1 Pedro 3:14 - Kaxinawá Bíblia (BR)

¹⁴ Hakia Jesus ikũwaĩ haska pepawẽ dayai mã hiwebiakẽ matu itxakawabiabu mã nuitapabiaya Deusũ matu duawakubainai xinaĩ huĩtinĩ benimakubaĩkãwẽ, e iki hatuwẽ hawa dakeamarã.

Kashinawa : Diosun Jesúswen taexun yuba bena yiniki

¹⁴ Jakia Jesús ikunwain jaska pepawen dayai man jiwebiaken matu ichakawabiabu man nuitapabiaya Diosun matu duawakubainai shinain juintinin benimakubainkanwen, e iki jatuwen jawa dakeamadan.

1 Pedro 3:14 Referencias Cruzadas

Provérbios 3:25

Senhor Deuski mĩ txiti ika hatũ hawẽ pepawẽ mia inãkubaĩshanikiki, babui mĩ hawẽ dateyamanunã. Hanua hawara mesehaira huaitiã mia mekekĩ nemashuna ha mesẽ mia atxiama ishanikiki. Ha inũ, hunibu txakabu mibe hiweabu hatu kupikĩ yamawaya mĩ hawa dateama ikũkaĩshanaii.

Jeremias 1:8

Haska ẽ mia yunuaiwẽ taearã, tsuki dateyamakũkaĩshãwẽ. Eanã, mia mekei mibe kakĩ ẽ mia merabewashanaii. Ea Senhor Deusũ txanima ẽ hãtxa ẽ mia inaiĩ”, iwanã,

Ezequiel 3:9

Ha nẽkati diamante keska wakĩ ẽ mia kushipa washanaii, mishki betsa kushipa binua keska wakinã. Ea danã paepa wamisbuwẽ taeshũ hawara mia bebũshũ yuiaibu hatuwẽ taea teku iki dateyamakũkaĩshãwẽ”, iwanã,

Mateus 10:28

Ha inũ, tsuabũra matũ yura besti tenãtirubuwẽ dateyamashãkãwẽ, tenãshũ matu ana itxakawapaketirubumakirã. Haki besti mesei mã datekubainũbũ matu yuinũ nĩkakãwẽ. Tsuãra matũ yushĩ tenãtã txi nukaismanu hawẽ kuxipawẽ matu yunutiru bestiki mesei datekubaĩkãwẽ, Deuskirã. Ikũkĩ ẽ matu yuiai ha bestiki datei mesekubaĩshãkãwẽ.

Mateus 10:39

Hamẽ tsuabũra hatũmebi mekei: “Ẽ mawakatsi ikamaki”, ikĩ xinãmisburã, eauma mawashãkanikiki. Hakia ea ikũwãkĩ ẽ kakape yuikĩ ea txibaĩwẽ taeshũ tenãbu ebe hiwekuĩshãkanikiki— iwanã,

Mateus 16:25

Ha inũ, tsuãra hatũ hiwea ibubis mekekatsi ikamarã, hau benunũbũwẽ. Hatũ hiwea ewẽ benubiaxinaburã, ea anua ana hiwekuĩa bishãkanikiki.

Mateus 19:29

Haska inũ, tsuabũra ea txibãkĩ Deusũ hãtxa kakape yusĩtanũ ishũ dasibi hatũ hiwe henekĩ hatũ betsabu inũ hatũ puibu shunũbaĩkĩ hatũ ibubu shunũkĩ hatũ bakebu baxikĩ hatũ bai henekĩ keyubaĩ yusĩkubaĩmisbuwẽ taeshũ na habiatiã Deusũ ana hatu manakukĩ duawamisshũ haska uatiã hiwexinawẽma Deusũ pepawẽ hatu manakuhairakĩ haska tanatirubuma hatu itxawamakubaĩxĩshũ hanu ma bari keyuaitiã hiwea kayabi hatu inãshanikiki.

Marcos 10:29

Jesusũ ana hatu yuikĩ: —Txanima ẽ matu yuiai nĩkakãwẽ. Haratutũra ea txibãkĩ Deusũ hãtxa kakape yusĩtanũ ishũ hawẽ mae henekĩ hawẽ betsabu inũ, hawẽ puibu inũ, hawẽ epa inũ, hawẽ ewa inũ, hawẽ bakebu inũ, hawẽ bai henekĩ keyubaĩkẽ

Marcos 8:35

Hamẽ tsuabũra xinaĩ: “Ẽ mawakatsi ikamaki”, iki hatũmebi mekeaiburã, eauma mawakĩ hatũ hiwea benushãkanikiki. Hakia ea ikũwãkĩ ẽ kakape yusĩkĩ ea txibaĩwẽ taeshũ tenãbiabu hatũ hiwea benuama hiwekuĩshãkanikiki.

João 14:1

nukuri Jesusũ yuikĩ: —Na haska ẽ txaniayarã, huĩti meteshei dateyamakãwẽ. Deus ikũwãkĩ eari ikũwãkãwẽ.

João 14:27

Ẽ hãtxawẽ datei matũ huĩti nixmayamakãwẽ. Deusũ unãnuma hawẽ uke meranu unãnumati ẽ matu inaiĩ. Haska yurabu hatũ xinãwẽ hiwekĩ unãnumai hiwemisbu keska matu inãma hakia Deus anua daewanika kayabi unãnuma ẽ matuki baxiaii.

Hechos 9:16

ea txibaĩwẽ taea haskai nuitapakũkaĩshanai ẽ unãmashanairã— aka

2 Coríntios 12:10

Haskakẽ babui Cristõ kuxipawẽ ẽ kuxipatiruwẽ taea Cristo duawanũ, ika ẽ xinã txãkãmiski, eska tibiwenã, ẽ babuaiwẽ inũ, eki sinataibuwẽ inũ, ẽ yumaĩ hawaumawẽ inũ, ea tenãnũ ishũ ea itxakawaibuwenã, Cristowẽ dayai ẽ bika tenekubainaiwenã. Hanu ẽ babuhairaitianã, Cristõ kuxipa ẽ mekubaĩmiski.

Filipenses 1:29

Deusũ hawẽ pepawẽ matu kenakĩ katushũ ikũwãmanirã, ha besti ikũwaĩ pepa bestitimaki. Habiaskariai Cristowẽ bika mei nuitapariatiki.

Santiago 1:12

Tsuabũra ikũwaĩ bika betsa betsapa tenebiai babuama binukubaĩmisbu Deus hatuwẽ benimakĩ hatu manakukĩ haska habũ Deus abumamisbu haskabu hatuki Deus yubakai hiwekuĩa hatuki tanani hatu hawẽ manakushanikiki, maiti sawemakĩ akawakinã.

Santiago 5:11

Ha inũ, txĩtuãbumawẽ taeshũ Deusũ duawakĩ hatu kẽwãkubainiki. Nukubu nũ xinã txãkãkatsis ikairã, hawara bika tenekĩ haska besti meama hawẽ kuxipakĩ binukĩ nũ tenetirubuki, haska nũ abuamabiarã. Haska nukũ shenipabu Jó ini mã nĩkamiskiri shabakabi ana matu xinãmanũ nĩkakãwẽ. Hamapai bika tibi yurabũ tenetirubu Jõ tenekubainaya hawẽ yura txami keyuni inũ hamapai bikahaira teneai Deusũ nemama ibiaya Jõ Deus ikũwãpakekubaini txĩtuãma inikiaki. Haska Jõ ikũhairawai nukũ Shanẽ Ibu Deusũ haskara watã hawẽ nuikĩ duawakĩ atimas hawẽ isĩ shushawatã ana hawenabu inũ hawẽ yuinaka debui keyuima ana hawẽtxaĩs inãkeakebainikiaki, hawẽ xinã pepawẽ Deus Jówẽ nuikinã, nukũ Shanẽ Ibu nui txakama inũ merabenã txakaismatũ hawẽ nuikĩ ashũkinã.

1 Pedro 3:6

Eska wakĩ Sarã hawẽ bene Abraão shanẽ ibu wakĩ hawẽ hãtxa nĩkatã txibãpaunikiaki. Maturã, tsuara mã Sarã bai tanakatsis ikairã, hawẽ baba keskakinã, hawaki dateama pepa bestikĩ matũ bene uĩmakubaĩkãwẽ.