Isaías 61:1 - Kaxinawá Bíblia (BR)

¹ Haskaya Senhor Deusũ ea katukĩ sheniwẽ ea mauka keska wakĩ hawẽ Yushĩ kushipa ea hikimatã ea yunukĩ: “Nuitapaibu hatu shinã txãkãwaĩ kaka pepa hatuki txanitãwẽ. Bika teneaibu hatu merabewatãwẽ. Hatu nãta iyukĩ tsuma wabainibu keska inũ hatu bitxinibu keska haska wakĩ ẽ hatu unanuma hiwematiru hatuki txanitãwẽ, haska wakĩ ẽ hatu pekatirurã.

Isaías 61:1 Referencias Cruzadas

Salmos 2:6

“Ha Shanẽ Ibu ẽ katuni ẽ yunushanai ha meribi mae pepa mati Sião anu shanẽ ibushanikiki”,

Salmos 22:26

Habu nuitapabiai keĩsbumã pikĩ yaniwai pepeshãkanikiki. Matubũ mã Senhor Deus benairã, haki nukutã mã kẽwãshanaii, bari itxapa hiwekũkaĩkinã.

Salmos 34:18

Senhor Deusrã, nuku mekei nuku dapi niaki. Tsuabura bika betsa betsapa tenei huĩti nishmai nui hawawẽ haskatimabiakẽ Senhor Deusũ hatu mekekĩ pashawashanikiki.

Salmos 51:17

Ha inãkuĩti tibi mĩ betxipaiairã, ẽ yushĩ mĩ ea meshteima ẽ bika tenebiai has shinãma ẽ huĩti betsa watã txakabu mĩ ma ea pewaima ea uĩkĩ mĩ ea betxipaiaii.

Salmos 69:32

Haska wakĩ Deus ẽ uĩmaiwẽ taeshũ ha bika teneaibu benimashãkanikiki. Tsuãra Deus benakubainaibu hatũ huĩti merã ana shinã txãkãshãkanikiki.

Isaías 32:7

Ha yurabu atimapai daya peisbuma matxupakĩ hatu parã bestikĩ hawarawẽ kemuti watã hatu hawẽ atximisbuki. Nuitapaibu hatu parã paepa watã ana hatu txakabuwamisbuki. Hawa hayabuma: “Yunuti kushipawẽ ea merabewakĩ ashũwẽ”, ibiaibũ hatu parã bestimisbuki.

Isaías 40:9

Sião yuikĩ: Siãonã, mati keyatapa hawẽ henea mamaki mapeketã hui kushipawẽ sai ikĩ kaka pepa txaniti hatu banabimariwe. Jerusalémnẽ, hawa dateama mĩ hui tashnimakĩ kaka pepa Judá maewã tibi anu hiweabuki hatuki eska txaniriwe: “Na habia matu dapiki, matũ Deusrã!” hatu wakinã.

Isaías 42:1

Deus hatuki txani: “Uĩkãwẽ. Ẽ tsuma ẽ katunirã, ẽ betxipaiai ea benimawamiski. Ẽ Yushĩ kushipa ẽ yunua merabewaya ha ẽ tsumapã hawẽ yunuti kushipa pepakiri yurabu shukuabu tibi yuibaũshanikiki.

Isaías 42:7

Haska wakĩ beshushbu mĩ hatu uĩmashanaii. Bitxiti hiwe merã hatu bitxiyamabu mĩ hatu tashnimashanaii, tsuabura meshu anu hiwea keska hatu tashnima keska wakinã.

Isaías 49:9

Habũ matu bitxinibu keska hatu yuikĩ: ‘Mã ma hatishũ bika teneshinaki. Ana hawama tashnirikãwẽ.’ Mã meshu merã mapua keskaburã, ana hawaki dateama kaĩbaĩshãkãwẽ. Bai tibiwẽ bukĩ piti tibiki mã nukushanaii. Hanu tsua hiweabumanu mati tibi anuari matũ inabu piti hayashãkanikiki.

Isaías 52:7

Tsuara mati matipa anu hukĩ txakabumakirãkĩ kakape yuinũ ika hui benimakiranai uiaĩbũ Deus anua pepa unanuma hiweti txani inũ haska txakabu anua tashnitirubu txanitã Sião yuikĩ: “Mĩ Deusrã, shanẽ ibuhairaki!” ashanikiki.

Isaías 52:9

Senhor Deus hawenabuwẽ nuikĩ hatu maemashũ matu daewakĩ mã Jerusalém matu purenibu maniarã, ma matuki sinataibu hatu nitxĩtã matu tashnimaiwẽ taeshũ kẽwaĩ hatube sai sai ikĩ hatu kemakãwẽ.

Isaías 66:2

Dasibi betsa betsaparã, eã besti dami wakĩ ẽ keyuniki. Haska wakĩ ẽ taewa hayai hiwenibuki. Eã hunibu uĩkĩ merabewakinã, habu keĩsbuma inũ hatũ txakabu henetã ẽ hãtxaki mesekĩ nĩkamisbu ẽ hatu amiski, ikĩ ea Senhor Deusũ ẽ hãtxa ẽ mestẽwaiĩ”, iniki.

Jeremias 52:33

bitxiti hiwe anushũ tari sawemis pekamatã hawẽ shanẽ ibũ tari Joaquim ana sawemakĩ duawakĩ hatishũ hiweaitiã hiwemashũ shaba tibi shanẽ ibuhaira Evil-Merodaquebetã pikubainikiaki.

Miquéias 3:8

Hamẽ ea Miquéiasrã, Senhor Deusũ hãtxa danãkĩ Israelĩ enabũ txakabuwakubaĩmisbu hatu berabĩwãkĩ hatu yuãkĩ ẽ hatu ha akubaĩshanũ ea kushipa inãkĩ datetima ea wakĩ Senhor Deusũ Yushinĩ hawẽ yunuti kushipa pepawẽ ea amakubainikiki. Ea haska wakĩ heneama ipakeikiki.

Mateus 11:5

Bekũ inũ beshushbũ uĩaĩbu inũ, haska mapuisbuma mapuaibu inũ, habu bitxiki dasibi txami betsaniki dakemisbu maĩ sakara iki keyuaibu inũ, patabũ nĩkakĩ keyuaibu inũ, mawa ana besteaĩbu inũ, habu nuitapaibũ hatũ pashati kakape nĩkatã benimaiburã, haska João yuitãkãwẽ.

Mateus 3:16

meneaya neshekei mapekekainaya nai bashnei Deusũ Yushĩ Pepa deiwã itsakirã hamamaki butuai Jesusũ uĩayã

Lucas 7:22

ha dabe xinãmakĩ Jesusũ yuikĩ: —Hawara uĩkĩ mã nĩkakubainairã, haska Joãoki txaniritãkãwẽ, eskaiburã. Bekũ inũ beshushbũ uĩaĩbu inũ, haska mapuisbuma mapuaibu inũ, habu bitxiki dasibi txami betsani haki dakemisbu maĩ sakara iki keyuaibu inũ, patabũ nĩkakĩ keyuaibu inũ, mawa ana besteaĩbu inũ, habu yumaĩbu hatũ pashati kakape nĩkatã benimaiburã, haska João yuitãkãwẽ.

João 3:34

Hanushũ hawẽ bake yunukĩ hawẽ Yushĩ Pepa keyuisma inãkubaĩmiswẽ taeshũ Deusũ bake ha yununitũ hawẽ hãtxa yuimiski.

Hechos 10:38

Hanushũ Jesus Nazaré anua hawẽ Yushĩ Pepatũ kuxipawẽ Deusũ Jesus kuxipahairawa ha meranua merabenãkũkainaya habu diabo Satanásã itxakawakĩ isĩ betsa betsapa hatu tenemamis nuitapaibu Jesusũ hatu shushawakĩ pewakĩ hatu merabewakubaĩyama mã unãriaii.

Hechos 26:18

Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.

Hechos 4:27

—Txanima na habiatiã shanẽ ibu Herodes Antipas inũ Pôncio Pilatos na mae anu nawa betsabube inũ Israelbube itxa mĩ tsuma Jesus meribi mĩ katuni Messias mĩ yununi mĩ kẽwãmis haki sinatakanikiki.

2 Coríntios 3:17

Hanua nukũ Shanẽ Ibu inũ hawẽ Yushĩ Pepatũ habiaskas xinaĩbũ hawẽ Yushĩ Pepatũ nuku mekeaya txakabũ nuku ana tsumama inũ pepanũ, iwanã, hawẽ yunuti inũ hawẽ nemati Deusũ Moisés yusĩniwẽ nuku ana bikawatirumaki.

2 Coríntios 7:6

Hakia haska yura babu punu nukabu Deusũ benimawamistũ nukũ haibu Tito nukuki nukumakĩ Deusũ nuku benimawaimaki.

Hebreus 1:9

Hawara pepa abukĩ hamapai txakabu mĩ danãmisrã, mĩ haskamiswẽ taeshũ ea ẽ mĩ mekenika Deusũ ẽ mia katuaki. Sheni mashu akĩ unãti wakĩ ẽ miwẽ benimaii, mĩ haibuaibu keskawama hatu mia binumakinã”, aniki.