AJONJÜ 2:9 - Hawa Naga Bible 2001

⁹ Palx kaluix phuinz vphux htenc kuex ghaq nuex kvluip wvnc vtueq, tsuingshiq kaluix taung juing htenc tvhuyx tvhut rop gay tueq. Hokhvmx waz nuiyc muingc jungc vhttax jix htenc kuex majuiuc vthuq lvy rvhumc tueq. Tvrac kuex tvluing wuez muq, shvmmax bix rueq muinz Yehowa kox wawc romzyac lvp wuez muq.

ASII LAKDAP Bible (BSI)

⁹ Chela kilü thun tiithenbaiqto, kiimaq kilü lachang jinpan min ngoqbaiqto. Hokhamwe nai shiilangbi thun, ümchaü pongmung na shumwi tiijato. Thungtri ka ümchaü shrinkuq makshe, Kiimaq shammibi ma, Tati nü wa riisham bomtsi min, saümak she.

AJONJÜ 2:9 Referencias Cruzadas

2 HOKHVMX 25:7

Zedekia rueq lawc yaq nuex vsaz hez kuex thvt gay tueq; kvruex yimaq Nebukhadnezar rueq Zedekia muik kuex tvluc tvlvmz gay ruiux, yanx ruiux maq buinc vtueq Babelon nuex shvlx wvnc tueq.

2 KAÜWA WERAÜ 15:3

Israel htenc nuex vkhing loayc hvlc shex tsuingrux Tishox vguez, tsuingshiq muex tvluingc kuy jix shomc waz bix vguez, tvrac vshiz muinz vguez maq dvyx muinz httax wvnc tueq.

NEHEMIA 1:3

Tsuinghez rueq rullungx thuiuzthuic thueyc kaz muq maq miqmac mungx nuex yek waungc jix hez kuex pinhtumc kuilc daz rvhumc vtueq, phic vphaungx nuex httaz jix pungnuk miqsaz rueq wvlc guez tvyaungc yaq lvmz ngaz muex jungphvnx kuq phuex. Kvmaq raz tueq Yerusalem ghaq palx ruk htenc kvhttak rul wvnc vtuex lvmz nuiyc ghaqyungx kaluix kuex wvr rueq khamc gay tueq maq majuiuc nuex httuiuc laz tvhvlc muq shauk doc lvmz kuex jungphvnx kuq phuex.

Tvtsvmc 74:9

Nuiyshiq kvmluimx nuex seng yaq vsawc mvhttarc htenc kuex khiz miq shex; kvyuq shvmmax washiz muinz httax muq shex, mtanc nuex httuiuc laz vkhoc yaungx wvnc tuex lvmz kuex uraq muinz tuiuz muq.

ISAIA 24:12

Ghaqyungx kuex bunx kaz shex, kvruex palx kaluix htenc muinz rop httak gay tueq.

JEREMIA 14:14

Yuq muinz Yehowa rueq tvralc tueq, “Kvruex shvmmax bix kuex ngvy muingc maq vrot vkaq jungx yaq; ngaz rueq tsuinghez kuex tvkaz mauk doc, tsuinghez muex yvmx muinz nvr mauk doc, kvjaz poshiz muinz jungx mauk doc. Tsuinghez rueq jungx yaq romzyac tvkhic bomc kuex ngvy kox wawc rvmuq, tsuinghez rueq tvluz nuex jungx yaq luingx lawc lvmz kuex tsuinghez thuinz maq tak yaq khuec guez lvmx dvyx rvtueq.

JEREMIA 23:16

Tvphaungc Tvsuip Yehowa rueq Yerusalem miqsaz muex jungx tueq, “Shvmmax bix rueq jungphvnx yaq kuex nauk tay kaz; tsuingshiq rueq mnoz muex vyaq thuinz tvluimc juing tvmvrc yaq. Tsuingshiq thuinz vmungx maq tvmaung yaq kvdvyx mnoz muex jungphvnx wuez yaq, ngaz rueq jungx tauk kuex jungphvnx wuez muq.

JEREMIA 39:2

Hokhvmx Zedekia hoc nuex ngaungc tueq wawc rokshiz rac wawc shiz, yapix lex bvlic raungx tvkuiuz raungnuiyq ghaqyungx palx ruk htenc tvbunx httak gay rvhumc tueq.

JEREMIA 39:8

Kvruex baunglaung, Babelon miq htenc rueq hokhvmx hoc nuiyc mungx miqsaz yuimx htenc kuex jauk gay ruiux, Yerusalem ghaq palx ruk htenc kuex httak gay tueq.

JEREMIA 51:30

Babelon nolaungx bix kuex ralx khvt muq maq tsuingshiq nolaungx ghaqshungc mungx nuex dvyx httax yaq. Tsuingshiq kuex thuinbac nulx wvnc vtueq yalxjuik rulx ikhoc dvyx shex yaungx yaq. Ghaqyungx palx kaluix htenc kvhttak wvnc ruiux, yuimx htenc wvr rueq khamc gay tueq.

JEREMIA 52:14

piq nolaungx bix rueq ghaqyungx palx ruk htenc kuex httak tvrul gay tueq.

AJONJÜ 1:3

Yuda miqsaz kuex vthuq wvnc rvhumc ruiux ruinglez raunglez raz tueq dax muex yaungx yaq, yuimx wawc laungc maq yurc gay rvhumc tueq. Tsuingshiq kuex vganc mungx nuex httax vtueq, tsuingshiq ghaq baung ngoz tueq jungc juing vguez, ralx rueq tuimc lvy rvhumc vtueq dungc wvnc juing lvmz vguez pungx mungx nuex httax wuez yaq.

AJONJÜ 4:15

Miq htenc rueq, “Kvbanc kuiuz! Mnoz kuex rv-nyet rvshet! Ngaz nuex nauk kvtungc vkueq!” ngoz tueq guyc wuez tueq. Kvkhoc rvtueq tsuingshiq kuex miqphvnx phvnx shiz kox maq phvnx shiz kox nuex kvroz khuemx ruiux muinz, vshiz raung rueq muinz malc wvnc muq.

AJONJÜ 4:20

Tsuingshiq kuex Yehowa rueq vthvl taq nuiyshiq thuiuzthuic pauk rvtueq, nuiyshiq khvt jix ralx ruip rawx yauk wawc nuiyshiq tvkhup wungx kuy jix nuiyshiq rueq tvluimc vshix hokhvmx waz muinz lvp gay tueq.

EJEKIEL 12:13

Yuq muinz ngaz rueq ngvy jak maq piq kuex khup vtueq ngvy bix nuex tvmanz shaungx. Kvruex yimaq ngaz rueq piq kuex Babelon ghaqyungx nuex shvlx wvnc vtueq, kvruex baung kuex piq rueq khiz muq dvyx thueyc wvnc tuex.

EJEKIEL 17:20

Ngaz rueq shvrvyx waz jak kuex tvparc vtueq kvyuq piq kuex tvmanz shaungx. Ngaz rueq piq kuex Babelon mungx nuex shvlx wvnc vtueq kvyuq piq muex murx tvgurc shaungx, yvmx khoc lac ngoz ruiux lec piq kuex ngaz muex tvmtuing vguez rvtueq.

EJEKIEL 7:26

Jamjaux kuilc daz kuex vshiz maq vshiz rueq phvnx vtueq jauz susuc saz maq kaz wvnc yaq vbac thuix thaungx htenc kuex dung wvnc tuex. Shvmmax bix tsuingshiq rueq tvluz nuex khiz wvnc tueq lvmx htenc kuex jalc tvkhic tvkoc mnoz rueq thoz shuiux. Shomc waz bix muinz miq htenc muex tvluingc kuy juing yvmx muinz humc shuex rvmuq, walaungx bix rueq muinz tharc jungx thenc muq rvshuex.

Hosea 11:6

Tsuingshiq ghaqyungx htenc nuex ralx rvkhvt rvlungc kuex rvhumc vtueq, ghaqyungx palx kaluix htenc kuex rop gay shuex. Ngvy miqsaz htenc kuex tsuingshiq thuinroc shuimc kay ningkhvnc nuex tvbac gay rvhumc tuex.

Hosea 3:4

Ekvkhoc Israel miqsaz htenc kuex vkhing loayc hvlc hokhvmx htenc lvp muq, walaungx bix muinz vguez, shomc nawk kuy vguez, vsawc lunghtung htenc mungx nuex, yac yuimx vguez, luinglawc shuex nuex shuimc juing vyac htenc lvp muq maq dvyx httax wuez tuex.

AMO LUIK DVP (AMOS) 1:5

Ngaz rueq Damasku ghaqyungx palx kaluix htenc tv-ngawk rop gay ruiux, Awen Warc tvnx nuex httax yaq htenc nuiyc Betheden guimz jix waz kuex rumz gay shaungx. Siria miqsaz htenc kuex Kir mungx nuex thuq wvnc rvhumc wuez tuex,” ngoz tueq jungx tueq.

TRI CHONGKE 28:36

“Nuimshiq nuiyc nuimshiq jix vwaz htenc httuiuc muit shauk pungx mungx nuex Yehowa rueq nuimshiq nuiyc nuimshiq hokhvmx kuex shvlx laq kv-phuinx; nuimshiq rueq kvruex mungx kvmaq pulx nuiyc lung maq vtvhungx guirx tishox htenc kuex nawk palx wuez shuinx.

TRI CHONGKE 28:63

Yehowa rueq nuimshiq tvyungc loayc tvkoc muinz, miq pux paung wvnc tvkoc muinz raungc raq wvnc tueq rulc rv-ngvlc nuimshiq tvbac tac gay tvkoc muinz, tvsumx rumx gay tvkoc muinz raungc raq wvnc shuex. Nuimshiq rueq lvp wvnc shuinx mungtan kvwawc nuimshiq kuex tvdux tvdung gay shuex.

1 SAMUEL 28:6

piq rueq yvmx khoc ruez juing lac Yehowa muex wiz tueq. Yuq muinz Yehowa rueq piq muex maung maq muinz, Urim nuiyc Thummim maq muinz, shvmmax bix maq muinz yvmx muinz tvralc jungx kuq muq.