Isaías 11:4 - Kaxinawá Bíblia (BR)

⁴ Hakia nuitapai babubu hatu merabewakinã, yunuti pepa kushipawẽ hatu unãti wakĩ haska betsabũ hatu itxakawaibu hatu nemashũkĩ ha nuitapaibu hatũ mai pakea anua hatu pewashũshanikiki. Hawẽ hãtxa mestẽti kushipa keskawẽ mai anushũ habũ hatu detenamemaibu hatu kupishanikiki. Hawẽ hãtxa kushipawẽ huni txakabubu hatu tenãshanikiki.

Isaías 11:4 Referencias Cruzadas

Jó 4:9

Ha yurabu haskaburã, Deus hatuki sinatahairakĩ hatu shũ akĩ Deusũ hatu yamahairawamiski.

Salmos 110:2

Sião anushũ Senhor Deusũ hawẽ shanẽ ibu unãmati mane mestẽti mĩ hawẽ kushipashanai mia inãshanikiki. Bitã miki sinataibu maemakĩ hatu yunukubaĩwẽ!

Salmos 2:9

Mane mestẽti tsumashũ shanẽ ibu kushipa dasibibu mĩ hatu yamawashanaii, haska mai kẽti wanikatũ hawẽ kẽti txakabukẽ ibuã pusamis keska wakinã’ ”,

Isaías 1:17

Pepa besti atikiri tapĩrikãwẽ! Tsua ana parãtima menã pepati hawaira benakãwẽ! Hatu itxakawaibu hatu merabewakãwẽ! Yunuti hãtxawẽ taeshũ bake ibuuma hatu itxakawama hatu merabewa bestikubaĩkãwẽ! Beneyabiani ana beneumabu hawẽ hiweawẽ bika teneai merabewai hãtxashũkubaĩkãwẽ!” itã

Isaías 2:4

Hanushũ nawa shukua tibi Senhor Deusũ unãti wakubaĩshanikiki, ha yurabu itxapahairabu hawawẽra ha imisbu haratura pepa inũ haratubũra kaneaibu unãtã hatu pewakinã. Hatu haska wa hanua habu maei betsairã, hatũ nupe kenu txaipabu betsa wakĩ hawẽ mai tsispubirãti washãkanikiki. Ha inũ, hatũ txatxiti betsa wakĩ teshki matxatu washãkanikiki. Ha haskaibutianã, ha yurabu ana hatũ detenameti mabu betsawẽ ana tsuabe detenameama ishãkanikiki. Ha inũ, detenametikiri ana tsuã hatu yusiãma ishanikiki.

Isaías 32:1

Uatiã shanẽ ibuhaira bena shanẽ ibuirã, yunua pepawẽ yunushanikiki. Hawẽ shanẽ ibu beshmasbu shanẽ ibushũkinã, yunuti kushipa pepawẽri ishãkanikiki.

Isaías 32:7

Ha yurabu atimapai daya peisbuma matxupakĩ hatu parã bestikĩ hawarawẽ kemuti watã hatu hawẽ atximisbuki. Nuitapaibu hatu parã paepa watã ana hatu txakabuwamisbuki. Hawa hayabuma: “Yunuti kushipawẽ ea merabewakĩ ashũwẽ”, ibiaibũ hatu parã bestimisbuki.

Isaías 33:22

Ha shashuwã natxãkãki hawẽ dispi tibiki ha tari haki pũtea niwe bekĩ ana pũtes wamawẽ taea ha tari pea pea itiruma ishanikiki. Hatũ shashuwã ana harakiri katirumakẽ haki inatã habu nukuki sinatamisbũ mabu pepa dasibi mapematã mabu nũ pashkaibũ bekũbu inũ tekeyabũri habuna bishãkanikiki. Ha haskaibutianã, Senhor Deusrã, nukũ Shanẽ Ibu inũ, nukũ unãtinanika inũ, nukũ hãtxa pewatã txibãmanika ishanaiwẽ taea hatũ nuku piskumashanikiki.

Isaías 40:7

Shanẽ Ibu Senhor Deusũ hatu mamakishũ shũ akaya basi txushi inũ hua utsi shanamiski. Yuraburã, txanimahaira basi keskabu bestiki.

Isaías 49:2

Ẽ hana betsa wakĩ ẽ hãtxa nupe txaipa kenuhaira keska ea waniki. Hawẽ mekẽwẽ mekekĩ hunekĩ ea aruniki. Pia kenu dabeya keska ea watã hawẽ pia aruti kapãkã merã ea aruniki.

Isaías 61:1

Haskaya Senhor Deusũ ea katukĩ sheniwẽ ea mauka keska wakĩ hawẽ Yushĩ kushipa ea hikimatã ea yunukĩ: “Nuitapaibu hatu shinã txãkãwaĩ kaka pepa hatuki txanitãwẽ. Bika teneaibu hatu merabewatãwẽ. Hatu nãta iyukĩ tsuma wabainibu keska inũ hatu bitxinibu keska haska wakĩ ẽ hatu unanuma hiwematiru hatuki txanitãwẽ, haska wakĩ ẽ hatu pekatirurã.

Isaías 9:7

Ha yumetã tsauirã, Davi shanẽ ibuni anu tsaushanikiki. Shanẽ ibuhairakĩ hawẽ kushipawẽ mai hirabi anu shanẽ ibukĩ tsuma keyubaũshanikiki. Hawẽ unanuma hiweaibu keyuama inũ hawẽ yunuti kushipa keyuama ipakeshanikiki. Ha shanẽ ibuhairairã, mestẽ tsuã maewakĩ tsekatiruma habias ipakeshanikiki. Deus kushipahaira dasibi binua hawẽ nui pae tsuã nuka watirumatũ nuku haska washũshanikiki.

Malaquias 4:6

Elias hushũ epabu inũ habũ huni bakebu sinatanameaibu pewakĩ hatu daenamemakubaĩshanikiki, hatũ shinã betsa wamakinã. Hamẽ Elias hushũ matunabu yusĩkĩ pewamakẽ hakia ea kayabis hushũ matũ mai pakea dasibi kupikĩ ẽ matu yamawakĩ keyui hushanaii”, akĩ Senhor Deusũ hatu yui txani keyunikiaki.

Mateus 11:5

Bekũ inũ beshushbũ uĩaĩbu inũ, haska mapuisbuma mapuaibu inũ, habu bitxiki dasibi txami betsaniki dakemisbu maĩ sakara iki keyuaibu inũ, patabũ nĩkakĩ keyuaibu inũ, mawa ana besteaĩbu inũ, habu nuitapaibũ hatũ pashati kakape nĩkatã benimaiburã, haska João yuitãkãwẽ.

Mateus 5:5

—Ha inũ, tsuabura xinã pepaya keĩsbuma Deusũ mae pepa hatu yubani hatu yunushanai xinaĩ benimakubaĩkanikiki.

Hechos 9:1

Hanua habiatiãri Shanẽ Ibu Jesus ikũwaĩbuki pubẽkĩ Saulõ hatu itxakawakĩ tenãkĩ heneriama haskawẽ taea Deusbe hawenabu hãtxashunika shanẽ ibuhaira hatu binua anu Saulo kashũ

2 Coríntios 10:1

Haska bestibu mã ekiri hãtxamis ẽ Paulõ ẽ matu yuiai ea nĩkairakãwẽ. Matu anushũ betsabũ yuikĩ: “Paulo nukube hiwea hãtxahairaisma yunuama unãshubira nuku hãtxa wabiamis txaikeshũ nuku keneshũkĩ hãtxa kuxipawẽ yunukĩ nuku ha amiski”, iwanã, mã ea yuãbiamisbũ haska duapakĩ ẽ xinãmis matu yuinũ nĩkairakãwẽ. Haska mã yuibiaya hãtxa kuxipawẽ ẽ matu kũyã atirubia haska duapakĩ unãshubira Cristõ yurabu yusĩkubaini keska wakĩ hãtxa shãkamawẽ yuikĩ matu kũyã akatsi ikama matu anu ẽ ana kakẽ habũ ea shenĩkamisbu ẽ hatube hãtxakatsi ikamaki. Hatũ xinã betsa wamakĩ hau ana hamakiri xinãtxakayamanũbũ hatu meshtãmakãwẽ.

Gálatas 5:23

babutã hãtxaisma inũ shetxakaismarã, hamebi hawẽ yura pe mekemisrã. Mã haskakũkainaiwẽ taeshũ Moisés yusĩawẽ tsuã matu hawa nematirubumaki.

2 Tesalonicenses 2:8

Hanua ha huni txakabu tashnikẽ nukũ Shanẽ Ibu Jesus dasibi hawẽ txasha kuxipaya hukirã ha huni txakabũ kuxipa mebĩkĩ paismawatã hawẽ hashpawẽ shuũ akĩ kupikĩ tenãshanikiki.

Tito 3:2

Tsuakira hãtxa txakabukĩ hau yuiyamakubainũbũwẽ. Ha inũ, duapa besti inũ pepahaira bestikinã, hatuwẽ nuikĩ huĩti babutã dasibibu hatu haibuwakĩ hau hatu uĩmakubainũbũwẽ.

Santiago 3:13

Eskai unãnepa kayabi mã hiwetiru matu yuinũ nĩkairakãwẽ. Txanima matubu hatiribũ Deusũ hãtxa unãhairakĩ mã nĩkahairakubainaibunã, kaneama yurabu matũ xinã pe hatu uĩmai pehaira hiwekubaĩkãwẽ. Mã haska hiweabu hawara pe mã akubaĩmis xinãkĩ ana yuiama duapa bestikĩ haska Deusũ xinãwẽ babutã unãnepahairakĩ shabakabi yura betsabu mã hatu uĩmatirubuki.

Apocalipse 1:16

Ha inũ, hawẽ mekẽ yusiuri sete bixi tsuma inũ, hawẽ hashpanu nupe detenameti txaipahaira kenu dabeya tukuã hayaki. Ha inũ, hawẽ besu bari keska txashakĩ shabawaki.

Apocalipse 19:11

Hanua nai bepemanaya shanẽ ibu hawẽ kena Txanima Hãtxa Kaneisma cavalo hushupaki katsauwa ẽ uĩshu matu yuinũ nĩkakãwẽ. Shanẽ Ibu pepatũ yurabu unãti wai hatube detenamẽnũ ika ikairã,

Apocalipse 19:15

Ha Shanẽ Ibu kairã, shanẽ ibu yununika mane kuxatia inũ hawẽ hashpa anu nupe txaipa kenuhaira kaĩa tukũwã hawẽ habũ Deus nĩkaisbuma mai hirabi anuabube hatube detenamei kairã, haskawẽ taea ha Shanẽ Ibu kayabistũ hamebi ha hatuki Deus sinatai hatu uĩmakĩ haska uva vinho tsinikĩ pema pema amisbu keska wakĩ Deus kuxipa binu keyuatũ hawẽ pubẽ pae hatu memai kaikiki.

Apocalipse 2:16

Mã hatiri haskabia Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Tsuara haskabumakẽ samama hatu anu kashũ habũ txakabuwaibu kupikĩ na ẽ nupe txaipa ẽ hashpanu ẽ tukuãwẽ ẽ hatube detenamei kashanaii.