Jeremias 31:33 - Kaxinawá Bíblia (BR)

³³ Hawatiãra Israelĩ enabube eska ana yubakai ẽ benashanaii. Ẽ yusĩti hãtxa hatũ huĩti anu mistua keska wakĩ hatũ shinã merã ẽ kenea keska washanaii. Hatũ mekenika Deus ẽ ikũkaĩshanaii. Haburã, enabu ikubaĩshãkanikiki. Ea ẽ Senhor Deusũ ẽ hãtxa ẽ mestẽwaiĩ.

Jeremias 31:33 Referencias Cruzadas

Salmos 37:31

Ha huni hãtxai haskamisburã, hawẽ meketi Deusũ yusiã hawẽ huĩti merã haya mapuabuwẽ taea kanei hawa txakabuisbumaki.

Salmos 40:8

Ẽ shanẽ ibu Deusuũ, eã mia benimawakinã, haska shinãkĩ mĩ betxipaiaiwẽ ẽ mia ashũkatsis ikaii. Mĩ hatu yusinirã, ẽ huĩti merã ẽ haya niaki!

Salmos 40:9

Minabu mirimabu bebũshũ haska hamapai pewakĩ mĩ kaneisma shabakabi ẽ hatu unãmamiski. Mikiri hãtxai ẽ hawa pes nismaki. Ẽ haskamisrã, Senhor Deusuũ, mĩ unãhairaii.

João 20:17

Jesusũ nemakĩ: —Ẽ Epa anu kariama uatiã ẽ matube hiwemis keskai ẽ ana matube itirumaki. Ea tsumakĩ ea baxiyamawe— iwanã, —Ẽ betsabu anu kashũ ẽ mia yuishu hatu yuiritãwẽ. Matu merabewai ẽ Epa anu dasinũ ika ẽ kashanaii. Ẽ Eparã, habia matũ Epariki. Ẽ Deus mekenikarã, habia matũ Deus mekenikariki— aka

Romanos 11:27

haska ea Deus ẽ hatukiri yubakani habũ txakabu buatã ẽ ana xinãma ishanaii, hatũ mekenã Messias hukenã”, iniki.

Romanos 7:22

Ẽ xinã uke merãwenã, Deusũ yunua besti abukĩ ẽ akatsi ikũkainaii.

2 Coríntios 3:3

Deusũ hawẽ yunuti inũ hawẽ nemati Moisés inãkĩ mixkiki Deusũ kenekĩ netãni keska wakĩ natiã shabakabi matu uĩnũbũ nukũ yusĩawẽ Cristõ hawẽ Yushĩ Pepawẽ txĩta tushkutimawẽ matũ huĩtiki kenea keska wakubainikiki. Hakia Deus hiweatũ Yushinĩ matũ xinã betsa wamakĩ matũ yuraki hawẽ kene netã keska waikiki.

1 Tesalonicenses 4:9

Ha inũ: “Jesus matubetã ikũwaĩbu hatube abunamei hatuwẽ nuikubaĩkãwẽ”, akĩ Deusũ ibubis matu yusĩkĩ yunuima tapĩmashũ mã akai Macedônia mai pakeanushũ ikũwaĩ dasibibũ mã hatube haskaiwẽ taeshũ hawa ana betsa maewama nui abunametxakayamakũkaini beshtekeama ipakekãwẽ. Mã haskakũkainaiwẽ taeshũ ana haskakiri nũ matu keneshũtirumaki.

Hebreus 10:16

“Ẽ Yavé Deusũ hatu yuikĩ: ‘Hanu hatiara Israelbukiri ẽ ana hatukiri yubakairã, eska ẽ ishanaii. Hatiara haska ẽ hatube yubakai benairã, ana bemakis ẽ hãtxa ẽ hatu yunuamaki. Hanua hanu hatuki dasikatsi hatũ bushka anu ẽ hãtxa mistukĩ hatũ huĩti bena watã ẽ hãtxa ẽ hatuki kenea keska washanaii’ ”, iwanã, ana ha hãtxakiri yuikĩ:

Hebreus 8:10

Hamẽ hanu hatiara Israelĩ bababukiri ẽ ana hatukiri yubakairã, eska ẽ ishanaii. Hatiara haska ẽ hatube yubakai benairã, ana bemakis ẽ hãtxa ẽ hatu yunuamaki. Hanua hanu hatuki dasikatsi hatũ bushka anu ẽ hãtxa mistukĩ hatũ huĩti bena watã ẽ hãtxa hatuki kenea keska ẽ washanaii. Hanushũ habũ mekenika Deus ea ẽ ikaya habu enabu bena meribi kayabi ikubaĩshãkanikiki.

Apocalipse 21:3

shanẽ ibu haki tsauti anushũ hui kuxipawẽ yuiai ẽ nĩkaya: “Uĩa. Na maerã, haki, ha merã yurabube Deus hiwepakeshanairã. Hawẽ hatube hiweirã, hawenabubes ishanikiki. Deus ha besti habũ mekenika ishanikiki.

Apocalipse 21:7

Ha inũ, tsuabũra ea danãma habũ maemakĩ binumisburã, ea ẽ hatũ mekenika Deus ikaya habu ẽ bakebu na mae bena anu hawa benuama ebe hiwei ikibi ipakeshãkanikiki.