2 Coríntios 4:16 - Kaxinawá Bíblia (BR)

^16-18 Hawara bika shabakabi mekĩ nũ teneai hawaira keyushanaiwẽ nuiama haska Deusũ mekekĩ niti akama nuku habe hiwemashanai uĩriamabia xinãkĩ nũ uĩkatsis ikaii, ikibi ika hunea keskarã. Ha inũ, natiã na hiweawẽ nũ hiweairã, bikaixta nũ teneai hawama keskaki, hawaira hayabiatã keyumisrã. Hakia haska hawẽ taea nũ bika teneairã, Deusũ pewẽ kupikĩ nuku benimawatxakayamashanai akũhaira bikatsi nũ manaii. Haskakẽ nukũ yura ewanai babui mawabiaya bari tibi Deusũ nukũ hiwea tibi uke meranua nuku benawakubainaya punu nukai nũ txĩtũtirubumaki.

Kashinawa : Diosun Jesúswen taexun yuba bena yiniki

^16-18 Jawada bika xabakabi mekin nun teneai jawaida keyuxanaiwen nuiama jaska Diosun mekekin niti akama nuku jabe jiwemaxanai uindiamabia shinankin nun uinkatsis ikaii, ikibi ika junea keskadan. Ja inun, natian na jiweawen nun jiweaidan, bikaishta nun teneai jawama keskaki, jawaida jayabiatan keyumisdan. Jakia jaska jawen taea nun bika teneaidan, Diosun pewen kupikin nuku benimawa chakayamaxanai akunjaida bikatsi nun manaii. Jaskaken nukun yuda ewanai babui mawabiaya badi tibi Diosun nukun jiwea tibi uke medanua benawakubainaya punu nukai nun chintuntidubumaki.

2 Coríntios 4:16 Referencias Cruzadas

Salmos 27:13

Ea ẽ hiwekũkaĩmiswẽ taeshũ haska Senhor Deusũ hawenabu hawẽ duapa hatu uĩmakubaĩmis ẽ haki nukushanai ẽ unaiĩ.

Salmos 51:10

Ẽ Deusuũ, ana ẽ huĩti bena shũpĩ ea wakĩ ẽ yushĩ bena wakĩ ana ea txĩtũtimawawe.

Salmos 73:26

Ẽ hiwea dasibi yamashanikiki. Hakia mĩ ẽ Deusũnã, hawara mĩ ekiri yubakai tanani ikibi ika haya hatũ ẽ huĩti ea mestẽwã ẽ shinã txãkãkũkainaii.

Isaías 40:29

Punu nukabu ana hatu kushipa inãkĩ babubu merabewakĩ ana hatũ yura kushipa wamiski.

Isaías 40:31

Hakia tsuabura Senhor Deuski txiti ikaburã, ana kushipa bena hayakubaĩkanikiki. Kushikaini hawa punu nukatiruma inũ bai tanabaini hawa babutirubumaki, ixmĩ hawa peshukuama nuyakaunai keskairã.

Lucas 11:3

Ha inũ, nuku mekekĩ na habiatiã haska mĩ nuku ashuaĩ nũ piyunũ piti nuku inãkubaĩwẽ.

Romanos 12:2

Haska habũ ikũwãbuma natiã mai anu hiwe bestishũ hamapai tibi akĩ xinãmisbu keskakĩ ana xinãma hakia xinã betsa watã haska Deusũ matu hiwemakatsi ikai haska abuai besti tapĩkubaĩkãwẽ. Eska hiweirã, haska Deusũ abumis mã tapĩkubaĩshanaii, pepakinã, Deus benimawai kemutapakinã, kanei hawa txĩtuãmarã.

Romanos 7:22

Ẽ xinã uke merãwenã, Deusũ yunua besti abukĩ ẽ akatsi ikũkainaii.

1 Coríntios 15:58

Haskakẽ ẽ betsabu inũ ẽ puibuũ, hawara nukũ Shanẽ Ibũ matu yunua heneama akĩ mã hamẽ dayama mã unaĩwẽ taea Jesus txibaĩ txĩtuãma xinã betsa wama nukũ Shanẽ Ibuki shukua pehaira dayakĩ apakekãwẽ.

2 Coríntios 12:15

Matu anu hikitã matũ ibu keskakĩ matuwẽ nuihairakĩ matu merabewakatsis ikĩ ẽ hawara bikĩ dasibi ẽ pei putakĩ ẽ keyushanaii. Ha inũ, matu abuhairakĩ ẽ heneama ibiakũkainaya matunã, mã ea abu mirĩkĩ henekubaĩshanai?

2 Coríntios 4:1

Haskakẽ Deus nukuwẽ dabanã ikĩ hawẽ yuba benakiri nũ yusĩnũ ishũ nuku yununiwẽ taea hawẽ babui punu nukai nũ beshtekeisbumaki.

Efésios 3:16

Deus matu yukashũkinã, hau hawẽ xinã ewapa keyuisma matu anu yunukĩ hawẽ Yushĩ Pepawẽ matu kuxipa wakĩ hau matu mestẽwãmakubainũ ẽ matu ashũkubaĩmiski.

Efésios 4:23

Matũ xinã bena watã haska Deusũ abukĩ matu katumai besti xinãkãwẽ.

Colosenses 3:10

Tari bena sawea keska wakĩ matũ hiwea mã ma benawaki. Matũ hiwea ma benawairã, haska Deusũ abumis keska hiweshũbaĩkãwẽ, hatũ matu damiwani keskairã. Haskakĩ itxapa mã hakiri unãshanaii.

Tito 3:5

Nukubũ hawa wakĩ nũ peshunamabia hawẽ nui pepas hawa husiamawẽ nuku mekekĩ piskumaniki, nukũ txakabu txuka keska wakĩ. Nuku ana kaĩ bena wakĩ hawẽ hiwea bena nuku inãniki, hawẽ Yushĩ Pepawenã.

1 Pedro 3:4

Hakia haskai bemakis bestima matũ huĩti uke merã matũ xinã duapa betsaisma haska matũ yushĩ ha pepa hawẽrua duapai huĩti pepaya mã kũyã ismakenã, haskawẽ hawẽruati Deusũ abumisrã, keyuismaki.

1 Pedro 4:14

Ha inũ, mã Cristokiri yusĩkubainaibuwẽ taeshũ haska abuama tsuabura matuki sinatai ha ikaibuwẽ taea mã ma Deusũ pepa haya hawẽ benimakubaĩkãwẽ, Deusũ Yushĩ Pepatũ matu merãshũ matu henebainama hawẽ kuxipa matu uĩmakubainikikirã.