Mateus 5:5 - Kaxinawá Bíblia (BR)

⁵ —Ha inũ, tsuabura xinã pepaya keĩsbuma Deusũ mae pepa hatu yubani hatu yunushanai xinaĩ benimakubaĩkanikiki.

Kashinawa : Diosun Jesúswen taexun yuba bena yiniki

⁵ —Ja inun, tsuabuda shinan pepaya keinsbuma Diosun mae pepa jatu yubani jatu yunuxanai shinain benimakubainkanikiki.

Mateus 5:5 Referencias Cruzadas

Salmos 22:26

Habu nuitapabiai keĩsbumã pikĩ yaniwai pepeshãkanikiki. Matubũ mã Senhor Deus benairã, haki nukutã mã kẽwãshanaii, bari itxapa hiwekũkaĩkinã.

Salmos 37:11

Hamẽ habu huni keĩsbumarã, habũ mai hirabi ibuwatã hawa bika ana teneama unanuma benimapakeshãkanikiki.

Salmos 37:22

Tsuabura Deusũ pepawakĩ duawamisrã, habũ mai hirabi ibu washãkanikiki. Hakia habu Senhor Deusũ yupuarã, habu yamai keyushãkanikiki.

Salmos 37:29

Ha inũ, huni pepaburã, mai hirabi ibuwatã hanu hiwepakeshãkanikiki, niti ikamarã.

Salmos 37:34

Tsuãra Deusũ yunuti nĩkakĩ mã ashuĩ haki txiti ikarã, hatũ matu duawakĩ na mai matu ibu wamakẽ hawa keyuama mã hanu hiwepakeshanaii. Hanua ha txakabui hiwekubainaibu Deusũ hatu kupikĩ yamawai ibubis mã uĩshanaii.

Salmos 37:9

Tsuabura txakabuburã, matũ mai pakea anua Senhor Deusũ hatu nitxĩshanikiki. Hakia tsuabura Senhor Deuski txiti imisburã, ha mai hatu yubani habũ ibuwashanikiki.

Salmos 69:32

Haska wakĩ Deus ẽ uĩmaiwẽ taeshũ ha bika teneaibu benimashãkanikiki. Tsuãra Deus benakubainaibu hatũ huĩti merã ana shinã txãkãshãkanikiki.

Isaías 11:4

Hakia nuitapai babubu hatu merabewakinã, yunuti pepa kushipawẽ hatu unãti wakĩ haska betsabũ hatu itxakawaibu hatu nemashũkĩ ha nuitapaibu hatũ mai pakea anua hatu pewashũshanikiki. Hawẽ hãtxa mestẽti kushipa keskawẽ mai anushũ habũ hatu detenamemaibu hatu kupishanikiki. Hawẽ hãtxa kushipawẽ huni txakabubu hatu tenãshanikiki.

Isaías 60:21

Dasibi matunaburã, huni duapa pepabu besti ishãkanikiki. Matũ mai pakea mã ana bishanairã, matuna inũbarikiki. Mibã meshtetã eã ẽ matu banani keska hawẽ kataku hukũmis keska mã ishanaii. Ẽ kushipa uĩtã hau ea duawashanũbũ ẽ mekẽnẽ ẽ dayamis keska ẽ matu pepa wamis uĩshãkanikiki.

Isaías 61:1

Haskaya Senhor Deusũ ea katukĩ sheniwẽ ea mauka keska wakĩ hawẽ Yushĩ kushipa ea hikimatã ea yunukĩ: “Nuitapaibu hatu shinã txãkãwaĩ kaka pepa hatuki txanitãwẽ. Bika teneaibu hatu merabewatãwẽ. Hatu nãta iyukĩ tsuma wabainibu keska inũ hatu bitxinibu keska haska wakĩ ẽ hatu unanuma hiwematiru hatuki txanitãwẽ, haska wakĩ ẽ hatu pekatirurã.

Números 12:3

Moisés txanima mai hirabi anua tsua keskama ibubis keĩsmakẽ haskawẽ taeshũ Moisés inũ Arão inũ Miriã Senhor Deusũ hatu yuikĩ: —Nenua tashnikaini hanu eki nukuti tari hiwe anu bukãwẽ— akĩ hatu yuia hanu buabũ

Mateus 11:29

Ha inũ, ina awa dabeki hi tekishkũshũ hawara shãkama bumabu bika dayabiai merabenaĩ punu nukaisbumaki. Habiaskariai earã, duapakĩ matu merabewakĩ ina awa hi tekishkũrabea merabenãmisbu keskai mã ea txibãyã ẽ kuxipawẽ ẽ matu merabewakubaĩshanaii, mã bika tenebiaya matu huĩrukũmakinã.

Romanos 4:13

Haska inũ, hawẽ yunuti inũ hawẽ nemati Deusũ Moisés kenemariama Deusũ hãtxa Abraãonẽ ikũwãkubainaya Deusũ Abraãokiri xinãkĩ: “Huni pepaki”, aniwẽ taea hatiritũ ha keskakĩ hawẽ bababũ Deusũ hãtxa ikũwãkubainaibu mai hirabi hatu ibu wamakĩ yunushanũ, iwanã, Deusũ Abraão hatukiri yubaniki.

Gálatas 5:23

babutã hãtxaisma inũ shetxakaismarã, hamebi hawẽ yura pe mekemisrã. Mã haskakũkainaiwẽ taeshũ Moisés yusĩawẽ tsuã matu hawa nematirubumaki.

Efésios 4:2

Eskairã, bebukaini keãma betsa binũama inũ, duapai betsabu abui inũ, hĩ hĩ ikĩ hawara bebũkiri anũ ika hawaira sinama ikũwaĩ betsabube nui uĩnanaĩ teneshũ uĩrakubaĩkãwẽ.

Colosenses 3:12

Haskakẽ Deusũ matu abukĩ hau hawenabu meribi tari mã inũbũ matu katunikenã, matũ xinã pepa kaĩmakinã, tari bena sawea keska wakubaĩkãwẽ, yura betsabuwẽ nuirã, pepairã, babutã keãmarã, duapairã, hĩ hĩ ikama manakairã.

1 Timóteo 6:11

Hakia miarã, Deusũ ma mia hawena wakĩ katuniwẽ taeshũ hawara txakabu betsa betsapa betxitã danaĩ ana hari kayamawe. Mĩ pe dayai hiwekatsi ikairã, mĩ daya bikabiakẽ Deusũ mia unaĩwẽ taea ikũwaĩ nui abunamei kuxipai huĩti kuxiama babutã hatu uĩmai hatube hiwekũkaĩwẽ.

2 Timóteo 2:25

Tsuabura nĩkaisbuma inũ patapabu mĩ hatu merabewakĩ pewakatsis ikairã, huĩti babutã hawa sinatama eska xinãkĩ hatu unãmakubaĩwẽ, Deusũ hawẽ txakabu unãma xinã betsa watã: “Haskarã, txanimaki”, ikĩ hatũ txakabu henetirubu manakinã.

Tito 3:2

Tsuakira hãtxa txakabukĩ hau yuiyamakubainũbũwẽ. Ha inũ, duapa besti inũ pepahaira bestikinã, hatuwẽ nuikĩ huĩti babutã dasibibu hatu haibuwakĩ hau hatu uĩmakubainũbũwẽ.

Santiago 1:21

Haskawẽ taea matu dasibibũ haska Deusũ atimapa danãmis txakabu betsa betsapa mã haya henekĩ puta keyurikãwẽ. Mã haska waiwẽ taeshũ Deusũ kakape matu yusĩabu mã ma nĩkanirã, hawa danãyamakãwẽ. Ha Jesusũ hãtxarã, kuxipa paepaki. Hatũ matu pasha washanikiki.

Santiago 3:13

Eskai unãnepa kayabi mã hiwetiru matu yuinũ nĩkairakãwẽ. Txanima matubu hatiribũ Deusũ hãtxa unãhairakĩ mã nĩkahairakubainaibunã, kaneama yurabu matũ xinã pe hatu uĩmai pehaira hiwekubaĩkãwẽ. Mã haska hiweabu hawara pe mã akubaĩmis xinãkĩ ana yuiama duapa bestikĩ haska Deusũ xinãwẽ babutã unãnepahairakĩ shabakabi yura betsabu mã hatu uĩmatirubuki.

1 Pedro 3:15

Hamẽ Cristo matũ Shanẽ Ibu ashũkinã, matũ hiwea inãkĩ kẽwãkubaĩkãwẽ. Matũ hiwea mã ma pewakẽ tsuãra haska mã Cristokiri kakape ikũwaĩ matu yukaibu mã hatukiri pe shabakabi txanikĩ mã hatu kematiruki,

1 Pedro 3:4

Hakia haskai bemakis bestima matũ huĩti uke merã matũ xinã duapa betsaisma haska matũ yushĩ ha pepa hawẽrua duapai huĩti pepaya mã kũyã ismakenã, haskawẽ hawẽruati Deusũ abumisrã, keyuismaki.