2 Timóteo 2:25 - Kaxinawá Bíblia (BR) Tsuabura nĩkaisbuma inũ patapabu mĩ hatu merabewakĩ pewakatsis ikairã, huĩti babutã hawa sinatama eska xinãkĩ hatu unãmakubaĩwẽ, Deusũ hawẽ txakabu unãma xinã betsa watã: “Haskarã, txanimaki”, ikĩ hatũ txakabu henetirubu manakinã. Kashinawa : Diosun Jesúswen taexun yuba bena yiniki Tsuabuda ninkaisbuma inun patapabu min jatu medabewakin pewakatsis ikaidan, juinti babutan jawa sinatama eska shinankin jatu unanmakubainwen, Diosun jawen chakabu unanma shinan betsa watan: “Jaskadan, chanimaki”, ikin jatun chakabu jenetidubu manakinan. |
Hawatiãra Israelĩ enabube eska ana yubakai ẽ benashanaii. Ẽ yusĩti hãtxa hatũ huĩti anu mistua keska wakĩ hatũ shinã merã ẽ kenea keska washanaii. Hatũ mekenika Deus ẽ ikũkaĩshanaii. Haburã, enabu ikubaĩshãkanikiki. Ea ẽ Senhor Deusũ ẽ hãtxa ẽ mestẽwaiĩ.
Matu haska watã huĩti anu shinã bena inũ ẽ yushĩ kushipa bena ẽ matuki mistushanaii, ha matũ huĩti kushi mishki keska tsekatã huĩti nuikipa mistukinã.
Hiwetxakakĩ mã txakabuwakubaini shinaĩ, ea danaĩ mã atimapakubainiwẽ mã ibubis dakekubaĩshanaii.
Ha inũ, ina awa dabeki hi tekishkũshũ hawara shãkama bumabu bika dayabiai merabenaĩ punu nukaisbumaki. Habiaskariai earã, duapakĩ matu merabewakĩ ina awa hi tekishkũrabea merabenãmisbu keskai mã ea txibãyã ẽ kuxipawẽ ẽ matu merabewakubaĩshanaii, mã bika tenebiaya matu huĩrukũmakinã.
taewakĩ: —Na habiatiã Deus ma nenu shanẽ ibuikiki. Haskakẽ mã Deuskiri txakabumis henetã ẽ kakape ekiri ikũwãkubaĩkãwẽ— hatu wanikiaki.
Hau tsuabũra mã ea kẽwãshanũbũ, iwanã, ẽ haskakiri xinãmaki. Hakia hanu kupiaitiã Deusũ hau matu kupiyamashanũ na kaka pepa ẽ matu yuiai nĩkatã mã benuama ishanaii.
Deusũ hatu haska waxina Jerusalém anua ikũwaĩbũ nĩkatã ana Pedro ha akama nesetã Deus kẽwãkĩ yuikĩ: —Judeubuma dikabiwẽ nuikĩ hatu xinã betsa wamakĩ txanima Deusũ hatu hiwekuĩa inãriaikiki, ikibi imakinã. Pehairaki— anibukiaki.
Pedrõ hatu kemakĩ: —Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Haska watã mã Jesus Cristo ikũwaĩwẽ taeshũ hawẽ kenawẽ matu tibi nũ matu naximaya matũ txakabu buatã hawẽ Yushĩ Pepa Deusũ matu inã mã bishanairã.
Haska inũ, Deuskiri txakabumisbũ hau xinã betsa watã nukũ Shanẽ Ibu Jesus inũ Deuskiri xinã betsa watã mã ikũwanũbũ judeubu inũ judeubuma ẽ matu yusĩhairaniki.
haska hatu yuia nĩkabaĩ penaya Templo hemaĩtĩ anu bushũ hatu yusĩkĩ taewaibũ habiatiãri ma kaĩbainabu unãmabia Deusbe hawenabu hãtxashunika shanẽ ibuhaira hawenabube itxatã Israelbu shanẽ ibu betsa betsapabu Sinédrio dasibi hatu itxawashũ hatũ meketi hiwe anua Jesusũ kuxipayabu hatu bitxixinabu hau itanũbũ hatũ mekenikabu yunuabu
Deusũ haska watã nai anu ainitã hawẽ yusiuri nuku tsaũshunimakẽ ha nukũ mekenã inũ nukũ yusĩnã nũ ma hayaki. Haskawẽ taea nũ Israelbu shukua tibi tsuabũra nukũ txakabu henetã Deus anu txĩtuĩ nũ xinã betsaibu nuku hawenabu wakĩ Deusũ nukũ txakabu buatã ana xinãmaki.
Eã haska ẽ mia unãiĩ. Haska yushĩ txakabũ muka mĩ bini mĩ heneriamakẽ mia merãshũ ha mĩ txakabũ mia neshayuaki. Hakia xinã betsa watã mĩ txakabu mĩ putaya hau Deusũ mia buashunũ mĩ yuka mĩ txakabu mia buashũtirumẽkaĩ— aka
Ẽ betsabu inũ ẽ puibuũ, nukunabũ hamapai txakabuwakĩ kaneaibu uĩtã matũ mã ikũwaĩwẽ taeshũ pewakĩ hatu merabewakĩ hãtxa pepawẽ unãshubira hatu yusĩkubaĩkãwẽ. Hakia matũri txakabuwakĩ mã kaneyamanũbũ, Deusũ Yushĩ Pepatũ matu mekeaya ibubis mekeriakubaĩkãwẽ.
Hatunã, hakiri hawẽ kakape txanima dasibibũ unãkĩ hau ikũwaĩ mekeshanũbũ Deusũ abuikiki.
Hakia miarã, Deusũ ma mia hawena wakĩ katuniwẽ taeshũ hawara txakabu betsa betsapa betxitã danaĩ ana hari kayamawe. Mĩ pe dayai hiwekatsi ikairã, mĩ daya bikabiakẽ Deusũ mia unaĩwẽ taea ikũwaĩ nui abunamei kuxipai huĩti kuxiama babutã hatu uĩmai hatube hiwekũkaĩwẽ.
Titoõ, ẽ mia kene bumai uĩrawe. Ea ẽ Paulorã, Deusũ hawẽ tsuma ea wakĩ Jesus Cristõ kuxipaya ea waniki. Habiatũri ea yunukĩ tsuabura hakiri txanima hãtxa nũ hatu ikũwãmashanai habu Deusũ katuni habũ hau tapĩkĩ hau unãti wakubaĩwashanũbũ haska besti txibãtikiri ẽ mia yuiaii.
Tsuakira hãtxa txakabukĩ hau yuiyamakubainũbũwẽ. Ha inũ, duapa besti inũ pepahaira bestikinã, hatuwẽ nuikĩ huĩti babutã dasibibu hatu haibuwakĩ hau hatu uĩmakubainũbũwẽ.
Nukũ Epa Deusũ bari inũ ushe inũ bixi damiwanitũ hawẽ xinã betsa betsapa waisma inũ hakiri hawa huneamawẽ taea haska tibi hawa txakabuma pepa besti hanua huai nuku inãkubainikiki.
Hamẽ Cristo matũ Shanẽ Ibu ashũkinã, matũ hiwea inãkĩ kẽwãkubaĩkãwẽ. Matũ hiwea mã ma pewakẽ tsuãra haska mã Cristokiri kakape ikũwaĩ matu yukaibu mã hatukiri pe shabakabi txanikĩ mã hatu kematiruki,
Ha inũ, txakabu dabe hayaki. Ha txakabu daberã, betsa Deusũ buakatsis ikikiki. Bestitxai buakatsi ikamarã, mawa kayabi anu katiruki, Jesus mawabiashuni danãkĩ txakabu wamisrã. Haskawẽ taeshũ ikũwaĩ betsã hawara txakabu Deusũ abuama ana akai uĩtã mã merabewakatsis ikairã, hau Deusũ kupiyamashanũ xinã pewamakĩ merabewakĩ matũ betsa Deus yukashũkãwẽ. Hamẽ betsãri haska Deusũ hawẽ txakabu buashũkatsi ikama uĩbiakĩ Deusbe hãtxashũyamakãwẽ, hawẽ hiwea ma kupiti hayakirã.