AJONJÜ 2:9 - ASII LAKDAP Bible (BSI)

⁹ Chela kilü thun tiithenbaiqto, kiimaq kilü lachang jinpan min ngoqbaiqto. Hokhamwe nai shiilangbi thun, ümchaü pongmung na shumwi tiijato. Thungtri ka ümchaü shrinkuq makshe, Kiimaq shammibi ma, Tati nü wa riisham bomtsi min, saümak she.

Hawa Naga Bible 2001

⁹ Palx kaluix phuinz vphux htenc kuex ghaq nuex kvluip wvnc vtueq, tsuingshiq kaluix taung juing htenc tvhuyx tvhut rop gay tueq. Hokhvmx waz nuiyc muingc jungc vhttax jix htenc kuex majuiuc vthuq lvy rvhumc tueq. Tvrac kuex tvluing wuez muq, shvmmax bix rueq muinz Yehowa kox wawc romzyac lvp wuez muq.

AJONJÜ 2:9 Referencias Cruzadas

2 HOKHVMX 25:7

Jedekia makki na asetiim ka sebaiqto. Raütiishe Nebukadnejar raq Jedekia makpo wiinai ka atlat riibaiqto. Raüta apaiq ka jinraü kharü maq khatto. Raüta Bebilon mung na sheawanto.

2 KAÜWA WERAÜ 15:3

Rawii luhea Israilnok ka riikhaqli Shiikeawe ahü maq siwanto. Tsangshiq ma Shiikeawe lamphan tlanketi ramwebi ahü kiimaq thungtri min ahü shong wanto.

NEHEMIA 1:3

Kiijiishe, tsangshiq raq, “Nashiq mungti, munglu shumwi ma tsuq wan mak deati, lun wantiiti thun ka, kai chamchao mong niili sitlo. Kiimaq pongmung maiqse raq pinthum jomniim shaqshaq shummiitlo. Jerusalem chela long peruk kriimin wiita bunkito. Kiimaq peruk kilam kilü thun kriimin wa maq chaq raüta, wiita tiithen baiqto,” nguta tsangshiq chongto.

Tvtsvmc 74:9

Nashiq asii khütsaü lochu bat chang tsaüwe khamchong thun wiita tiithenbaiqto; shammibi min tiichong mak ahüshe, kiimaq akhiika ümtincho na saüli sichang wa jurmin saplot mai.

ISAIA 24:12

Chela ka tiithenbaiqto. Chela kilamchong thun ka wiita tiibunbaiqto.

JEREMIA 14:14

Shatmaq Tatiwe raq treto, “Shammibi raq imang shaphaq raüta arot chongtlo. Ngi raq tsangshiq ka thaü mangdea. Kiimaq ngi raq tsangshiq ma aming min kuqmang dea. Kiimaq tsangshiq ma bom tsishi min chongkuq mang dea. Tsangshiq raq riisham makchhi chongtlaq thun ka ngi raq atiichhikuqha riimak. Tsangshiq raq tiithaitlaq riisham bom ka tsangshiq maiqmii khutsai maq adong bomtsi chongtlo.

JEREMIA 23:16

Tati Ningkun Ajongwe raq Jerusalemti ma ngutlo, “Shammibi raq jamlai wa chongtlaq kra naqtai rongkiq. Tsangshiq raq namshiq mongjii ka arot ranphan bom chongkuq raüta tiinyamtlo. Tsangshiq raq namshiq ma chongtlaq kriika tsangshiq tsan mong maq adong. Ngi raq achongkuqha bom riimak.

JEREMIA 39:2

Riita Jedekia ka hokham jawanli maq wiiroqshi ri wiishi she angu na, kra rawii wa jipi lüblai lü na kra lüwa jiha ratiikaü ranaiq, na re raq Jerusalem chela kiitelong ruk thun kra tiibun siiqbaiq wanto.

JEREMIA 39:8

Kiimaq anü na Bebilon mungti phenlabi raq hokham jamkaü kra kiimaq mungmaiqse jam thun kra wa maq bunlak chaq baiqto. Raüta Jerusalem chela ruk thun kra wiita tiibun baiqto.

JEREMIA 51:30

Bebilon mungti phenlabi raq rekhat ka athaq she riibaiqto. Raüta tsangshiq ka chela kiitelong ruk mong niili ngakito. Tsangshiq ningkun ka ajom she, jechakre ikhiishe haitlo. Chela tro wa kilamchong thun kiimin wiita thenkito. Jamthun ka wa miishe chaqbaiqto.

JEREMIA 52:14

Kiimaq apaiq phenlabi raq Jerusalem chela tro ruk ka wiita tiibun buk baiqto.

AJONJÜ 1:3

Juda mungti ümchaü maiqdi maiqmakong she, tsangmung wa pongmung na tsuq wanto, Tsangshiq pongmung niishe sitlo, Tsangshiq hiqhü rahü she, Tsangshiq komtam chiqse rewe phong li she, Ajuchang lam ahü she.

AJONJÜ 4:15

“Tiijin rong! ashe ashi kra, tiijin rong! tiijin rong! namshiq ashe, idü na naq tiithan kiq,” nguta maiq raq tsangshiq jobaiqto. Krai mren tsangshiq ka, maiqmung mungshi na saühoho, ashong angachang hummak, momii wanto.

AJONJÜ 4:20

Tsangshiq raq nashiq tsitsü raüchong laphoto, Tatiwe raq ashong na hokhamwe laphoto, nashiq khup wongketi, nashiq kamsea chang laphoto.

EJEKIEL 12:13

Shatmaq Ngi raq apaiq tiimin chang chiiq chan lata mikheha. Lata apaiq ka mitiiminha. Latiishe ngi raq apaiq ka Bebilon chela niishe mishea wanha. Kiijaq apaiq ka makchuk maq siraütli she, jam min chhimak miili mitsai.

EJEKIEL 17:20

Ngi raq ngam tsan chang chiiqjong ka lam na chan lata, apaiq ka mitiiminha dongdii. Ngi raq apaiq ka Bebilon mung na shea wan lata kiijaq mo mitiihoha. Jamkhano ngukla apaiq ka iwokhong na simak, ikiq khii wanto. Ibom taimak.

EJEKIEL 7:26

Phanshi then jai phanshi mithen wan. Bihea mra pin raq tong wan wanli she miraq. Namshiq raq shammibi ma riisham makchhi bom miitu mitiipaiq nea han. Ramwebi raq mung maiqse ma jamlai tsütsa shrinke chang min ahü miraq. Kiimaq shiilangbi riimin namshiq ma hon atsii chongke chang jam min ahü she miraq.

Hosea 11:6

Israil mung chela thun, redong raüta wiita milong wan. Chela kilamchong thun wiita mirun wan. Isenginok thumthum mithen wan. Tsangshiq maiqmii raq athithi siwanto. Tsangshiq ibomchong taimak riito.

Hosea 3:4

Akhiisii hali, Israilnok kiimin akhing luhea tsangshiq rümti hokhambi min ahü maq lo welabi min ahü maq siwan chang miraq. Kiimaq Shiikeawe ma honglu min kewan hümiili riimak la, asii honglu wacha longshong kaü thun min ahü miili siwan chang miraq. Kiimaq langlii wan chang nai teitlang chang sumla thun kiimin ahü miili siwan chang miraq.

AMO LUIK DVP (AMOS) 1:5

Damaskas chela kiitelong ruk kilamchong, ka bunlak mibuk wan ha. Lata Awen Hiqthung Tan na siti mungmaiqse nai Batheden hiq wa wela kiimin, wiita mitsuq wan ha. Lata tsangshiq ka, Kir mung na re raq shumwi ma mitsuq wan,” nguta Tatiwe raq ngutlo.

TRI CHONGKE 28:36

“Tatiwe raq ümnaq nai üm hokhamwe ka pong mung na mishea wan. Kra mung niika ümnaq min simaü dea kiimaq ümtitiim min simak dea. Kra mung na ümniiraq phra kong pe maq ahai nai long maq ahai thun kra mishom noq haü.

TRI CHONGKE 28:63

Tatiwe raq ümniika jamkho chochi khiq maq chiithe lüwawe ma tiija wantaq kiimaq ümniika tiipuchi kuq wantaq, raüta maiq ka pahea tiipa wantaq, kra niqriri sii hali, apaiq raq ümniika chochi khiq maq mitiithen baiq wan. Raüta ümniika miqchup she mitiithen baiq wan. Ümniika ümchaü mung jiiwan tlaü, laüta shong nga wan tlaü mung kiiwa arang chong maq barot raüta miphai baiq wan.

1 SAMUEL 28:6

Kra ningkhan apaiq raq jamkho mija i nya nguta Tatiwe ma waito. Shatmaq Tatiwe raq apaiq ma, rawa ma miimin tiichhikuq mak, kiimaq Urim nai Thummin maq lang liikiimin, langkuq makshe riito.