Isaías 60:22 - Kaxinawá Bíblia (BR)

²² Mã yura itxapama shuku pishtabia pairã, 1.000ti tibi matu tanashãkanikiki. Mã itxapama pishtabia mã maewã tsekashanaii. Haska ẽ yubanirã, ea Senhor Deusũ akatsi ẽ txanini ishanikiki, hanu hatiãra tashniaitiã hawaira ikirã, haskashanikiki”, inikiaki.

Isaías 60:22 Referencias Cruzadas

Daniel 2:35

hawaira mane ferro inũ, mapu bawa inũ, mane bronze inũ, mane prata inũ, mane ouro ibubis tureke tureke iki mishpui keyushinaki, baritiã shekiwã trigo tsekatã manaũrishũ kata kata aka niwẽ hawẽ shaka sa abaĩkĩ txai bua hawa hawẽ shaka betsa dakama keskairã. Hakia mishkipã ha dami tu aka di iki mishpuaya hanubi ha mishki hawẽ shãtukũ ewakauani mati itamamatã dasibi mai hirabi atxi keyushinaki. Haska mĩ namashinaki, ha haskarã.

Daniel 2:44

Ha shanẽ ibubũ yunukubainaibutiã shanẽ ibubu betsabu keskama nai anu hiwea Deusũ shanẽ ibu betsa katukĩ yununika kayabi wakẽ tsuã hawẽ shanẽ ibu maema taskama ikũkaĩshanikiki. Shanẽ ibu betsabũ kushipa keyuaya na yununika kayabi niti ikama shanẽ ibupakeshanikiki.

Habacuque 2:3

Haska nama keskawẽ ẽ mia unãmai hawaira huamabiakẽ hanu huai katutã ẽ yunua txanima hushanikiki. Hakia hawa niti ikama hushanaiwẽ taea manayukubaĩshãwẽ.

Lucas 18:7

hamẽ Deusũ nuku merabewakĩ habũ matu txakabuwakatsi ikaibu nemairã, hawẽ xinã betsahairaki. Hawẽ katuabu Deusũ matu merabewakĩ bariri inũ mexu merã mã ea atã manaibu nĩkatã manama hawaira hatu nemakĩ matu pewashũmiski. Haskawẽ taea ea matũ Hutxi Kayabi Iuwa ẽ ana huaitiã habũ ea ikũwãkĩ henekubainabuma ẽ hatu betxituxishanimẽkaĩ?— iwanã,

Hechos 2:41

hanushũ ha shabatiã hawẽ hãtxa nĩkakĩ ikũwãkĩ xinã betsa waibu 3.000 yurabu naximabu hati ana hatubetã ikũwaĩ hatuki dasinibukiaki.

Hechos 5:14

Haskabiaibũ ana mirimabũ hatubetã hatũ Shanẽ Ibu ikũwaĩ huni itxapa inũ aĩbu itxapa hatuki dasikubainaibũ

Hebreus 10:36

Hamẽ matu akabumaki, bika tenemakinã. Haska Deus yubakani haska xinaĩ keskawẽ matu akaiburã, dateama binui hawẽ mestẽkubaĩkãwẽ. Mã haska tenekubaĩmisbuwẽ taeshũ haska Deus yubakaniwẽ matu manakua txanima mã uĩshanaii.

2 Pedro 3:8

Ẽ betsabu inũ ẽ puibuũ, eskakiriri ẽ matuwẽ nuiai xinãkubaĩkãwẽ. Shaba tanakĩ ano tanariai mã hawẽ dabanã ikũkaĩmiski. Hakia Jesus Cristõ haska xinaĩsmaki. Shaba bestitxai hawaira keyumis inũ 1.000 ano kabiaya nukũ Shanẽ Ibu hawẽ nuismaki. Ana hakimayamashãkãwẽ.

Apocalipse 7:9

Hanushũ ana uĩbaũkĩ yurawã hati tsuã tanatiruma ẽ uĩshu matu yuinũ nĩkakãwẽ. Nawabu mai pakea tibi anuabu inũ, yura betsa shukua tibi anuabu inũ, dasibi hãtxa tibi anuabu inũ, mae tibi anuabu Deus shanẽ ibu haki tsauti inũ txashuwã bakẽ besuuri habu nishũ tari hushupa txaipa saweshũ shẽpã tsuma nishũ