1 Pedro 3:15 - Kaxinawá Bíblia (BR)

¹⁵ Hamẽ Cristo matũ Shanẽ Ibu ashũkinã, matũ hiwea inãkĩ kẽwãkubaĩkãwẽ. Matũ hiwea mã ma pewakẽ tsuãra haska mã Cristokiri kakape ikũwaĩ matu yukaibu mã hatukiri pe shabakabi txanikĩ mã hatu kematiruki,

Kashinawa : Diosun Jesúswen taexun yuba bena yiniki

¹⁵ Jamen Cristo matun Xanen Ibu axunkinan, matun jiwea inankin kenwankubainkanwen. Matun jiwea man ma pewaken tsuanda jaska man Cristokidi kakape ikunwain matu yukaibu man jatukidi pe xabakabi chanikin man jatu kematiduki,

1 Pedro 3:15 Referencias Cruzadas

Provérbios 15:28

Pepabũ ha dukũ shinã pewatã ha katxu hãtxa pepawẽ hatu kema pewamisbuki. Hakia huni txakabubũ hawa shinã pewama hawaira hãtxa txakabu kaĩmamisbuki.

Isaías 1:18

Senhor Deusũ ana matu yuiai nĩkakãwẽ: “Matube hãtxakĩ matũ hiwea ẽ matu pewakatsis ikai nenu ea anu bekãwẽ. Matũ txakabu huni dama tenã himi shana biri ikai keskabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii. Mã txakabumis atimapahairabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii.

Isaías 41:21

Senhor Deus Jacó Shanẽ Ibuhairatũ yuikĩ: “Damibuũ, beshũ matũ kushipakiri ea uĩmai bekãwẽ. Hawara mã amis beshũ akĩ ea uĩmakãwẽ.

Isaías 8:12

“Habu matukiri yubakaibũ hatubebis yubakayamakãwẽ. Habũ matu datekĩ mesewabiaibũ hatuwẽ dateyamakãwẽ.

Números 20:12

hakia Senhor Deusũ Moisés inũ Arão ana yuikĩ: —Ũpash hatu amakĩ haska ẽ matu yunua shinãkĩ mã akama inũ hatu bebũshũ mã pe ea hatu kẽwãmamawẽ taea ha mai pepa hanu ẽ hatu ibuwamashanai anu ha yurabube kai maturi mã hikiama ishanaii— akĩ Senhor Deusũ ha dabe hatu kupinikiaki.

Números 27:14

Hanu tsua hiweabuma hawẽ kena Zim anushũ ũpash manuhairakĩ yurabu ha ikĩ ũpash matu yukaibũ shabakabi ẽ matu yunubia ea kẽwãkĩ pewama ẽ hãtxa txibãma matũ shinã bestiwẽ shinãkĩ ũpash hatu tueshũkĩ hatu bebũshũ mã aniwẽ taea miari mĩ hari hikitirumariki— akinã, hanu tsua hiweabumanu Zim mae Cades anushũ ha Txatxa Meribá tueimanushũ yuinikiaki.

Hechos 21:39

Paulõ kemakĩ: —Ẽ hamaki. Earã, ẽ judeubĩ. Mai pakea betsa Cilícia anu mae kuxipa Tarso anua ẽ kaĩniki. Ea haska wama ha yurabu ẽ hãtxa wayuai ea heneyuwe— aka

Hechos 24:25

hiwea pepatikiri inũ ibubis pe meketikiri inũ dasibi txakabu Deusũ kupishanaikiri Paulõ hatu hãtxa wakĩ yusĩaĩ nĩkai datekĩ Félixsĩ nitxĩkĩ yuikĩ: —Kayuwe, xinãshũ ana ẽ daya hayamatiã ana mia nĩkakatsis ikĩ ẽ mia ana kenashanairã— atã

Colosenses 1:23

Mã haskakatsi ikairã, matu tibirã, Deusũ kakapekiri nĩkatã mã ma Cristo ikũwãni henekĩ putai txĩtuãma huĩti mestẽtã haska mã ikũwaĩbu manakakubaĩkãwẽ. Haska Deusũ hawẽ bakekiri hawẽ kakape yurabu mai pakea itxapa anuabũ hau unãnũbũ yusĩkĩ ea ẽ Paulõ ẽ hatu merabewakubaũmiski.

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.

Colosenses 1:5

Mã haskairã, Jesus Cristokiri kakape txanima nĩkatã benimakĩ matũ hiwea nai anu Deus anu mã haya mã manakaibu nũ matu unaiĩ.

Colosenses 4:6

Haska inũ, hatube hãtxai hãtxa duapa inũ hãtxa pepa bestiwẽ hãtxakãwẽ, haska yura tibibũ bika teneaibu hatu merabewakĩ hatu kemai hãtxai peirã.

Tito 1:2

Deus txani txakaismatũ mai damiwariama hawẽ hãtxawẽ hiweakiri yubakani hatũ hiwea ikibi ika tsumatũ hawa betsa wama ishanai nũ manaii.

Hebreus 3:6

Hakia Cristorã, txanima hawẽ bake kayabitũ Deusunabu mekei Deusbe hatu hãtxashuni kaneismaki. Haskakẽ Cristo ikũwãkĩ txibãkĩ xinã betsa wama nũ mestẽtã benimakĩ nũ manaibu Jesusũ nuku benubainama ishanikiki.

Hebreus 6:1

Haska tapĩkubaini ewairã, nũ yura ewa keska itirubukiaki. Haska bebũkiri Cristokiri matu yusĩkĩ taewanibu haskakiri nũ ana hawẽtxaĩs txĩtuãbirãbirãkĩ nũ matu yusĩtirumaki. Eska tibikirirã, ikũwãriabuma hatu ikũwãmatikirirã, hawara txakabu betsa betsapa aki hawẽ taea mawa kayabi anu bumisbu hatu putamakĩ yusĩakirirã, haska wakĩ Deus txibãkĩ ikũwãtikirirã,

1 Pedro 1:17

Habiaskari wakĩ yurabu betsa betsapa dasibi uĩkĩ hatũ xinã tibi inũ haska wamisbu tibi kaneama Deusũ unãti washanaiwẽ taeshũ Deus dayuikĩ: “Epaã, ea mekewe”, aki bari tibi matũ hiweawẽ duawakĩ kẽwaĩ haki mesekubaĩkãwẽ.

1 Pedro 3:2

Deuski mesei pe hiwekĩ mã hatu uĩmakubainaiwẽ taeshunã.

1 Pedro 3:4

Hakia haskai bemakis bestima matũ huĩti uke merã matũ xinã duapa betsaisma haska matũ yushĩ ha pepa hawẽrua duapai huĩti pepaya mã kũyã ismakenã, haskawẽ hawẽruati Deusũ abumisrã, keyuismaki.

1 Samuel 12:7

Haskawẽ taeshũ matũ shinã pewakĩ ea nĩkahairakubaĩkãwẽ. Senhor Deusũ nuku nĩkaya haska wakĩ matũ shenipabu inũ maturi Senhor Deusũ duawakubirãmiskiri yuikĩ ẽ matu shabakabi washunai ea nĩkakãwẽ.