AJONJÜ 2:10 - Hawa Naga Bible 2001

¹⁰ Yerusalem wawc rullungx nyuiuz waz bix kuex ghaq nuex suinglix lix ngaungc vtueq, Tsuingshiq khux htenc htauk nuex bokkhuyx kop ruiux, tsuingshiq gvnz nuex ruiyhec khvy htumc htenc khelc svmx wuez yaq. Yalx tux nyuiuz rulx muinz tsuingshiq khux kuex ghaq nuex bumx wuez yaq.

ASII LAKDAP Bible (BSI)

¹⁰ Jerusalem wa nyungwere kaiqshakshak maq, hiq na ngaraqraq, tsangkhu na botkhulai tiinyat raüta, wunthaü riinaü khea riijob sam raqraq. Junriire ka tsangtok hiq na kuraqraq.

AJONJÜ 2:10 Referencias Cruzadas

2 SAMUEL 13:19

Tama kuex vkhux nuex tvp maq kv-nyvt vtueq, vkhvy hungluz kuex juir gay ruiux, vhtvlx kuex yauk maq puingc vtueq vhtaq maq vkhoar waung wvnc tueq.

ISAIA 15:3

Lvmx wawc miq htenc rueq ruiyhec khvy kuex svmx wuez yaq; ghaqyungx kesawc htungx nuiyc yuimx wux khux htauk nuex miq htenc yonzyex vtueq guyc sez khoar wuez yaq.

ISAIA 3:24

Tsuingshiq rueq vhomc thuingc shuimc tvraung, tsuingshiq kuex vnvmc thuingc dvyx thuingx tuex; vsvp waq kheshuit ruiuz tvraung, ruiuz talaz kheshuit ruiuz kuex shuit wuez shex; vlawc svy juing khux mul tvraung, tsuingshiq khux kuex luk sulc gay rvhumc tuex; svp hvlc khvysvmc tvraung tsuingshiq rueq vjez vkawz kuex svmx wuez shuex; tsuingshiq rueq svp vrvp kuex yvlc svy juing muex yaungx wvnc tuex!

ISAIA 3:26

Ghaqyungx kaluix htenc kuex khoarsez wuez vtueq, ghaqyungx kuex sawkumx put gay ruiux ghaq nuex ngaungc yaq yalxjuik nyuiuz shiz ikhoc yaungx wvnc tuex.

ISAIA 36:22

Kvruex yimaq Eliakim, Shebna nuiyc Joa kuex thuinbac vtueq miqmac khvy htenc juir gay ruiux Asiria vyungx vlaungx kvjaz kuex hokhvmx waz kox nuex jungx tvtay waung tueq.

ISAIA 47:1

Yehowa rueq, “Babelon lex, mhoc daungraungc maq svt vtueq, ghaq htauk bokkhuyx nuex ngaungc kuiux. Mnoz kuex yalxtux muik shauk nyuiuz ikhoc, laukshiz muinz vpuingc gay rvhumc muq shauk ghaqyungx vshiz rvtoq, yuq muinz mnoz kuex mkaq muinz nyenz taungtaung rvmuq shex! Majuiuc mnoz kuex dax muex yaungx vtuiux!

ISAIA 47:5

Yehowa rueq Babelon muex, “Kuiyq shuik maq raungnyauk mungx nuex ngaungc kuiuz; tsuingshiq rueq mnoz ngoc miqphvnx ruip rawx hokhvmx nyuiuz ngoz tueq mkaq muinz gvl muq shex!

JEREMIA 8:14

Tishox vpiq miqsaz rueq, “Naungshiq kuex yvmx ngoz tueq lac ngaungc hvt dvyx httax kaz tix? Kaz luit, lung palx ruk ghaqyungx htenc nuex yuz vtueq kuiyqshuik maq thueyc wuez ix. Yehowa naungshiq Tishox kuex naungshiq rueq vpiq muex yaq gay tiq mvrax ningkhvnc nuex naungshiq kuiyqshuik maq thueyc wvnc tvkoc tvbac gay ruiux, naungshiq nuex vyangx tix kuex tvnuingc gay phuex.

AJONJÜ 1:1

Mvnnuex laukshiz miq paunghvlc vkvlc vkawc yaungx tueq Yerusalem kuex piq lauk lauk dvyx shex ix! Laukshiz mungkawx kox maq tvtsanc nganc rvhumc yoalx nyuiuz kuex mvntix nyuiuz ikhoc yaungx yaq; ghaqyungx htenc wawc muingc jungc vhttax pinhtumc ghaq yungx kuex dax rullungx nuex httuiuc wvnc tueq.

AJONJÜ 1:4

Majuiuc kuex vsawc raungnuiyq htenc nuex nawk palx tvkoc Shomc Yuimx nuex ukhaq muinz httax kaz muq. Kvruex yuq vshic vngoyc jix yalx tux rulx kuex vkuilc vdaz rvhumc yaq, shomc waz bix muinz kvbot nyvnx wuez yaq. Ghaqyungx htenc palx kaluix muinz kuiyqshuik kuiyq shix yaungx vtueq, Zion kuex vkuilc vdaz rvhumc yaq.

AJONJÜ 3:28

Naungshiq kuilc daz rvhumc tix nuex, naungshiq vshiz lauk lauk suinglix maq nanx vtueq ngaungc chuing rvtueq;

AJONJÜ 4:16

Yehowa rueq tsuingshiq tvkoc raungluingx muinz rvwvl muq; vpiq pumz maq tsuing-shiq kuex tv-phvlc gay tueq. Vpiq rueq naungshiq shomc waz bix nuiyc vyungx vlaungx bix kuex wvlc guez tvyaungc tueq.

AJONJÜ 4:5

Vsumc vkvmc phuiuz vsvy phuiuz svy jix miq htenc kuex rvmc rueq lvmx laungx htenc nuex thueyc kaz wuez tueq; vpiauc lvmx nuex lenlauk yoalx jix kuex phuiuz vsvy tvkoc suingkez phungc wawc thuiyx wuez yaq.

AJONJÜ 5:12

Nuiyshiq vyungx vlaungx bix kuex shvlx laq vtueq tvshuirc pauk gay tueq; nuiyshiq walaungx bix kuex tvtsanc nganc rvhumc yaq rvmuq.

AJONJÜ 5:14

Rullungx nyuiuz waz rulx kuex ghaqyungx palx kaluix nuex mkaq muinz ngaungc kaz muq shex, yalxrox bix rueq vtuimc vtvlc raungluingx muinz vguez shex.

EJEKIEL 27:30

Tsuinghez lotlaz kuex mnoz tvkoc vkhuip vkhaq laz juing yonzyex wuez yaq, Tsuinghez khux htenc nuex bokkhuyx maq kvwuinc vtueq tvp nuex rv-nyvt wuez yaq.

EJEKIEL 27:31

Tsuingshiq kuex mtvkoc tsuingkhux sulx wuez tueq, Miqmac gvnz nuex ruiyhec khvy svmx wuez tueq. Tsuingshiq thuinz vmungx kuex vkhoarc htuiz rueq khuip wvnc vtuex.

EJEKIEL 7:18

Tsuingshiq kuex ruiyhec khvy svmx wuez vtueq lotlaz kv-khuirc wuez tuex. Tsuingshiq khux htenc kuex sulx gay ruiux, tsuingshiq lotlaz yvlc svy rvhumc tuex.

Yoel 1:8

Miq htenc lex, yalxrox pat nuex thueyc kaz tueq miqwaz saz tvkoc yonzyex yaq yalxjuik saz ikhoc guyc sez khoar kuinz.

AMO LUIK DVP (AMOS) 5:13

Kvkhoc rvtueq, vkhoc honc vbac vkhing nuex kuiyqshuik dvyx httaz kuex miqjat lat yauk shuimc muex yaungx yaq nyix!

AMO LUIK DVP (AMOS) 8:13

Kvruex raungnuiyq gvnhttuingc yalxrox bix nuiyc yalxjuik rulx doc muinz khvmx svy rueq kvrop wuez tuex.

AMO LUIK DVP (AMOS) 8:3

Kvruex raungnuiyq hoc mungx nuex shic ngoyc tvruingc kuex vkhoarc tvruingc nuex kvlayc wvnc vtueq, vthueyc maungx kuex baung ruip saz nuex woalc tueq. Tsuingshiq kuex kuiyqshuik maq tuip gay rvhumc tuex,” ngoz tueq jungx phuex.

Jona 3:6

Ninewe hokhvmx waz rueq kvruex thaungc kuex tay vtueq, piq hokhvmx hoc maq kvtenc vtueq, piq marrarc khvy kuex puk gay ruiux ruiyhec khvy kuex svmx vtueq tvp nuex ngaungc tueq.

JOSHUA 7:6

Yoshua nuiyc Israel miqsaz vyungx vlaungx bix htenc kuex thuinbac yonzyex vtueq miqmac khvy htenc kuex juir gay ruiux, Yehowa Bomkhvrc Jep kvlc nuex woalc ruiux, tsuinghez khux nuex bokkhuyx maq wuinc vtueq raungx tvyac laz yonzyec lvmz tvkhic tueq.

Revelation 18:19

Tsuingshiq rueq bokkhuyx htenc kuex miqmac khux htauk nuex wuinc vtueq, “Vhiz juing mvnauz! Vhiz juing mvnauz! Svmuktvrax rvp juing svngpholix taungjix htenc tvrungx wanx kuy jix ghaqyungx lex! Mnoz kuex shalhtaz shiz nuex dvyx httax yaq lotlaz sumrumx wvnc vtuiux nyix!” ngoz tueq khoar wuez tueq.