JEREMIA 6:11 - ASII LAKDAP Bible (BSI)

¹¹ Tsangshiq khuthaq na ümtsankhiq waniitu nyai tlaq kriika, itsan mong niimin nyairaitlo, Tatiwe lei. Krai mren arka ngi raq itsan mong na kaishakshak maq alu ka thülot mang she.” Kiijiishe Tatiwe raq ngi nguto, “Itsankhiq khamtak kaü ka nosere chiiheawea lam thun na haisiq tlaq thaq kiijaq nyuk baiqlaq. Kiimaq jerobi kong riitam ngatlaq phong kriithaq kiijaq nyukbaiq laq. Awetiim nai anyungtiim thun min miqchup mitsuq wan. Tikii kiikaiq thun min tiihang mak wiita mitsuq wan.

Hawa Naga Bible 2001

¹¹ Yehowa lex, ngvy htauk nuex mthuinz khvy mvrc yaq ningkhvnc nuex, nanx lot shuiux rvmuq,” ngoz tauk. Kvruex yimaq Yehowa rueq ngaz muex jungx phuex, “Ngvy thuinkhvy kuex lvmx htenc wawc nosaz rulx htauk nuex muinz, yalxtux yalxrox bix htauk nuex muinz ruiuc kuq shuiuz. Vtaungx waz nuiyc vtaungx nyuiuz htenc nuiyc nyuiuz waz likawx htenc muinz kvguing lot tuex rvmuq.

JEREMIA 6:11 Referencias Cruzadas

ISAIA 40:30

Juwa jero jongbi santla ningkun jomkitlaq; jerobi kuilang kuilabi kiimin anü makaiq niikitlo.

JEREMIA 15:17

Ngi raq ngi akhing ka nanok rai naihü hihe haisiq latli shaphaq mang. Ümnaq aming wokhong na siwan lata, ngi ka ngi honhonse siwan kang. Kiimaq itsan mong na itsankhiq wa walü wa ikhli siwan kang.

JEREMIA 15:6

Namshiqnok raq Ngi tiishaübaiq lan; namshiq raq Ngi ka jainong maq shungthülan. Kriikha na Ngi raq ijaq ka tliisaq lata namshiq ka tiinamtok bukbaiq kang. Jamkhano ngukla Ngi ka itsankhiq ninwan raq aniishe.

JEREMIA 18:21

Shatmaq ümchaü, Tatiwe lei, tsangsetiim ka ram raq mijiimlaq. Kiimaq tsangshiq ka redong na mijiimlaq. Anyungre ka wehü sehü ma mija laq. Maiqwere ka thadong raüta mitsailaq. Kiimaq jerobi ka re na mitsailaq.

JEREMIA 20:9

Shatmaq ngi raq ümtiikiiwa, “Ngi raq Tatiwe ka alaqli she mirbaiqha, lata apaiq mang na bom chongmang she,” nguta tiima kangla, ümbomtsi ka wa tu ikha itsan mong na tsaühea na nyaitlo. Ngi raq bomtsi ka chong mang she ninrat la nguta ninkangla, tiikhinglot mang she achongke chang she dongdii jakitlo.

JEREMIA 5:9

Riita ngi raq tsangshiq ka arthun ngarai khana mo tiiho mangli sha mirha? Kiimaq akha sitlaq maiq mungti thaq na iphuk lam mang shea mirha?

JEREMIA 7:20

Kiimaq arningkhan, Ngi, Ajong Pinthum Tatiwe raq ara Shomjam thaq na itsankhiq henghea kra minyuk baiqha. Itsankhiq khamtak ka mungmaiqse khuthaq na nai nyamse thun thaq na mren maq minyukha. Kiimaq pechong wiirü thun kiimaq wak ajam thun na tsamrü thaq na minyukha. Itsankhiq walü ka walükaü nyaitlaq ikha, jurmin tiimat baiqlot mak she miraq.

JEREMIA 9:20

Ngi raq ngukang, “Tatiwe bom tai ronglaq, jechakre lei, lantea apaiq bomtsi tiitsang taironglaq. Lantea namsetiim jechaksere ma maajo shi shrinkuq ronglaq, kiimaq namkongtitiim ma maajo shi shrinkuq ronglaq.

JEREMIA 9:21

Tsailam ka nashiq kitanpu thun maq nyap wato raüta nashiq hokham jamthun na nyap wato. Tsailam raq nosere kong chiiheawea lamthun wa jiipbaiqto kiimaq jerobi thun ka kejat thung wa tsatbaiqto.

AJONJÜ 1:15

“Tatiwe raq iphenlabi srea nolajong thun, chuphit nüphit slailiito. Apaiq raq rewe phong tiiki raüta, ijerobi thun tiithenbaiqto, Apaiq raq isenginok ka, spiqtsi thaüchang tham na ikha tiikit baiqto.

AJONJÜ 2:21

Nyungwere nai nosere thun wiita, chiihea wea lam na jiipbaiq wanto, re raq jetu jerobi min wiita tsatbaiqto. Ümniiraq mangchan tiichikuq maü maq, ümtsankhiq walü ranaiq, tsangshiq jiipbaiq wan laü.

EJEKIEL 24:21

Namshiq Israilnok ma ara tsütsa ara chonglaq nguta thaüto: Namshiq raq Jerusalem Shomjam ka nganghea nguta shiikongsiqtlan. Namshiq raq kra liisea lungwiitlan kiimaq khum lanta liisea lungwiitlan. Shatmaq Tatiwe raq kra atiishe she mirbaiq. Kiimaq namshiq jamkun wa jerobi thun ümchaü Jerusalem na tiichongtlaq thun kra redong na wiita mijiipbaiq.

EJEKIEL 3:14

Tatiwe ningkun ka ikhum na henghea maq saükito. Kiimaq ngi ka apaiq wenyi raq jamkho dowantlaq kra phan phan, ngi ka kiqdaqtam dokdok kiimaq tsankhiqhea riito.

EJEKIEL 3:3

Apaiq raq nguto, “Maiqse lei, Ngi raq ara lakdam kom kuqtiikang ara phaq laq. Laüta ümwok ka tiiphetak phaq laq.” Ngi raq kra phaq kang. Kriika asumwiq ngiq ngu ikha phaqkang.

EJEKIEL 9:6

Tikiibi thun kra, jerobi thun kra, jetu nyungre thun kra, anyungre thun kra, kiimaq nosere thun kra jiipbaiq ronglaq. Shatmaq ju khakam niiwa miithii awaiqthü asiti thun kriiti dü niika namshiq raq jaqmiiq mai mak. Ara i Shomjam mong armaq tsat phaho ronglaq.” Krai mren, tsangshiq raq welabi Shomjam mong na chaptlaq kriimaq jiipbaiq phahoto.

Mikha 3:8

Shatmaq ngi kla Tatiwe ningkun raq asho awo kiimaq, apaiq wenyi raq alüm alei sitiikang. Kiimaq Israilnok raq jamlai ngarai wa klotlaq kra, tiichhit tra chongke miitu, achaq awaq ningkun tri kuqtlo.

Luke 17:34

Ngi chongpha. Kra rawa maiq ka anai changdü ashi na akon miraq. Kriiwa ashi ka ashea mirwan. Kiimaq ashi ka abaiq mirthü.

Acts 17:16

Paul ka Athens chela na Silas nai Timothi khewan nguta hai wanto. Apaiq raq kra chela ka phra sumla phong riili ama kra chhi raüta, atsan mong na piq maq ashuk ikha tsito.

Acts 18:5

Kiimaq Silas nai Timothi ka Mesidonia wang miishe kiijaq saü wan kiita sanha, Paul raq apaiq akhing ka wiita Jehudinok ma Jesuq kiidea Khristo nguta tiitho tiipha traho bom chongke niili she moto.

Acts 4:20

Ara jamkhano ngutiikai ngukla, naishiq raq maiqmii mak maq jamlai phan wa chhi kai, kiimaq maiqmii ni maq jamlai phan wa tai kai, kra chongke wan hü maq, kaiq shakshak ka silot mai,” nguta tsangshiq welabi bom kra treto.

Revelation 16:1

Kiijiishe, ngi raq, shomjam mong maq rasetiim miishi ma, tiihong raüta akha riimto taikang: “Kirong laq. Lanta, Shiikeawe tsankhiq winpin miishi kra mangjong hiq niishe raübaiq kirong kiq!”