AJONJÜ 2:8 - Hawa Naga Bible 2001

⁸ Yehowa rueq Zion palx ruk htenc kuex httak gay tvkoc htvp htaz tueq shex; Vpiq rueq kvruex vsuingc suing tvsawc ric tvbac gay tvkoc kvruex shenc lawc yaq. Majuiuc kuex pvrrawx htenc nuiyc ruk htenc kuex vdvmz nuex httak gay tueq.

ASII LAKDAP Bible (BSI)

⁸ Tatiwe raq Jajon ruk ka, tiithen baiq raa dongdii nguta, tiithen baiqto. Apaiq raq thiwiithi maq ruk ka tiitsiirai runbaiqto. Rewa khechang kongmong chong thun, bunlak buncha tiithen baiqto.

AJONJÜ 2:8 Referencias Cruzadas

2 SAMUEL 8:2

Kvruex yimaq Moba miqsaz htenc kuex khvt taungx gay tueq. Piq rueq khoktep miqsaz htenc kuex ghaq nuex tvbumc ruiux kvruex hez kvwawc miq mvnthuimx wawc mvnnueyc kuex thvt gay tueq. Kvkhoc rvtueq Moba miqsaz htenc muinz piq khung nuex nyuip waung tueq nuiyc piq muex hihic rawc rawc kuq wuez yaq.

2 HOKHVMX 21:13

Samaria kuex ngaz rueq ruez gay tauk ikhoc nuiyc Israel Hokhvmx Ahab nuiyc vsuiuz vsaz htenc muex ruez tauk ikhoc Yerusalem muex murx tvgurc shaungx. Panx kuex vsawc waq tuit vtueq kuip taq shix ikhoc Yerusalem ghaq nuex httax yaq miq htenc kuex tuip tvsawc gay shaungx.

YOBA 13:21

ngaz muex murx tvgurc vphux kuex tvthauk gay shuiuz, ngaz kuex kvhiz sungx juing maq nauk tvhiz vkueq.

ISAIA 22:5

Vruex kuex Romzyac Tvkhic Warc tvnx nuex Tvphaungc Tvsuip Johvlc Yehowa rueq vhiz vsungx, vsumx vrumx nuiyc vpanc vyanc juing htenc kuex naungshiq htauk nuex tvkaz shuex vkhing rvtueq. Naungshiq ghaqyungx palx ruk htenc httak tvbunx gay ruiux, romc kuy tvkoc guyc sez tvruingc kuex ghaqluimx htenc nuex rv-nyawx yaq.

ISAIA 28:17

Tvrac vlvmz kuex vruingx jungx tvjvp tvkoc vhtaz juing ruiuz muex yaungx tuex, tsuing ruik yaq kuex kvruex shenc juing lungpoz pauk ruiuz rvtuex,” ngoz tueq jungx tueq. Tv-nguirx raungyunc yuix kuex mnoz rvwak vtuiux vrot vkaq kvjaz htenc lotlaz kuex pex thuq wvnc ruiux, yuix puingc yuix rueq nuimshiq kvwungx httax vtuinx baung kuex joy tvbac gay shuex.

ISAIA 3:26

Ghaqyungx kaluix htenc kuex khoarsez wuez vtueq, ghaqyungx kuex sawkumx put gay ruiux ghaq nuex ngaungc yaq yalxjuik nyuiuz shiz ikhoc yaungx wvnc tuex.

ISAIA 34:11

Kvruex mungx kuex wuzkhuiuq htenc nuiyc wuzkhax htenc httaz juing yaungx tuex. Yehowa rueq kvruex mungx kuex tvdung sung lvmz yvmx muinz vguez shauk nuex doc ikhoc sawc riric hvlc tvyaungc gay shuex.

ISAIA 5:5

“Vruex kuex ngvy svpiq sunc nuex ngaz rueq shuimc wvnc juing yauk shuimc rvtueq: ngaz rueq sunc tvroz ruk htenc kuex lvmz gay ruiux, kvruex tvguing tvwungx juing ruk htenc kuex httak gay vtueq yaruix ngvmx saz htenc mphauk gay shuex kvruex sunc kuex tvnuiuz gay shaungx.

JEREMIA 14:2

“Yuda mungx nuex vkhoarc vnyerc rvyaq; kvruex ghaqyungx htenc nulx wvnc wuez vtuex, miq htenc yonzyex vtueq ghaq htauk nuex woalc wuez yaq, Yerusalem kuex romc kuy tvkoc guyc khoar yaq.

JEREMIA 5:10

Ngaz rueq ngvy miqsaz svpiq sunc kuex ralx muex tvyap gay shaungx, yuq muinz tvdup suik tvbac gay shaungx rvmuq. Vnoz vkanx htenc kuex ngaz muex seng muq ningkhvnc nuex, tsuingshiq muex soalc gay shuinz ngoz shaungx.

JEREMIA 52:13

Piq rueq Yerusalem wawc Shomc Yuimx, hoc htenc nuiyc vkhek miqsaz yuimx htenc lotlaz kuex jauk gay tueq,

AJONJÜ 2:17

Tvsuip nuex Yehowa rueq vshuimc tvkoc dvnc tueq yauk shuimc kuex shuimx tueq: Mvnnuex maq phuex naungshiq muex honc jungx kuq phuex rulc rv-ngvlc naungshiq muex menjenc muq maq, tvbac gay tueq. Vpiq rueq naungshiq ralx htenc muex tvtaungx gay lvmz kuq tueq, naungshiq dvy wvnc tiq kvraq tsuingshiq muex kokez juing kuq tueq.

AJONJÜ 2:18

O Yerusalem lex, mpalx ruk htenc rueq Taungjix muex m-guyc ramc shueq! Mmuik phic kuex yuix ruilx ikhoc raungnuiyq raungwvrx msvrc kueq; Mshauk pumz kuex vkhoarc vsez nuiyc vyonz vyex raz tueq nulx wvnc kueq!

AJONJÜ 2:2

Taungjix rueq Yuda mungx nuex httax yaq ghaqtek vtueq menjenc muq maq tvbac gay tueq, Mungtan kuex tvkhup wungx jix nolaungx ghaqshungc htenc kuex tvrul tvbunx gay tueq. Vpiq rueq mungtan nuiyc kvruex wawc vyungx vlaungx bix muex yvlc svy juing tvhttuiuc tueq.

AJONJÜ 2:5

Taungjix rueq ralx ikhoc Israel kuex tvbac gay tueq; Vpiq rueq nolaungx ghaqshungc htenc nuiyc hoc htenc kuex tvbac gay tueq. Vpiq rueq Yuda miqsaz htenc htauk nuex vhtumx vguez yonzyex kuex tvhttuiuc kuq tueq.

EJEKIEL 20:22

Yuq muinz kvkhoc ngaz rueq ruez mauk, yvmx khoc lac ngoz ruiux lec Ejip mungx wawc Israel miqsaz ngaz rueq shvlx wvnc tauk kuex khic jix miqphvnx htenc htumc nuex ngvy muingc shummarc juing muex yaungx muq mruez kueq.