AJONJÜ 2:6 - ASII LAKDAP Bible (BSI)

⁶ Apaiq shomnoq chang Jam, bunlak buncha tiibun baiqto. Apaiq raq asii liipan ranaiq thun, nai Asii Niitiitsak Ranaiq lang akhing, wiita tangta baiqto. Atsankhiq moho sintsang ka, Hokhamwe nai ramwebi ma, pilichhaq tiihoto.

Hawa Naga Bible 2001

⁶ Vpiq kuex naungshiq rueq nawk palx shix Shomc Yuimx kuex tvhuyx tvhut rop gay tueq; Vpiq rueq vsawc raungnuiyq htenc nuiyc Vguilc raungnuiyq htenc kuex tvhtumx gay tueq. Hokhvmx waz nuiyc shomc waz rueq muinz vpiq thuinkhvy kuex rv-ngvlc rvhumc wuez yaq.

AJONJÜ 2:6 Referencias Cruzadas

Tvtsvmc 74:7

Tsangshiq raq üm Shomjam ka tiithenbaiqto raüta wa maq chaqbaiqto; tsangshiq raq ümnaq shomnoq chang asii jam ka wiita tiisheshi baiqto.

Tvtsvmc 76:2

Apaiq jam ka Jerusalem chela na; Apaiq ka Jajon kin na sitlo.

Tvtsvmc 80:12

Ümniiraq kra tsung tro wa sonruk ka jam nguto siiqbaiqlaü? Ümchaü ka maiq akhumti raq kra spiqtsi ka huksiqtlo.

Tvtsvmc 89:40

Ümniiraq achela ruk thun ka chaibaiq laü kiimaq achela rukthun ka wiita tiithenbaiqlaü.

ISAIA 1:13

Ümniiraq ümchuwa honglu kuq wan tlaü kriika jamlai athü arii min ahü she. Ümniiraq homseng honglu kuqtlaü tsangngii kra shulata Ngi ka ishuli she sikito. Ümniiraq Jipi Jinye Poi thun, kiimaq Apii Ranaiq Poi thun, kiimaq noqku na shomnoq wan thungtlan thun kra chhilata ümchaü sanha ninlot mangshe. Arthun klowan tlaü arka ümngarai phong krai triishot laüta kuq wan tlaü.

ISAIA 1:8

Jerusalem lamlamseli she tiichongtlo. Arkiimin re raq chela trotam maq akom wan kun she. Wak na spiqro khechang baülitiipse ahai ikha, riimakla wak na kumchan tsung ruk hü pehü sitlaq ikha, asea awea raq aphaq wan nguli riitlaq ikhlishe sitlaü.

ISAIA 43:28

Kiimaq ümmung tuwebi riimin, isiqlaitap ka riikhiq pinthum tiishebaiqto. Atinkhan shutkha na Ngi raq Israilnok ka tiithenbaiq kang, Ngi raq isenginok ka maiq ma tiishummii kang.”

ISAIA 5:5

“Ngi raq ispiqro ka akhiishe mirha. Sonruk tro wa ruk ka asiiqshe mirbaiqha, atiiwong chang ruk ka arun she mirbaiqha. Lata rum nyamse kong miishe mitiiphaqha. Lata rumnyamse kong ma ji maq wiita mitiinibaiqha.

ISAIA 5:6

Ngi raq sonruk ka sang miishe mitiikaqbaiqha. Ngi raq spiq raü dong ka ton mang she mirha. Kiimaq hiq kiimin kochak maq thu mang she mirha. Kra thaq na shukcham thun nai shuktamro kriima mitlambaiqha. Ngi raq phumda ma ra kiimin tiijunkuq mang she mirha.”

ISAIA 63:18

Naishiq ka, ümsenginok asii maiqsetiim. Jaqlo miitu naishiq jaqtibi raq jobaiqto. Tsangshiq raq ümnaq asii silaitap ka jimaq nishishi nibaiqto.

ISAIA 64:11

Kiimaq naishiq Shomjam, asii jam kiimaq pinthum tsom hea ba, naititiim pat na ümnaq tiitsamkam chang jam, ka wa maq chaq raüta tiithen baiqto. Naishiq raq lungwiitiikai hiqshong rahai thun ka wiita tiithen baiqto she.

JEREMIA 17:27

Shatmaq tsangshiq raq Ngi aming ka lang raa dongdii. Raüta Asii Niitiitsak Ranaiq ka asii ranaiq tri maq lang raa dongdii. Tsangshiq raq kra ranaiq na Jerusalem chela kilamchong thun lam maq hupsam ho raüta khum raamak. Tsangshiq raq kra bom ka tlea raüla, Ngi raq Jerusalem chela kilamchong thun ka wa maq michaq baiqha. Wa raq Jerusalem chela mong wa hokham jam thun ka mikhiimbaiq. Kra wa nyai wantlaq kriika juwe riimin tiimatbaiq lot mak she miraq.”

JEREMIA 42:18

“Tati, Israilnok Shiikeawe raq ngutlo, ‘Ngi raq itsankhiq walüwa ikha hengtlaq kra Jerusalem na siti khuthaq na jamkho tlü chaq kang, namshiq ka Ejip mung na laüho han jiila, ngi raq namshiq khuthaq niimin kra mitlü chaqha. Namshiq ka maklii jai na tiijang phat phiiptsi jiiptsi mithen wan han. Maiqse raq namshiq thenjen wan kra chhi raüta slaislii thophi riiqphi mishummii wan. Kiimaq namshiq mang ka chong raüta maiqse raq manson shiiton ma mitiija wan. Namshiq ara hiqshong arka thongshi chhinong man she mirhan.’”

JEREMIA 45:4

“Shatmaq, Ngi, Tatiwe raq ijaq maq ahaihun wanha kra asiiq she riibaiq tiikang. Kiimaq Ngi raq jamlai wa chhijang wan kang kriika, arangchong maq aphai she riibaiq tiikang. Arka Ngi raq mangjong hiq raikhü tlotli wa miphaibaiq wanha.

JEREMIA 50:28

(Munglu wansha Bebilon mung wa lun wan raüta aju wanti ka Jerusalem na saüto. Raüta tsangshiq raq nashiq Tatiwe nashiq Shiikeawe raq, Bebilon mungti raq Shomjam ka tiithenbaiq kha na, tsangshiq khuthaq na jamkho phuk lamtaq kra tsütsa ka chonghoto.)

AJONJÜ 1:4

Ümchaü san asii ranaiq niimin, Noqku jam na jumin wamak she, Kiijaq shishunti jechakse re chamchaotlo. Ramwebi ümchaü hannyitlo. Tsangshiq kilamchong keathung kaiqshak kaiqshishe, Jajon chela ümchaü aho ajü.

AJONJÜ 4:16

Tatiwe raq tsangshiq miitu, broriimak she, apaiq raq tsangshiq ka, pongmung na tiipin jobaiqto. Apaiq raq nashiq ramwebi nai mungtubi ma, shreng manto thiimak she.

AJONJÜ 4:20

Tsangshiq raq nashiq tsitsü raüchong laphoto, Tatiwe raq ashong na hokhamwe laphoto, nashiq khup wongketi, nashiq kamsea chang laphoto.

AJONJÜ 5:12

Naimung wa mungtubi ka lap raüta, raü maq tiishak paq baiqto. Naimungti nyungwere ka, shummii laqpii lishe riiwanto.

EJEKIEL 17:18

Jamkhano ngukla, apaiq raq atiitum raüta tongshong kiqkham raütu akhakuq kra runbaiqto. Apaiq raq arthun ashut kiimung wanto. Ümchaü apaiq hangkai chang ka ahü she.”

LEWI 26:31

Ngi raq nam chela thun ka hiqmiq changkhü miishe mitiija baiqha. Namshiq raq sumla noq tlan hiqba thun kra wiita mitiithen baiqha. Kiimaq namshiq raq Ngi ma honglu takuq tlan thun kriika tao mang she mirha.

JEPHANIA 3:18

Kra chochi ka poi na chochi tlaq ikha miraq.” Tatiwe raq ngutlo, “Ngi raq ümnaq tiithumbaiq, nguta kha tankang kra, lambaiq kang she. Kiimaq ümnaq tiijeasi tlaü kriimin, lambaiq kang she.

MALAKI 2:9

Arkha na, ngi riimin, Israilnok tsantsii ka namshiq tiishummii wan miitu she mitiiphe baiq wan ha. Jamkhano ngukla, namshiq raq, ngi raq thapthi tiikang kra shamkuq man kiimaq, namshiq raq isenginok ma shrinkuq tlan na, nokmaiqse ka tarü makliishi maq liiman riitlan.”