1 SAMUEL 15:3 - ASII LAKDAP Bible (BSI)

³ Kilaq laüta Amalakaiqnok ka khatkikiq. Laüta tsangshiq hupsam thun ka wiita hiq maq hutse miqchup shiithen baiqkikiq. Jamlai phan min naq tiichongkiq. Maiqwere, jechakre, nosere, kiimaq noshiisetiim thun kiimin, thumthum jiipbaiqkikiq. Kiimaq jam nyamse minsaü chhechhi, skusekong, kumtsong kong thun, kiimaq kumtoq kong thun wiita laimiq jiipbaiq kikiq.”

Hawa Naga Bible 2001

³ Amalek miqsaz kuex khvt kaz vtueq, tsuingshiq nuex httax yaq phvnx ruip saz kuex tvsawc ric tvbac gay shuinz. Yvmx muinz nauk tvjungx kaz; miqwaz yalxjuik, nosaz noshawx maq phaungc vtueq khelbuenx, manx, kamel, loze htenc lotlaz thvt gay shuinz,” ngoz tueq jungx tueq.

1 SAMUEL 15:3 Referencias Cruzadas

2 SAMUEL 1:8

Apaiq raq ngi ka juwa nguta waito. Kiimaq ngi raq apaiq ma, ngi ka Amaleknok nguta chongkang.

DUNGWVNC 17:14

Kiijiishe Tatiwe raq Mosheq ma nguto, “Ara re riikhat tang lan manphan raüpot ka ahea wiq waiq thülaq. Krai mren arka tsan na tiitsangshat mithülaq. Joshua ma chonglaq Ngi raq Amalakaiqnok ka miqchup mitiithen baiqha.”

DUNGWVNC 20:5

Jamlai phan sumla khaki na jiimin naq bumkiq. Riimakla kra shomnoq maimak. Jamkhano ngukla Ngi ka Tatiwe üm Shiikeawe. Kiimaq Ngi rai riilongti ka ashi min thümang phan. Ngi ngengti ma mo tiiho tiikang. Kra mo ka asetiim kiimaq asaütiim maiq pat tsam nai patblai na saüli mo mitiihoha.

WEAWEA 24:20

Kiitiikaq Balaam raq riisham mak maq Amalakaiq mung ka chhito raüta riisham bom akha chongto: “Amalakaiq mung ka maiq mung thun wiita thaq na ningkun ajong pinthum, Shatmaq atiisup na pattup pat-sa chongthum mija wan.”

WEAWEA 31:17

Kra ningkhan ümchaü min, maiqwe sere thun ka wiita tsatbaiq ronglaq. Kiimaq jechakre maiqwere rai asinga witi thun kra wiita jiipbaiq ronglaq.

JOSHUA 10:39

Apaiq raq kra chela ka khat raüta, chela hokhamwe kiimaq Debir chela tho na siti chela thun kiimin khat raüta jiito. Tsangshiq raq maiqse angu ka tiimiqchup jiipbaiqto. Joshua raq Debir chela hokhamwe ka Hebron hokhamwe nai Libna hokhamwe jamkho tsatbaiqtaq kiikhiisii tsatbaiqto.

1 SAMUEL 14:48

Apaiq raq rekhat ka sreajong ma jaraüta khatto, raüta Amalakaiqnok dongdii min wiita khat raüta wiita tangto. Apaiq raq Israilnok ka rewenok raq khat wantlaq kriiwa kunli tiichhii kuqto.

1 SAMUEL 15:18

Krai mren apaiq raq ümniima abi phan Amalakaiqnok kra wiita jiipbaiq kikiq nguta aming kuq raüta tiikito. Apaiq raq ümniima tsangshiq ka tiisiirai mijiipbaiq haü shaq wiiwii, khat laq nguta chongto.

1 SAMUEL 15:9

Shatmaq Saul nai asengi raq Agag ka tsatbaiq mak dea maq atrali thüto. Kiimahali ahea pinthum skukong kiimaq minsaü kong kiimaq minsaü setiim ahea pinthum thun kiimaq ahea pinthum skusetiim thun kiimaq jamlai phan wa ahea awa angu thun kriika tsatbaiq mak dea riito; tsangshiq riika ümchuwa athii arii ahü phan thun kriika wiita tiithen baiqto.

1 SAMUEL 22:19

Kiimahali Saul raq ramwebi sichang Nob chelati mungmaiqse ahinti thun kriimin wiita jiipbaiq ronglaq nguta aming kuqto. Maiqwere, jechakre, nosere kiimaq noshiisetiim thun, minsaü kong, kumtoq kong kiimaq skukong thun kunli tiijiipbaiqto.

1 SAMUEL 27:9

Raüta tlotli maiqwere, jechakre, kra tiisiirai tsatbaiqtlo. Raüta skukong, minsaü chhechhi kong, kumtoq kong, kumtsong kong, kiimaq khu akhea thun kriimin wiita tsuqwan lili hophaq wan tlo. Raütiishe apaiq ka Achish phana riihum walili riitlo.

1 SAMUEL 30:17

Kra lowan raüta, Dawit raq anap ranaiq na ranap chu maq, rawü tsuprup tsupriiq niishe longpha wanto. Raüta ra tiijidok longto. Kra rewe phong kriiwiika, jerobi maiq shiblai kumtsong raikhü na nga raüta pintrangtaq kriili julapto. Kriiwa chan raüta maiq ümchuwa sitlaq kriika, tiinamtok hihut jiipbaiqto.