JEREMIA 6:10 - ASII LAKDAP Bible (BSI)

¹⁰ Ngi raq akha trekang, “Ngi raq tsangshiq ma honlam tsii chongkuqha jiika ibom ka juro mitai? Tsangshiq ka nilan krai mren ümtsütsa ka chongkuqki raümin taimak angiimli riitlo. Ümniiraq ngi ma jamlai bom wa tiichongki tlaü, kra chongki kangla, tsangshiq raq ngi ka anaiküli riitlo.

Hawa Naga Bible 2001

¹⁰ Ngaz rueq tvralc tauk, “Ngaz rueq tsuingshiq muex jungphvnx vtueq honc tvsvmz ruiux uwaz rueq lac tay shvnx? Tsuingshiq rueq nac htenc kuex puingc gay ruiux piq bomjungc kuex tay muq; piq rueq jungx yaq kvjaz kuex nueykuic wuez yaq.

JEREMIA 6:10 Referencias Cruzadas

Tvtsvmc 1:2

Kra rii na tsangshiq raq Tatiwe Thungtri ka khoqriiq shishiiq maq langtlo, kiimaq tsangshiq raq tri tu ka ranaiq rawa sidi phattlo.

Tvtsvmc 119:16

Ngi ka ümniiraq akuqhaü tri raütu thun ma kai khoqriiqtiikang; ümnaq aming thun ka ngi raq laqbaiq mang mirha.

Tvtsvmc 119:174

Ngi raq ümnaq tiichhiiwan khrum laptlo hajaq nguta khesiq tiikang, O Tatiwe lei! Ngi ka ümtri wokhong na singa kli peo tiikang.

Tvtsvmc 119:24

Ümtsiichong bomtsi ka ngi ma pinthum peohea; tsangshiq ka ngi ma hon nai tsü chongketi.

Tvtsvmc 119:35

Ngi ka ümnaq aming langlata si miitu rümlaq, jamto ngukla ngi ma aming wokhong na si ka peohea.

Tvtsvmc 119:70

Ara maiqkong arka hon atsii ahükong, shatmaq ngi kla ümtri wokhong na siwankli lungwiisiq tiikang.

Tvtsvmc 119:77

Ngi ka tiihang kuqlaq, raülaq ngi ka atra misiha, jamkhano ngukla ngi ka ümtri wokhong na singa lungwii tiikang.

Tvtsvmc 40:8

Ngi raq ümtsanroro jaqsham ka kai lungwiitiikang, i Shiikeawe lei! ümniiraq ngi ma shrinkuqtlaü ka imongjii na shaqtiikang.”

DUNGWVNC 6:12

Shatmaq Mosheq raq treto, “Israilnok riisintla ibom ka tairo mak, ikhiijiika hokhamwe raq ibom ka jaramshe wa mitai siq? Ngi ka ibom isa min tsin mang we, wepuq pinthum.”

ISAIA 42:20

Israil lei, ümniiraq phanrap kunli chhilaü she, shatmaq jamlai wa saptsin wan laü? Maiqbom tai miitu ümnilok ka asi. Shatmaq riikhaqli ka jamlaili wa tai laü?”

ISAIA 53:1

Mungmaiqse raq treto, “Ümchaü naishiq raq tiitai chongtiikai ka juro mikam wan lot? Juro Tatiwe jaqsham ka arjaq chhi wanta?

JEREMIA 4:4

Namshiq raq tongshong raükha ka ngi raili, Ngi namshiq Tatiwe raili thü ronglaq. Lanta namshiq Juda mungti nai Jerusalemti raq, namshiq khum asai kiimaq tiima tsantsii ka wiita ngi ma kiinong kuq lantli sironglaq. Kiimaq namshiq raq ara chongtiikang kra shamwan man riihanla, namshiq raq ngarai pahea klowan lan kriikha na, itsankhiq walü ka namshiq khuthaq na milü. Kriika mikhiim wan dongdii. Kra wa kriishe liiwan raüla, kra tiimatketi maiq ka jumin ahü she miraq.”

JEREMIA 5:21

Samhea tiitsang taironglaq, namshiq angok anginok kiimaq maiqjiqnok raq. Nammakpo ka asi; shatmaq chhiman. Kiimaq namni ka asii shatmaq maiqbom ka taiman.

JEREMIA 7:13

Ngi raq namshiq ma bliiq kiki chongkuq wankang. Shatmaq namshiq raq arthun ngarai tang wan lan. Namshiq raq ibom taiman, ikiq khiiwan lan. Ngi raq namshiq mangchong lata heawan pha jiila, namshiq raq ibom ka treman.

JEREMIA 7:26

Kra taü maq dongdii min, jurmin tsangshiq bom ka taiman. Kiimaq tsantsii kuq man shishe wan lan. Tsangshiq bom tai wan rii na, namshiq ka namtitiim thaq niimin nilan kiimaq kiqkhii srurii wan kli shiichaqtlan.

EJEKIEL 3:7

Shatmaq Israilnok phongwa maiq riika, jurmin ümbom chong ka tairo mak miraq. Tsangshiq riika ibom chong kra dongdii min tairo mak miraq. Tsangshiq tarü ka nilankong kiimaq kiqkhii sruwatili.

EJEKIEL 33:3

Ümtiikiiwa apaiq raq re saüwan kra chhitlaq, raüla apaiq raq hiqshongti tarü ma honkam miitu hünong buktlo.

EJEKIEL 33:9

Shatmaq, ümniiraq abiwe ma honlam bom chongkuq haü jiila, shatmaq apaiq raq ngarai ka tangruq tang raüta, apaiq ka ngarai mong niili mitsai wan. Shatmaq ümrilung ka atiiwong mirkuq.”

AMO LUIK DVP (AMOS) 7:10

Kiijiishe Bethel chela wa ramwejongwe Amajia raq Hokhamwe Jeroboam ma Amos khuthaq na akha shokto: “Amos raq ümkhuthaq nai Israil nyungchong chela maq chap raüta, manson kiqsü bom abi pinthum pahea she sontam wanto. Israil mung ka apaiq shammi bomchong tiithai mai tlaq kriiraq amashe nyam wanto.

Matthew 3:7

Shatmaq, Johan raq Phorisinok nai Sadusinok ka apaiq phana khamlamkai nguta pahea akai rai kra chhi raüta, tsangshiq ma akha sonto, “Namshiq ka paüsang nyiqla ikha khonglaq tlan! Namshiq ka Shiikeawe raq ngarai maiqse ma chamchao tiisaüho tlaq kiiwa kham lam wan laita mihang wanlot rong i ngutiisha tiima tlan?

Luke 11:45

Kra tai raüta, Thungtri shrinketibi phong wa weshi raq, “Shrinketi we, ümniiraq ara ngutlaü arka, naishiq min shummii dam tlaü!” nguta Jesuq ma nguto.

Luke 20:19

Kra tai raüta, Thungtri shrinketibi nai ramwe jongbi raq, Jesuq ka kriijiili lapholai nguta danto. Kra jamkhano tanta ngukla, kra manphan shiiton maq tsangshiq ka shiitanto nguta sapto. Shatmaq, tsangshiq ka mungmaiqse ma ahai kha maq, apaiq ka lap mak dea riito.

John 7:7

Phiijawa raq namshiq shulii chang lamlu ka ahü. Shatmaq, ngi ka tsangshiq raq shulii tlo. Arka ngi raq tsangshiq ngarai lamphan ka abi nguta chongkuq tiikang kriikha maq ngeng tlo.

John 9:40

Phorisinok phong wa maiq wiijamti ka, kra akhing na apaiq rai kiijaq asi riito. Tsangshiq raq apaiq bom ka tai raüta, “Ümniiraq naishiq nangnga makchuk ngutiika ngu maü ahiq na?” nguta apaiq ma waito,

Acts 7:51

Krai mren, Stephen raq tsangshiq ma, “Riita ara chongtiikai arai mren, namshiq tsantsii ka pinthum wanshakshak! Namtsantsii ka thatsang maiqse tsantsii ikha thü tlan. Shiikeawe bomchong ka tai man phan! Namtitiim pat na jamkhiiwa lanlaqlaq siwantaq, kiikha ümchaü namshiq min lanlaqlaq sitlan. Namshiq riimin Asii Wenyi bomchong ka khiilataq maq khü tlan!

Acts 7:60

Raüta, apaiq ka kaütsrong na bumsaq raüta, “Tatiwe lei, tsangshiq ngarai kra ümniiraq tsan na naq tiitsangkiq!” nguta tiihong raüta siito. Apaiq raq ara ngu raüta alang ka pitto.

Romans 7:22

I tsan i mong jii riika, Shiikeawe thungtri kra lang la tiidea siha jaq nguta, lungwii siq tlo.

TRI CHONGKE 29:4

Shatmaq ümchaü ranaiq na saüli, namshiq raq jamlai wa lea wan lan thun kra apaiq raq namshiq ma tiitak kuq wan mak dea.

Colossians 1:28

Arkha maq tiina, naishiq raq Khristo Tsütsa Ahea ka maiqse angu wiitarü ma chongkuq tiikai. Naishiq ma anyan phaqchi ümchuwa raükuq tlaq, kriimaq naishiq raq maiqse achhi kiima trap tru maq sungkhu tsii lam ka chongkuq tiikai. Kiimaq shrin kuq tiikai. Riita ara shun shea wan tiikai arka, maiqse pumsii awea maq, Shiikeawe jichong na Jesuq Khristo pum na pumshi hanshi maq siwan rilung na maiqla tiija wan laita sheake wan miitu hunnii tiikai.

2 Timothy 4:3

Ara jamkhano chong tiikang ngukla, rahiq abi akhing ka jaqloli she misaü wan. Kra akhing saü wan raüla, kamasham awongsii bomtsi chongkuq tlaq kriika, Phungmaiqse raq tairo mak she mira. Kra awongsii, angu asi kra tairii na, tsangshiq riika, pongphan achhü shaqmii, kamasham lamphan, chongkuq tlaq kra khoti mitaiho. Krai mren, tsangshiq raq aroro lam na trahoketi shrabi ka pahea, tsangshiq raq mirchom hea. Raüta, tsangshiq traho ka mitai.

Hebrews 11:7

Nowaq raq Shiikeawe ma kamtsantsii thü kha maq, Shiikeawe raq apaiq ma mak maq michhi shaqli, jai na saüho chang rathup jüjang tsütsa chongkuq taq kra taito. Raüta, apaiq raq Shiikeawe aming maq, laikaü ashi tato. Kra laikaü na ngawa raüta, apaiq nai achak ase tiim ka rathup jüjang mong wa tiichhiito. Krai mren, apaiq rilung na jaqsham wantaq kra lümaq, phiijawa ka shutto dea nguta, shra baiqto. Kiimaq Shiikeawe raq Nowaq dea kechu maiqse nguta pong na, rairiito. Arka apaiq kamtsantsii thütaq kha maq, Shiikeawe raq raikuqto.