AJONJÜ 2:8 - ASII LAKDAP Bible (BSI)

⁸ Tatiwe raq Jajon ruk ka, tiithen baiq raa dongdii nguta, tiithen baiqto. Apaiq raq thiwiithi maq ruk ka tiitsiirai runbaiqto. Rewa khechang kongmong chong thun, bunlak buncha tiithen baiqto.

Hawa Naga Bible 2001

⁸ Yehowa rueq Zion palx ruk htenc kuex httak gay tvkoc htvp htaz tueq shex; Vpiq rueq kvruex vsuingc suing tvsawc ric tvbac gay tvkoc kvruex shenc lawc yaq. Majuiuc kuex pvrrawx htenc nuiyc ruk htenc kuex vdvmz nuex httak gay tueq.

AJONJÜ 2:8 Referencias Cruzadas

2 SAMUEL 8:2

Kiimaq apaiq raq Moabnok kra long raüta tangto. Apaiq raq rewa shumwi kong ka hiq na wiita tiibumto. Raüta wetsam phong kiiwa wenai ka tsatbaiqto. Kriikha niishe Moabnok mungti ka, awansenok miishe jawanto. Raüta apaiq ma tijong tsiiq she kuq wanto.

2 HOKHVMX 21:13

Ngi raq Samaria chela ma jamkho imo jonghea tiihokang, kiikhiisii hali Jerusalemti miimin imo laihea mitiihoha. Ngi raq Israil mung Hokhamwe Ahab nai asaü asetiim ma imo tiihokang, kiikha mitiihoha. Ngi raq Jerusalem chela na siti mungmaiqse ka miqchup tiisiirai wiichhiite maq achhii ikha michhii baiqha. Winpin ka siirai rai jamkhiiwa tiiwe tatbaiq tlaq, raüta angan nü na kapsaq thütlaq ikha mikap baiqha.

YOBA 13:21

ngi ka sintsang maq naq tsat kiq she, kiimaq ngi ka naq tiiphiipjiip kiq she.

ISAIA 22:5

Ara akhing arka aphiip ajiip, re jaq na sum, kiimaq arka Riisham Bomchang Hiqthung Tan na mungbrakshaq akhing. Arka Ajong Pinthum Tatiwe raq namung na atiisaü. Nashiq chela tro kiitelong ruk ka wiita tiibun bukbaiqto she. Kiimaq mungmaiqse raq khrum jaü agi asii hoqtrangtlaq kriika kin thun niishe riinya wanto.

ISAIA 28:17

Kra jamkhü longkaü ka tingting khapho tri raütu miraq. Kiimaq tsantsii khangriri maq jaqsham kriika khamchong shongtaq kra ra nü na tru shin chang raülo miraq.” Rathaiq nai tsakhiiqrok henghea saü raüta namshiq kamtsantsii ransea chang arot jamthun ka wiita hiq maq hutse mitsuqbaiq. Kiimaq jüchhang lüm wan raüta namshiq tiiwongchang peruk thun kra wiita mitsuqbaiq.

ISAIA 3:26

Chela kilamchong thun ka maaho manyi she miraq. Kiimaq chela apaiq kra dongdii min, jechak nyung naiqhü ma, hiq na ngaraü ikha miraq.

ISAIA 34:11

Wukhuk kong nai liisekong riili she kra mung ka milang wan. Tatiwe raq kra mung ka man na ra nai hiq mitiiq wan shaq na jamkhü wa shaqmii sitaq kiikha shaqmii she hali mitiisi wan nong.

ISAIA 5:5

“Ngi raq ispiqro ka akhiishe mirha. Sonruk tro wa ruk ka asiiqshe mirbaiqha, atiiwong chang ruk ka arun she mirbaiqha. Lata rum nyamse kong miishe mitiiphaqha. Lata rumnyamse kong ma ji maq wiita mitiinibaiqha.

JEREMIA 14:2

“Juda mung ka majo hoqtlo; achela thun wa maiq jiim wanto, asenginok ka hiq na bum raq raq hoqtrangtlo. Kiimaq Jerusalemti ka khrum jaü hoqtlo.

JEREMIA 5:10

Ngi raq isenginok spiqro thun kra dabaiqkaiti rewe pahea mitiikiha. Shatmaq tiisiirai langlang kla tiijiipbaiq mang. Ngi raq akü ako thun kriili jambaiq ronglaq nguta michongha. Jamkhano ngukla kra kü thun ka ikü ka riimak.

JEREMIA 52:13

Raüta apaiq raq Shomjam nai hokhamwe jam, kiimaq Jerusalem chela wa ajong alabi jam thun kra wiita wa maq chaqbaiqto.

AJONJÜ 2:17

Tatiwe raq mirha nguta, angu ka kloto she. Apaiq raq man na chongtaq krai mren, ümchaü nashiq tiihang mak, tiithen baiqtoshe. Apaiq raq nashiqnok ka, najaqtinok jaqkhon mong niishe, kiinongkuq baiqto. Raüta najaqtinok tiichochito.

AJONJÜ 2:18

O Jerusalem lei, ümchela ruk riimin, Tatiwe man na aho mirlaq! Ümmakphai sa ka tangwa rajun ikha, ranaiq rawa tiisa laq. Ajon ajü lam miili she tsai wan laq!

AJONJÜ 2:2

Tatiwe raq Juda mung wa, maiqhiq shong kunkun shiithenbaiqto. Kiimaq kra mung wa rewa tochang chela tro ruk thun, wiita robbaiqto. Apaiq raq kra mungtan thaq na, nai hokhambi khuthaq na, thoda maq phongto.

AJONJÜ 2:5

Tatiwe ka rewe ikha ja raüta, Israil mung shiithen baiqto; Apaiq raq Israil mung wa, phentiip thun nai hokham jam thun, wiita runbaiqto. Apaiq raq Juda mungti thaq na, jonjü thaq na jonjü tiitsuq kuqto.

EJEKIEL 20:22

Shatmaq Ngi raq tsangshiq ka jiipbaiq wan mangdea. Jamkhano ngukla kra nguraü ka Ngi raq Israilnok ka Ejip mung wa tsuq wankang akhing na maiq pongmungti thun raq tsangshiq tsuq wan kang kra achhi. Kra ningkhan imang khoti mibiki. Kra ningkhan tsangshiq ka jiipbaiq wan mang riikang.