Txanima huĩti pepa kayatapia hayabu mĩ hatu betxipaiaii. Mĩ unanepa uke meranua mĩ ea inãmiski, shabakabi ea tapĩmakinã.
1 Pedro 3:4 - Kaxinawá Bíblia (BR) Hakia haskai bemakis bestima matũ huĩti uke merã matũ xinã duapa betsaisma haska matũ yushĩ ha pepa hawẽrua duapai huĩti pepaya mã kũyã ismakenã, haskawẽ hawẽruati Deusũ abumisrã, keyuismaki. Kashinawa : Diosun Jesúswen taexun yuba bena yiniki Jakia jaskai bemakis bestima matun juinti uke medan matun shinan duapa betsaisma jaska matun yushin ja pepa jawendua duapai juinti pepaya man kunyan ismakenan, jaskawen jawenduati Diosun bechipaimisdan, keyuismaki. |
Txanima huĩti pepa kayatapia hayabu mĩ hatu betxipaiaii. Mĩ unanepa uke meranua mĩ ea inãmiski, shabakabi ea tapĩmakinã.
Hakia nuitapai babubu hatu merabewakinã, yunuti pepa kushipawẽ hatu unãti wakĩ haska betsabũ hatu itxakawaibu hatu nemashũkĩ ha nuitapaibu hatũ mai pakea anua hatu pewashũshanikiki. Hawẽ hãtxa mestẽti kushipa keskawẽ mai anushũ habũ hatu detenamemaibu hatu kupishanikiki. Hawẽ hãtxa kushipawẽ huni txakabubu hatu tenãshanikiki.
Haskaya Senhor Deusũ ea katukĩ sheniwẽ ea mauka keska wakĩ hawẽ Yushĩ kushipa ea hikimatã ea yunukĩ: “Nuitapaibu hatu shinã txãkãwaĩ kaka pepa hatuki txanitãwẽ. Bika teneaibu hatu merabewatãwẽ. Hatu nãta iyukĩ tsuma wabainibu keska inũ hatu bitxinibu keska haska wakĩ ẽ hatu unanuma hiwematiru hatuki txanitãwẽ, haska wakĩ ẽ hatu pekatirurã.
Ha inũ, ina awa dabeki hi tekishkũshũ hawara shãkama bumabu bika dayabiai merabenaĩ punu nukaisbumaki. Habiaskariai earã, duapakĩ matu merabewakĩ ina awa hi tekishkũrabea merabenãmisbu keskai mã ea txibãyã ẽ kuxipawẽ ẽ matu merabewakubaĩshanaii, mã bika tenebiaya matu huĩrukũmakinã.
—Ha inũ, tsuabura xinã pepaya keĩsbuma Deusũ mae pepa hatu yubani hatu yunushanai xinaĩ benimakubaĩkanikiki.
Mã unaĩsmapabuki. Bemakia hawara mã uĩtiru txukakĩ mã pewabiamis matũ huĩti uke merã txakabubiakẽ mã unaĩsmaki. Matũ mekẽ mã uĩtiru inũ hawara uke merã mã haya habias Deusũ damiwaniki. Xinaĩrakãwẽ.
Jesusũ hatu yuikĩ: —Maturã, bemakis pepakĩ hunibu parãkĩ mã hatu kẽwãmamiski. Hakia Deusũ matũ xinã unãmiski. Ha inũ, kẽkĩ hawara yurabũ abuai Deusũ danãmiski— iwanã,
Hakia judeubu kayabitunã, uke merã hawẽ xinãwẽ Deus txibãmisbuki. Deusũ Yushĩ Pepawẽ hatu kaya wakĩ pewakubaĩmiski, hawenabu kayabi wakinã, bemakis besti hawẽ yunuti txibãkĩ hatũ hina kubitxi meshtekea bestiwẽmarã. Tsuara haskaburã, Deusũ hatu uke merã unaĩkiki, bemakis hunibũ uĩaĩ keskamarã.
Ha dukũ nũ hawẽ hiwetxakani sheni Cristobe cruzki netãtã nũ habe mawani keskaki. Nũ haskaya nukũ xinã sheni Deusũ nuku betsa wamakẽ txakabũ nuku beshetã hawẽ tsumawakĩ ana nuku yunutirumaki.
Haska bestibu mã ekiri hãtxamis ẽ Paulõ ẽ matu yuiai ea nĩkairakãwẽ. Matu anushũ betsabũ yuikĩ: “Paulo nukube hiwea hãtxahairaisma yunuama unãshubira nuku hãtxa wabiamis txaikeshũ nuku keneshũkĩ hãtxa kuxipawẽ yunukĩ nuku ha amiski”, iwanã, mã ea yuãbiamisbũ haska duapakĩ ẽ xinãmis matu yuinũ nĩkairakãwẽ. Haska mã yuibiaya hãtxa kuxipawẽ ẽ matu kũyã atirubia haska duapakĩ unãshubira Cristõ yurabu yusĩkubaini keska wakĩ hãtxa shãkamawẽ yuikĩ matu kũyã akatsi ikama matu anu ẽ ana kakẽ habũ ea shenĩkamisbu ẽ hatube hãtxakatsi ikamaki. Hatũ xinã betsa wamakĩ hau ana hamakiri xinãtxakayamanũbũ hatu meshtãmakãwẽ.
Hawara bika shabakabi mekĩ nũ teneai hawaira keyushanaiwẽ nuiama haska Deusũ mekekĩ niti akama nuku habe hiwemashanai uĩriamabia xinãkĩ nũ uĩkatsis ikaii, ikibi ika hunea keskarã. Ha inũ, natiã na hiweawẽ nũ hiweairã, bikaixta nũ teneai hawama keskaki, hawaira hayabiatã keyumisrã. Hakia haska hawẽ taea nũ bika teneairã, Deusũ pewẽ kupikĩ nuku benimawatxakayamashanai akũhaira bikatsi nũ manaii. Haskakẽ nukũ yura ewanai babui mawabiaya bari tibi Deusũ nukũ hiwea tibi uke meranua nuku benawakubainaya punu nukai nũ txĩtũtirubumaki.
babutã hãtxaisma inũ shetxakaismarã, hamebi hawẽ yura pe mekemisrã. Mã haskakũkainaiwẽ taeshũ Moisés yusĩawẽ tsuã matu hawa nematirubumaki.
Eskairã, bebukaini keãma betsa binũama inũ, duapai betsabu abui inũ, hĩ hĩ ikĩ hawara bebũkiri anũ ika hawaira sinama ikũwaĩ betsabube nui uĩnanaĩ teneshũ uĩrakubaĩkãwẽ.
Haskakẽ Deusũ matu abukĩ hau hawenabu meribi tari mã inũbũ matu katunikenã, matũ xinã pepa kaĩmakinã, tari bena sawea keska wakubaĩkãwẽ, yura betsabuwẽ nuirã, pepairã, babutã keãmarã, duapairã, hĩ hĩ ikama manakairã.
Hakia haska nũ matu yusĩkĩ nũ matu uĩmatanima mã nuitapaibukiri xinãma txikixama ea iki daketapama matũ mekenẽ dayakũkaĩkĩ matũ hamapai bikubaĩkĩ unãnuma hiwekĩ hatu yuãmayamakãwẽ, mã haskaibu ikũwãbumã matukiri pe uĩkĩ hawa txakabuuma hau xinãnũbunã.
Haskakẽ nukũ Shanẽ Ibu Jesus Cristõ kuxipawẽ nũ matu yunuaii. Yurabu txikixbu yunukĩ tapĩmakĩ: “Haska besti hiwetirubuma hau tari meribi hatũ daya tapĩtã ana yura betsabu shetukĩ yuãmama hau hatũ piti inũ hatũ mabu hau ibubis bikubainũbũwẽ”, iwanã, matũri mã hatu yununũ nũ matu yunuriaii.
Deusũ yusĩa pepa txibaĩ unãnuma benimai hiweshũ hawama pepa besti hawa dakeama nũ hiweyukubainũbũ shanẽ ibubu inũ yununikabu haska tibikiri hatu yukashũkubainãkãwẽ, hau Deusũ nukukiri hatu pe xinãmanunã.
Tsuabura nĩkaisbuma inũ patapabu mĩ hatu merabewakĩ pewakatsis ikairã, huĩti babutã hawa sinatama eska xinãkĩ hatu unãmakubaĩwẽ, Deusũ hawẽ txakabu unãma xinã betsa watã: “Haskarã, txanimaki”, ikĩ hatũ txakabu henetirubu manakinã.
Tsuakira hãtxa txakabukĩ hau yuiyamakubainũbũwẽ. Ha inũ, duapa besti inũ pepahaira bestikinã, hatuwẽ nuikĩ huĩti babutã dasibibu hatu haibuwakĩ hau hatu uĩmakubainũbũwẽ.
Haskawẽ taea matu dasibibũ haska Deusũ atimapa danãmis txakabu betsa betsapa mã haya henekĩ puta keyurikãwẽ. Mã haska waiwẽ taeshũ Deusũ kakape matu yusĩabu mã ma nĩkanirã, hawa danãyamakãwẽ. Ha Jesusũ hãtxarã, kuxipa paepaki. Hatũ matu pasha washanikiki.
Mã haskakũkaĩshanũ Deusũ ana matu kaĩ bena keska waniki, matũ ibubu txutanamekĩ matu bawani keskama hakia Deusũ hãtxa hiwea betsaisma haya mã ikũwãkĩ xinã betsa waiwẽ taeshunã, nukunabube danãnanãma mã abunamekubainũbunã.
Hamẽ Cristo matũ Shanẽ Ibu ashũkinã, matũ hiwea inãkĩ kẽwãkubaĩkãwẽ. Matũ hiwea mã ma pewakẽ tsuãra haska mã Cristokiri kakape ikũwaĩ matu yukaibu mã hatukiri pe shabakabi txanikĩ mã hatu kematiruki,
hakia Senhor Deusũ Samuelĩ shinã uĩkĩ yuikĩ: “Haskamaki. Hawẽ yura hawẽrua keyatapa shua uĩyamawe, ẽ ma haska danainã. Hunibũ bemakis hatu uĩmisbu keska wakĩ miãri bemakis uĩyamawe. Hakia eã uĩkinã, hatũ huĩti merã pe besti shinaĩbu ẽ unãti wamiski”, aka