaq vkueq, rvmuq ngoz ruiux nuiyshiq mvrax htenc kuex pattup nauk rvwvl kaz. Nuiyshiq kuex mmiqsaz; nuiyshiq muex menjenc kuq koq.

JEREMIA 21:4

Yehowa Israel Tishox rueq Zedekia muex vkhoc jungc tvkoc tvjungx phuex, “Ngaz rueq Babelon hokhvmx nuiyc piq nolaungx bix kuex khvt jix mnolaungx bix kuex tvsumx gay shaungx. Mnolaungx bix koz vlaq taungx vwawx htenc kuex ghaqyungx vmungx baung nuex phungc taq shuex.

JEREMIA 26:18

“Yuda hokhvmx Hezekia hokhvmx yaungx tueq nuex, Moreshet ghaq jix shvmmax Mika rueq miq lotlaz muex Tvphaungc Tvsuip Yehowa rueq jungx tueq, ‘Zion kuex nax htuz gay shix ikhoc htuz gay shuex; Yerusalem kuex lung phungc yaungx wvnc tuex, Shomc Yuimx ghaq luimx kuex luingx vlak muex yaungx wvnc tuex,’ ngoz tueq jungx tueq.

JEREMIA 26:6

Mnoz rueq tvhttoarc vtueq phvnx muq ngoz ruiux yuq, ngaz rueq Shilo kuex ruez gay tauk ikhoc vruex Shomc Yuimx vmuinz ngaz rueq ruez gay shaungx. Vruex mungkawx wawc miqphvnx htenc lotlaz rueq vruex ghaqyungx muingc kuex kvtuemc kvtaungc juing ikhoc tvyaungc shuex,” ngoz tueq jungx tueq.

JEREMIA 32:29

wvr nuex jauk gay shuex. Ngvy thuinz tvkhvy muex ngoz tueq, yuimx htenc htauk nuex Bala muex vhomc vtumc phvnx jauk ruiux, vganc tishox htenc muex svpiq tix shvy shomc kuq yaq yuimx htenc kvrulc vdvmz tsuingshiq rueq kvruex ghaqyungx kuex jauk gay shuex.

JEREMIA 39:8

Kvruex baunglaung, Babelon miq htenc rueq hokhvmx hoc nuiyc mungx miqsaz yuimx htenc kuex jauk gay ruiux, Yerusalem ghaq palx ruk htenc kuex httak gay tueq.

JEREMIA 4:26

Ghaq vbur kuex kumtsvy tvnx muex yaungx wvnc tueq; ghaqyungx htenc muinz bac kaz tsic Yehowa vpiq thuinkhvy ningkhvnc nuex rvtueq. (

JEREMIA 4:27

Ghaq lotlaz kuex yaruix rumz muex yaungx wvnc tuex, yuq muinz dup sauk bac wvnc tuex rvmuq lvmz Yehowa rueq jungx shec tueq.)

JEREMIA 50:28

(Babelon mungx wawc yuz wvnc lvp jix kuilc daz miq htenc kuex Yerusalem nuex httuiuc waung vtueq, Yehowa naungshiq Tishox rueq vpiq Shomc Yuimx kuex Babelon miqsaz rueq tvbac gay ningkhvnc nuex, yvmx khoc lac phuiuq lvmz tvnx kuex tsuingshiq rueq jungx wuez yaq.)

JEREMIA 52:13

Piq rueq Yerusalem wawc Shomc Yuimx, hoc htenc nuiyc vkhek miqsaz yuimx htenc lotlaz kuex jauk gay tueq,

AJONJÜ 1:4

Majuiuc kuex vsawc raungnuiyq htenc nuex nawk palx tvkoc Shomc Yuimx nuex ukhaq muinz httax kaz muq. Kvruex yuq vshic vngoyc jix yalx tux rulx kuex vkuilc vdaz rvhumc yaq, shomc waz bix muinz kvbot nyvnx wuez yaq. Ghaqyungx htenc palx kaluix muinz kuiyqshuik kuiyq shix yaungx vtueq, Zion kuex vkuilc vdaz rvhumc yaq.

AJONJÜ 2:1

Taungjix rueq vpiq thuinkhaq vtueq Zion kuex raungx nyauk maq puingc gay tueq. Vpiq rueq raungmungx raungc hvlc ngauz vngax kuex tvbac gay tueq. Vpiq thuinkhaq yaq raungnuiyq vpiq Shomc Yuimx doc muinz tuip gay shec tueq.

AJONJÜ 2:5

Taungjix rueq ralx ikhoc Israel kuex tvbac gay tueq; Vpiq rueq nolaungx ghaqshungc htenc nuiyc hoc htenc kuex tvbac gay tueq. Vpiq rueq Yuda miqsaz htenc htauk nuex vhtumx vguez yonzyex kuex tvhttuiuc kuq tueq.

EJEKIEL 24:21

Israel miqsaz muex vruex bomjungc kuex jungx kuq shuiuz: Mnoz kuex Shomc Yuimx hungc vlaungc muex ngamc ngax vtuiux. Mnoz rueq kvruex lawc roc vtueq kvyuq guilc kaz vtuiux, yuq muinz Yehowa rueq kvruex baung kuex tvshuy shac gay shuex. Yerusalem nuex tvjungx taq shec tueq m-yuimx wuinz wawc yalxtux yalxrox bix kuex ralx rvlungc nuex thvy gay rvhumc tuex.

EJEKIEL 7:24

Ngaz rueq layx bac miqphvnx htenc kuex vruex mungx vyuq tv-nyuip ruiux tsuingshiq yuimx vwuik htenc kuex tvlvp luz wvnc shaungx. Mnoz rueq nawk palx vshuiux baung htenc nuex miqphvnx htenc muex tvshuy shac gay tauk nuex, mnoz hunglaungc httax hvlc waz hez kuex kvmluimx thuinz htumx wvnc tuex.

LEWI 26:31

nuimshiq httaz tuinx ghaqyungx htenc kuex httak tvbac gay ruiux, nuimshiq rueq nawk palx shuinx htenc kuex tvbac gay shaungx, nuimshiq rueq shomc nawk kuq shuinx kuex ngaz rueq tvdux gay shaungx.

LEWI 26:44

Yuq muinz tsuingshiq ralx htenc mungtan kvyuq httax hvt httax yaq nuex ngaz rueq tsuingshiq kuex gay tvlanc nuiyc tvbac gay shaungx rvmuq. Tsuingshiq rulc ngvy bomkhvrc kuex kvruex yuq dvyx tvsuip gay shaungx rvmuq, Ngaz kuex Yehowa tsuingshiq Tishox rvtauk.

AMO LUIK DVP (AMOS) 2:5

Kvkhoc rvtueq ngaz rueq Yuda htauk nuex wvr tvdvy vtueq Yerusalem nolaungx ghaqshungc htenc kuex tvkhamc gay shaungx,” ngoz tueq jungx tueq.

Mikha 3:12

Kvkhoc rvtueq, nuimshiq ningkhvnc nuex, Zion kuex nax ikhoc htoay gay rvhumc ruiux, Yerusalem kuex tvbac httak phungc gay rvhumc tuex, Shomc Yuimx luimx kuex luingx vlak yaungx wvnc tuex.

Matthew 24:2

Vpiq rueq tsuinghez muex, “Rvtueq, vruex yuimx htenc lotlaz kuex nuimshiq rueq khiz vshuinx. Ngaz rueq nuimshiq muex vsuing jungx kuq ix, vruex yuimx htenc kuex lung poshiz htauk nuex poshiz kvdaungc muq nuex httuiuc laz kvhttak bac wvnc tuex,” ngoz tueq jungx tueq.