JEKERIA 11:6 - ASII LAKDAP Bible (BSI)

⁶ Tatiwe raq nguto, “Ngi raq min mangjong maiqse ka mangchan mang she. Ngi raq mungmaiqse tlotli ka tsangshiq rümti jaqkhon mong niishe mikiinong kuq baiqha. Tsangshiq rümtibi riishe mangjonghiq ka mishthen baiq. Kiimaq ngi raq tsangshiq ka maiq jaq wa chhiiki mang she.”

Hawa Naga Bible 2001

⁶ (Yehowa rueq, “Ngaz rueq ghaq htauk wawc miq ukhaq muex muinz menjenc shaungx rvmuq. Ngvy shauk pumz maq miq lotlaz kuex tsuingshiq guimz lawc jix mungx walaungx bix muex lekuq gay shaungx. Mungx guimz lawc jix hez rueq ghaq kuex tvbac gay shuex, tsuingshiq luimc vkawc kvwawc ngaz rueq palc wvnc shaungx rvmuq,”) ngoz tueq jungx tueq.

JEKERIA 11:6 Referencias Cruzadas

Tvtsvmc 50:22

“Ara tai ronglaq, namshiq ngi shipoqtibi raq, riimakla ngi raq namshiq ka mishthen baiqha, kiimaq namshiq tiichhiiketi ka jumin ahüshe miraq.

ISAIA 27:11

Pechong wa akü ako thun ka wiita ajungshe riikito. Raüta angoq she riikito. Kriika jechakre raq chin miishe riichom chaqtlo. Tsangshiq raq tsang tsü chhimak kha she, tsang Phansangti Shiikeawe raq tsangshiq ka mangchan mak she miraq. Kiimaq tsangshiq ma tiihang mangchan tiichhikuq mak miraq.

ISAIA 3:5

Maiq loweatek raq loweatek jaq wa lapphaq lusiq lam kriili she miklo wan. Jerobi raq nyungwere ka shreng mak miraq. Kiimaq pantlat na haiseati bang bang kong raq tsangshiq thaq na maiqlare sitlaq kra shrengmak miraq.

JEREMIA 13:14

Latiishe ngi raq hamlii che tsabum thun ka triibuk lata tsabum thun ka wiita mitiibun baiqha. Nyungwe re tikiibi, kiimaq jerobi wiita adam na romshaq mibukbaiqha. Jumin tiihang mang; jumin mangchan mang, kiimaq ju miimin mangchan ka tiitsi mang maq, ngi raq tsangshiq ka kun kun mijiipbaiqha.”

AJONJÜ 2:21

Nyungwere nai nosere thun wiita, chiihea wea lam na jiipbaiq wanto, re raq jetu jerobi min wiita tsatbaiqto. Ümniiraq mangchan tiichikuq maü maq, ümtsankhiq walü ranaiq, tsangshiq jiipbaiq wan laü.

AJONJÜ 5:8

Ümchaü naimung rümti ka, dikong thaq na naolaqti raq pengtlo. Kra ningkhan tsangshiq jaqkhon mong wa, tsangshiq jaqkhon mong wa naishiq tiichhiketi maiq jumin ahü.

EJEKIEL 8:18

Tsangshiq raq itsankhiq walütu hengwa kriishe mihophaq. Ngi raq tsangshiq ka tiiwong kuq mang she. Kiimaq tiihang mangchan min tiichhikuq mang she. Tsangshiq raq ijaq wa achujaü ka ümtinkhan hong raüta jaü raü min, Ngi raq tsangshiq achu jaü ka trekuq mang she.”

EJEKIEL 9:10

Shatmaq Ngi raq tsangshiq ma mangchan ka tiitsi mang she. Tsangshiq raq nanok ka jamkho riitaq kiikha, Ngi riimin tsangshiq ma mirha.”

Hosea 1:6

Kriijai maq, Gomar raq ase ashi hali hum nongto. Ara lak niika jechakse she humto. Tatiwe raq Hosea ma, “Ümse mang ka ‘Lungwiimak’ nguta mang laq, jamkhano ngukla, israilnok ma lungwiitsii ka thümang she. Kiimaq tsangshiq mra ka diikuq mang she.

Hosea 2:10

Lata Ngi raq apaiq ka akongtiwetiim makki na, adü wa akhu akhea thun ka chhut baiq lata, apaiq ka naiqhü she mitiingaha. Kiimaq kra akhing na apaiq ka ijaqkhon mong wa juwe riimin tiichhiikuq lot mak she miraq.

Mikha 5:8

Israilnok pongmung na atiichongki thun ka, Rum na hangsi raq rum ngamse riimakla, skukong sangphii rü na atsam phaq wa, chaiham chaihiiq jom phaq wan tlaq ikha, tsangshiq tiichhii kewanti junim ahüshe miraq.

Mikha 6:14

Ümniiraq dung siqhaü min, wok miphe riimak, ramtsi riili mihaü haü, ümniiraq hupsam lam wan laüta, apaü riihaü min, chiithe mijahaü riimak, ümniiraq jamlai wa rümtlaü, kra ngi raq redong na mitiithen baiqha.

HAGAI 2:22

Lata, pongmung hokham mungtan ningkun nai hokham ngacho thun ka wiita ümklao baiqha. Ngi raq tsangshiq kumrang leng thun wiita ümklao kap baiqha. Kiimaq leng jiiqti thun ka tsangshiq nai tsangshiq lishe jaq ma mirjiip.

JEKERIA 11:14

Kra latiishe, ngi raq nyeakii anai ngoja “Aram ari” ngutlaq kiiti kriishe ngoqbaiq kang. Krai mren, Juda nai Israil mungti liipan na aram ari hon atsii ka tiibunlak she thenkito.

JEKERIA 11:5

Skukong tatinok raq taphaq baiqto. Shatmaq tsangshiq tsasha wanti ka jumin ahü. Tsangshiq raq sku ngam ka shaphaqtlo. Raüta, ‘Tatiwe tiitsam rong i! Nashiq ka pinthum chiithe!’ nguta tiishom ratlo. Sku rümtibi raq dongdii min sku ma mangchan mak.”

JEKERIA 11:9

Kra jai miishe ngi raq skukong ma, “Ngi raq namshiq ka rüm mang she. Namshiq phong wa ümchuwa atsai chang kriika atsai wan nguli ronglaq. Kiimaq ümchuwa ashthen baiq wan chang sitlaq, kriiti kiimin, mithenki liishe. Kiimaq abung ümchuwa tiichong tlaq, kriika maiqmii nai maiqmii liipan na riijiip lanta thum ronglaq,” nguta skukong ma bom ka chongkuq kang.

JEKERIA 14:13

Kra akhing na Tatiwe raq tsangshiq ka mok raüta mi tiituru baiq. Kiimaq ahai miraq. Raüta tsangshiq nai tsangshiq liipan niishe riikhat raüta mirtsat.

JEKERIA 8:10

Kra akhing mishaq niika, jurmin jaq maq shamki lot mak. Kiimaq jaq tiisham chang nyamse tiikikham mak. Jamkhano ngukla chiqse rewe pahea asi riito. Jamkhano ngukla kiitiikaq ngi raq maiqse angu tarü wesang ralii kong ma siisaq tiija baiqkang.

MALAKI 4:6

Apaiq raq awetiim ka asetiim rai adam na hali mitriitam wan nong. Kra riimak nguraü ka, ngi saüho lata, nammung ka shiithenbaiq chang mijaki.”

Matthew 10:21

“Maiq wiijamti raq maiqmii phu ano thun kiimin rung na mihit thüki. Raüta mitiitsat baiq. Kiimaq, kiikhiisii hali awetiim riimin asetiim ka mitiitsat baiq. Kiimaq asetiim riimin anyungwe ka ngeng raüta mitiitsat baiq.

Matthew 22:7

Kriikha miishe, hokham we ka pinthum walüwa ikhiishe khiqto. Kiimaq apaiq raq phenlanok tiiki raüta, matwe jawanti kong kra tiitsat baiqto. Raüta tsangshiq chela thun kra wa miishe tiichaq baiqto.

Matthew 24:10

Kra akhing na ngi ma kamwanti maiqse pahea raq tsangshiq kamtsantsii ka athaq mirbaiq. Tsangshiq liipan na riingeng riiseng she mirwan. Kiimaq weshi raq weshi ka mung welabi ma mitiishaü kuq wan.

John 19:15

Kiijiishe, tsangshiq raq, tüsaiqsaiq she hali, “Apaiq ka tsatbaiq ronglaq! Apaiq ka tsatbaiq ronglaq! Apaiq ka pumsongkham na tübaiq tlo ronglaq!” ngutiishe agi lülü she gitrang nongto. Kiijiishe, Pilat raq hali tsangshiq ma, “Riita, nam hokham we ka ngi riisha mitübaiq ha?” nguta bom ka mungmaiqse kiima hali wai nongto. Kiijiishe, ramwe jongbi raq, “Naishiq ma hokham ka Roman Hokham we sitlaq kli!” nguta Pilat bom ka tre nongto.

1 Thessalonians 2:16

Tsangshiq raq naishiq ka, Tsütsa Ahea ka Pongnok phan ma tiichhii wan rilung lap chang bomtsi ara chongke wan kiimin, wiita tangta baiq lai nguta kintangto. Shatmaq, tangta wan lot mak dea riito. Tsangshiq raq atinkhan ngarai tang wantaq kriikha maq, tsangshiq ka ümchaü sanha ngarai bu hotibi miishe jawan tlo. Arkha maq ümchaü atiisup wan na sanha, Shiikeawe tsankhiq ka tsangshiq khuthaq niishe saükito!

Hebrews 2:3

Riita, rasetiim lümaq atiichongkuq tsütsa bomtsi kra shishe wantibi thun wiita raq, Shiikeawe sintsang ka hophaqtaq jiika, ümchaü Shiikeawe raq nashiq ma tiichhii wan jonghea kilü dikuq wantaq, kra tsütsa ahea kra nashiq raq tai mai shishe hai jiika, Shiikeawe mo howan mai maq milun lot rong i sha? Kriiwa nashiq ka hangki lot mai miraq. Ara tiichhii wan tsütsa jonghea arka, Tatiwe apaiq raq akiq maq atiidea bomtsi. Kiimaq ara tsütsa tai wantibi tarü raq, arka poimak phan tengteng bomtsi dea nguta, nashiq ma hakhi kuqtlo.

James 2:13

Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.