2 Timóteo 3:6 - Kaxinawá Bíblia (BR)

⁶ Hamẽ betsabu ikirã, eskakanikiki. Hatubetã txani yui xaranũ ika aĩbuaibu hawa unãma txakabui hiwekĩ kemu betsa betsapa teneai anu hatũ hiwetã hikitã hatu yusĩtxakakĩ hatũ tsumabu hatu wamisbuki.

Kashinawa : Diosun Jesúswen taexun yuba bena yiniki

⁶ Jamen betsabu ikidan, eskakanikiki. Jatubetan chani yui shadanun ika ainbuaibu jawa unanma chakabui jiwekin kemu betsa betsapa teneai anu jatun jiwetan jikitan jatu yusinchakakin jatun tsumabu jatu wamisbuki.

2 Timóteo 3:6 Referencias Cruzadas

Isaías 1:4

Mã hunibu txakabuhairarã, mã peirakãwã! Mã yurabu atimapa txakabu bestiwẽ kemui mã hiwearã, matũ ibubũ txakabuwakubainibuwẽ taea mã hawẽ bakebũ habias txakabu txibaĩbu inũ, mã hawẽ bababũ haska ariaiburã, haska wakĩ mã ma Senhor Deus heneaki. Israelĩ Deus mekenã meribi mã hayabia putatã mã ma shunũbainaki.

Mateus 11:28

Tsuabũra shãkama ia inũ dayatxakayamai keskai mã punu nukaburã, ẽ matu huĩrukũmakĩ merabewanũ eanu bekãwẽ.

Mateus 23:13

nasaukei dabeketã betsaburi metukĩ yuikĩ: —Deusũ hãtxa kenenibu yusĩnanãmisbu inũ fariseubu mã beparamebuũ, mã peirawa! Deusũ hãtxa hawẽ hiweti unãbiai nĩka pewama tsuabura Deus shanẽ ibuai anu hikikatsi ikaibu mã hatu nemamiski. Maturi mã hikitirumabia habu betsabu hikipanãbũ mã hatu nemakubainaii.

Mateus 4:24

hanua Síria mai pakea hirabi anushũ Jesusũ hatu shushawai kakaibu nĩkatã isĩ betsa betsapa teneaibu inũ, yushĩ txakabuyabu inũ, yura txakabu saki saki ikaibu inũ, yura babubu nuitapaibu hatu iwebirãbiranaibu Jesusũ hatu shushawakĩ kayawapakeaya

Marcos 4:19

hamapai hawẽ hiweawẽs kemui heneama hawẽs besti nuitxakayamakĩ Deusũ hãtxa nĩkabiakĩ ana tapĩkatsi ikama mabuwẽs besti kemui itxa bestiwanũ ika pepaisbumaki, haskatũ yabua hãtxa pepa txibãma yurabu mibã bimiuma keskabuirã.

1 Coríntios 12:2

Jesus mã ikũwãriama yushĩ txakabũ ha dami betsa txakabu hiwea hayama inũ hãtxa hayamatũ hawa xinãma haskati dabanẽ matu iyua mã kẽwãkubainirã, haskarã, mã unaiĩ.

1 Timóteo 5:6

Hakia aĩbu ewa beneyabiani betsabũ Deusũ hãtxa xinãma patapakĩ hawara akatsi ikai amisburã, hiwebia hawẽ yushĩ ma mawaki. Haskawẽ taea Deus hatuki sinataikiki.

1 Timóteo 6:9

Hakia tsuabura mabu inũ pei bestiwẽ kemuaiburã, habũ hawa unãmawẽ taearã, birũ tibi keska hatũ kemu pae tibiwẽ hatu atxi keyua haska tibi tashniaiwẽ taea hawa xinãma: “Ẽ peaii”, i bestikĩ hamapai txakabu hawẽrua besti abui hawẽ hiwe txakai pikukũkaini hawẽ hiwea benui hanu kupiaitiã hawa pepa biama benushãkanikiki.

Tito 1:11

Hatu yusĩ pewabumabia hatũ mabu biã xaranũ ika peiwẽ kemukĩ hiwe anua yura betsa hawenabuya hatu xinã betsa wamakĩ hatu parãbiabu hatu nĩkakanikiki. Haskawẽ taeshũ mekenikabũ mibetã yusĩkĩ hau hatu nemakubainũbũwẽ.

Tito 3:3

Nukurã, habiaskari hatu itsari nukũ xinã betsa wariama hiweshũ Deus txibã pewama benua keska nishũ hamapai betsa betsapa mei kemui txakabũ dayarui nũ mapupaunibuki. Haskai hiwea txakabui betsa hawara haya uĩ haska hayatima hawẽ kemui hatuki sinatai inũ abunameama hatu danaĩ inũ betsabube danãnanaĩnã.

2 Pedro 2:18

Hawara hãtxakĩ yuiaibu hawẽrua kemutapabia hamẽki. Habũ dama ikũwãkĩ taewaxina mestẽriabuma ha txakabukiri yusĩkĩ txanima hãtxa hatu henemakanikiki, hatũ yura atimapa betsa betsapatikiri hatu yusĩtxakakinã.

2 Pedro 3:17

Ẽ betsabu inũ ẽ puibuũ, matuwẽ nuihairakĩ ma bebũkiri haskashanaibu ẽ ma matuki txanishuki. Mekeirakubaĩkãwẽ, mã pebiakainaya hau huni txakabũ matu parãkĩ hau matu txĩtũmayamashanũbũ mestẽshãkãwẽ.

Judas 1:16

habias keska menei hawara tibi abuama ha iki yuãnanaĩ hawarawẽ ibubis hawenas benai benimanũ ika hatũ kemu pae besti txibaĩ inũ keĩ mia akaitũ besu wakĩ dasibibu hatu binumakĩ maemaikiki, hatu kẽwãmairã.

Judas 1:18

Hawẽ tsumabũ matu yusĩkĩ: “Txanima hanu bari hawẽ henei ma kemaya yurabu hiwe txakashũ ibubis txakabu xinãkĩ matukiri kashekenãshãkanikiki”, haska xinãkĩ matu yuiniburã,

Judas 1:4

Ha inũ, ha bebũkiri ha yurabukiri Deusũ hawẽ hãtxa hatu kenemani habu parananãmisbu kupinũbariai habias yuini keska na habiatiã yurabu betsa betsapa hune txakabu hayabia matube itxai unãtinãtã hatũ txakabu henekatsi ikama habũ xinãwẽ matu parãkĩ yuikĩ: “Deus pepatunã, hawara txakabu mã wabiaya matũ txakabu buatã kupiama ishanikiki”, akĩ hamapai atimapa matu yusĩ hatũ hiwea pewai beshtekekatsi ikama Jesus Cristo besti nukũ Shanẽ Ibubiakẽ hawẽ kuxipa danãkanikiki.