2 Timóteo 3:7 - Kaxinawá Bíblia (BR)

⁷ Habũ hawarakiri tapĩbiakubaĩkĩ hawa txanima hãtxa shabakabi nĩka pewatirubumaki.

Kashinawa : Diosun Jesúswen taexun yuba bena yiniki

⁷ Jabun jawadakidi tapinbiakubainkin jawa chanima jancha xabakabi ninka pewatidubumaki.

2 Timóteo 3:7 Referencias Cruzadas

Provérbios 14:6

Tsuara yunua nĩkaismatũ unanepanũ ishũ unanepã hãtxa benabiai haki nukutirumaki. Hakia nĩkanikabũ hãtxa bena tapĩkinã, hawa bikama hawaira tapĩkubaĩmisbuki.

Mateus 13:11

nuku yuikĩ: —Maturã, haskai Deus shanẽ ibumiskiri Deusũ hawẽ pepa huneni shabakabi mã ẽ tsumabu matu yusĩkĩ unãmaikiki. Hakia haburã, ẽ hatu haska unãmamaki.

João 5:44

Haska inũ, matũmebi ibubis mã yurabu kẽwãma bestikatsis imiski, ha besti Deus hatu kẽwãmamarã. Haskawẽ taeshũ mã ea ikũwãtirubumaki.

Efésios 4:14

Haskakẽ ana bake mixtĩbũ xinaĩ keska ana hiweyamakubainãkãwẽ. Eskaki, matu yuinũ nĩkakãwẽ. Huni betsa betsapabũ bake mixtĩbu beparanabu hawaira nĩkamisbuki. Nuku habiaskari wakĩ yura betsa parananãkĩ Deusũ yusĩa kayabi txibãma yusĩa bena watã matu yusĩaĩbu hatu nĩkakĩ hatũ hãtxa ikũwãkĩ bake mixtĩbũ hamapai tibi txibaĩ imis keskai ana iyamakubainãkãwẽ.

1 Timóteo 2:4

Hatunã, hakiri hawẽ kakape txanima dasibibũ unãkĩ hau ikũwaĩ mekeshanũbũ Deusũ abuikiki.

2 Timóteo 2:25

Tsuabura nĩkaisbuma inũ patapabu mĩ hatu merabewakĩ pewakatsis ikairã, huĩti babutã hawa sinatama eska xinãkĩ hatu unãmakubaĩwẽ, Deusũ hawẽ txakabu unãma xinã betsa watã: “Haskarã, txanimaki”, ikĩ hatũ txakabu henetirubu manakinã.

Hebreus 5:11

Haskai Deusbe Jesus nuku hãtxashũmiskiri itxapa ẽ ana matu yuitirubia mã unãshubira tapiaĩwẽ taea ẽ matu yusĩaĩ bikahairaki.