Isaías 61:2 - Kaxinawá Bíblia (BR)

² Ea ẽ Senhor Deus ha baritiã ẽ hatuwẽ nuikĩ ẽ hatu merabewashanai hatuki txanitãwẽ. Ha shabatianã, nukũ Deus ha nukuki sinatamisbu nuku hatu kupishũshanikiki, iki hatuki txanirã. Dasibi punu nukabu hatu merabewakĩ ea hatu daewashũtãwẽ.

Isaías 61:2 Referencias Cruzadas

Isaías 1:24

Haskawẽ taeshũ Senhor Deus kushipa dasibi binuatũ hawẽ kushipawẽ Israel merabewamis hawẽ hãtxa kushipawẽ hatu yuikĩ: “Hatishũ besti matũ txakabu ẽ tenetiruki! Mã habu eki sinataiburã, matũ txakabu tanatã matube detenameai keskakĩ ẽ matu kupishanaii.

Isaías 35:4

Datebu hatu yuikinã: “Ana dateama benimarikãwẽ! Na habia matu dapiki, matũ Deusũ matu piskumakatsirã. Matu meketã matuki sinataibũ haska betxipaimisbu keska habũ txakabumiswẽ hatu kupikĩ tenemashanikiki.”

Isaías 40:1

Eska matũ Deusũ matu yuikiki: “Enabu merabewai hatuwẽ nuikĩ ea hatu daewashũkãwẽ.

Isaías 49:8

Senhor Deusũ ana hatu yuikĩ: “Ẽ yubakaniwẽ taea ẽ duapa matu uĩmakatsi ikĩ ẽ matu kemaniki. Ha shabatiã matu piskumakatsis ikĩ ẽ matu merabewaniki. Matuwẽ yubakatã mestẽwãkatsis ikĩ matu pe arukĩ ẽ matu merabewaniki. Matũ mai pakea txakabuwanibu matu ana ibu wamatã ẽ matu hatu pewamashũriakatsis ikaii.

Isaías 58:5

Matũ mã shinanã, mã samakeaiwẽ ea benimawairã, eska dakati dabanẽ mã ikai, bika teneirã, matũ bushka tiniã daka tawa puaka keska dakarã, tari besha sheni sawetã mapu maputukutã dakarã, ‘Haska dakashũ Senhor Deus ẽ benimawaii’, ikĩ mã yuimiski, samakekinã.

Isaías 60:10

Matunabuma nawa betsabũ matũ mae kene ana benibaũshãkanikiki. Ha habu shanẽ ibuhairamisbũ matu dayashũkĩ matu duawashãkanikiki. Ea Senhor Deus matuki sinatakĩ ẽ matu kupibiani natiã ẽ duapawẽ ana ẽ matuwẽ nuishanaii.

Jeremias 31:13

Txipashbu inũ, berunãbu inũ, anibubu benimai besi nawakubirãshãkanikiki. Nui kashabiaibũ hatu benimawakĩ isĩ tenẽbiaibũ benima pae inãkĩ nuitapabiaibũ ẽ hatu daewakubaĩshanaii.

Miquéias 3:8

Hamẽ ea Miquéiasrã, Senhor Deusũ hãtxa danãkĩ Israelĩ enabũ txakabuwakubaĩmisbu hatu berabĩwãkĩ hatu yuãkĩ ẽ hatu ha akubaĩshanũ ea kushipa inãkĩ datetima ea wakĩ Senhor Deusũ Yushinĩ hawẽ yunuti kushipa pepawẽ ea amakubainikiki. Ea haska wakĩ heneama ipakeikiki.

Mateus 5:4

—Ha inũ, tsuabũra hatũ huĩti nixma kashakatsis ikaibuwẽ taeshũ Deusũ hatu xinã txãkãwã benimapaketi xinaĩ benimakubaĩkanikiki.

Lucas 6:21

Ha inũ, tsuabura hawara pepa besti abutxakayamai hawẽ nuihairaiwẽ kupikĩ Deusũ hatu yaniwama keska washanaiwẽ taea benimapaketi xinaĩ benimakubaĩkanikiki. Ha inũ, tsuabũra matũ txakabu xinaĩ huĩti nixma mã kashakatsis imisbuwẽ taeshũ Deusũ matũ huĩti xinã txãkãwã mã benimakũkaĩmiski.