AJONJÜ 2:2 - Hawa Naga Bible 2001

² Taungjix rueq Yuda mungx nuex httax yaq ghaqtek vtueq menjenc muq maq tvbac gay tueq, Mungtan kuex tvkhup wungx jix nolaungx ghaqshungc htenc kuex tvrul tvbunx gay tueq. Vpiq rueq mungtan nuiyc kvruex wawc vyungx vlaungx bix muex yvlc svy juing tvhttuiuc tueq.

ASII LAKDAP Bible (BSI)

² Tatiwe raq Juda mung wa, maiqhiq shong kunkun shiithenbaiqto. Kiimaq kra mung wa rewa tochang chela tro ruk thun, wiita robbaiqto. Apaiq raq kra mungtan thaq na, nai hokhambi khuthaq na, thoda maq phongto.

AJONJÜ 2:2 Referencias Cruzadas

YOBA 2:3

Yehowa rueq, “Ngvy nvrc waz Yoba kuex mnoz rueq tvtsuingc vshuiux haz? Piq kuex kvmluimx jix miq hvlx waz rvtueq, piq kvkhoc ghaq htauk nuex washiz muinz vguez. Piq rueq ngaz muex nawk palx kuq vtueq honc lvmz hvt maq layx bac yauk shuimc kuex yvmx muinz shuimx muq. Mnoz rueq khuec vlvmz vguez maq piq kuex tvbac gay tvkoc ngaz muex laulawc vphux, yuq muinz Yoba kuex tvmtuing httax hvt dvyx httax yaq waz rvtueq,” ngoz tueq jungx tueq.

Tvtsvmc 21:9

Piq httuiuc kaz tuex nuex vtul maq kvtenc yaq wvrluic ikhoc tsuingshiq kuex tvbac gay shuex. Yehowa thuinkhvy dung vtueq tsuingshiq kuex tvbac gay shuex, wvr rueq muinz tsuingshiq kuex khamc gay shuex.

Tvtsvmc 74:7

Tsuingshiq rueq Mshomc Yuimx kuex rop wung gay ruiux wvr maq jauk gay tueq; mnoz muex nawk palx juing baung kuex tsuingshiq rueq tvshuy shac gay yaq.

ISAIA 22:5

Vruex kuex Romzyac Tvkhic Warc tvnx nuex Tvphaungc Tvsuip Johvlc Yehowa rueq vhiz vsungx, vsumx vrumx nuiyc vpanc vyanc juing htenc kuex naungshiq htauk nuex tvkaz shuex vkhing rvtueq. Naungshiq ghaqyungx palx ruk htenc httak tvbunx gay ruiux, romc kuy tvkoc guyc sez tvruingc kuex ghaqluimx htenc nuex rv-nyawx yaq.

ISAIA 23:9

Tvphaungc Tvsuip Yehowa rueq kvkhoc tvyaungx tueq. Tsuingshiq rueq shuimx wvnc tueq yauk shuimc nuex, tsuingshiq ngamc vngax kuex tvmaq gay nuiyc tvtsanc nganc mvrc yaq tsuingshiq miq htenc tvyomx gay tvkoc kvruex tvyaungx gay tueq.

ISAIA 25:12

Vpiq rueq Moba nolaungx ghaqshungc johvlc palx ruk htenc kuex tvbac gay ruiux ghaq nuex tvrul gay shuex.

ISAIA 26:5

Vpiq rueq ngamc vngax httaz jix miq kuex tvyomx gay ruiux; tsuingshiq httax yaq phaungx ngaungx hvlc ghaqyungx kuex vpiq rueq tvbac gay tueq, kvruex palx ruk htenc kuex bokkhuyx muex tvyaungc laz httak tvrul gay tueq.

ISAIA 27:11

Pulx jungx noz vphak htenc shanx wvnc ruiux yuq vtawk gay rvhumc yaq, yalxjuik rulx rueq kvruex janx muex htuimx kaz yaq. Miq htenc kuex yvmx muinz vtuiuz vtay vguez ningkhvnc nuex, tsuingshiq Tvdungc Sungc jix Tishox rueq tsuingshiq muex menjenc shuex rvmuq, tsuingshiq muex yvmx menjenc lvmz muinz tvkhic shuex rvmuq.

ISAIA 43:28

mnoz vyungx vlaungx bix rueq ngvy vsawc baung kuex tvshuy shac tueq. Kvkhoc rvtueq ngaz rueq Israel htauk nuex tvbac gay lvmz tvhttuiuc tauk; ngaz rueq ngvy miqsaz htenc kuex wvlc guez waqguez tvrvhumc tauk,” ngoz tueq jungx tueq.

ISAIA 47:6

Ngaz kuex ngvy miqsaz htenc muex khaq vtueq; ngvy miqsaz rvmuq shex ikhoc tvyaungc wvnc tauk: Ngaz rueq tsuingshiq kuex mnoz luimc vkawc khung nuex taq gay tauk, mnoz rueq tsuingshiq muex menjenc thuinz vguez; nyuiuz waz rulx muex doc muinz batac hvlc rvtoq.

JEREMIA 13:14

Kvruex yimaq ngaz rueq tsongbumx juix htenc vshiz maq vshiz rvtungc yaq ikhoc nyuiuz waz nosaz ngoz mauk tvbunx gay shaungx. Yvmx khvnnyvnx thuinz, menjenc thuinz rueq muinz ngaz rueq tsuingshiq thvt shaungx kuex tvwanc tsic shuex rvmuq,” ngoz tueq.

JEREMIA 19:15

Tvphaungc Tvsuip Yehowa Israel Tishox, rueq jungx tueq, “Mnoz khux tvtsanz vtueq ngaz rueq jungx phaungx kuex tay muq ningkhvnc nuex ngaz rueq ruez shaungx ngoz tueq jungx phaungx rulc rv-ngvlc, vruex ghaqyungx vyuq muinz, tvroz wawc miqghaq htenc nuex muinz ngaz rueq murx tvgurc shaungx,” ngoz tueq jungx tueq.

JEREMIA 21:7

Yuq muinz, mnoz nuiyc mmiq vyungx vlaungx bix kuex ralx rvlungc, khvmx vrvmc nuiyc vmac vtsac wawc dung wvnc ruiux muinz, kvjungx yaq nuimshiq nuiyc vruex ghaqyungx wawc miq htenc kuex hokhvmx Nebukhadnezar nuiyc mnoz thvy gay roc yaq mralx hez yauk nuex nuimshiq lotlaz ngaz rueq lekuq gay phaungx. Nebukhadnezar rueq nuimshiq kuex thvt gay kv-phuinx. Piq rueq nuimshiq vshiz muinz tvjungx kv-phuinx rvmuq, menjenc kv-phuinx rvmuq, nuimshiq ukhaq muex muinz thuinz tvthuiuz shuex rvmuq. Ngaz, Yehowa rueq jungx vshaungx,” ngoz tueq.

JEREMIA 5:10

Ngaz rueq ngvy miqsaz svpiq sunc kuex ralx muex tvyap gay shaungx, yuq muinz tvdup suik tvbac gay shaungx rvmuq. Vnoz vkanx htenc kuex ngaz muex seng muq ningkhvnc nuex, tsuingshiq muex soalc gay shuinz ngoz shaungx.

AJONJÜ 2:17

Tvsuip nuex Yehowa rueq vshuimc tvkoc dvnc tueq yauk shuimc kuex shuimx tueq: Mvnnuex maq phuex naungshiq muex honc jungx kuq phuex rulc rv-ngvlc naungshiq muex menjenc muq maq, tvbac gay tueq. Vpiq rueq naungshiq ralx htenc muex tvtaungx gay lvmz kuq tueq, naungshiq dvy wvnc tiq kvraq tsuingshiq muex kokez juing kuq tueq.

AJONJÜ 2:21

Nyuiuz waz nosaz ngoz muq lvmx htenc nuex thueyc kaz wuez tueq, Yalx rox rulx nuiyc yalxjuik rulx muinz ralx waz yaung maq thvy gay rvhumc tueq. Mthuinz khaq yaq raungnuiyq tsuingshiq muex menjenc muq maq mnoz rueq thvt gay toq.

AJONJÜ 2:5

Taungjix rueq ralx ikhoc Israel kuex tvbac gay tueq; Vpiq rueq nolaungx ghaqshungc htenc nuiyc hoc htenc kuex tvbac gay tueq. Vpiq rueq Yuda miqsaz htenc htauk nuex vhtumx vguez yonzyex kuex tvhttuiuc kuq tueq.

AJONJÜ 3:43

“Mnoz rueq nuiyshiq kuex yurc vtueq thvt gay phux; mmenjenc thuinz kuex mthuinz khvy maq puingc gay toq,

EJEKIEL 5:11

“Kvkhoc rvtueq, ngaz kuex vtvraungx Tishox rvtauk, vruex kuex Johvlc Yehowa bomc poz rvtueq, mnoz rueq layx vbac miqsuirc vsac htenc lotlaz kuex shuimx vtueq ngvy Shomc Yuimx tvshuy shac toq ningkhvnc nuex menjenc mauk maq mnoz kuex soalc tvrul gay phaungx.

EJEKIEL 7:4

Ngaz rueq mnoz kuex khvnnyvnx mauk, menjenc lvmz tvkhic phaungx rvmuq. Mnoz rueq miqsuirc vsac shuimx wvnc toq laung nuex ngaz rueq mnoz muex murx tvgurc phaungx, kvkhoc ngoz ruiux jix ngaz kuex Yehowa rvtauk lvmz mnoz rueq tuiuz shuiux.”

EJEKIEL 7:9

Ngaz rueq mnoz khvnnyvnx mauk, menjenc lvmx raungluingx muinz mnoz muex tvkhic mauk. Mnoz rueq shuimx wvnc toq miqsuirc vsac honc vyaungc htenc ningkhvnc nuex ngaz rueq mnoz muex murx tvgurc phaungx, kvkaq jix ngaz kuex Yehowa rvtauk lvmz mnoz rueq tuiuz wvnc shuiuz,” ngoz tueq.

EJEKIEL 8:18

Tsuingshiq rueq ngvy thuinkhvy phuk yaq lotlaz kuex rvhumc phauk tuex. Ngaz rueq tsuingshiq kuex tvraungx taq shaungx rvmuq, tsuingshiq muex menjenc shaungx rvmuq. Tsuingshiq rueq ngvy kox wawc tsuingshiq guyc lot tuex tanc khvnc maq ramc thoz shuex, yuq muinz tsuingshiq rueq thoz yaq kuex ngaz rueq tay kuq shaungx rvmuq,” ngoz tueq jungx tueq.

EJEKIEL 9:10

Yuq muinz ngaz rueq tsuingshiq htauk nuex menjenc shaungx rvmuq; vganc jix muex tsuingshiq rueq ruez wvnc tueq kvkhoc tsuingshiq muex muinz ngaz rueq ruez shaungx,” ngoz tueq tvralc tueq.

Mikha 5:14

Ngaz rueq nuimshiq mungtan wawc Ashera tishox nyuiuz yac htenc kuex baungc gay ruiux, nuimshiq ghaqyungx htenc kuex tvbac gay shaungx.

MALAKI 1:4

Esaw suiuz vsaz phvnx Edom miqsaz rueq, “Naungshiq ghaq htenc kuex tvbac gay tueq, yuq muinz naungshiq rueq guirx yek vshix,” ngoz tueq mkhoc shoc maq jungx ruiux yuq, Yehowa rueq, “Tsuingshiq rueq m-guirx yek shueq, kvruex htenc kuex ngaz rueq httak tvrul gay shaungx. Miq htenc rueq tsuingshiq muex ‘Honc vbac mungtan’ nuiyc ‘Yehowa pattup khaq yaq miqphvnx,’” ngoz tueq ngoz shuex.

Matthew 18:33

Ngaz rueq mnoz muex menjenc kuq phaungx rulc rv-ngvlc, mnoz rueq muinz mnvrc waz muex menjenc kuy mvy yaq,’ ngoz tueq.

2 Corinthians 10:4

Nuiyshiq rueq rvkhvt nuex shuimx kaz vshix koz vlaq kuex miqsaz rueq shuimx yaq koz vlaq phvnx rvmuq, phaungx ngaungx hvlc nolaungx ghaqshungc htenc tvbac gay lot yaq Tishox luimc vkawc mvrc yaq koz vlaq rvtueq. Naungshiq rueq tsuingmuq ruxmuq rvkhawc rvlvlc kvjaz htenc kuex tvbac gay vshix;

TRI CHONGKE 28:52

Tsuingshiq kuex Yehowa nuimshiq Tishox rueq kuq kv-phuinx mungtan wawc miq ghaq httax yaq htenc kuex khvt gay vtueq, nuimshiq kvwungx vtix shex ngoz vshuinx vkvmx juing johvlc phaungx hvlc palx ruk htenc kuex tvbac gay wuez shuex.

TRI CHONGKE 32:22

Ngvy thuinkhvy kuex wvr ikhoc luic vtueq ghaq htauk nuex httax yaq htenc kuex tvkhamc gay shaungx. Kvruex kuex mungkawx khung nuex httuiuc laz htanc vtueq, kanx vjungx vbaung htenc kuex khamc gay shuex.